Македонија
Кривичниот суд има два нерешени предмети стари 18 години
Во Основниот суд Скопје 1 има вкупно 477 стари нерешени предмети коишто се постари од две години, а два предмети во Кривично полнолетни датираат од 1998 година.
Ова го констатирале судиите од Апелациониот суд – Скопје при извршената работна посета на Кривичниот суд на 1 април оваа година. Според судиите од повисокиот суд, се очекува до крајот на оваа година или почетокот на наредната година сите стари предмети да бидат решени со првостепена пресуда. Судиите во Основниот суд Скопје 1 – Скопје, ангажирано и посветено работат на решавањето на старите предмети, кои најчесто се одолговлекуваат заради објективни причини, констатирале судиите од Апелациониот суд – Скопје при извршената работна посета на Кривичниот суд на 01.04.2016 година.Апелационите судии утврдиле дека поголем дел од предметите кои од претходно биле евидентирани како стари предмети, веќе се правосилно завршени, а некои од нив се во жалбена постапка. „Најчести причини заради кои доаѓа до одлагање на главните расправи по овие предмети се објективни, односно големиот број на обвинети и нивни бранители и нивно наизменично неприсуство на расправите, што може да се заклучи како нивно тактизирање. Потоа неприсуство на Јавниот обвинител, иако е уредно викан, како и неприсуство на вешти лица и сведоци за кои судот оценил дека истите треба непосредно да се сослушаат на главна расправа“, констатирале судиите од Апелациониот суд.Во дел од предметите констатирано е дека доаѓа до одолговлекување на постапката бидејќи до судот навреме не се доставуаат вештачења од институциите, а во дел, главните расправи се одлагаат бидејќи од затворот „Идризово“ и затворот „Скопје“ не се спроведуваат обвинетите по испратени наредби од страна на судот, како и непостапување на надлежните државни органи за спроведување на наредбите за приведување на обвинетите од пријавените адреси на кои живеат.Според судиите од повисокиот суд, во предмети со повеќе обвинети лица кога се забележува наизменично неприсуство на обвинетите заради што доаѓа до одлагање на главната расправа, судот во согласност со законските одредби од стариот Закон за кривична постапка, има можност да определи притвор за да ги обезбеди обвинетите кои избегнуваат да присуствуваат на главната расправа. Воедно за секое неоправдано неприсуство на овластениот тужител на главна расправа, судот согласно ЗКП за ваквото однесување на обвинителите треба да го извести Основно јавно обвинителство.„При повторното постапување по предметите кои во жалбена постапка биле укинати, Апелациониот суд констатирал дека судиите од Кривичниот суд ги преземаат потребните дејствија согласно укажувањата на второстепениот суд“, соопштуаат од Кривичниот суд./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Во Куманово не се гласа на три избирачки места, на едното се изгубил печатот
Прекин на гласањето има на три места во Куманово, информираше претседателот на Државната изборна комисија (ДИК), Александар Даштевски.
Како што појасни, на едното бил изгубен печатот. На останатите две, биле направени обиди да се замени уредот за биометриска верификација, пришто гласањето во едниот случај продолжило па прекинало, а во вториот не продолжило.
„Тоа се трите места за коишто имаме добиено писмено известување. Ќе видиме вечер за што точно се работи и ќе одлучиме“, рече Даштевски, одговарајќи на новинарски прашања.
Од ДИК појаснуваат дека се работи за прекин за повеќе од три часа, додека онаму каде што имало помали прекини, гласањето ќе се продолжи за онолку време колку што било прекинато.
На сите останати гласачки места, гласањето тече нормално и мирно, додаваат.
Пред полноќ се очекува да бидат обработени над 50 отсто од гласовите и ДИК да ги објави првичните неофицијани резултати.
Во однос на информациите за починати луѓе на избирачкиот список од ДИК обазложија дека оние коишто ќе починат 30 дена пред гласњето ги има на избирачкиот список, бидејќи тој е веќе заклучен. Велат дека списокот се ажурира неколкупати годишно во координација со Управа за водење на матични книги.
Македонија
Одѕивот до 17 часот изнесува 44,18 отсто – за околу 9 проценти повеќе во споредба со претходните претседателски избори
До 17 часот во првиот круг од претседателските избори, своето право на глас го оствариле 397.612 избирачи, или 44,18 отсто.
Како што соопшти претседателот на Државната изборна комисија (ДИК), Александар Даштевски, засега најголема е излезноста во Новаци, каде гласале 67,19 отсто, а најмала во Пласница – 15,5 отсто.
Засклучокот е дека гласањето се одвива мирно.
Во споредба со првиот круг од претседателските избори во 2019 година, до 17 часот, излезноста е поголема за околу 9 отсто.
Досега до ДИК се доставени 308 приговори, од кои 85 се усвоени, 27 отфрлени како неуредни, а 38 се одбиени. Останатите се во процес на обработка.
Македонија
Петмина си ги фотографирале гласачките ливчиња, полицијата ги фати
Пет лица во периодот од 11 до 14 часот, биле фатени од страна на полицијата оти ги фотографирале своите гласачки ливчиња додека го остварувале своето право на глас, објави МВР.
-Во 11.10 часот е пријавено дека во село Коџалија, општина Радовиш на избирачко место број 1602 С.А. од с.Коџалија го фотографирал гласачкото ливче. Се преземаат мерки за расчистување на случајот, по што ќе биде поднесен соодветен поднесок.
-Околу 12.15 часот е пријавено дека на избирачко место број 2683/1 во Скопје А.С. (40) од Скопје го фотографирал гласачкото ливче. Се преземаат мерки за расчистување на случајот, по што ќе биде поднесен соодветен поднесок.
-Околу 12.15 часот е пријавено дека А.И.(48) од Охрид на избирачко место број 1271 во Охрид го фотографирал гласачкото ливче. А.И. е приведен во полициска станица и по документирање на на случајот ќе биде поднесен соодветен поднесок.
-Во 12.35 часот е пријавено дека на избирачко место бр.0006 во Берово, Д.Т.(42) го фотографирал гласачкото ливче. Д.Т. е приведен во полициска станица и по документирање на на случајот ќе биде поднесен соодветен поднесок.
-Во 13.57 часот е пријавено дека на избирачко место 2555 во Скопје С.С. го фотографирала гласачкото ливче. Се преземаат мерки за расчистување на случајот, по што ќе биде поднесен соодветен поднесок, се наведува во извештајот на МВР.