Македонија
„Мерцедесот“ од 600.000 евра купен за да се возат странците
Владиниот „Мерцедес“ од 600.000 евра, за кој јавноста дозна од објавувањето на снимките од прислушуваните разговори, бил купен за да се возат со него високите гости кои ја посетуваат Македонија, појасни премиерот Никола Груевски, одговоарајќи на пратеничко прашање.
„Возилото е набавено за превоз на високи гости кои ја посетуваат Македонија, а возилото во кое се возам јас е тоа што го наследив од претходниците и тогаш беше старо 12 години, а сега е повече од 20 години“, рече премиерот Никола Груевски, одговарајќи му на пратеникот Горан Мисовски од НСДП, зошто во услови на сиромаштија се трошат толку пари за возила.Сепак, пратеникот не беше задоволен од одговорот, велејќи дека не одговорил зошто тоа го криел од новинарите и од јавноста, при тоа цитирајќи му на Груевски делови од објавените прислушувани разговори, што наводно тој бара да има во возилото.Претходно Мисовски го праша Груевски и за случајот „Пуч“, во кој осомничен е поранешниот разузнавач Зоран Верушевски, но и лидерот на СДСМ Зоран Заев, зошто кога премиерот сметал дека странски служби прислушуваат во центарот на Скопје, не го повикал амбасадорот од таа земја и не го протерал.„Преку медиумите слушнавме дека поранешниот директор на УБК во време на СДСМ преку неговата комуникација којашто МВР ја откри, а медиумите ја прикажаа, отворено се допишува со своите соучесници укажувајќи им дека да не се секираат дека тие имаат „чадор“, мислејќи на заштита. Го упатувам пратеникот Мисовски, да ја следи судската расправа, во којашто посочената личност Верушевски ќе каже кој стои зад сето ова. Можеби одговорот го има и оној којшто му прати писмо, пишувано на рака, којшто знае многу детали за други држави и премиери’, рече Груевски.Груевски беше прашан и дали стои зад насилните протести во Општина Центар, кои беа за правото на изградба на црква во центарот на Скопје.„Дали сум стоел зад одреден протест организиран од невладина организација одговорот е не“, кусо одговори Груевски.„Не ве прашав дали стоите зад невладината организација, јас ве прашав дали сте организатор на тие протести. Не е нормално во сред центар, ваши партиски членови го извршија оној вандалски чин во Општина Центар… Ќе му пратиме на градоначалникот едно 2.000 луѓе, да му мавне едно 2-3 шамари нема да е за кривична, евентуално за прекршочна. Тоа се ваши зборови премиере“, рече Мисовски, повторно цитирајќи разговори од „бомбите“ на опозицијата./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Манолева: По 43 години, болницата во Отешево доби комплетно нов лик, современи услови за третман и медицинска опрема
Заменик министерката за здравство д-р Маја Манолева, вчера беше во посета на ЈЗУ Специјализирана болница за превенција лекување и рехабилитација на хронични респираторни неспецифични и алергиски заболувања ОТЕШЕВО. Оваа јавно-здравствена установа минатата година доби комплетно нов лик со реновиран болнички објект финансиски поддржан од Министерството за локална самоуправа и Владата на Швајцарија во висина од 20 милиони денари.
„Со имплементацијата на овој проект подобрени се болнички услови за третман на пациенти, поставен е нов мебел како донација од Луксембург, а собите се наместени со нов инвентар. Сите амбуланти, лабораторија, дневна соба, ехо кабинет, соба за спирометрија и алерго тестови се позиционирани во реновираниот објект. Како што можевме да видиме од посетата амбулантите веќе функционираат во реновираните простории. Специјализираната болница Отешево нуди современи услови за третман на пациенти и достоинствени услови за работа на здравствените работници“, рече Манолева.
Болницата во Отешево опстојува повеќе од 43 години и ова е прво реновирање кадешто значително се унапредени болничките услови. Во изминатиот период, установата се зајакна и со два апарати за физикална медицина и рехабилитација во склоп на проектот во вредност од 270 илјади денари.
Македонија
Притвор од 48 часа за две лица кои се задржани по убиството на лекарот во Железара
Со оглед на тоа што се уште се преземаат дејствија за обезбедување докази, јавен обвинител од Основното јавно обвинителство Скопје синоќа до судијата на претходна постапка од Основниот кривичен суд Скопје достави предлог за определување мерка краткотраен куќен притвор во траење од 48 часа за две од лицата кои беа задржани во врска со убиството на лекар во скопската населба Железара, извести Обвинителството.
Како што велат од Обвинителството, предлогот е прифатен и бараната мерка е определена.
Македонија
„Мицковски е ист како Груевски, злоупотребени децата во Гевгелија“, вели СДСМ
„Христијан Мицкоски е ист како неговиот претходник и ментор Никола Груевски. За врме на посетата на Мицкоски на Гевгелија беа злоупотребени млади лица и ученици, исто како што правеше Груевски, кога се редеа деца за да го поздравуваат“, соопшти СДСМ.
„На ист начин вчера, под палка на локалната власт на ДПМНЕ во Гевгелија беа поставени ученици да му аплаудираат, овој пат на Мицкоски.
Мицкоски е ист како Груевски. Во ДПМНЕ нема никакви промени. Тоа се истите методи на ДПМНЕ и истите ликови.
Мицкоски сака да продолжи каде застана Груевски.
Граѓаните не забораваат како изгледаше кога менторот на Мицкоски, Груевски нѐ заглави и не донесе до дното“, се наведува во соопштението на СДСМ.