Македонија
Груевски: Сакавме да ја примиме мајката на Мартин Нешкоски, демонстраните ја злоупотребија ситуацијата
Премиерот Никола Груевски и министерката за внатрешни работи, Гордана Јанкулоска донеле одлука да ги примат мајката и братот на убиеното момче Мартин Нешкоски, но демонстрантите ја злоупотребиле ситуацијата, изјави Груевски во интервју за Канал 5.
„Веднаш донесовме одлука да бидат примени и заради таа одлука Министерката за внатрешни работи издаде наредба на командирот да ја отворат една од тие заштитни шипки за да може мајката да влезе. Тоа беше злоупотребено од другите, затоа што толпа народ навлегоа и се растури целата ситуација. Нема никаков проблем да биде примена дали од мене или од министерката“, изјави Груевски.Сомнеж во искреноста на намерите на мајката на Нешкоски фрлило тоа што побарала да биде примена во Владата во присуство на новинари, активисти на невладини организации, демонстрнати. Според Груевски, ако сакалада се сретне со премиер, министер за внатрешни работи или друг висок функционер немало потреба да носи со себе демонстранти и други активисти.Според него, протестите биле однапред планирани бидејќи дошле подготвени луѓе, со готови банери, транспаренти, реквизити. „Станува збор за партиски активисти и членови на СДСМ, од прилика околу 1.500 до 2.000 луѓе, меѓу кои имаше и други луѓе, коишто се најчесто сторители на кривични дела и во други настани, дел од некои навивачки групи, коишто во секоја слична прилика кадешто има настан, кадешт има тензии, прават нереди, прават насилство. Полицијата реагираше мошне професионално. Истрпи многу, ги маваа со што ќе стигнат. Луѓето стоеја со штитови пред себе. Неколки часа ги маваа со шипки на којшпто има клинци, со цел да ги повредат. Ги маваа со камења, ги маваа со различни други предмети, издржаа огромна и многу тешка ситуација и морам да им честитам на полицајците за мошне сталожениот став. Имаше и луѓе кои мирно си протестираа, но имаше и стотина кои насилно протестираа. Снимките тоа ќе го покажат денеска. Сите ќе се уверат кој фрлаше камења, кој фрлаше шипки по полицијата, има 38 повредени полицајци“ вели Груевски.Снимките кои што ги објави опозицијата со аудио разговори од високите функционери во коишто се слушаат разговори на високи функционери, според Груевски, иако биле сечени и креирани покажале дека полицијата навистина немала информации дека се случилло убиство.„Прво, во првите моменти, во првите 10-15 часа МВР навистина не било информирано затоа што никој не го пријавил случајот во Министерството за внатрешни работи вклучувајќи го и семејството на загинатото дете. Ова го кажувам затоа што на почетокот имаше шпекулации дека МВР крие, дека знаеле но дека сакале да го скријат убиството. Од овие разговори колку и да сечеле, колку и да монтирале пак се гледа дека луѓето во МВР навистина не биле свесни во првите часови што се случило. Второ кога станале свесни, реакцијата и на луѓето во МВР и на сите тие што комуницираат сонив е што побрзо да се најде сторителот и да се изведе пред лицето на правдата и тоа да биде час порано за да се види една брза реакција на министерството“, изјави Груевски.Синоќешните протести пред Влада завршија со повредени полицајци и демонстранти и приведени лица. За попладнево повторно се најавуваат протести пред Влада./крај/мф/ффс
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Митрески: Ги зголемуваме субвенциите за енергија на 120 илјади денари за домаќинства, ранливите потрошувачи ќе добијат поголема поддршка
„Енергетската независност на Македонија е значаен приоритет за СДСМ и за Коалицијата за европска Макединија. И во време на најголемата енергетска криза, граѓаните не го почуствуваа недостатокот на светскиот пазар, затоа што водевме мудри политики и обезбедивме енергија за целата држава. Во наредниот мандат гарантираме зголемување на вкупното домашно производство на енергија за најмалку 70 проценти во однос на 2019 година, со што ќе бидеме енергетски независни“, изјави Јован Митрески, носител на ИЕ 5 за СДСМ и Коалицијата за европска Македонија.
