Контакт

Надворешна политика

Бејли: Потребна е реформски ориентирана влада

Објавено пред

За САД е приоритет идната влада на Македонија да биде посветена на потребните итни реформи, рече американскиот амбасадор Џес Бејли во ексклузивно интервју во саботата во централниот вечерен дневник на телевизијата Сител.

 

Според него, одлука на партиите е каква влада ќе оформат откако изборите на 11-ти декември донесоа исклучително тесен резултат. За амбасадорот Бејли, преговорите за обезбедување мнозинство е нормална практика во парламентарните демократии.
За САД е приоритет идната влада да биде посветена на потребните итни реформи, рече Бејли без да навлегува во коментирање на опцијата која ја предлага ВМРО-ДПМНЕ за одење на нови избори, ниту, пак, можноста за формирање широка влада од сите партии која ја заговараа некои политичари. Сепак, според него, не може да се знае дали нови избори би донеле поинакви резултати

„Дали ќе се формира нова влада ќе зависи од 61 пратеник во Собранието. Ќе мора нив да ги прашате за тоа. Но, мојата анализа на ситуацијата е следната. По целиот процес имавте избори на 11 декември на кои имаше висока излезност и од кои произлегоа тесни резултати меѓу партиите. Ова беа можеби најтесните избори во Македонија. Сега имате задача да преминете од избори на нова влада. Затоа партиите, различните политички опции се обидуваат да состават коалиции со кои ќе владеат и ќе ја придвижат земјата напред. Што се однесува до меѓународната заедница. Ние потенциравме, и други амбасадори потенцираа исто што и Комесарот Хан- од наша перспектива она што е важно е новата влада да работи кон исполнување на реформите кои беа утврдени со договорот од Пржино, ургентната листа на реформи од извештајот на Прибе, тоа го очекуваме од владата. Предизвикот кој постои во моментов да се обезбеди мнозинство во Собранието, не е невообичаена ситуација за една парламентарна демократија, но во некои случаи ќе бара да не се спроведува политика во која едната страна ќе наметнува нешто, ќе се заканува, а другата страна ќе бојкотира. Таквата политика нема да ве однесе од оваа ситуација кон реформската агенда која мислам дека граѓаните на оваа земја ја поддржуваат“, рече Бејли за Сител.

„Не е мое да одлучам која опција е вистинската. Партиите ќе мора да го направат тоа. Било која одлука, дали да се оди на владина широка коалиција или нови избори ќе бара поддршка од 61 пратеник. Јас како пријател би посочил дека нови избори не мора да донесат поинакви резултати. На Телма пред неколку дена се емитуваше анкета која покажа дека граѓаните не се толку заинтересирани за нови избори. Па сметам дека предизвикот е да се владее со резултатите кои ги имаме и да видиме каде тоа ќе води. Јас не знам како ќе биде но одлуката зависи од Собранието“, додаде американскиот амбасадор.
Американскиот амбасадор Џес Бејли во ексклузивно интервју за Сител вели дека одговорил на прашањата кои до него и до амбасадата на САД ги испрати конгресменот Крис Смит со уште петмина конгресмени како и сенаторот Мајк Ли во врска со обвинувањата за мешање на амбасадата во изборите во Македонија преку поддршка за ултра-левичарски организации, медиуми и интернет портали.

„Надзорот на Конгресот врз извршната власт е нормален дел од нашата демократија и ние ја цениме можноста да соработуваме со Конгресот и да им кажеме што правиме и да им го објасниме контекстот зошто тоа го правиме. Во одговорот, ние ја појаснивме нашата улога која граѓаните тука многу добро ја знаат, за Пржинскиот договор, за соработката со Европската Унија, помошта во седнувањето на партиите на заедничка маса, доаѓањето до изборите кои ги имавте на 11 декември а сега во процесот на формирање влада. Ние ги соопштивме сите тие работи, соопштивме како нашата помош функционира во земјата, дека поддржуваме изградба на институциите во здрава демократија, тоа вклучува учество на граѓаните во нивната работа,како и на медиумите. Го соопштивме сето тоа во нашиот одговор. Веројатно ќе прашате зошто не го објавиме одговорот? Постои едноставен одговор. Стејт Департментот не ги објавува јавно своите кореспонденции со Конгресот. Понекогаш Конгресот ги објавува, како што сенаторот Ли на пример го има објавено писмото на неговата веб страна. Значи можеби тоа ќе биде објавено, но во него нема ништо особено ново или изненадувачко освен детали занашите програми и грантови – изјави Бејли за „Сител“.

