Македонија
Македонска делегација на седницата на советот на Светската царинска организација
Директорката на Царинската управа на Република Македонија присуствуваше на 127-та/128-та седница на Советот за царинска соработка што се одржа од 14-ти до 16-ти јули во Брисел.
Годинава приоритет беше ставен на безбедноста, а усвојувајќи ја Пунта Кана резолуцијата за безбедност и Програмата за нејзина имплементација, Светската царинска организација ја потенцираше клучната улога на царината во борбата против недозволената трговија и тероризмот.
Светската царинска организација ја поддржува интензивната соработка помеѓу царинската служба и меѓународните организации на полето на безбедноста, но воедно се залага и за олеснување и забрзување на трговијата со легитимните стоки. Воспоставување на рамнотежа помеѓу двете клучни компоненти олеснувањето на трговијата и безбедноста е приоритетна активност на СЦО.
Во клучните приоритетни активности предвидени со Стратешкиот план 2016 – 2019 година е технолошкиот развој на СЦО – Дигитална царина. Во таа насока, сите царински служби имаат за цел да воспостават висок степен на дигитализација, што ќе придонесе царината да ги има во свои раце сите алатки со кои поуспешно ќе се справи со предизвиците на денешницата.
Делегатите, претставници на царинските администрации членки на Светската царинска организација (формирана во 1952 година како Совет за царинска соработка со мисија да допринесе за поголема ефикасност и ефективност на царинските администрации, сега со 180 членки), ја потенцираа важноста од интензивна соработка помеѓу царинската служба и другите погранични агенции, особено полицијата.
Од аспект на ефикасна и ефективна наплата на царинските приходи и заштитата на финансиските интереси на државите, препорака на Светската царинска организација беше зголемена соработка помеѓу царинските и даночните служби. Исто така, беше истакнато се поголемото значење од воспоставување на мрежа за борба против криумчарење на културното наследство (пред се во конфликтните зони) со цел зачувување на светската меморија, но и спречување на финансирањето на терористичките активности.
На седницата на Советот за царинска соработка беа усвоени стратешките документи Стратешкиот план 2016 – 2019 и Оперативниот план за 2017 година, а се изврши и избор на претседавачи на одредени тела и директорати на СЦО.
Присуството на седницата на Советот за царинска соработка беше можност преку неформални билатерални средби, шефовите на царинските служби директно да разменат мислења и иницијатива за идни активности од заеднички интерес./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Посебен сообраќаен режим викендов во Скопје поради предизборни митинзи
Поради предизборни митинзи за претседателските избори викендов во централното градско подрачје ќе биде воведен посебен сообраќаен режим.
Како што информира Министерството за внатрешни работи од денеска од 19 часот до утре до 21 часот на улицата „Св. Кирил и Методиј“ ќе биде воведен посебен сообраќаен режим поради одржување на митинг што ќе се одржи утре во 13 часот пред седиштето на Европската унија. За сообраќај ќе биде затворена ул.„Св.Кирил и Методиј“ на потегот од крстосницата со бул.„Кочо Рацин“ до крстосницата со бул.„Св. Климент Охридски“.
Утре во 20 часот на плоштадот „Македонија“, пак, ќе се одржи митинг од изборната кампања за претседателските избори поради што Единицата за безбедност на патниот сообраќај при СВР Скопје ќе преземе мерки за посебен режим на сообраќај во централното градско подрачје, а сообраќајот времено ќе се запира на сообраќајниците по кои ќе се движат учесниците на настанот.
Од МВР апелираат до граѓаните да ги почитуваат наредбите на полициските службеници.
Македонија
Во вторник предизборен молк, до тогаш продолжува презентацијата на изборните програми
Во рамки на кампањата за парламентарните избори, која почна во четвртокот, и денеска кандидатите за пратеници во шесте изборни единици ќе ги претстават своите платформи пред граѓаните во повеќе делови од државата. Во исто време продолжува и кампањата за претседателските избори, чиј прв круг ќе се одржи в среда, на 24 април, додека вториот круг треба да се одржи заедно со парламентарните избори на 8 мај.
Кандидатот за претседател поддржан од коалицијата на СДСМ Стево Пендаровски во рамки на изборниот караван денеска ќе ги посети жителите на Ново Село, Босилово, Василево, а митинзи ќе одржи во Радовиш и во Струмица.
Кандидатката за претседател на државата поддржана од ВМРО-ДПМНЕ, Гордана Силјановска-Давкова ќе ја презентира програмата пред граѓаните во Македонска Каменица, Пехчево, Берово и Делчево.
Претседателскиот кандидат Стевчо Јакимовски и коалицијата „Храбро за Македонија“ ќе одржат митинг во скопската населба Карпош, а кандидатот за претседател на Движењето ЗНАМ – За наша Македонија Максим Димитриевски ќе ја презентира програмата пред граѓаните во Ресен, Претор, Новаци и во Битола.
Во рамки на третиот ден од кампањата за парламентарни избори, претседателот на СДСМ Димитар Ковачевски ќе биде меѓу граѓаните на Брвеница и на Тетово.
Македонија
Пендаровски: Понудата на Мицкоски за коалицирање е знак на слабост
Кандидатот за претседател Стево Пендаровски синоќа од Бутел рече дека е легитимно и дека е демократски избор секој да коалицира со кого сака. Но, понудата на претседателот на ВМРО-ДПМНЕ, Христијан Мицкоски за коалицирање со неговата партија, уште на првиот ден од кампањата за парламентарни избори, покажува дека тој бара помош.
„Ние среде кампања не бараме помош од пријател. Мене ми се чини дека тоа е јасен знак на слабост, затоа што господинот Мицкоски знае што го очекува на 24 април и на 8 мај. Инаку зошто би барал помош од страна?“, рече Пендаровски.