Македонија
Груевски: Народот ќе му каже „Не“ на Заев
Во недела следи уште една голема референдумска победа, победа за Република Македонија, најави лидерот на ВМРО-ДПМНЕ, Никола Груевски, во вторник вечер од митингот во Делчево.
„Сите ние поминавме еден тежок период и сценарио од страна на СДСМ, а сега веќе се е јасно и не може да се справи со народот кој знае да расудува, народ кој знае да каже „Не“ на сценариото на Заев. Сега веќе е јасно и сите знаеме дека тој си направил договор и го потценил својот народ само за да дојде на власт, но народот се освести, народот веќе знае да процени кое е сценариото на Заев. А тоа е дека тој сака да ја промени уставноста, јазикот и државата“, рече Груевски.
„Тој ги лажеше два милиони граѓани дека има фантомски гласачи во Македонија, тој со тоа сценарио го потцени својот народ и народот ќе го казни на 11 декември. Овој народ е свесен за важноста на својата држава и не може некој како Зоран Заев да ја лаже целата држава. Сакам да порачам на сите кои ќе излезат на гласање да си го постават прашањето дали може народот да му верува на тој, дали може тој да ја води нивната држава, затоа секој кој планира да гласа за Заев само нека помисли дали може на тој човек да му се потпре и да му верува“, истакна Груевски.
Груевски смета дека СДСМ се фокусирани на лаги, а особено им забележа дека се служат со лаги преку бројки, со кои ветуваат подобрување на животниот стандард.
„СДСМ сега се фокусирани на што повеќе лаги, а неколку од лагите најчесто ги повторуваат како за повратокот на ДДВ во износ од 500 евра, а тоа значи дека граѓаните треба да земаат плата од 2.000 до 2.500 евра за да им се враќа ДДВ во износ од 30.000 денари, а во Македонија таа плата е невозможна. Таков човек не може да дојде на власт и граѓаните нема да го дозволат тоа, затоа што знаат тоа што го прави со рекетот ќе го прави и секаде во Македонија, затоа што знаат дека тоа што го прави со тендерите во својата општина ќе го прави насекаде низ нашата држава. Исто така голема лага е и неговото ветување за зголемување на просечната плата на 30.000 денари, како и минималната плата на 16.000 денари. Тој може да лаже колку сака, но треба да најде луѓе кои ќе му веруваат, а такви има се помалку, бидејќи луѓето се потсетуваат дека тој е единствен човек кој не бара да му се поништи аболицијата и тоа е само заради тоа што прогласи дека е политичка жртва на прогон поради направениот криминал во неговата општина Струмица. Тој зборува дека ќе донел многу инвестиции и дека немало да си одат младите од нашата држава, а дури и би ги враќал нашите од странство“, рече Груевски.
Тој исто така потенцираше и дека Заев бара ако не победел на избори да продолжи кризата и дека доколку не се осовјат 63 пратеника ДУИ и ДПА ќе сакаат да го предложат следниот премиер на Владата на Македонија. „Гаранција за мирна држава се само 63-те пратеници кои ги бараме ние“, вели Груевски./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Димитриевски до Пендаровски: Разликата е огромна, откажете се од оваа битка и оставете нè да победиме во вториот круг
Денеска ЗНАМ заедно со сите свои пддржувачи ја испишува новата политичка историја на македонската политичка сцена, рече вечерва претседателскиот кандидат на ЗНАМ, Максим Димитриевски. Иако е јасно дека не влегува во вториот круг, Димитриевски првиот круг од изборите го смета за голем успех.
„Можам да потврдам дека се роди третата политичка сила во македонскиот политички блок во државата која што имаме намера во следниот период дополнително да ја потврдиме и надградиме, со цел еден ден граѓаните да имаат можност да изберат нешто ново“, рече Димитриевски.
На противкандидатите им честиташе за успехот и се заблагодари на можноста да води кампања за која рече дека не била еднаква за сите оти законот кој е во сила не дава еднаква можност за медиумско претставување на сите партии.