Бејли го коментира и таканаречениот процес на десоросоизација кој со манифест го најави ВМРО-ДПМНЕ по изборите. Бејли тврди дека УСАИД не работи против владата.

„Дека УСАИД работи за уривање на владата едноставно не е точно.Дозволете ми да ви кажам што ние поддржуваме преку своите грантови на пример за фондацијата “Отворено општество”. Тие менаџираа со грант за ‘Граѓанско учество’. Што тоа значи? Значи жените во Тетово да работат заедно кон подобрување на родовата еднаквост во нивната средина, во нивната општина. Граѓанско учество значи и младината во Велес или Делчево да работи за подобрување и разубавување на својата средина Значи и жителите на Битола да ги постават прашањата за животната средина и загадувањето на воздухот. Тоа го подразбираме под “граѓанско учество”. И на тоа се однесува грантот на УСАИД. Грантовите не се за поддршка на некоја идеологија или политичка партија, или било што слично. Се работи за создавање услови за активна и здрава демократија“, тврди Бејли во интервјуто.

Амбасадорот на САД Џес Бејли изјави дека е многу важно Специјалното јавно обвинителство (СЈО) да си ја заврши работата за која што беше формирано за да се расчистат сомнежите дали некој вршел злоупотреба и затоа затоа меѓународната заедница се залага за продолжување на мандатот. Тој во интервјуто за телевизија Сител рече дека „оваа институција се соочи со препреки и отежната соработка“. Бејли изјави дека дека кога се потпишувал договорот за формирање на Специјалното јавно обвинителство никој не бил свесен со колкав материјал ќе се соочи оваа институција.

„Да се вратиме назад и да видиме која беше поентата за формирањето на СЈО, а тоа е да донесе одговорност за содржината од наводите кои произлегуваат од прислушуваните разговори. Не сум сигурен дека било кој тогаш беше свесен за обемот на работа со кој ќе се соочи СЈО“, рече амбасадорот Бејли.

„Многу е важно работата да се заврши до крај и да се утврдат фактите и да се расчистат сомнежите дали и кој вршел злоупотреба“, изјави Бејли во интервјуто за Телевизија Сител објаснувајќи зошто треба да се продолжи мандатот на СЈО./крај/си/мф

Македонија

Муцунски и Митева на средба со Сагарц: Изразена загриженост за извештаите за високо ниво на корупција

Објавено пред

Од опозициската ВМРО-ДПМНЕ соопштија дека меѓународниот секретар на ВМРО-ДПМНЕ, Тимчо Муцунски, заедно со портпаролката Марија Митева остварил средба со Кристијан Сагарц, пратеник во Европскиот парламент и известител во сенка за Република Македонија.

На средбата, како што пишува во партиското соопштение, се разговарало за актуелната политичка состојба и за предизвиците на Македонија во процесот на европската интеграција.

„Муцунски и Митева ја истакнаа својата загриженост за добиените извештаи на релевантни меѓународни организации, во кои преовладува укажување за постоење високо ниво на корупција. Тие го информираа Сагарц дека процесот на европска интеграција мора да биде воден низ процес на вистински реформи, кои примарно треба да се фокусираат на реформа на правосудството и јавната администрација“, стои во напишаното.

Муцунски и Митева истакнаа дека пристапните преговори треба да почнат што побргу и тоа низ призма на европски вредности и критериуми, соопштија од ВМРО-ДПМНЕ.

Прикажи повеќе...

Македонија

Пендаровски на средба со Грвала-Шварц: Унапредувањето на добрососедските односи ќе придонесе за стабилноста на целиот регион

Објавено пред

Претседателот Стево Пендаровски денеска ја прими Доника Грвала-Шварц, заменик-премиер и министерка за надворешни работи и дијаспора на Република Косово.

