Македонија
МОН: СДСМ имаше можност да се посвети на студентите и да им го унапреди стандардот
СДСМ имаше можност да им се посвети на студентите и да придонесе за унапредување на студентскиот стандард, но во времето на нивното владеење, единствен предмет на интерес беа приватизацијата и отпуштањето луѓе од работа, одговорија во саботата од Министерството за обраозвание и наука (МОН) на соопштението на најголемата опозициска партија за, како што документираа катастрофалните состојби во студентскиот дом „Стив Наумов“
„Наспроти нивните лаги, преку изнесување податоци и компарации на бројки произлезени од нивните манипулативни математики, вистината е сосема поинаква. Денес во интерес на студентите и студентскиот стандард се спроведуваат бројни проекти, мерки и активности, кои се видливи и мерливи“, велат од МОН.
Притоа прават споредба дека во времето на власта на СДСМ студентите плаќале партиципација и до 1.200 евра годишно, наспроти денешните 200 евра во државна квота, односно 400 евра во квотата со кофинансирање.
„Не споменуваат дека студентите немаа литература за студирање и дека онаа што се користеше, беше застарена и напишана на други јазици. За разлика од денес, кога бесплатно им се достапни книгите и учебниците од кои се учи на најдобрите 10 светски универзитети, на мајчин јазик. Не споменуваат дека студентите немаа читални, немаа лаборатории, системот на стипендирање нудеше само неколку типови на стипендии, наспроти денешните 40 различни видови“, се додава во реакцијата од рресорното министерство.
Се наведува дека во времето на актуелната власт, пак, има целосно нови изградени капацитети во состав на студентскиот дом „Стив Наумов“, дел од постојните се реновирани и модерно опремени, како блокот Б во студентскиот дом „Гоце Делчев“, каде наскоро ќе биде пуштен во употреба и вториот блок А, а лифтовите во сите домови се заменети со нови. Конкретно за студентскиот домн „Стив Наумов“ велат дека се изградени нови современи сместувачки капацитети за што се издвоени 1,5 милиони евра.
Потсетуваат, исто така, дека во тек е и постапка за замена на инвентарот, а наскоро најавуваат оти ќе започне и постапката за набавка на перални и сушални. Во моментов во тек е втората фаза од процесот на темелна целосна реконструкција на студентскиот дом Гоце Делчев. Еден од блоковите е целосно обновен, опремен и функционален, а наскоро ќе биде пуштен во употреба и вториот реконструиран блок. Целосната реконструкција на домот ќе биде заокружена во 2017 година, а ќе бидат инвестирани околу 6 милиони евра. Дополнително заменети се лифтовите во сите студентски домови каде има инсталирани и се користат лифтови, за што се инвестирани 250 илјади евра. Во меѓувреме, во тек е постапка за замена на инвентарот, а наскоро ќе започне и постапката за набавка на перални и сушални.
„А согласно најавите за изградба на три нови студентски домови, за два од нив, постапката е целосно завршена. По потпишување на договорите со изведувачите, ќе започнат активностите на терен. Ова е вистината која СДСМ ја одбегнува и фингира податоци, исклучиво за добивање политички битки“, се вили во писмената реакција на МОН во која се оценува дека се „очигледни обидите“ на СДСМ „за предизборна манипулација на студентите и нивно користење во дневно политичките битки“.
„Студентскиот стандард никогаш не бил приоритет на оваа политичка партија, која во времето на нејзиното владеење единствено се занимаваше со приватизацијата и отпуштање на граѓаните од работа. Наспроти циничниот однос на СДСМ, актуелната Влада и Министерството за образование и наука реализираат конкретни и мерливи активности, особено во насока на унапредување на студентскиот стандард. Ова се инвестиции за кои СДСМ никогаш не се ни сети, а камо ли да најде време и средства да ги реализира. Така што, апелираме да не манипулира со јавноста и во иднина општествено одговорно да настапува пред јавноста“/крај/мф/љс.
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ДИК објави упатство за гласање на претседателските избори
Пред утрешното гласање на првиот круг од претседателските избори, Државната изборна комисија (ДИК) на својата официјална веб-страница објави повеќејазично упатство за гласање.
УПАТСТВО ЗА ГЛАСАЊЕ ЗА ПРЕТСЕДАТЕЛСКИ ИЗБОРИ
1. Гласањето се врши лично на гласачките места во Република Северна Македонија и во ДКП/КК.
2. Избирачкиот одбор на гласачите им го објаснува начинот на гласање и им овозможува да гласаат.
3. Гласачот може само еднаш да се појави на гласачкото место за остварување на своето избирачко право.
4. Гласачот го приложува документот за лична идентификација – важечка лична карта или патна исправа, односно лична
карта или патна исправа чија важност истекла во периодот од 24 јули 2023 до 24 април 2024 година.
