Македонија
Месото и млекото од заболените говеда со чвореста кожа не се опасни
Месото и млекото од говедата заболени од болеста чвореста кожа не се опасни за човечка употреба, соопштуваат од Агенцијата за храна и ветеринарство од каде испратија препораки за заштита од болеста до сточарите.
Болеста е вирусно заболување, не е зооноза и не постои ризик по здравјето на луѓето. Забраната за употреба на млеко и месо од заболени животни е воведена како мерка само за да се спречи ширењето на болеста меѓу говедата.Заболувањето предизвикува висока телесна температура кај животните – (до 410 C ), појава на чворести промени на кожата, пад на млечноста, исцедок од носот, очите и појава на абортуси кај гравидните животни.Болеста се пренесува преку инсекти (комарци и шталски муви), директно преку контакт на заболено со здраво животно, индиректно преку заразена храна, вода, измет, заразени материјали опрема и друго.Од Агенцијата препорачуваат сточарите да ги држат говедата затворени во штала, да не се пуштаат на паша, не ги мешајте со говеда од соседните и други одгледувалишта, на шталата/објектот да стават заштита од инсекти и редовно да вршат дезинсекција и дезинфекција, да ги заштитат животните од убоди од инсекти, да користат средства против инсекти (репеленти) кои се регистрирани во Република Македонија и во согласност со упатството на производителот, а репелентите по можност да немаат каренца за млекото и месото.Според биосигурносните мерки кои теба да се спроведат на одгледувалиштата се, фармата да има само еден влез и еден излез, да се постави знак за предупредување /забранет влез/, дезинфицирајте ги чевлите и рацете при влез и излез од одгледувалиштето/фармата, да се постават дезинфекциони бариери на влезот и излезот на одгледувалиштето/фармата како и на влезот и излезот на секој објект, да се користи заштитна облека при работа и истата треба редовно да се чисти и дезинфицира, да се изолираат болните од здравите животни, по можност во посебна просторија, работниците кои работат со болни животни да немаат пристап до здравите животни на фармата, редовно да се чисти изметот од објектите и соодветно да се отстранува, да се врши дезинфекција на возилата при влез и излез од одгледувалиштето/фармата, правилно да се складира и да се чува храната и водата на одгледувалиштето/фармата и да се постават мрежи против инсекти на прозорците, вратите, отворите за вентилација.„Ги повикуваме сточарите за секоја дилема во врска со болеста да се обратат во Агенцијата на бесплатниот телефонски број 0800 3 22 22, или електронски на [email protected]“, апелираат од Агенцијата за храна и ветеринарство./крај/мф/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Штипјанец и скопјанка фатени како ги фотографираат гласачките ливчиња, а жител на Бучим му го покажал ливчето на набљудувач
Од отворањето на гласачките места досега имаме регистрирано две фотографирања на гласачко ливче, едно во Скопје, а едно во Штип. Покрај тоа, во Бучим, Радовишко, има едно лице што го покажало гласачкото ливче на набљудувач, изјави портпаролот на МВР, Тони Ангеловски.
„Од отворањето на гласачките места до 11.00 часот регистрираме две фотографирања на гласачко ливче, едно во Штип и едно во Скопје. Во 09.30 часот на избирачко место 2274 во Штип Г.Ј. го фотографирал гласачкото ливче и од страна на полициски службеници од СВР Штип се преземаат мерки за расчистување на случајот. Во 09.20 часот на гласачко место 2844 во ОУ „Јохан Х. Песталоци“ во Скопје, С.М. (57) го фотографирала гласачкото ливче и од страна на СВР Скопје се преземаат мерки за расчистување на случајот“, додаде Ангеловски.
Тој посочи дека досега МВР нема регистрирано посериозни нарушувања на јавниот ред и мир при гласањето, односно гласањето се одвива мирно и без проблеми.
Ангеловски дополни и дека димна бомба има на гласачко место, а пријавени се и летоци врз паркирани автомобили во Чаир и графити.
До 11 часот е пријавено дека на гласање излегле 229.473 граѓани и одѕивот од 3,85, колку што беше до 9 часот, се искачи на 12,78 отсто.
Македонија
Најдена испукана димна бомба на гласачко место, летоци врз паркирани автомобили во Чаир и графити пријавени во МВР
Портпаролот на МВР, Тони Ангеловски, информира за текот на изборниот процес од отворањето на избирачките места.
„Досега МВР нема регистрирано посериозни нарушувања на јавниот ред и мир при гласањето, тоа се одвива мирно, без проблеми. Од отворањето на гласачките места досега имаме регистрирано две фотографирања на гласачко ливче, едно во Скопје, а едно во Штип. Покрај тоа, во Бучим, Радовишко, има едно лице што го покажало гласачкото ливче на набљудувач.
За сите овие настани, како што вели тој, се преземаат мерки за расчистување на случаите.
„Покрај тоа, на територијата на општина Чаир се забележани летоци, кои биле оставени на паркирани возила, а исто така се испишани и два графита. На едно гласачко место во Скопје, покрај испишаниот графит, од страна на претседател на избирачки одбор е пријавено дека во 6.30 часот во ходникот е пронајдена димна бомба. Веднаш се преземени мерки и активности и на ова место гласањето се одвива непречено“, додава Ангеловски.
Апелира до граѓаните и учесниците на изборите – во текот на гласањето, до завршувањето, да се воздржат од какви било инциденти.
Македонија
На 12,78 отсто се искачи одѕивот до 11 часот, најголем во Демир Капија – 23,99 отсто
До 11 часот на гласање излегле 229.473 граѓани и одѕивот од 3,85, колку што беше до девет часот, се искачи на 12,78 отсто.
Најголем е одѕивот во Демир Капија – 23,99 отсто, каде што од вкупно 3.208 граѓани до 11 часот гласале 769.
На седмите претседателски избори во земјата право на глас имаат 1.814.317 граѓани на 3.480 избирачки места.