Контакт

Македонија

Каролина Гочева за дочек на Новата година на плоштад

Објавено пред

 

Со повеќедневна богата програма, исполнета со новогодишен базар, настап на „Поточиња“ и „Златно славејче“, а за дочекот на Новата година на плоштад „Македонија“ ќе настапат Адријан Гаџа, Каролина Гочева и Миле Кузмановски, главниот град се подготвува за празниците.

Градот Скопје со финансика поддршка на Македонски Телеком и Пивара –Скопје, и оваа година организира незаборавна забава за дочекот на Новата 2017 година, на плоштадот „Македонија“.

„Градот Скопје и оваа година подготви интересна содржина за жителите на градот, по која ќе ја запомнат 2016 година. Од 24 декември се отвора портата на Новогодишниот базар на улица „Македонија“ во Скопје, кој ќе се одржува под мотото „Подари Среќа“. Базарот ќе биде место каде сите посетители ќе можат да купат интересни подароци за најблиските и пријателите. На посетителите ќе им бидат достапни рачно изработени предмети, плетени изработки, новогодишни украси, дрвени очила, божиќно цвеќе, козметика од природни состојки, чоколади и многу други производи. За најмладите е подготвена детска програма, секој ден од 10 до 13 часот, а истата вклучува новогодишна парада, дефиле на Снежната кралица, другарување со Дедо Мраз, настапи на Поточиња и Златно Славејче, многу детски игри, претстави и настап на магионичарот Кристијан. Дедо Мраз и оваа година ќе пристигне на 31 декември во 11:30 часот, кога ќе се приклучи на новогодишната парада. Музичката програмата во попладневните часови започнува со новогодишни попладневни (after-work) забави и завршува во 22.00 часот со настапи на македонски изведувачи“, рече градоначалникот Коце Трајановски.

Директорот на секторот за маркетинг и комуникација на Македонски Телеком, Радмила Димова ја претстави централната музичката програма за 31 декември, која ќе биде проследена со неколку минутен огномет.

„Македонски Телеком веќе 10-та година по ред се вклучува во прославата за дочекот на Новата Година во Скопје. Забавата ќе започне во 19:30 часот со DJ Douz, потоа настапува Адријан Гаџа од 21 до 22 часот. Следува Слаткар од 22:10 до 23:10 часот, а Новата година ќе ја дочекаме со настапот на Каролина Гочева, кој ќе започне од 23:15 до 00:15 часот и настапот на Миле Кузмановски, кој што ќе ги забавува присутните се до 01:30 минути по полноќ. На дочекот на Новата Година ќе имаме одлична македонска музика, со многу познати песни и рефрени и сигурни сме дека ќе имаме одлична забава. Ги поканувам сите граѓани на Република Македонија да ни се придружат овде во Скопје на плоштад „Македонија“ заедно да ја дочекаме Новата година“, рече Димова.

И оваа година каде дел од богатата програма за дочек на Новата година ќе се одржи веќе традиционалната Дедомразовска трка.

„Во пресрет на божиќните и новогодишните празници навистина ни е големо задовоство што и оваа година се вклучивме во целокупната празнична магија. Дедомразовската трка оваа година ја организираме по трет пат и на наше големо задоволство истата предизвика огромен интерес. Пивара Скопје секоја година се вклучува во настани што се поврзани со заедницата, настани што се поврзани со семејните традиции. Ни претставува задоволство што и оваа година се вклучуваме во дочекот на Новата Година и помагаме истата да ја направиме повесела и поинтересна за оние кои се заинтересирани да ги проследат дел од содржините кои ги нуди Градот“, рече Катерина Хаџи-Ангелеска – Начевска, претставник од Пивара Скопје.

Градот Скопје оваа година издвои три милиони денари за организацијата на Новогодишниот базар и дополнителни два милиони денари за дочекот на Новата Година./крај/со/бб

Македонија

Заев во Брисел на средби со Борел, Мишел и лидерите од Западен Балкан

Објавено пред

Претседателот на Владата, Зоран Заев денеска патува за Брисел каде е предвидено да оствари средби со високи претставници од Европската Унија и со лидерите од Западен Балкан.

Вечерва, на покана на потпретседателот на Европската комисија, Жозеп Борел, Заев ќе присуствува на заедничката работна вечера со лидерите на земјите од Западен Балкан. На состанокот, како што соопшти владината прес-служба,  ќе се разговара за актуелни прашања за регионот во контекст напредокот на земјите во процесот за нивно пристапување во ЕУ.

Непосредно пред вечерата, премиерот Заев ќе оствари куса средба со потпретседателот на Европската комисија и висок претставник за безбедносна и надворешна политика на ЕУ Жозеп Борел.