На средбата, како што информираат од неговиот кабинет, било изразено задоволство од нивото на билатералните односи меѓу двете држави, кои се пријателски, динамични, засновани на меѓусебно почитување. Притоа соговорниците го реафирмирале интересот за продлабочување на соработката во сите области од заемен интерес, особено во економската, давајќи ја и поддршката за агендата на активностите меѓу владите на двете држави во наредниот период.

Покрај ова, двајцата соговорници разговарале за актуелностите во регионот, соработката и евроинтеграциите, при што било констатирано дека унапредувањето на добрососедските односи меѓу Северна Македонија и Косово ќе придонесе за напредокот, стабилноста и за безбедноста на целиот регион.

Во овој контекст претседателот Пендаровски ја реафирмирал поддршката во однос на дијалогот помеѓу Косово и Србија истаккувајќи дека секој постигнат резултат треба да биде насочен кон јакнење на регионалната стабилност и безбедност.

На средбата биле разменети информации и мислења за ширењето на делта-сојот на вирусот, темпото на вакцинација на граѓаните, како и справувањето со последиците од пандемијата во двете земји.

Прикажи повеќе...

Македонија

(Видео) Заев за иницијативата Отворен Балкан: Македонскиот, албанскиот и српскиот народ имаат ист пат

Објавено пред

Премиерот Зоран Заев, српскиот претседател Александар Вучиќ и албанскиот премиер Еди Рама, како завршница на Економскиот форум за регионална соработка во рамките на „Отворен Балкан“ одржаа прес-конференција.

Во своето обраќање Заев посочи дека во Скопје се отвориле нови перспективи за трите држави и нивните економии.

„Нашите народи, македонскиот народ, албанскиот народ и српскиот народ, пред себе имаат ист пат. Имаме иста визија и исти вредности. Тоа се европските вредности. Одиме по истиот пат, заедно, напред, поврзани.

Сакам силно да ја изразам поддршката што за ова ново и силно регионално поврзување ја добиваме од деловните заедници на нашите три земји, како и на гостите од бизнис заедниците на другите земји од Западен Балкан и од поширокиот регион и од повеќе земји од Европа и светот“, истакна премиерот.

Тој нагласи дека со Вучиќ и Рама потпишале еден договор и два меморандума за соработка.

„Договорот за заедничко делување во заштитата од катастрофи, помагање и ублажување на тие последици е наша основа и механизам за брза реакција секогаш кога тоа ќе биде потребно.

Со Меморандумот за соработка за брз проток на стоки значително го олеснуваме увозот, извозот и транзитот на стоки, ги тргаме пречките во меѓусебната прекугранична трговија, заради напредок на економската соработка и за зголемување на обемот на меѓусебна трговска размена.

Со Меморандумот за соработка за работни дозволи имаме за цел да овозможиме либерализација на пазарот на работна сила и да им овозможиме на нашите граѓани да можат да работат во овие три земји, исто како дома“, објасни Заев додавајќи дека веќе се договорени нови работни средби во Белград и Тирана, кон крајот на годината.

„Синоќа разговаравме и за тоа дека покрај овој Економски форум, ќе започнеме и организација на регионален саем на вина и други производи кои се произведуваат во нашиот Отворен Балкан, како и тоа дека ќе организираме младински регионални спортски и друг тип натпревари за да обезбедиме поврзување денес, за подобро утре“, рече македонскиот премиер нагласувајќи дека Отворен Балкан оди напред, а соработката ќе биде проширена и на многу други полиња.

Прикажи повеќе...

Најново

Регион2 часа

(Видео) Се шири пожарот во Бодрум, туристите се евакуираат со чамци за спасување

Туристите во Турција денеска побрзаа кон чамците за спасување, откако им беше кажано да се евакуираат од хотелите во егејското...

Свет2 часа

Британскиот премиер го очекува своето седмо дете

Сопругата на британскиот премиер Борис Џонсон, Кери, објави дека е бремена по втор пат. Таа објави на Инстаграм дека двојката...

Свет3 часа

(Видео) Протести во Париз против задолжителната вакцинација, полицијата употреби солзавец

Француската полиција употреби солзавец против демонстрантите во Париз кои протестираат против задолжителната вакцинација и воведувањето на задолжителни ковид-пасоши. Планирани се...

