Македонија
Иванов прекршил закони и Устав со аболицијата, но ја одбранил земјата од мигранти
Опозицијата, во четврток, на првата седница на Комисијата за утврдување на оправданоста за поведување постапка за отповикување на претседателот Ѓорге Иванов, аргументираше, дека тој, со аболицијата на 56 политичари и нивни соработници прекршил повеќе законски и уставни норми, а власта го бранеше сметајќи дека тој застанал на браникот на државата и не дозволил бегалската криза да ескалира.
Пратеничката од СДСМ Рената Дескоска, рече дека постапката за импичмент има за цел враќање на принципите на одговорност, правичност, правда и еднаквост.„Одговорност на оваа комисија е дали е ќе го одбрани Уставот од противправните акти преземени од претседателот или комисијата ќе остане нем набљудувач на кршењето на овој акт донесен од граѓаните. Ние сме тука да го одбраниме Уставот, бидејќи кршење на Уставот е кршење на волјата на граѓаните“, рече Дескоска.Објасни дека политичка криза која произлегла од криминалното работење на власта не може да биде решена со помилување.„Правната одговорност произлегла од фактот што тој злоупотребувајќи ја својата функција и злоупотребувајќи ги надлежностите како претседател спротивно на законските норми донел одлука за, како што тој вели, општ прекин на сите кривични постапки против политичари и нивните соработници. Со овие одлуки Иванов прекрши неколку одредби од Уставот“ – рече Дескоска.Според неа, прекршени одредбите кои се однесуваат на заштита на темелни вредности на уставниот поредок како владеење на правото и поделбата на власта, членот 9 кој забранува дискриминација по основ на општествена положба, членот 68 став 1 кој предвидува надлежност на Собранието да дава амнестија, член 84 што ги предвидува надлежностите на претседателот на РМ и членот 106 кој ги предвидува надлежностите на јавното обвинителство.„Иванов даде 107 помилувања на 56 лица, некои беа помилувани и по 16 пати. Со својата масовност и опфат на лица и дела неговите акти се всушност давање амнестија. Тој дури и во својот говор одржан на пре сконференција истиот ден го користи исклучиво зборот амнестија. Ниту еднаш не го употреби зборот помилување или аболиција туку само амнестија. На сите им е познато дека амнестијата е во надлежност на Собранието, а не на претседателот на државата. Иванов си присвои овластувања што Уставот го резервирал за Собранието. Со тој упат Иванов го прекрши членот 8 став 1 алинеја 4, односно начелото на поделба на власт, членот 68 став 1 кој предвидува надлежност на Собранието да дава амнестија, член 84 што ги предвидува надлежностите на претседателот на РМ“, рече Дескоска. За тоа дека е прекршено начелото на владеење на правото, Дескоска агрументира дека наводната основа согласно која ја носи оваа одлука, беше укината со измени од 2009 година со што законот не дава претседателот да врши помилување без претходно спроведена постапка. „Но дури и да постоел членот 11 Иванов повторно би одговарал за негова злоупотреба бидејќи според тој член може да дава помилување беа претходна постапка по исклучок, а 107 помилувања не може да се смета за исклучок“, рече Дескоска.Појасни и дека со одлуката на Иванов се прекршува и забраната за дискриминација врз основ на општествена положба бидејќи во неговата одлука е предвидено лицата да се политичари и нивните соработници, со што привилигира одредена група врз основ на недоволен критериум општествена положба.Иванов го прекрши начелото на владеење на правото и на поделба на власта, смета опозицијата бидејќи со неговата одлука практично го онеспособи СЈО да ја врши својата надлежност и изврши упад и во судската и во законодавната власт. Според пратеникот Крсто Мукоски од ВМРО-ДПМНЕ, опозициската СДСМ се држи до формата, а не до суштината, а тоа го прави затоа што поднесува неидржани предлози.„Барањето е целосно неиздржано, вршите атак врз институцијата претседател на државата, ова е последен чин во вашата драма за уривање на државата. И после одлуката за помилување претседателот на државата според анкетите има поддршка од 53 отсто од граѓаните без разлика на верска и етничка припадност“, рече Мукоски.Според него, Иванов е заслужен што во земјава не се создале поголеми проблеми поради бегалската криза и појасни дека укинатиот член 11 од Законот за помилување е вратен.Талат Џафери од ДУИ рече дека со одлуката за Иванов е повредено начелото на поделба на власта и затоа смета дека има можност да се поведе постапка за испитување на неговата одговорност. „За одлуката да помине треба двотретинско мнозинство па ќе видиме кој како ќе гласа“, рече Џафери.Комисијата продолжува со работа и во петок, а следната недела треба да подготви предлог-одлука за тоа дали е издржано барањето на опозицијата за импичмент. Потоа дискусијата ќе се префрли на пленарна собраниска седница. Ако Собранието го поддржи барањето на СДСМ по одлуката ќе треба да се изјасни Уставниот суд./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Сервисни информации
Променливо облачно со повремени врнежи од дожд, а на планините со повремен снег
Времето денеска ќе биде, променливо облачно со повремени врнежи од дожд, а на планините со повремен снег.
