Македонија
Мајка Тереза ќе биде прогласена за света, во Ватикан и бројна делегација од Македонија
Македонската државна и црковна делегација на плоштадот Свети Петар во Ватикан ќе присуствува во неделата на церемонија на која поглаварот на Римокатоличката црква, папата Франциск, ќе ја прогласи Мајка Тереза за светица. Како земји на нејзиното раѓање, потекло и мисија, Македонија, заедно со Албанија и Индија ќе имаат посебно место на оваа свеченост, а по повод прогласувањето на скопјанката Мајка Тереза за светица, од 4 до 11 септември во Скопје ќе се одржи Татковинската прослава „Денови на св. Мајка Тереза“.
Претседателот на Република Македонија, Ѓорге Иванов, во неделата ќе ја предводи македонската државна, во чиј состав ќе бидат и претставници на водечките државни институции и политички партии, како и црковна делегација, која ќе присуствува на церемонијата на канонизација на Мајка Тереза. Во неделата вечерта, македонскиот претседател ќе присуствува и на свеченото отворање на изложбата на фотографии и текстови поврзани со животот и делото на Мајка Тереза „Madre Teresa – Santa di Skopje, Santa del mondo“ во црквата „Свети Станислав“.
На свеченоста, покрај македонскиот претседател, ќе присуствуваат министерот за надворешни работи, Никола Попоски и министерот за култура, Елизабета Канческа Милевска, делегации на Католичката црква во Република Македонија и на Македонската православна црква – Охридска Архиепископија, градоначалникот на Град Скопје, како и член на фамилијата на Мајка Тереза. Претседателот Иванов како предводник на македонската државно–црковна делегација на свеченоста во Ватикан, по повод прогласувањето на Мајка Тереза за Светица, ги покани и лидерите на четирите најголеми политички партии, ВМРО–ДПМНЕ, СДСМ, ДУИ и ДПА да присуствуваат на овој историски чин за нашата држава. Своето присуство на манифестацијата во Рим го потврдија Никола Груевски, Зоран Заев и Али Ахмети. Во писмата упатени до лидерите на партиите, претседателот Иванов истакна дека канонизацијата на Мајка Тереза е настан што сите нас треба да нè издигне над секојдневните политички тензии и недоразбирања, и да ни помогне да го препознаеме човекот и човечкото во нашиот политички противник. „Како што знаеме да живееме со нашите најдлабоки верски и етнички разлики, така мора одново да научиме да живееме и со нашите идеолошки и политички разлики и меѓусебно да се почитуваме. Сметам дека ова е одлична можност за барем еден миг да ги оставиме разликите зад нас и пред меѓународната јавност, но, уште поважно, пред македонските граѓани да покажеме единство“, стои во писмото од претседателот Иванов до лидерите на четирите партии. Претседателот Иванов во писмата до политичките лидери истакнува дека канонизацијата на Мајка Тереза е чин што ќе го обедини светот и крајно време е да нè обедини и нас. На канонизацијата на Мајка Тереза се очекува присуство на многубројни верници и високи гости од целиот свет. Како земји на нејзиното потекло, раѓање и мисија, Република Македонија, заедно со Република Албанија и Република Индија ќе имаат посебно место на оваа свеченост. Мајка Тереза беше добитник на Нобелова награда за мир, а нејзиниот чудотворен карактер беше признаен од Римокатоличката црква. Мајка Тереза беше добитник на Нобелова награда за мир, а нејзиниот чудотворен карактер беше признаен од Римокатоличката црква. Церемонијата на беатификација на Мајка Тереза, која беше чекор кон нејзино прогласување за Светица беше одржана на плоштадот „Свети Петар“ во 2003-та година, на која присуствуваа над 300.000 верници. Со свечената служба раководеше тогашниот поглавар на Римокатоличката црква, папата Јован Павле Втори, додека на церемонијата присуствуваше и македонска делегација, предводена од покојниот претседател Борис Трајковски. Мајка Тереза, добитничката на Нобеловата награда за мир и една од највлијателните жени на католичката црква, в недела, 19 години по смртта, ќе биде прогласена за светица. Македонија во последните неколку години оддава значително внимание на ликот и делото на Мајка Тереза како лик кој обединува и се направија многу чекори за нејзина популаризација. Мајка Тереза апочина на 5-ти септември 1997 година, во 