Тој најави дека во наредниот мандат ќе биде зголемен капацитетот на обновливи извори на енергија за најмалку 100 проценти, а еден милион граѓани ќе добиваат енергија од обновливи извори.
„Ги зголемуваме субвенциите од 80 илјади на 120 илјади денари за домаќинства, ги зголемуваме мерките за заштита на правата на ранливите потрошувачи на енергија. Воведуваме забрана за изградба на нови мали хидроцентрали“, додаде тој.
Митрески најави и дека ќе продолжи поддршката на бизнисите, преку 180 милиони евра директна финансиска поддршка на домашните компании за инвестиции во производството и 3,5 милијарди капитални инвестиции и гарантираме стабилна даночна политика.
„Воведуваме 0 проценти данок на личен доход за минимална плата, како и по 200 евра за во првите 12 месеци за секое прво вработувањ на лица до 26 години. Планираме инвестиции од над 2,7 милијарди евра, за модернизација на инфраструктурата во сите општини, квалитетна инфраструктура е предуслов за растечка економија и повисок животен стандард“, додаде Митрески.
Македонија
Сајкоски: Во програмата „Платформа 1198“ за Битола предвидено е изградба на обиколница што ќе ја поврзува со Грција
Битола и битолчани ќе бидат во фокусот на идната влада предводена од ВМРО-ДПМНЕ.
За Битола се предвидени многу инфраструктурни проекти. Во новата програма „Платформа 1198“ за Битола е предвидено да се изгради обиколница што ќе ја поврзува со Грција. Предвидено е да се изгради автопат кој што ќе поврзува Битола со Прилеп, а исто така предвидено е да се изгради патот Градско-Прилеп, со тоа што Битола ќе биде поврзана инфраструктурно и ќе има добра можност за економски развој, рече Ѓорѓија Сајкоски, генерален секретар на ВМРО-ДПМНЕ и носител на изборна единица 5.
Исто така, додаде Сајкоски, предвидено е реконструкција и рехабилитација на патот Кичево-Охрид, подобрување на патната инфраструктура кон Ресен, а во програмата на ВМРО-ДПМНЕ „Платформа 1198“ предвидено е подобрување на железничката инфраструктура.
Како што рече Сајкоски, со ова, Битола ќе добие можност за економски раст и развој, можност за подобра иднина на сите, и за младите и за возрасните.
– Битола ќе го добие процутот онаков каков што треба да го има низ годините. Битола ќе биде економски центар во регионот, рече Сајкоски.
Македонија
Ковачки: Со Платформата 1198 ќе го развиваме истокот на Македонија, изградба на Клиничката болница и обиколница во Штип како и поврзување со Струмица
Полека се враќа ентузијазмот кај нашите граѓани, сите се приклучуваат на идејата за Твоја Македонија и сите ни се приклучуваат на ВМРО-ДПМНЕ. Со Платформата 1198 планираме да го развиваме истокот на Република Македонија, планираме изградба на Клиничката болница во Штип, планираме обиколница околу нашиот Штип и секако планираме физибилити студија, изработка на проект за поврзување на Штип со Струмица. Како што работи успешно нашиот градоначалник во Штип, така планираме да работиме и ние на централно ниво, рече Драган Ковачки, член на ИК на ВМРО-ДПМНЕ и носител на Изборна единица 3.
– Ги повикувам сите граѓани масовно да ни се приклучат на 24 април да го дадат својот глас за број 2 за Гордана Силјановска Давкова да биде претседател на Македонија, а потоа на 8 мај за Христијан Мицкоски и во Изборна единица 3 да освоиме една голема победа за ВМРО-ДПМНЕ и за Република Македонија, рече Ковачки на средба со граѓаните.