Топ4 часа

Нападната вработена во Ургентниот центар во Куманово

Вработена во Ургентниот центар во Куманово пријавила дека додека била на работното место ја нападнало едно лице. Инцидентот се случил...

Македонија6 часа

Расте бројот на заболени – потврден 81 нов случај на коронавирус во Македонија

Во последните 24 часа во Македонија е потврден 81 нов заболен со коронавирус, соопшти Министерството за здравство. Направени се 5.315...

Македонија8 часа

Две дози вакцина во Македонија примиле над 390.000 граѓани

Прва доза вакцина вчера примиле 3.302 граѓани, а вчера вкупно се вакцинирале 12.545 граѓани. Во државата вкупно се аплицирани 904.583...

Свет9 часа

„Локдаун“ во уште еден град во Австралија

Милиони Австралијци се погодени од новото заклучување, пренесува Би -Би -Си. Властите воведоа тридневно заклучување во југоисточниот дел на Квинсленд,...

Спорт10 часа

Ѓоковиќ поразен – пристигна како најголем фаворит за златниот медал, на крајот не упеа да освои ниту бронза

Олимпискиот турнир во сингл за најдобриот светски тенисер, Новак Ѓоковиќ, се претвори во кошмар. Во Токио пристигна како најголем фаворит...

Македонија10 часа

Горан Сугарески разрешен од директорската функција во Царинската управа

Владата го разреши Горан Сугарески од функцијата директор на Царинската управа. „Владата ја прифати одлуката на Комисијата за именување, Горан Сугарески да...

Економија11 час

Државата ќе им даде 111 милиони денари помош на туристички агенции, ресторани за свадби и ноќни клубови

Владата ќе додели еднократна финансиска помош во висина од 111 милиони денари за 382 лиценцирани туристички агенции, категоризирани ресторани за...

Македонија12 часа

(Видео) Државата ја зголеми наградата за олимпиецот Георгиевски

Владата на 93-та седница ја дополни одлуката за паричната награда за постигнатиот врвен олимписки успех на Дејан Георгиевски на Летните...

Регион1 ден

Вишеградската група со поддршка за „Отворен Балкан“, соработката ќе придонесе за регионална стабилност

Земјите од вишеградската група (Унгарија, Чешка, Словачка и Полска) го поздравија формирањето на иницијативата „Отворен Балкан“ (поранешен минишенген) од страна...

Регион1 ден

Српски автобус се преврте во Германија, повредени најмалку 19 лица

Најмалку 19 лица се повредени при превртување патнички автобус на германскиот автопат А13 помеѓу Стааков и Фрајвалде во правец на...

Македонија1 ден

Поради неправилности во работењето, сменет директорот на Националната библиотека „Свети Климент Охридски“

Директорот Фремзим Даути се разрешува од должноста директор на Националната установа, Национална и универзитетска библиотека „Свети Климент Охридски“ – Скопје...

Македонија1 ден

Илинден на Мечкин Камен без говор на Пендаровски, но првпат со Ахмети

Претседателот на Собранието, Талат Џафери, нема да оди да го чествува Илинден на Мечин Камен на 2 Август иако шефот...

Македонија1 ден

Пендаровски нема да ги потпише измените на Изборниот законик, смета дека има нелогичности

Претседателот Стево Пендаровски нема да потпише указ за прогласување на измените на Изборниот законик со кој се бараат потписи од...

Македонија1 ден

Двајца починати и 74 нови случаи на Ковид-19

Министерството за здравство информира дека во последните 24 часа се направени 4.582 тестирања, а регистрирани се 74 нови случаи на...

Македонија1 ден

Фирма казнета со 20.000 евра за испуштање мазут во Вардар

По пријава од граѓани за излеана темна дамка во реката Вардар кај Градско, државен инспектор за животна средина темелно ги...

Топ1 ден

Пешак загина, велосипедист тешко повреден – и во двата случаја возачите што ги удриле побегнале

Пешак во Скопје загина, а велосипедист е тешко повреден во два одделни случаја во кои биле удрени од автомобили, при...

Топ1 ден

Возачот кој усмрти пешак во Куманово бил пијан

Седумдесетгодишниот возач М.П. кој удри во пешаци во Куманово, од кои едниот почина, бил пијан, утврди кумановското обвинителство. Несреќата се...

Досие