Македонија
Изгласан Буџетот за 2017 година, по паузата ќе се распушта Собранието
Пратениците со 72 гласови „за“ и 37 против, во понеделник го донесоа Буџетот за 2017 година со кој вкупните приходи се планирани на ниво од 187 милијарди денари, вкупните расходи се на ниво од 206 милијарди денари или за 4,5 отсто повеќе во однос на годинава.
Буџетскиот дефицит е предвиден да изнесува три отсто од БДП, односно 18,6 милијарди денари.Опозициската СДСМ беше против овој Буџер, и најави дека по 11 декември, доколку победат на изборите, овој Буџет ќе претрпи промени.Предлогот го образложи министерот за финансии Кирил Миноски кој рече дека главен приоритет на овој стратешки документ е поддршка на приватниот сектор и дека со него се обезбедува редовна исплата на плати, пензии, социјална помош и подмирување на другите потреби на граѓаните.Капиталните инвестиции се планирани на 26,95 милијарди денари. „Предлогбуџетот за 2017 година се темели на три основни постулати. Тоа се развој, коj базира на високиот износ на капитални инвестиции, социјална заштита на најранливите категории граѓани и етапно намалување на буџетскиот дефицит за да се постигне фискална консолидација на среден рок“, рече министерот Миноски.Тој очекува растот на економската активност следната година ќе биде придвижен од извозот на стоки и услуги, за кој проектирале раст од 6 проценти на реална основа, кој се базира на очекувањата за извозна активност на капацитетите во слободните економски зони. Тој потенцира дека се очекува дека со спроведувањето на предвремените парламентарни избори во декември политичката криза во земјата ќе се разреши, што ќе влијае позитивно врз очекувањата и довербата на домашните компании. Според него ова ќе придонесе за зголемен раст на инвестициите и потрошувачката, но ќе прати и позитивен сигнал кон странските инвеститори.Бруто инвестициите се проектирани да растат за 4,5 отсто, засновано на планираните инвестиции на јавниот сектор и на очекувањата за постепен раст на приватните инвестиции. Во делот на социјалата се обезбедува заштита на стандардот на најранливите категории на граѓани: пензионерите, социјално ранливите категории и земјоделците. Со Буџетот за 2017 година се гарантира редовна исплата на плати, пензии, социјална помош и подмирување на другите потреби на граѓаните и сервисирање на останатите обврски на државата.Го најави зголемувањето на ноемвриските пензии на повеќе од 300.000 пензионери кои ќе добијат зголемување од околу 670 денари или во просек од 5 проценти.Миноски најави дека за капитални инвестиции, издвоена е значајна сума, највисока досега, во насока на поддршка на економскиот развој. Проектирани се на ниво од 27 милијарди денари што е за 4,62 милијарди денари повеќе од годинава, или 20,7 отстораст на капиталните инвестиции.Координаторот на пратеничката група на СДСМ, Горан Сугарески рече дека опозицијата нема да го поддржи предложениот Буџет, затоа штоп во „вакви Буџети повеќе никој не верувал“.„По 11 декември овој предлог-буџет ќе биде променет, а во вашето образложение не требаше да стои ќе го ќе направи ВМРО-ДПМНЕ, туку што направи до сега“, рече Сугарески.Орхан Ибраими од ДПА најави дека и нивните пратеници нема да го гласаат Буџетот, што според нив е антиалбански и воопшто не се разликува од претходните.По редовната пауза, пратениците ќе треба да расправаат и да ги гласаат останатите точки од дневниот ред, по што ќе следува одлуката за распуштање на Парламентот, во пресрет на предвремените парламентарни избори на 11 декември./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Сервисни информации
Променливо облачно со повремени врнежи од дожд, а на планините повремен снег
Времето денеска ќе биде, променливо облачно со повремени врнежи од дожд, а на планините со повремен снег.
Локално, врнежите ќе бидат поројни, проследени со појава на ретки грмежи. Ќе дува слаб до умерен ветер од северозападен правец. Минималната температура ќе биде во интервал од 5 до 10, а максималната ќе достигне од 11 до 18 степени.
Во Скопје променливо облачно со повремени врнежи од дожд. Кон крајот на денот врнежите ќе престанат. Ќе дува слаб до умерен ветер од северен правец. Минималната температура ќе се спушти до 8, а максималната ќе достигне до 15 степени.
Од петок следува период на претежно стабилно и потопло време со пораст на температурите на воздухот.