5. Гласачот става отпечаток од показалецот од десната рака на уредот за биометриска идентификација, а доколку
гласачот нема десен показалец се зема отпечаток од показалецот од левата рака или во случај на гласачот да му
недостигаат овие два прста се зема отпечаток од наредниот прст од десната рака.
6. Доколку гласачот нема две раце гласачот се внесува во техничката опрема со пребарување преку неговиот единствен
матичен број (ЕМБГ).
7. Доколку УБИГ не може да најде совпаѓање на отпечатокот од прсти со отпечатокот од прсти на гласачот во
електронскиот избирачки список, гласачот се внесува во УБИГ преку отчитување на личниот документ на МРЗ скенерот
или преку внесување на единствениот матичен број (ЕМБГ), а потоа гласачот става отпечаток од прст на УБИГ.
8. По потврдувањето на идентитетот, гласачот го става својот потпис во изводот од Избирачкиот список.
9. Гласачкото ливче се откинува од кочанот по нумерички редослед, му задолжително се става печат на предната страна
на местото определено за печат и потоа му се дава на гласачот.
10. Гласачот добива едно гласачко ливче.
11. Гласачот гласа сам, тајно зад гласачки параван.
12. Гласачот гласањето го врши на тој начин што го заокружува редниот број пред називот/името на листата со хемиско
пенкало со мастило во сина боја.
13. Превитканото гласачко ливче гласачот го става во гласачката кутија.
14. Гласачот го подигнува документот за лична идентификација.
15. Гласач кој има физички недостаток или е неписмен и поради тоа не може да гласа на начин утврден со Изборниот
законик, со себе има право да доведе лице кое ќе му помогне при гласањето. Ако не доведе со себе лице кое ќе му
помогне при гласањето, тогаш избирачкиот одбор ќе определи друго лице од редот на гласачите. Лицето не смее да
влијае врз одлуката на гласачот.
16. Забрането е семејното и групното гласање, како и гласањето за друго лице.
17. Забрането е фотографирање на гласачкото ливче со мобилен телефон или апарат за фотографирање.
18. Забрането е носење оружје на гласачкото место.
Македонија
Беќаровски навести дека си оди од Токсикологија: Дон Кихот конечно го напушта оклопот
Доктор Нико Беќаровски навести дека ќе си замине од Клиниката за Токсикологија.
Во статус на социјалните мрежи, Беќаровски порача дека е време на приватните клиники да се отвори Одделение за детоксикација и Клиничка токсикологија.
„35 години бев најголем борец за здрав јавен здравствен сектор. Дон Кохот конечно го напушта оклопот. Време е во некоја од приватните болници да се отвори Одделение за детоксикација и клиничка токсикологија. Бројот на консументи на психоактивни супстанции секојдневно расте“, пишува Беќаровски.
Ова се случува откако вчера на прес-конференција заедно со уште пет докторки од Стручниот колегиум на Клиниката за токсикологија јавно ја прозваа економската директорка на Клиниката за токсикологија Бесија Иљази, дека не дозволува вработување на двајца дипломирани биолози и еден болничар. Наместо, тоа, таа инсистира да се вработат осумнаесетмина на кои им истекле договорите за дело, а меѓу нив има лица кои немаат соодветно образование.
Беќаровски кој е раководител на Одделението за интензивна нега на Клиниката рече дека едниот од нив, болничар, вршел притисок врз лаборант- барал урина во која имало наркотици, да биде сменета со урина која е чиста, ама лаборантот не прифатил.
За образованието на Иљази, лекарите не знаат ништо, ниту за познавањето на јазици – со оглед на тоа што македонскиот не го зборува, а Беќаровски се обидел да комуницира со неа на англиски јазик.
Министерот за здравство Илир Демири најави разрешување на медицинскиот директор на Клиниката за токсикологија, д-р Данил Петровски, но не и економската директорка бидејќи немал сознанија за прекршок.
Македонија
Дожд и снег на повисоките места: ЦУК апелира на внимателност поради најавените метеоролошки промени
ЦУК апелира за внимателност заради најавените метеоролошки промени со дожд, со доумерен ветер и со снег на повисоките места.
Кога се оди со возило на планините е препорачливо да се има полн резервоар гориво и да се внимава на лизгавоста и проодноста на патот, велат од ЦУК.
„Сите итни случаи се пријавуваат на Единствениот повикувачки број за итни случаи 112 во ЦУК, особено кога граѓаните имаат животозагрозувачки ситуации“, се наведува во соопштението.
Истовремено, ЦУК информира дека е потребно и корисно да се следат препораките и информациите од медиумите за превенција, а и за реагирање при итни случаи.
„Во реонот на автопатот A2 Кичево-Охрид, што е во изградба, во период од 12 до 16 часот ако се слушнат силни детонации, граѓаните да не се вознемируваат, во повеќе наврати ќе се извршат минирања на теренот“, информираат од ЦУК.