Премиерот Заев оваа посета на институциите на ЕУ во Брисел ќе ја заврши утре со средба со претседателот на Европскиот совет Шарл Мишел.

Прикажи повеќе...

Македонија

Џамбаски го критикува хрватскиот претседател поради Македонија: „Тој зазема страна во спорот, ова е антибугарска кампања“

Објавено пред

Бугарскиот европратеник Ангел Џамбаски остро го критикуваше хрватскиот претседател Зоран Милановиќ, кој, како што рече, ја обвини Софија за мешање во внатрешните работи на Северна Македонија, дека сака да и наштети и да ја понижи.

Џамбаски вели дека ова е уште една антибугарска кампања и намерна провокација, и тоа на прашање каде што не се потребни тензии.

Според Џамбаски, Милановиќ е загрижен поради барањата на Софија за промена на некои делови од историјата во македонските учебници, што е услов Бугарија да даде зелено светло и да овозможи отворање на преговорите за влез на официјално Скопје во ЕУ.

Осудувајќи ја изјавата на Милановиќ, Џамбаски вели дека хрватскиот претседател се меша во внатрешните работи на Бугарија, со најавата дека отворено ќе се спротивстави на бугарските услови за членство на Македонија во ЕУ.

„Шефот на хрватската држава е огорчен од фактот дека ваквите активности против РСМ доаѓаат од земја која е членка на ЕУ. Јас сум огорчен и од фактот дека една членка на ЕУ напаѓа друга и зазема силна страна во спорот во кој тој не е вмешан“, напиша Џамбаски.

Тој вели дека однесувањето на Милановиќ е неодговорно поради тврдењето дека Бугарија сака да и наштети на Македонија и да ја понижи.

„Морам уште еднаш да повторам … Нашата долгорочна битка е во учебниците што ги образуваат новите генерации во РСМ …“, напиша Џамбаски.

Вчера, за време на состанокот во рамките на процесот Брдо-Бриони на Брдо кај Крањ, Милановиќ рече дека не сите земји биле на исто ниво за време на преговорите за пристапување во ЕУ, а што се однесува до Северна Македонија, тој рече дека земјата е во невозможна позиција.

Тој рече дека се работи за некои услови што Бугарија и ги постави на Северна Македонија во напредната фаза на европскиот пат, и се однесува на содржината на некои учебници по историја.

Прикажи повеќе...

Македонија

Мицевски: Корекција на законот за клинички центар и средба со опозицијата, па потоа деблокада

Објавено пред

Опозициската ВМРО-ДПМНЕ бара средба со власта за законот за изградба на клинички центар и дотогаш најавува блокада во законодавниот дом.

Координаторот на пратеничката група на ВМРО-ДПМНЕ, Никола Мицевски, изјави дека неопходни се измени на законското решение.

„Законот за клинички центар ќе биде блокиран сè до моментот додека тој предлог на закон од 35 листови со коишто бараат да потрошат пола милијарда евра не го поправат и исправат и не седнат со опозицијата да разговараат за тоа. Да ве потсетам, во 2017 година министерот Филипче во оваа сала заедно со сите членови на Комисијата за здравство и сите пратенички групи, презентираше проект дека ќе почне да се гради клинички центар. Тоа беше во 2017 година. Ние сме на средината на 2021 година, ‘К’ нема од клинички центар“, рече Мицевски.

По основ на другите обвинувања за законските решенија, тој истакна дека Законот за служба во Армијата има одредени забелешки за коишто имало реакција од одредени групации на пензионирани офицери, а ВМРО-ДПМНЕ поднеле четири суштински амандмани коишто не се прифатени од владејачко мнозинство.

„Морам да напоменам дека таков ист закон, комплетно ист закон, со 4-те забелешки вметнати од наша страна е во собраниска процедура и, за жал, на денешната седница истата таа власт којашто нè обвинува за блокада, не го става овој закон како точка на дневен ред, а во неа се опфатени сите поволности коишто ги имаат и професионалните војници во однос на добивање одредени средства, некаде околу 1.000 евра по основ на година работен стаж во случај на пензионирање и неможност државата да им најде вработување на истите“, рече Мицевски.

 

 

Прикажи повеќе...

Најново

Македонија30 минути

Џамбаски го критикува хрватскиот претседател поради Македонија: „Тој зазема страна во спорот, ова е антибугарска кампања“

Бугарскиот европратеник Ангел Џамбаски остро го критикуваше хрватскиот претседател Зоран Милановиќ, кој, како што рече, ја обвини Софија за мешање...

