Македонија
Ивановски: Македонија во чекор со глобалните трендови во ИКТ областа
Успешна година во информатичката област во Македонија, особено во делот на користењето на интернетот и неговата распространетост во земјата, како и скок на меѓународната рејтинг листа за информатичка технологија.
Ова е генералната оценка која министерот за информатичко општество и администрација, Иво Ивановски, ја изнесе на денешната прес-конференција, на која ги сублимираше резултатите и постигнувањата во ИКТ областа.
„Учеството на домаќинствата со широкопојасен интернет во вкупниот број на домаќинства е зголемено од 65 % во 2013 година, на 67,7% во 2014 година. Речиси сите или 99,1 % домаќинства со интернет пристап, имале широкопојасно (фиксно или мобилно) поврзување на интернет. Од вкупното население на возраст од 15 до 74 години, компјутер користеле 67,6%, a интернет користеле 68,1 %. Интернет најмногу користеле учениците и студентите, односно 96,3 %.“, рече Ивановски сублимирајќи ги податоците од Државниот завод за статистика.
Република Македонија оваа година, во 13-то издание на Глобалниот извештај за информатичка технологија објавено од Светскиот Економски Форум е рангирана на 57 место, што претставува напредок за 10 места од минатата 2013 година.
„Според бројот на интернет корисници во вкупното население, Македонија е на 43 место, според бројот на мобилни корисници на 82 место, потоа според домаќинствата што имаат интернет сме на 49 место, широкопојасен интернет на 48, домаќинства што имаат компјутер 55 место итн.“, додаде Ивановски.
Исто така, министерството годинава започна со подготовка на две ИКТ стратегии – едната на краток рок до 2017 година и втората на подолг рок до 2020 година. Се подготвува и стратегија за креирање на Дигитална одржлива економија, која ќе биде вклопена во ИКТ стратегиите.
„Сите статистики, анализи и стратегии во подготовка, претставуваат добра основа и во наредната 2015 година, да го подигнеме степенот на развој на информатичкото општество во земјата, кое покрај другото ќе стимулира и нови работни места и зголемување на националниот економски раст“, рече Ивановски. /крај/со/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Изет Меџити од Берлин: Дијаспората ја совлада Југославија, ќе го совладат и ДУИ
Лидерот на Демократското Движење, истовремено и носител во изборната единица број еден, Изет Меџити, учествуваше во голем собир со дијаспората во Берлин на Коалицијата ВЛЕН (ВРЕДИ).
Меџити од овој собир на дијаспората и се обрати со зборови каде им ја даде убавата вест дека на 8 мај пристигнува победата, но и за вредноста на учеството на дијаспората во овие избори кои многу добро знаат да казнуваат режими и тие кои го мразат Курти и Косово.
„Првите политички движења се отпочнати од дијаспората, како за совладување на Југославија, така и за независноста на Косово, а токму од ова дијаспора ќе пристигне и казната за ДУИ која се спротиставува на Косово и кокетира со Вучиќ”.
Тој, исто така, додаде дека сега е историскиот момент за промени во албанската политичка сцена после децении, со обединетата опозиција и со Самоопределување.
Македонија
Во Скопје санкционирани 179 возачи
Секторот за внатрешни работи Скопје во текот на вчерашниот ден (19.04.2024) продолжи со контролите во областа на сообраќајот.
На територија на град Скопје изречени се вкупно 179 мерки, меѓу кои за возење повеќе од дозволената брзина 51 санкција, 11 мерки за возење без возачка дозвола, осум санкии за поминување на затворен сигнал – црвено светло, седум мерки за управување под дејство на алкохол…
Сообраќајните контроли продолжуваат и во наредните денови.
Македонија
Посебен сообраќаен режим викендов во Скопје поради предизборни митинзи
Поради предизборни митинзи за претседателските избори викендов во централното градско подрачје ќе биде воведен посебен сообраќаен режим.
Како што информира Министерството за внатрешни работи од денеска од 19 часот до утре до 21 часот на улицата „Св. Кирил и Методиј“ ќе биде воведен посебен сообраќаен режим поради одржување на митинг што ќе се одржи утре во 13 часот пред седиштето на Европската унија. За сообраќај ќе биде затворена ул.„Св.Кирил и Методиј“ на потегот од крстосницата со бул.„Кочо Рацин“ до крстосницата со бул.„Св. Климент Охридски“.
Утре во 20 часот на плоштадот „Македонија“, пак, ќе се одржи митинг од изборната кампања за претседателските избори поради што Единицата за безбедност на патниот сообраќај при СВР Скопје ќе преземе мерки за посебен режим на сообраќај во централното градско подрачје, а сообраќајот времено ќе се запира на сообраќајниците по кои ќе се движат учесниците на настанот.
Од МВР апелираат до граѓаните да ги почитуваат наредбите на полициските службеници.