Локално, врнежите ќе бидат поројни, проследени со појава на ретки грмежи. Ќе дува слаб до умерен ветер од северозападен правец. Минималната температура ќе биде во интервал од 5 до 10, а максималната ќе достигне од 11 до 18 степени.
Во Скопје променливо облачно со повремени врнежи од дожд. Кон крајот на денот врнежите ќе престанат. Ќе дува слаб до умерен ветер од северен правец. Минималната температура ќе се спушти до 8, а максималната ќе достигне до 15 степени.
Од петок следува период на претежно стабилно и потопло време со пораст на температурите на воздухот.
Скопје
Осум скопски општини денеска без струја
Според добиеното известување од ЕВН Македонија АД, Регионалниот центар за управување со кризи-Град Скопје, информира дека, поради планирани технички зафати во електро дистрибутивната мрежа, денеска без електрична енергија ќе останат неколку скопски општини.
· Во периодот од 08:30 до 14:00 часот, дел од корисниците на ул.Максим Горки, реон Дом на градежници (општина Центар).
· Во периодот од 09:00 до 14:00 часот, поголемиот дел од потрошувачите на ул.Ринхини.(општина Ѓорче Петров)
· Во периодот од 09:00 до 10:30 часот, корисниците од с.Визбегово, дел од с.Мирковци, Бразда, Глуво, Чардак, Оризари.(општините Бутел, Шуто Оризари и Чучер Сандево)
· Во периодот од 09:00 до 15:00 часот, корисниците од ул.Кавалска.(општина Кисела Вода)
· Во периодот од 09:00 до 12:00 часот, корисниците на пат за Долно Лисиче, од Кодакопласт, кон Паци Петрол до реката, од Св.Петар и Павле по патот кон Долно Лисиче.(Аеродром)
· Во периодот од 09:00 до 10:00 часот, корисниците од дел од ул. 4031, село Марино.(општина Илинден)
· Во периодот од 09:00 до 13:00 часот, корисниците на дел од бул.Борис Трајковски (од Техноскоп до кружниот тек пред Драчево).(општина Кисела Вода)
· Во периодот од 10:30 до 12:00 часот, корисниците од с.Сандево, Бањане, Горњане, Дел од с.Мирковци.(општина Чучер Сандево)
· Во периодот од 13:00 до 15:00 часот, дел од корисниците на ул. Исаија Мажовски и Воин Драшкоци.(општина Ѓорче Петров)
Македонија
Димитриевски до Пендаровски: Разликата е огромна, откажете се од оваа битка и оставете нè да победиме во вториот круг
Денеска ЗНАМ заедно со сите свои пддржувачи ја испишува новата политичка историја на македонската политичка сцена, рече вечерва претседателскиот кандидат на ЗНАМ, Максим Димитриевски. Иако е јасно дека не влегува во вториот круг, Димитриевски првиот круг од изборите го смета за голем успех.
„Можам да потврдам дека се роди третата политичка сила во македонскиот политички блок во државата која што имаме намера во следниот период дополнително да ја потврдиме и надградиме, со цел еден ден граѓаните да имаат можност да изберат нешто ново“, рече Димитриевски.
На противкандидатите им честиташе за успехот и се заблагодари на можноста да води кампања за која рече дека не била еднаква за сите оти законот кој е во сила не дава еднаква можност за медиумско претставување на сите партии.
Рече дека е горд на секој глас што го добиле како партија регистрирана пред само три месеци.
„Факт е дека јас како кандидат и ЗНАМ освоивме повеќе од 80.000 гласови. Регистриравме субјект кој постои нешто повеќе од три месеци и со граѓанската поддршка се етаблираше на трето место во политичкиот блок. Сметам дека тоа е одличен појдовен резултат за понатамошна борба. Јас не се сеќавам дека во историјата на плурална Македонија имало вакви примери, да имате партија со некаде три и пол илјади членови, а да освоите над 80.000 гласови. Искрено сум горд на секој тој еден глас што дојде, како поддршка за мене и ЗНАМ. И покрај тоа што трендовите се тие, десницата добива, а левицата губи, единствено десницата доживеа пораз во бастионот на асномска Македонија, а тоа е Куманово“, рече Димитриевски.
Порача на сите политичари дека треба да учат од овие избори оти граѓаните дале јасна насока каде сакаат да се движи државата, а посебна порака упати до Стево Пендаровски, кој освои повеќе 100.000 гласови помалку од Гордана Сиљановска-Давкова.
„Почитуван мој претседателе, разликата е огромна. Доколку сакате да опстане централната и левата идеја во државата, откажете се од оваа битка и оставете не да победиме во име на граѓаните во вториот круг“, порача Димитриевски.
Кога ќе завршат парламентарните избори, Димитриевски е уверен дека ЗНАМ ќе биде политички фактор за стабилност во државата без кој нема да може да се формира идната влада. Најави дека кога ќе ги почнат преговорите за формирање парламентарно мнозинство, на сите политички партии ќе им ги испорачаат нивните предлози за црвените линии на македонскиот народ.