Македонија
Муцунски не сака да го толкува Кошта, но чувствува дека највисоките претставници на ЕУ имаат желба за стимулирање дијалог со Бугарија
Министерот за надворешни работи и надворешна трговија Тимчо Муцунски, не сака да навлегува во толкување на изјавата на претседателот на Европскиот совет, Антонио Кошта за усвојувањето заклучоци со гаранции дека земјава нема да добие нови условувања на европскиот пат. Кошта, на прашањето дали може да усвојат такви заклучоци рече „посакувам што е можно порано Европскиот совет да има услови да донесе вакви заклучоци, но ова зависи од Северна Македонија, да го направи тоа што го договорила во 2022 година“. Договореното во 2022 година е усвојување на уставните измени, за кои Кошта нагласи дека се единствениот начин за формално почнување на пристапните преговори.
„Она што е договорено во 2022 година треба да се испорача и ништо повеќе од тоа“, рече Кошта на заедничката прес-конференција со премиерот Христијан Мицкоски.
Министерот Муцунски денес кажа дека од Кошта не слушнал експлицитна изјава дека заклучоци е неприфатливо да се гласаат, но затоа објасни што чувствува.
„Тоа што јас го чувствувам од највисоките претставници на Европската Унија е дека има желба за стимулирање на дијалог меѓу двете држави. Од таа гледна точка ние ќе бидеме не само конструктивен туку и продуктивен чинител. Јас, покрај тоа што велам дека ние имаме јасни позиции, секогаш нагласувам дека ние немаме алтернатива освен европскиот пат. Очигледно е дека во моментов постои сериозен интерес од страна на земјите-членки на европските институции за раздвижување на политиката за проширување и доколку тој интерес е искрен, секако и за нашиот спор ќе се најде соодветно европско решение“, рече министерот Муцунски денес пред обраќањето на бизнис форумот на информатичко-комуникациски компании организиран од Стопанската комора за информатички и комуникациски технологии – МАСИТ и Здружението на информатички компании на Грција.
Министерот Муцунски, не сакаше да навлезе во толкување на изјавата на Кошта, но нагласи дека ЕУ дава силен сигнал со тоа што утрешниот самит го организира во Тиват.
„Без сомнеж имаме очекувања од самитот бидејќи е, прво, самит кој се одржува во регионот. Самото тоа е порака кон регионот. Очекуваме да се пратат дополнителни сигнали за охрабрување кон регионот, во една колективна смисла. Веројатно една од темите за дискусија, бидејќи се очекува присуство на канцеларот Мерц, ќе биде како тој ја гледа политиката на проширување. Еден од позитивните сигнали што ги слушаме, но веројатно изворно ќе го слушнеме во Тиват е дека и тие идеи кои што тој ги образложи во своето писмо не се толкуваат алтернативно односно дека ќе има некој нов модел без пат кон полноправно членство туку како еден паралелен процес кој би се одвивал. Но, секогаш е најдобро покрај информациите кои ги добиваме и изворно да слушнеме што имаат да кажат највисоките претставници и на земјите членки и на европските институции“, рече Муцунски.
Тој и денес повтори дека Владата цврсто останува на позицијата дека во овој момент услови за уставни измени нема, но може да се создадат врз основа на градење меѓусебна доверба, која, пак, тој смета дека може да се изгради ако има институционални гаранции.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Фото) Средба Мицкоски-Ердоган: Потврдена блиската и стратешка соработка меѓу Македонија и Турција
Премиерот на Македонија, Христијан Мицкоски, оствари билатерална средба со претседателот на Република Турција, Реџеп Таип Ердоган, на која била потврдена традиционално блиската, пријателска и стратешка соработка меѓу двете држави.
Според објавата на премиерот, на средбата било изразено заедничко задоволство од одличните политички односи, кои се темелат на меѓусебна почит, доверба и искрено пријателство меѓу двата народа.
Продлабочување на економската соработка и нови инвестиции
„Разговаравме за можностите за дополнително продлабочување на економската соработка, зголемување на трговската размена, нови инвестиции, како и за унапредување на соработката во областа на инфраструктурата, енергетиката, туризмот, образованието и одбраната. Ја нагласив важноста на Турција како значаен економски и политички партнер, истакнувајќи дека Владата останува посветена на создавање поволна и предвидлива деловна клима за нови турски инвестиции и отворање нови работни места.“, стои во статусот на Мицкоски.
Како што напиша македонскиот премиер, претседателот Ердоган ја потврдил поддршката на Турција за развојот и просперитетот на Македонија, како и подготвеноста за понатамошно зајакнување на билатералните односи во сите области од заемен интерес.
Во рамки на разговорите биле разменети мислења и за актуелните регионални и меѓународни предизвици, при што била нагласена потребата од стабилност, соработка и економски развој на регионот.