Топ2 часа

Тешка сообраќајна несреќа синоќа во Скопје, неколку лица завршија во болница

Синоќа во 23:50 часот, десетина минути пред почетокот на полицискиот час, во Скопје се случила тешка сообраќајна несреќа на  крстосницата кај...

Македонија3 часа

Пристигна нова пратка од 9.360 дози вакцини на „Фајзер“

Министерството за здравство соопшти дека вчера во нашата земја стигнаа 9.360 дози вакцини од производителот „Фајзер“. „Од нив 4.680 се...

Свет3 часа

(Видео) Израел го гранатираше Либан, поради одмазда истрела 22 гранати

Израелската армија ја гранатираше територијата на Либан како одмазда за истрелувањето на неколку ракети од нејзината територија кон Израел. Шест...

Македонија3 часа

Пендаровски и бугарскиот претседател заедно ќе заминат во Рим на чествувањето на Кирил и Методиј

Претседателот Стево Пендаровски и бугарскиот претседател Румен Радев заеднички ќе оддадат почит на делото на светите браќа Кирил и Методиј...

Свет4 часа

Денеска во Брисел вонреден состанок на ЕУ за конфликтот во Газа

Министрите за надворешни работи на земјите членки на ЕУ денеска во Брисел ќе одржат вонреден состанок на кој ќе биде...

Свет4 часа

Во налет на циклонот во Индија загинаа најмалку 21 човек, исчезнати се 96 луѓе

Најмалку 21 човек загинаа, а 96 се водат за исчезнати во голем удар на циклон во западна Индија, носејќи им...

Свет4 часа

Израел ја уништи единствената лабораторија за испитување коронавирус во Газа

Со денови се интензивираат судирите меѓу Израел и Палестина, а во еден од нападите на Појасот Газа израелските сили ја...

Свет5 часа

Испалени над 90 ракети од Појасот Газа кон Израел

Во текот на ноќта од Појасот Газа беа истрелани околу 90 ракети кон Израел, објави израелската армија. Се наведува дека...

Регион18 часа

Лидерите на Западен Балкан со заедничка декларација: Итен почеток на преговорите со Скопје и Тирана

Декларацијата усвоена од лидерите на Процесот „Брдо – Бриони“ на самитот укажува на важноста од брзото проширување на ЕУ за...

Македонија18 часа

Хрватскиот претседател: Членка на ЕУ навлегува во интимниот простор на Северна Македонија

Претседателот на Хрватска, Зоран Милановиќ, најави дека ќе се спротивстави на условите што ги поставува Бугарија за почеток на преговорите...

Македонија18 часа

Заев: Следните парламентарни избори ќе се одржат во 2024 година, нема да има предвремени

Премиерот и претседател на СДСМ, Зоран Заев, изјави дека предвремени парламентарни избори нема да има и дека следните ќе се...

Европа18 часа

ЕМА: Вакцината на „Фајзер“ може да се чува во обичен ладилник до еден месец

Европската агенција за лекови (ЕМА) препорача да се продолжи времето на чување на вакцините на „Фајзер/Бионтек“ на стандардни температури во...

Македонија21 час

Денеска се регистрирани 27 нови случаи на Ковид-19, починати се 19 лица

Министерството за здравство информира дек во последните 24 часа се направени 1.314 тестирања, а регистрирани се 27 нови случаи на...

Економија1 ден

Oд полноќ се намалува цената на еуросупер БС-95 и на мазутот

Регулаторната комисија за енергетика и водни услуги донесе одлука со која се врши намалување на малопродажните цени на нафтените деривати...

Свет1 ден

Индија почна со дистрибуција на свој лек против коронавирус

Индија почна со дистрибуција на нов, домашен лек за лекување на симптомите од Ковид-19. Властите го одобрија лекот 2-ДГ, кој...

Македонија1 ден

Захариева: Властите во Македонија ќе направат сѐ што можат Бугарите таму да се сѐ помалку

И Европа и ние ќе го следиме пописот во РСМ и очекуваме да се спроведе според сите европски стандарди и...

Свет1 ден

(Видео) Тврдат дека Израел фрлил забранета бомба врз Газа, од која се топи човечко месо

На социјалните мрежи се шири видео со ракетирање на Појасот Газа, за кое се тврди дека е доказ дека Израел...

Свет1 ден

СЗО: Животниот век на работниците загрозен по пандемијата на коронавирусот

Премногу долгото работно време е смртоносно за стотици илјади луѓе во светот и ова е тренд што може да се...

Европа1 ден

Германски виролог предупредува: И следната година ќе мора да се вакцинираме

Шефот на германскиот независен советодавен панел за вакцинација, вирусологот Томас Мертенс, изјави дека е многу веројатно декаи следната година  сите...

Досие