Македонија
На Клиниката за онкологија ставен во функција новиот современ CT симулатор
На Клиниката за онкологија во неделата во функција беше ставен комплетно нов најсовремен CT симулатор, кој е осум пати побрз од досегашниот и е наменет за петнаесет пациенти на ден.
Стариот кој беше досега користен, во функција беше колу 14 години и истиот бил 1 слајсен, додека, пак, новиот е 16 слајсен и е осум пати попрецизен.
„Станува збор за набавка во вредност од 32,7 милиони денари и со ова се стави во функција нов и најсовремен CT симулатор во државата нешто без што е незамислива работата на оваа клиника имајќи во предвид дека секој пациент пред да започне со зрачна терапија треба да помине на овој симулатор“, рече министерот за здравство Никола Тодорв, кој беше во посета на Клиниката.
Овој симулатор ќе може да опслужува од десет до петнаесет пациенти дневно, со што ќе бидат опфатени сите пациенти на кои им е потребен овој преглед.
Стариот симулатор кој сé уште е во функција се планира да биде пренсен во Битола, каде што ќе претставува надополнување на новиот акцелератор којшто, исто така. е набавен и треба да биде монтиран.
„Машината има многу подобра резолуција и е многу понова генерација, брзината со која то работи е поголема за дури 16 пати. Сега можеме да ги работиме сите контрастни методи коишто ни се потребни, бидејќи ни даваат многу попрецизна слика за крвното снабдување на целата таа регија којашто сакаме да ја опфатиме. Исто така, и сликата е со многу подобри перформанси“, појасни за новинарите директорот на Клиниката за онкологија, д-р Милан Ристески./крај/мф/
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Ангелов за ДУИ: Со пушка дојдоа на власт, со пенкало да ги отераме на буништето на историјата
Колку и да е убедлива, победата нема да биде комплетна доколку ДУИ не биде срушена од власт, вели претседателот на Достоинство, Стојанче Ангелов по првиот круг од претседателските избори.
„Затоа е потребна општа мобилизација за уште посилна победа на коалицијата “Твоја Македонија” предводена од ВМРО ДПМНЕ. Граѓаните ги отпишаа СДСМ, да запнеме сите заедно да ги отпишеме и ДУИ. Овојпат ДУИ мора да падне! Со пушка дојдоа на власт, со пенкало да ги отераме на буништето на историјата!“, порача Анеглов.
Ангелов пред еден месец соопшти дека неговата партија излегува од коалицијата предводена од СДСМ.
Тој со години се залагаше воените инвалиди и семејства на загинатите бранители да бидат обештетени, но немаше слух од своите коалициони партнери. Како што самиот рече, добивал поддршка од премиерот Димитар Ковачевски и министерката за одбрана Славјанка Петровска, но поради противењето на ДУИ тоа не се случило.
Македонија
Стевчо собра повеќе потписи од гласови – поразот на Јакимовски главна тема на социјалните мрежи
Кандидатот за претседател на ГРОМ и актуелен градоначалник на скопската општина Карпош, Стевчо Јакимовски, на вчерашниот прв круг од претседателските избори освои само 8.103 гласа, односно 0,90 %. Тоа е помалку од бројот на собрани потписи за претседателската кандидатура зад која му се потпишаа 10.000 граѓани.
Јакимовски во неговата општина освои 2.143 гласа, а во родната Крива Паланка за Јакимовски гласале 182 граѓани.
Тој вчеравечер призна пораз и ѝ честиташе водство на Гордана Силјановска-Давкова. Додаде дека не е задоволен од изборниот резултат.
Поразот на Јакимовски вчера беше главна тема на социјалните мрежи.
Стевчо Јакимовски ни комшиите не го гласале. Пошо да го гласаа ќе тепаше у прв круг.
— Ракун (@HumoroidM) April 24, 2024
Стевчо има повеќе квадрати во една општина свои отколку гласови
— БУГАРСКИ ПАСОШ🇲🇰 (@NemamBgPasos) April 24, 2024
Стевчо им се заблагодари на сите коишто гласаа за него… поединечно
— Dimano (@dimanovski) April 24, 2024
И доктортот Нико Беќаровски за него објави хумористичен статус.
„Стефчо Јакимовски собра повеќе потписи од гласови“, напиша тој на „Фејсбук“.
Стевчо Јакимовски во првиот круг заврши последен по бројот на гласови на претседателските избори.
Македонија
Почина менаџерот Велибор Џаровски-Џаро
На 75 години денеска почина менаџерот Велибор Џаровски-Џаро по кусо боледување, потврди семејството. Тој важи за еден од најпознатите менаџери на просторите на бивша Југославија.
Тој соработуваше со најголемите југословенски естрадни ѕвезди, а беше познат и како крал на местенките во фудбалот.
Соработуваше со големи музички ѕвезди, како Здравко Чолиќ, Мишо Ковач, Маја Оџаклиевска, Оливер Драгоевиќ, „Бјело дугме“, Тереза Кесовија, Лепа Брена.
Своевремено има изјавено дека организирал 5.000 концерти и многубројни турнеи во повеќе од тридецениската кариера како менаџер.