Контакт

Македонија

Јавното обвинителство го промовира новото лого

Објавено пред

Јавното обвинителство на Република Северна Македонија денеска го промовираше новото лого, односно новиот симбол на институцијата, кој беше усвоен од Колегиумот на републичкото обвинителство.

„Логотипот е конструиран врз прецизна геометриска структура со цел да се обезбеди визуелна рамнотежа, стабилност и препознатливост во сите формати и апликации. Колорниот систем е составен од темно сина и златна боја. Темно сината ја симболизира довербата, професионалноста и институционалната стабилност, додека златната боја упатува на достоинство, авторитет и вредностите врз кои се темели правдата“, велат од Обвинителството.

Појаснуваат дека создавањето на новото лого не било замислено како воведување само на нов графички симбол.

Целта била во еден единствен визуелен знак да се претстави целата обвинителска организација, нејзината структура, поврзаност и заедничка мисија во заштитата на законитоста и јавниот интерес.

„Во самиот центар се издига мечот, што симболично го претставува Јавното обвинителство на Република Северна Македонија како носечки столб на обвинителската организација и гарант на нејзиното единствено и координирано функционирање. Поставен е исправено и насочен нагоре како будност, одлучност и постојана подготвеност за заштита на законитоста, јавниот интерес и владеењето на правото. Од двете страни на мечот се наоѓаат тасовите на вагата која е универзален симбол на правдата, непристрасноста и еднаквата примена на законот. Таа ја претставува заедничката цел кон која е насочена работата на севкупната обвинителска организација. Врвките што ги држат тасовите на вагата симболично ги претставуваат вишите јавни обвинителства и нивната улога како важна алка што ги поврзува различните нивоа на обвинителскиот систем и придонесува за неговата стабилност и функционалност. Околу нив се распоредени 23 ѕвезди што ја претставуваат мрежата на основните јавни обвинителства низ државата. Тие се темелот на системот и местото каде што граѓаните најчесто се среќаваат со работата на обвинителството“, соопштија од ЈОРМ.

Во централна позиција е поставена ѕвездата што симболично го претставува Основното јавно обвинителство за гонење на организиран криминал и корупција. Нејзината големина, велат од ЈОРМ е идентична со останатите ѕвезди, што ја нагласува еднаквата важност на сите основни јавни обвинителства во системот, додека нејзината централна поставеност ја одразува специфичната надлежност на ова обвинителство, која се протега на целата територија на државата.

„На овој начин, сите нивоа на обвинителската организација се обединети во еден единствен знак, кој во целина наликува на европските симболи и го одразува европскиот дух и аспирациите на институцијата да ги достигне европските стандарди на владеење на правото“,се наведуваво соопштението,

Логото беше промовирано денеска во Скопје на конференцијата „Од стратегија до пракса: Јакнење на комуникацијата на Јавното обвинителство со јавноста“, организирана во соработка со проектот „Поддршка на ЕУ за владеење на правото“



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

Сончево со температури до 33 степени, попладне со услови за невреме

Објавено пред

Времето во текот на денот, сончево и топло со мала до умерена облачност. Попладне ќе има локална нестабилност со пороен дожд, грмежи, засилен ветер и услови за изолирано невреме со појава на град. Ќе дува слаб до умерен, а наместа долж Повардарието повремено засилен ветер од северозападен правец. Минималната температура ќе биде во интервал од 9 до 18, а максималната ќе достигне од 25 до 33 степени.

Во Скопје, ќе биде сончево и топло со мала до умерена облачност. Во делови од котлината ќе има услови за појава на нестабилност со краткотраен пороен дожд, грмежи и засилен ветер. Минималната температура ќе се спушти до 15, а максималната ќе достигне до 33 степени.

ВРЕМЕТО ВО НАРЕДНИТЕ ДЕНОВИ

Во четврток претпладне ќе биде сончево и топло со мала до умерена облачност. Од четврток попладне, ноќта кон петок и петок ќе има локален развој на нестабилна облачност со пороен дожд, грмежи и засилен ветер. Наместа процесите ќе бидат поинтензивни со пообилен пороен дожд (над 15 l/m2), грмежи и засилен, повремено силен ветер од северозападен правец кој наместа повремено ќе достигнува брзина од 60 km/h. Температурата во петок ќе опадне за неколку степени. За време на викендот времето ќе биде претежно сончево со мала локална облачност и посвежо.