Скопје
Осум скопски општини денеска без струја
Според добиеното известување од ЕВН Македонија АД, Регионалниот центар за управување со кризи-Град Скопје, информира дека, поради планирани технички зафати во електро дистрибутивната мрежа, денеска без електрична енергија ќе останат неколку скопски општини.
· Во периодот од 08:30 до 14:00 часот, дел од корисниците на ул.Максим Горки, реон Дом на градежници (општина Центар).
· Во периодот од 09:00 до 14:00 часот, поголемиот дел од потрошувачите на ул.Ринхини.(општина Ѓорче Петров)
· Во периодот од 09:00 до 10:30 часот, корисниците од с.Визбегово, дел од с.Мирковци, Бразда, Глуво, Чардак, Оризари.(општините Бутел, Шуто Оризари и Чучер Сандево)
· Во периодот од 09:00 до 15:00 часот, корисниците од ул.Кавалска.(општина Кисела Вода)
· Во периодот од 09:00 до 12:00 часот, корисниците на пат за Долно Лисиче, од Кодакопласт, кон Паци Петрол до реката, од Св.Петар и Павле по патот кон Долно Лисиче.(Аеродром)
· Во периодот од 09:00 до 10:00 часот, корисниците од дел од ул. 4031, село Марино.(општина Илинден)
· Во периодот од 09:00 до 13:00 часот, корисниците на дел од бул.Борис Трајковски (од Техноскоп до кружниот тек пред Драчево).(општина Кисела Вода)
· Во периодот од 10:30 до 12:00 часот, корисниците од с.Сандево, Бањане, Горњане, Дел од с.Мирковци.(општина Чучер Сандево)
· Во периодот од 13:00 до 15:00 часот, дел од корисниците на ул. Исаија Мажовски и Воин Драшкоци.(општина Ѓорче Петров)
Македонија
Димитриевски до Пендаровски: Разликата е огромна, откажете се од оваа битка и оставете нè да победиме во вториот круг
Денеска, ЗНАМ заедно со сите свои пддржувачи ја испишува новата политичка историја на македонската политичка сцена, рече вечерва претседателскиот кандидат Максим Димитриевски. Иако е јасно дека не влегува во вториот круг, Димитриевски првиот круг од изборите го смета за голем успех.
„Можам да потврдам дека се роди третата политичка сила во македонскиот политички блок во државата, која во следниот период имаме намера дополнително да ја потврдиме и надградиме, со цел еден ден граѓаните да имаат можност да изберат нешто ново“, рече Димитриевски.
На противкандидатите им честита за успехот и се заблагодари на можноста да води кампања за која рече дека не била еднаква за сите оти законот што е во сила не дава еднаква можност за медиумско претставување на сите партии.
Рече дека се гордее на секој глас што го добиле како партија регистрирана пред само три месеци.
„Факт е дека јас како кандидат и ЗНАМ освоив повеќе од 80.000 гласа. Регистриравме субјект што постои нешто повеќе од три месеци и со граѓанската поддршка се етаблира на трето место во политичкиот блок. Сметам дека тоа е одличен појдовен резултат за понатамошна борба. Јас не се сеќавам дека во историјата на плурална Македонија имало вакви примери, да имате партија со некаде три и пол илјади члена, а да освоите над 80.000 гласа. Искрено, се гордеам на секој глас што дојде како поддршка за мене и ЗНАМ. И покрај тоа што трендовите се тие, десницата добива, а левицата губи, единствено десницата доживеа пораз во бастионот на асномска Македонија, а тоа е Куманово“, рече Димитриевски.
Им порача на сите политичари дека треба да учат од овие избори оти граѓаните дале јасна насока каде сакаат да се движи државата, а посебна порака упати до Стево Пендаровски, кој има 100.000 гласа помалку од Гордана Силјановска-Давкова.
„Почитуван мој претседателе, разликата е огромна. Доколку сакате да опстанат централната и левата идеја во државата, откажете се од оваа битка и оставете нѐ да победиме во име на граѓаните во вториот круг“, порача Димитриевски.
Кога ќе завршат парламентарните избори, Димитриевски е уверен дека ЗНАМ ќе биде политички фактор за стабилност во државата, без кој нема да може да се формира идната влада. Најави дека кога ќе ги почнат преговорите за формирање парламентарно мнозинство, на сите политички партии ќе им ги испорачаат нивните предлози за црвените линии на македонскиот народ.