87 година од животот. Нобеловата награда за мир ја доби 1979 година, поради нејзината хуманитарна работа. Родена е на 26 август 1910 како Агнес Гонџа Бојаџиу во Скопје. Името Мајка Тереза го носи од 18-та година. Во Индија, преу Даблин каде што кусо се задржува во манастирот на Лоретските сестри, се преселила на 19 години, во 1929 година, а во 1946 го основа редот „Мисионерките на милосрдието“ кој сега во над 130 земји обединува 4.500 сестри. Половина век мајка Тереза во Калкута и во други делови на светот им помагаше на болните, сиромашните, сираците. Државјанка на Индија е од 1951 година. Папата ќе ја прогласи за светица откако Ватикан призна две нејзини чуда, и двете поврзани со излекување на болни, едното едно во Индија, кое некои скептици го оспоруваат, а другот0 во Бразил. Кон крајот на 2002 година комисијата на Ватикан призна дека една жена од Индија која имала тумор на стомакот, оздравела откако и се молела на мајка Тереза. Минатата 2015 година во декември признаено е другото нејзино чудо, заздравувањето на Бразилец кој во 2008 година се опоравил од тешка инфекција на мозокот. Се очекува тој Бразилец со сопругата да присуствува на прогласувањето на мајка Тереза за светица. Кога ја примаше Нобеловата награда за мир, Мајка Тереза изјави „Не сум достојна“. „Мала по раст, голема во верата, на мајка Тереза ѝ е доверена мисијата на ширење на божјата љубов кон човештвото, посебно за најсиромашните. Канонизацијата е можност да се угледаме на хероината на христијанството и извонреден пример на христијанскиот живот“, објави Ватикан. Последните неколку години во Македонија се оддава значително внимание на ликот и делото на Мајка Тереза. Се направија многу чекори за нејзина популаризација како изградба на спомен куќата, автопатот од Скопје до Струга и границата со Албанија се именуваше по нејзиното име, главниот клинички центар во земјата исто така го носи нејзиното име, се снимаше докумнетрарен филм за нејзиниот лик и дело, како и низа други чекори. Спомен куќата на Мајка Тереза во Скопке е направена во чест на животот и делото на единствената нобеловка од Македонија. Локацијата не случајно е одбрана бидејќи на таа локација порано се наоѓала црквата во која Мајка Тереза е крстена. Во музејот се изложени слики и експонати од најпознатата хуманитарка, а најгоре е направена капела каде верниците можат да присуствуваат на миса. Секојдневно доаѓаат многу туристи. Во центарот на Скопје се гради скулптирална композиција на Мајка Тереза и сестрите која ќе биде следна атракција за туристите во Скопје и Македонија.
Автопатот од Скопје до Струга и границата со Албанија се именуваше по нејзиното име, вклучувајќи ја и обиколницата околу Скопје. Владата уште во 2013-та година одлучи Коридорот 8 да се именува според големата хуманитарка и нобеловка. Коридорот 8 ја поврзува Македонија со Албанија и Бугарија (Струга-Охрид-Кичево-Тетово-Скопје-Куманово-Крива Паланка). Главниот клинички центар во државата се крсти комплекс клиники „Мајка Тереза“. Дополнително, еден од главните булевари, Водњанска, се именуваше Мајка Тереза. Исто така, се снимаше документарен филм за Мајка Тереза во режија Теона Митевска, а државата даде поддршка на поголем број книги и монографии за неа. Се поставија повеќе од 40 табли на многу објекти/згради низ Скопје на кои се испишани нејзини мисли, на македонски и англиски, се именуваше плоштадот пред платото на МОБ по нејзиното име, нејзиниот споменик е вметнат и во спотот за Скопје кој оди неколку години на светски познатата телевизиска мрежа СНН, мостот кај МАНУ беше именуван Мајка Тереза. Исто така, по нејзиното име беа именувани и повеќе спортски објекти во Аеродром, Теарце, Тетово./крај/мф
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Николовски: Пензискиот фонд повторно е стабилен, а пензиите растат
Преку одговорни политики и посветена работа, пензискиот фонд денес повторно е стабилен, а пензиите за пензионерите растат. Минималната и просечната пензија пораснаа за 50%, па денес минималната пензија изнесува 13.900 денари, а просечната пензија 20.195 денари, истакна на денешната средба со пензионерите од Пробиштип коносителот на изборната единица 3 Љупчо Николовски.