На крајот од својата објава, премиерот Мицкоски изрази уверување дека односите меѓу двете пријателски држави ќе продолжат да се развиваат со уште посилна динамика во периодот што следува.
Македонија
Николоски: Почнуваме изградба на нов автопат, Скопје – Блаце ќе биде главна артерија за поврзување со Косово и Црна Гора
Заменик претседателот на Владата и министер за транспорт Александар Николоски, оствари работна средба со Фатих Туркменоглу, директор на канцеларијата на Европската банка за обнова и развој (ЕБОР), на која се разговараше за изградбата на автопатот Скопје – Блаце.
На средбата, претставниците на ЕБОР информираа дека во соработка со Јавното претпријатие за државни патишта успешно е завршена постапката за избор на Изведувач. Изведувачот на автопатот е конзорциумот предводен од македонската градежна компанија Гранит. После подолг временски период една домашна градежна компанија целосно ќе изведува автопат.
Автопатот Скопје – Блаце претставува витална патна артерија со која Македонија се поврзува со Косово и Црна Гора. Неговата изградба ќе придонесе за поефикасен транспорт и побезбеден сообраќај , ќе ја подобри поврзаноста со соседните земји и ќе создаде нови можности за економски развој, трговија и инвестиции.
Реализацијата на овој проект има големо значење за регионалното поврзување и за унапредување на транспортната инфраструктура, со што Македонија дополнително ќе ја зацврсти својата улога како важна транзитна и транспортна врска во регионот.
По завршувањето на сите административни процедури и обезбедување на соодветни банкарски гаранции ќе започне изведбата на терен и градежни активности.
На средбата беше потврдена и одличната соработка помеѓу Владата, Министерството и ЕБОР, при што беше изразена заедничка подготвеност за продолжување на партнерството и поддршка на идните инфраструктурни проекти кои се од стратешко значење за државата.
Македонија
Битола сака да стане велоград, ќе набавува електрични велосипеди за граѓаните
Градоначалникот на Битола Тони Коњановски на седницата на која се носеше ребалансот на Буџетот за 2026 година кажа дека во Програмата за животна средина планирани се 4.8000.000 денари за набавка на електрични велосипеди, што ја потврдува тенденција за Битола да стане вело град, преку создавање на вело инфраструктура, но и набавка на велосипеди кои ќе можат да ги користат граѓаните.
Како што објасни претседателот на Советот Бојан Бојкоски новите електрични велосипеди ќе бидат на принципот изнајмување преку апликација по симболични цени на изградените велосипедски патеки, односно на неколку пунктови граѓаните ќе имаат можност да ги изнајмуваат со цел да ги користат велосипедските патеки.
(Видео) Катарецот Куки во 95-та минута ја шокира Швајцарија
Катар и Швајцарија одиграа 1:1, во вториот натпревар од Б групата на Светското првенство. Со ист резулта, вчера заврши дуелот...
Трамп на самитот на Г7 ќе се сретне со светски лидери, можна средба и со Зеленски
Американскиот претседател Доналд Трамп следната недела ќе учествува на самитот на Г7 во Франција, каде што ќе се сретне со...
Трамп објави дека договорот за завршување на војната ќе биде потпишан утре, Иран вели нема да се случи тоа
Американскиот претседател Доналд Трамп објави дека првичниот договор за прекин на војната меѓу САД и Иран би можел да биде...
(Видео) Хаос по мечот Олимпијакос-ПАО, Џонс со бокс го удри Нан
Кошаркарите на Олимпијакос ја одбранија титулата во Грција, со победа над Панатинаикос 89:85 во петтиот натпревар од финалната серија. Сепак,...
Германски генерал предупредува: Русија можеби развива технологија за поставување нуклеарно оружје во орбитата
Русија можеби работи на технологија која би овозможила поставување нуклеарно оружје во Земјината орбита, предупреди командантот на германските вселенски сили,...
„Никогаш нема да се откажам“ – по изборното фијаско, Орбан доби нов мандат во Фидес
Поранешниот унгарски премиер Виктор Орбан повторно е избран за лидер на опозициската партија Фидес, и покрај тоа што на парламентарните...
Трамп: Утре ќе потпишеме договор со Иран, Ормутскиот теснец повторно ќе биде отворен
Американскиот претседател Доналд Трамп објави дека Соединетите Американски Држави утре ќе потпишат нов договор со Иран, кој, според неговите зборови,...
Виктор Орбан повторно избран за претседател на Фидес
Долгогодишниот унгарски лидер Виктор Орбан повторно е избран за претседател на владејачката партија Фидес на 32. конгрес што се одржа...
(Фото+видео) Белфаст меѓу немири и повици за единство: илјадници на антирaсистички протест
Околу 3.000 луѓе излегоа на антирaсистички протест во центарот на Белфаст, испраќајќи порака против омразата и насилството по неколкудневните немири...