Македонија
МВР: Ги следиме информациите за џихадистите, доколку е потребно ќе реагираме
Македонското министерство за внатрешни работи ги следи сите информации и сознанија и доколку е потребно, подготвени сме да реагираме, изјави за Макфакс помошникот на Министерот за внатрешни работи за односи со јавност, Иво Котевски по информациите објавени во косовските медиуми дека џихадистите подготвуваат напади во Приштина и во Скопје.
Според информациите објавени на косовската агенција Lajm.net, блиски луѓе на лидерот на Албанците, кои се во Исламската држава, Лавдерим Мухаџери, дале наредби за терористички напади на џихадистите во Македонија и во Косово, и тоа во Скопје и во Приштина.Агенцијата обезбедила соопштение во кое се дава наредби на косовската полиција да преземе активности за да одговори на овие закани.Се наведува дека едно лице од Македонија, инаку познато на полицијата, кое во моментот е во Сирија и се наоѓа во воените зони на Сирија и на Ирак, контактирал со негови соработници, за во јуни да има напади во Македонија и во Косово. Со терористичките напади, се додава во информацијата, во Скопје и во Приштина треба да се создадат што поголеми материјални и човечки загуби.На 22-ри мај според вештачење на видео поставено на интернет страниците коишто ги користат џихадистите, медиумите објавија дека човекот со брада, кој со базука убива сириски заробеник, е косовскиот Албанец по име Лавдeрим Мухаџери, кој се наоѓа на потерница на Интерпол.Името на Лавдерим Мухаџери беше споменувано во светските медиуми уште во август минатата 2014 година, кога беше наведено дека Муџахери, кој стана познат откако на интернет објави фотографии на егзекуција со момченце во Сирија, бил сменет од местото командант на албанските борци кои се борат на страната на џихадистите. На негово место бил поставен извесен Ридван Хакифи.Според порталот Ummeta, близок на радикалните исламистички групи во БиХ и на Балканот, во редовите на џихадистите на Исламската држава во Ирак и во Сирија се борат неколку стотини доброволци од Балканот, вклучително и околу 150 Албанци.Пред неколку дена Министерот за внатрешни работи на Македонија, Митко Чавков изјави дека МВР има сознанија за можни напади на поединци или групи, како одмазда за акцијата во Куманово.„Постојат одредени сознанија и сомневања дека поединци или групи ќе посегнат кон напади на поединци или на објекти во знак на одмазда за реализацијата на акцијата во Куманово, но во исто време морам да кажам дека безбедносната состојба во Македонија е стабилна. Овие сознанија индицираат на можности од асиметрични закани од поединци или групи, така што зголемувањето на нивото на безбедност, односно подигањето на оперативно ниво на македонската полиција е токму во тој правец на превенирање на евентуални такви активности, но во исто време сме должни да посочиме на можноста од такви ризици“ изјави Чавков./крај/мф/ффс/мн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одрони на неколку патни правци
ЦУК извести дека преку единствениот број за Итни повици Е-112 добиена е дојава за одрон на патот кај Калиманци, на регионалниот пат Македонска Каменица-Виница, 5 километри пред влезот на Македонска Каменица.
За настанатата состојба известени се ЈП за оддржување на регионалните и магистралните патни правец и екипите се излезени на терен за да го саниррат одронот, додаваат од ЦУК.
Исто така добиена е дојава за одрон на патен правец село Удово-Демир Капија.
„Точната локација е 2-3 километри после село Удово во правец спрема Демир Капија. За настанатата состојба известени се ЈП за оддржување на регионалните и магистралните патни правец и екипите се излезени на терен за да го санираат одронот“, соопшти ЦУК.
Македонија
Нема да има работни саботи за учениците, МОН донесе нова одлука
Министерството за образование и наука информира дека наставата од деновите на гласање, 24 април и 8 мај, како и од 30 ноември кога беше организиран Самитот на ОБСЕ во Скопје, наместо во саботи, ќе се надомести во работни денови.
Дополнувањето на нереализираните наставни часови ќе го планираат и организираат директорите на училиштата и ќе се реализира со подолг престој на учениците во денови од работната недела, во рамки на шестчасовното работно време на наставниците, велат од МОН.
Од Министерството потсетуваат дека наставната година за учениците од средните училишта трае до 10 јуни, додека за учениците од основните училишта до 17 јуни.
„Потребно е да го зачуваме најдобриот интерес на учениците, а тоа подразбира тие во целост и квалитетно да ја совладаат предвидената наставна материја“, додаваат од МОН.
Македонија
Со супервештачење ќе се бара вина кај лекарите за родилката од Дебар, која, по породувањето, се врати дома без јајчник, матка и бубрег
Судот нареди да се направи супервештачење за родилката од Дебар, Јалдз Веапоска, на која по породување во струшката болница ѝ беа извадени јајчник, бубрег и матка. Наредбата за супервештачење доаѓа откога судот доби целосно спротивни вештачења од Обвинителството и од одбраната. Вештачењето од Институтот за судска медицина, приложено од Обвинителството, посочи одговорност кај лекарите од струшката болница, а вештачењето нарачано од одбраната, кое го направи вештакот Драге Дабески, заклучи дека лекарите ѝ го спасиле животот на родилката.
„Со супервештачењето верувам дека, конечно,. вистината ќе излезе на виделина и правдата ќе биде задоволена. Вештакот на одбраната не најде лекарска грешка, ме убедува дека со вадење три органи по породувањето со царски рез, ми го спасиле животот иако вештачењето од Судска медицина покажа дека лекарите имаат вина. Јас здравјето не можам да си го вратам, органите ми се извадени и функционирам како половина човек, но очекувам супервештачењето на лекарите да им покаже дека има лекарска грешка и на пациентите да им порачам дека не треба да молчат, треба да се охрабрат и да се борат за вистината“, вели Вепоска за „Макфакс“.
Се пожали дека секое судење дополнително ја исцрпува, а извадените органи ја ограничуваат во мајчинството, во работата и во секојдневниот живот.
„Здравјето целосно ми е нарушено. Освен физички, имам и психички проблеми, се лекувам и од тоа. Особено тешко ги поднесувам судењата, ми треба време да закрепнам од нив. Работам со скратено работно време оти немам сила за осумчасовна работа. Како мајка не можам да им се посветам на децата онака како што треба оти постојано имам здравствени проблеми, еве сега тукушто ја испив терапијата“, рече Веапоска по денешното судење.
Судијата Јодран Јованов, кој го побара супервештачењето, е трет судија што го добива нејзиниот случај откога претхдните двајца се пензионираа. Следното рочиште е закажано за 3 јуни кога Вепоска очекува да биде готово и супервештачењето.
За извадените органи по породувањето со царски рез на Веапоска, обвинети за несовесно лекување се гинекологот Мухамед Асани, кој во 2020, кога беше направено породувањето, беше директор на болницата, син му Блертон Асани и докторката Лилјана Јовановска.