Македонија
МВР: Заврши полициската акција во Куманово, терористите неутрализирани – видео
Полициската операција во кумановската Дива населба е завршена, а истражни екипи веќе вршат увид на местото на настанот.
Како што истакна во недела помошникот министер за информации во МВР, Иво Котевски, терористичката група стационирана во неколку објекти, која претставуваше закана по безбедноста на граѓаните на Република Македонија, е целосно неутрализирана и елиминирана.
Станува збор за една од најопасните терористички групи која изминативе години беше инволвирана во бројни напади.
Како што информира Котески, лидери на групата се озлогласените Мухамед Красниќи т.н Малишева, Мирсад Ндрецај т.н. командант Нато, Сами Укшини т.н. командант Соколи, Бег Ризај алијас командант Бегу и Дем Шеху, алијас Јунику.
„Сите петмина се косовски државјани и фигурираат како основачи на паравоени структури. Тројца од нив синоќа се предадоа на полицијата“, рече Котевски.
Тој додаде дека се пронајдени 14 тела на терористи, а дополнително ќе се утврди дали во објектите во кои се водеше акцијата има уште тела.
„Не можеме да исклучиме дека има други загинати терористи и можно е во одредени простории да има уште тела. Објектите се обезбедуваат и во тек е увид, а пронајден е голем арсенал кој ќе биде даден на вештачење. Се предадоа повеќе од 30 терористи главно македонски државјани и еден албански државјанин. Против нив ќе биде поднесена крвична пријава за терористичко загрозување на уставен поредок и безбедност“, истакна Котевски.
Котевски истакна дека дел се претходно кривично гонети поради убиства, тешки кражби и други насилни дела. /крај/мф/ст
Се вчитува прикажувачот на видео…
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Испукана димна бомба на гласачко место, летоци врз паркирани автомобили во Чаир и графити пријавени во МВР
Портпаролот на МВР, Тони Ангеловски, информираше за текот на изборниот процес од отворањето на избирачките места.
„Досега МВР нема регистрирано посериозни нарушувања на јавниот ред и мир при гласањето, гласањето се одвива мирно без проблеми. Од отворањето на гласачките места досега имаме регистрирано две фотографирања на гласачко ливче, едно во Скопје, а едно во Штип. Покрај тоа, во Бучим, радовишко има едно лице кое го покажало гласачкото ливче на набљудувач.
За сите овие настани, како што вели тој, се преземаат мерки за расчистување на случаите.
„Покрај тоа, на територија на општина Чаир се забележани летоци кои биле оставени на паркирани возила, а исто така се испишани и два графити. На едно гласачко место во Скопје покрај испишаниот графит, од страна на претседател на избирачки одбор е пријавено дека во 6.30 часот во ходникот е пронајдена испукана димна бомба. Веднаш се преземени мерки и активности и на ова место гласањето се одвива непречено“, додава Ангеловски.
Апелира до граѓаните и улесниците на изборите, во текот на гласањетоо, до завршувањето, да се воздржат од било какви инциденти.
Македонија
На 12,78 отсто се искачи одѕивот до 11 часот, најголем во Демир Капија 23,99 отсто
До 11 часот на гласање излегле 229.473 граѓани и одѕивот од 3,85, колку што беше до девет часот, се искачи на 12,78 отсто.
Најголем е одѕивот во Демир Капија, 23,99 отсто, каде што од вкупно 3.208 граѓани до 11 часот гласале 769.
На седмите претседателски избори во земјава право на глас имаат 1.814.317 граѓани на 3480 избирачки места.
Македонија
Даштевски: Во првите два и пол часа пријавени се само технички проблеми, кабел или батерија, ги решаваме во од
Ситни техники проблеми околу биометриските уреди се пријавени во првите два и пол часа од гласањето. Претседателот на Државната изборна комисија Александар Даштевски извести дека гласањето се одвива мирно и без неправилности, а техничките проблеми вели дека тековно ги решаваат.
„Пријавени се само технички проблеми, батерија или кабел на биометриските уреди кои ги решаваме во од. Сите гласачки места се отворени и засега нема прекин никаде“, рече претседателот Даштевски.
Одѕивот во првите два и пол часа е 3,85 отсто, но пристигнале податоци од само 832 избирачки места. На овие избори право на глас имаат 1. 814.317 граѓани на 3480 избирачки места.