Рече дека е горд на секој глас што го добиле како партија регистрирана пред само три месеци.
„Факт е дека јас како кандидат и ЗНАМ освоивме повеќе од 80.000 гласови. Регистриравме субјект кој постои нешто повеќе од три месеци и со граѓанската поддршка се етаблираше на трето место во политичкиот блок. Сметам дека тоа е одличен појдовен резултат за понатамошна борба. Јас не се сеќавам дека во историјата на плурална Македонија имало вакви примери, да имате партија со некаде три и пол илјади членови, а да освоите над 80.000 гласови. Искрено сум горд на секој тој еден глас што дојде, како поддршка за мене и ЗНАМ. И покрај тоа што трендовите се тие, десницата добива, а левицата губи, единствено десницата доживеа пораз во бастионот на асномска Македонија, а тоа е Куманово“, рече Димитриевски.
Порача на сите политичари дека треба да учат од овие избори оти граѓаните дале јасна насока каде сакаат да се движи државата, а посебна порака упати до Стево Пендаровски, кој освои повеќе 100.000 гласови помалку од Гордана Сиљановска-Давкова.
„Почитуван мој претседателе, разликата е огромна. Доколку сакате да опстане централната и левата идеја во државата, откажете се од оваа битка и оставете не да победиме во име на граѓаните во вториот круг“, порача Димитриевски.
Кога ќе завршат парламентарните избори, Димитриевски е уверен дека ЗНАМ ќе биде политички фактор за стабилност во државата без кој нема да може да се формира идната влада. Најави дека кога ќе ги почнат преговорите за формирање парламентарно мнозинство, на сите политички партии ќе им ги испорачаат нивните предлози за црвените линии на македонскиот народ.
Македонија
ДИК: Сиљановска Давкова освои 324 177, Пендаровски 161 393 гласа по обработени 89,97 отсто
Стево Пендаровски освои 161 393 гласа, 19,90 отсто, Гордана Сиљановска Давкова 324 177 односно 39,97 отсто од гласовите, Стевчо Јакимовски освои 7.499 односно 0,92 отсто од вкупниот број на гласовите.
Кандидатот Бујар Османи освои 110 903, односно 13, 68 отсто, Билјана Ванковска 35.949 односно 4,43 отсто од гласовите, Арбен Таравари 78.110 илјади односно 9,63 отсто, Максим Димитриевски 70,996, односно 8,75 отсто од гласовите се резултатите од обработените 89,97 отсто од гласовите, извести претседателот на Државната изборна комисија, Александар Даштевски.
Тој додаде дека изборниот процес поминал мирно и достоинствено и смета дека 99 отсто работите поминале како што треба.
Македонија
Касами: Добитници на овие избори сме ние, ДУИ има купено гласови
„Влен“ е легитимен претставник на Албанците и ги доби гласовите на Албанците, изјави Билал Касами на прес конференција.
„Добитници на овие избори сме ние, коалицијата „Влен“. ДУИ има купено гласови од загрозените гласачи кои имаат потреби од пари. „Влен“ ги доби гласовите на Албанците, вели Касами.
„ДУИ го загуби последниот легитимитет да зборува во име на Албанците, затоа на 8 мај ние ќе победиме. Овој резултат и во мандати не е голема разлика со ДУИ и на 8 мај овој резултат ќе биде во наша полза. ДУИ успеа да ја загуби последната можност, еден кандидат Албанец да биде избран на директни избори во 2024 година. Тие ќе бидат запишани со црни букви во историјата на албанскиот народ во Македонија. Ако биле заинтересирани Албанец да оди во вториот круг сигурно ќе беа координирани со нас и ќе беше возможно да биде избран Албанец. Затоа мислиме дека вредеше оваа борба“, рече Касами.
Тој се заблагодари на сите што го гласаа кандидатот Арбен Таравари и додаде дека ДУИ има изгубено гласови од помалите етнички заедници и од загрозените граѓани.
Таравари кажа дека коалицијата подоцна ќе разговара за тоа кому ќе ги даде гласовите во вториот круг на претседателските избори.