Македонија
Македонската полиција го одбележува 7-ми Мај, Денот на македонската полицијата
Македонската полиција во петок го одбележува 7-ми Мај, Денот на полицијата еден ден порано, бидејќи следува викенд.
Според агендата за одбележување на празникот, во 12 часот во касарната „Илинден“ во Скопје ќе се одржи централната свеченост на којашто ќе говорат Министерот за внатрешни работи, Оливер Спасовски, директорот на Бирото за јавна безбедност, Горанче Савовски и командантот на Единицата за специјални задачи „Тигри“, Славчо Петрушевски која воедно одбележува 35 години јубилеј од нејзиното формирање.Инаку покрај централната свеченост предвидени се и низа други активности. Во 10 часот во Министерството за внатрешни работи на споменикот на загинатите припадници на Министерството за внатрешни работи (пред зграда 1.), министерот Спасовски со претставници на МВР и семејствата на загинатите припадници на МВР положија цвеќе. По положувањето на цвеќе, Спасовски ги прими семејствата на загинатите припадници на МВР.Покрај ова, делегација на МВР ќе положи цвеќе на споменикот во Базата „Брест“ посветен на загинатите припадници од хеликоптерската несреќа, а ќе биде посетен и споменикот на загинатите бранители во паркот „Жена борец“.Исто така претставници на МВР традиционално ќе ги посетат децата без родители од Домот за згрижување на деца и младинци „11 Октомври„ , Домот за доенчиња и мали деца во Битола и Дневниот Центар за деца со посебни потреби во Тетово при што на децата ќе им бидат дадени пригодни подароци.Министерот, Оливер Спасовски во петок им испрати честитка на припадниците на Министерството за внатрешни работи во којашто им се заблагодари за посветеноста и пожртвуваноста во секојдневното ангажирање во справување со кризните состојби.„Вашата заложба и професионалност која ја покажувате е пример како полицијата треба да биде гарант за безбедноста на сите граѓани на Република Македонија.Од Вас се очекува да бидете на висина на задачата, истрајни и професионални и да постапувате согласно Уставот и законите. Свесни дека во овој момент да бидеш припадник на македонската полиција е тешка и макотрпна задача, Вие останавте на браникот на татковината и покажавте како се чува и сака Република Македонија. Затоа, јас верувам во Вашиот капацитет дека и во иднина ќе истраете во справувањето со безбедносните предизвици борејќи се за добробитта и напредокот на македонското општество и граѓаните на Република Македонија“, се вели во честитката на Министерот./крај/мф/ффс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Македонија денеска избира претседател: седум имиња се на гласачкото ливче
Во Северна Македонија ќе се одржат седмите претседателски избори, а до затворање на избирачките места во 19 часот, на сила е изборен молк.
Евентуалниот втор круг од претседателските избори е закажан за 8 мај, за кога се закажани парламентарните избори.
На претседателските избори учествуваат седум кандидати – пет мажи и две жени.
Кандидати се актуелниот претседател Стево Пендаровски кој е поддржан од СДСМ и коалицијата, Гордана Силјановска Давкова од ВМРО-ДПМНЕ, Билјана Ванковска која е поддржана од Левица, Максим Димитриевски од движењето Знам, Стевчо Јакимовски од партијата Гром, Арбен Таравари од коалицијата Вреди и Бујар Османи кој е поддржан од Европскиот фронт.
Владата го прогласи денот на изборите за неработен.
Во избирачкиот список за претседателските избори се запишани 1.814.317 избирачи, а во странство ќе гласаат 2.569 гласачи со државјанство на Северна Македонија.
Во посебен избирачки список запишани се 2.147 лица кои издржуваат затворска казна или притвор.
Скопје
ЈСП: Јавниот превоз по неделен возен ред, жичницата на Водно нема да работи
Јавното сообраќајно претпријатие Скопје соопшти дека јавниот превоз ќе функционира по неделен возен ред, а жичницата на Водно нема да работи.
Како што се појаснува во соопштението, дежурни од седум до 14 часот ќе бидат билетарниците на Транспортен центар и таа во Ѓорче Петров.
Македонија
Променливо облачно и потопло со сончеви периоди
Времето денеска ќе биде променливо облачно и потопло со сончеви периоди. Кон крајот на денот ќе има локален слаб дожд, краткотрајно пороен, проследен со појава на ретки грмежи. Ќе дува умерен, а во западните делови повремено засилен ветер од југозападен правец. Минималната температура ќе биде во интервал од 4 до 10, а максималната ќе достигне од 16 до 24 степени.
Во Скопје променливо облачно и потопло со сончеви периоди. Во делови од котлината ќе има услови за појава на краткотраен пороен дожд со ретки грмежи. Ќе дува слаб до умерен променлив ветер. Минималната температура ќе се спушти до 6, а максималната ќе достигне до 22 степена.
Во четврток ќе се задржи променливо облачно време со повремени врнежи од дожд. Локално врнежите ќе бидат поројни, проследени со појава на грмежи, а на повисоките планини ќе преминуваат во повремен слаб снег. Од петок следува период на претежно стабилно и потопло време.