„Донесовме економска стабилност за пензионерите. Подготвивме нова Методологијата за раст на пензиите, со која на пензионерите им гарантираме постојан раст на пензиите. Сите 330.000 пензионери два пати годишно имаат гарантирано усогласување на пензиите, следејќи ги растот на трошоците за живот и порастот на просечната плата“, истакна Николовски.
Постигнатите резултати до сега, се нашиот гарант дека дадениот збор повторно ќе го исполниме, додаде тој.
„Во новиот мандат, даваме збор дека минималната пензија ќе достигне најмалку 20.000 денари, а пак просечната пензија 30.000 денари. Пензионерите два пати во годината ќе имаат усогласување на пензиите, однсно секој јануари и јуни. За оние пензионери кои живеат сами планираме енергетски пакети, во висина од 1.500 денари месечно во периодот од октомври до март“, истакна Николовски.
„Го јакнеме животниот стандард на пензионерите. Пензионерите добиваат потрошувачка картичка со попуст од 30% на прехранбени производи, како воведување новогодишен пакет за секој пензионер во висина од 6000 денари“, истакна Николовски.
„Нашата грижа за највозрасните лица ја продолжуваме и земаме обврска за изградба на најмалку 12 нови домови за стари лица, со вкупен капацитет од 2.000 лица. Имаме конкретна програма и јасен план, што гарантира европска иднина и европски стандард за секој еден граѓанин дома во својата татковина. Докажавме дека можеме да ги подобриме работите кон подобро, но имаме уште многу работи што заедно треба да ги продолжиме. Не смееме да се откажаме, сега кога тргнавме кон сигурна иднина за сите во држaвата“, истакна Николовски.
Македонија
Пендаровски: На 8 мај двојна победа за сите нас и за Македонија
Претседателскиот кандидат Стево Пендаровски денеска беше меѓу жителите на општината Чучер-Сандево.
Заблагодарувајќи им се што одлучиле попладнето да го поминат со него, Пендаровски рече дека на 8 мај е загарантирана двојната победа.
„100% победуваме. На 8 мај ќе славиме за двојната победа за сите нас и за Македонија“, истакна Пендаровски.
Говорејќи за досегашната работа на актуелната политичка гарнитура, Пендаровски го истакна членството во НАТО, како најголема организација која ја гарантира безбедноста и стабилноста на сите членки без исклучок.
„Без пријатели, мала земја како нашата, тешко може да опстане“ потенцираше Пендаровски.
Тој ги повика граѓаните на Чучер-Сандево масовно да излезат на гласање на 24 април, да заокружат број 1 и да добијат гаранција за подобра иднина на нивните деца и на нивните внуци.
Македонија
(Видео) Димитриеска Кочоска: Платформа 1198 значи повисок животен стандард, раст на БДП од 5% на среден рок, повеќе пари за малите и средни бизниси, повисоки пензии
„Состојбата е катастрофална во секоја сфера. Главниот проблем е тоа што државата не е функционална и тоа што граѓаните воопшто не можат да имаат никакво влијание и немаат влијание врз одлучувачките процеси. Ако немаме економија, тогаш не можеме да очекуваме развој во ниту еден сегмент“, рече Гордана Димитриеска Кочоска, кандидат за пратеник во изборна единица 1.
„Не смееме да дозволиме и понатаму, државата да биде киднапирана од стотина луѓе од власта кој што носат одлуки само за нивни лични интереси и за нивно богатење.
И токму поради тоа, народот треба да стави стоп на ваквото однесување. Да излезе масовно и да гласа, затоа што се потребни промени, промени кои што ќе ја направат Македонија твоја.
Денес сум во Македонски Брод, кој што можам комплетно да кажам дека е целосно заборавен од централната власт и токму тоа треба да се промени.
Имав средби со граѓани, имав средби со стопанственици. Едногласно е секаде размислувањето и одлуките на луѓето дека промени мора да да има. При тоа, го искористивме периодот од денот да ги презентираме мерките и решенијата кој што ВМРО-ДПМНЕ ги има во својата Платформа 1198, кој што и всушност значат многу подобар живот за граѓаните, повисок животен стандард, раст на БДП од 5% на среден рок, повеќе пари за малите и средби бизниси, повисоки пензии.
Затоа, масовно треба да излеземе и да гласаме на 24 април и на 8 мај, со цел да има промени и за повторно Македонија да биде твоја, односно да биде наша“, изјави Гордана Димитриеска Кочоска, кандидат за пратеник во изборна единица 1.