Прикажи повеќе...

Македонија

Савески со директорот на Финансиската полиција: борбата против финансискиот криминал и корупцијата во фокусот

Објавено пред

Јавниот обвинител на Република Северна Македонија Ненад Савески на денешната средба со директорот на Управата за финансиска полиција Слободан Ивановски разговараше за зајакнувањето на меѓуинституционалната соработка во борбата против финансискиот криминал и корупцијата.

На средбата ги разгледаа можностите за унапредување на координацијата и размената на информации помеѓу Управата за финансиска полиција и Јавното обвинителство, со цел поефикасно откривање и сузбивање на кривичните дела од областа на финансискиот криминал со посебен акцент на спроведувањето на финансиските истраги.

Прикажи повеќе...

Македонија

Прифатена парична гаранција од 55.000 евра: Стефан Богоев излезе од притвор

Објавено пред

Кривичниот совет при Основниот кривичен суд Скопје ја уважи жалбата на осомничениот С.Б. и ја прифати понудената гаранција, со што му е укината мерката притвор што претходно му беше определена, се истакнува во официјалното соопштение.

„Кривичниот совет при Основниот кривичен суд Скопје, постапувајќи по жалба со предлог гаранција на осомничениот С.Б., изјавена против решение на судија на претходна постапка од 04.06.2026 година со кое, по предлог на надлежниот јавен обвинител, му беше определена мерка притвор во траење од 30 дена, донесе решение со кое ЈА УВАЖИ жалбата и ја прифати понудената гаранција на осомничениот“.

Определената гаранција, како што се наведува во соопштеното, се состои од готови средства во износ од 55.000 евра, во денарска противвредност во корист на РС Македонија, а кој износ се депонира како гаранција за обезбедување на присуството на осомничениот во понатамошниот тек на постапката.

„Дополнително спрема обвинетиот се определуваат и мерки на претпазливост согласно член 146 ст.1 т.3 од ЗКП односно привремено одземање на патната исправа и забрана за преминување на државната граница.

Доколку осомничениот не се придржува на определената мерка на претпазливост, судот може да определи други построги мерки за обезбедување присуство“.

Прикажи повеќе...

Најново

Свет3 минути

Залихите на нафта паднаа на најниско ниво во повеќе од 20 години, експертите предупредуваат: најбогатите земји остануваат без ресурси, се бара алтернативa

Залихите на нафта во најбогатите земји во светот паднаа на најниско ниво од 2003 година, според американската Администрација за енергетски...

Свет13 минути

Калас: Ниту една земја во Европа не е отстранета од листата на целни групи на Русија

За време на посетата на Даблин, високата претставничка на ЕУ, Каја Калас, истакна дека ирското претседателство со Европскиот совет, кое...

Свет18 минути

САД ги нападнаа иранските радари и системи за воздушна одбрана по падот на „Апачи“

Соединетите Американски Држави извршија нова серија напади врз иранските воени позиции во близина на Ормускиот теснец, по падот на американскиот...

Свет40 минути

Медведев: Му покажавме на целиот свет дека Русија може да се справи со најголемите предизвици

Русија му докажа на светот дека може да се справи со најсложените предизвици и дека може да издржи удари, изјави...

Свет45 минути

(Видео) Иран започна напади врз три американски бази

Иранскиот корпус на револуционерна гарда (ИРГК) рано утрово лансираше ракети и беспилотни летала врз американски воени цели на Блискиот Исток....

Свет55 минути

Трамп: Биби, ќе останеш сам

Американскиот претседател Доналд Трамп изјави дека го предупредил израелскиот премиер Бенјамин Нетанјаху дека, доколку Израел продолжи со војната против Иран,...

Македонија1 час

Сончево со температури до 33 степени, попладне со услови за невреме

Времето во текот на денот, сончево и топло со мала до умерена облачност. Попладне ќе има локална нестабилност со пороен...

Свет10 часа

Техеран му одговара на Вашингтон: „Имаме и други јазици освен дипломатијата“

Додека чекаше одговор на Иран на најновата закана на Трамп за соборувањето на американскиот воен хеликоптер, непосредно пред објавата на...

Свет10 часа

Лидерите на осум нордиски и балтички држави: Украина мора што поскоро да се приклучи на ЕУ и НАТО

Лидерите на осумте нордиски и балтички држави испратија порака од регионалниот состанок во Талин во вторник, поддржувајќи го „неповратниот пат“...