Надворешна политика
Вајгл: Груевски рече дека „ќе инсистира до крај, бидејќи не му се оди во затвор“

Состојбата во Македонија е доста сериозна, но се уште не е крајно алармантна, изјавил во петокот европратеникот и известувач за Македонија во Европскиот парламент (ЕП), Иво Вајгл, кој заедно со еврокомесарот Јоханес Хан неделава престојуваше во посета на Македонија, пренесува Al Jazeera.
„Секој ден нешто се случува, сега во Собранието се договорија за некаква кадровска комисија. Тие кои треба да формираат влада дозволија претседателот на Собранието да биде избран од редовите на ВМРО-ДПМНЕ, така што тоа е некаков гест на толеранција“, рекол Вајгл за агенцијата Анадолија.
„Тие имаат мнозинство, но му ја дадоа фунцкијата претседател на Собранието на ВМРО-ДПМНЕ. Најкарактеристична сепак беше изјавата која ни ја даде претседателот на ВМРО-ДПМНЕ Никола Груевски, дека ќе инсистира до крај и дека не му се оди во затвор. Доколку тоа е мотивот за се, тогаш уште долго време ќе нема компромис“, навел Вајгл.
Меѓутоа факт е дека тие кои имаат мнозинство, предводени од СДСМ, „сега имаат некаква друга можност“. „Тие можат, врз основа на мнозинството кое што го имаат, доколку дојде до воспоставување на составот на Парламент, а до него водат и други патишта, не само преку претседателот Ѓорге Иванов, да изберат влада и да го заобиколат Иванов“, вели Вајгл.
Словенечкиот европратеник исто така нагласил дека „главните случувања се на улиците“.
„ВМРО-ДПМНЕ бескомпромисно ги повика луѓето на улица и парадираат, а и тие со нив. Се плашам дека работите на улиците можат да ескалираат, но не можеме да предвидиме како. Не сакам да говорам за најцрните сценарија, меѓутоа таму тие се можни. Секој ден има се поголемо агитирање против Албанците. Веројатно и другата страна го прави истото. Албански јазик не знам, така што не можам да ги следам нивните медиуми“ вели Вајгл.
Тој додал дека во моментов „европските институции прават што можат“ но дека на крајот „Заев и Груевски треба да се состанат во четири очи и чесно да се договорат околу тоа каде ја водат земјата“./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Захариева: Се прават напори да ги испорачаме ветените вакцини за Северна Македонија

Министерот за надворешни работи, Бујар Османи, на враќање од посетата на Париз, денеска, во Софија, оствари средба со својата бугарска колешка Екатерина Захариева.
Како што информираат од Министерството, на средбата биле разгледани актуелностите поврзани со корона-кризата и начините на кои двете земји остваруваат соработка во справувањето со овие предизивици.
„Во оваа пригода Захариева потврди дека се прават напори за изнаоѓање начин за испорака на ветените вакцини за Република Северна Македонија“, се наведува во соопштението за средбата.
Во него се додава и дека на состанокот станало збор за акцискиот план за меѓусебна соработка, можноста за неговата финализација, а во функција на евентуално договарање втора меѓувладина конференција меѓу двете влади, чии копретседавачи се токму министрите Османи и Захариева.
Македонија
Османи: Северна Македонија ги чувствува последиците од неуспехот на механизмите за снабдување со вакцини

Министерот за надворешни работи, Бујар Османи, учествуваше на онлајн-министерскиот состанок на алијансата за мултилатерализам, што на иницијатива на министрите за надворешни работи на Франција и на Германија, Жан Ив Ле Дриjан и Хаjко Мас, се одржува на маргините на високиот сегмент на 46. сесија на Советот за човекови права на ООН.
„Република Северна Македонија, со целосно потпирање врз мултилатералните механизми во обезбедувањето вакцини, ги чувствува последиците од севкупниот неуспех да се спроведе на дело она за што силно се залагаме на зборови“, истакна Османи.
Потенцирајќи дека мултилатерализмот останува единствениот можен начин за справување со глобалните предизвици, во своето излагање Османи особено се осврна на влијанието на пандемијата на Ковид-19 врз продлабочувањето на постојната нееднаквост меѓу развиените и земјите во развој, како и врз нарушувањето на човековите права во глобален контекст.
Во делот на дискусијата на тема „Новите предизвици за човековите права, подготвеноста и одговорот за справување со пандемијата“ тој ја нагласи неможноста за еднаков пристап до вакцините како дополнителен фактор што ги влошува состојбите.
Алијансата за мултилатерализам претставува важен форум за промовирање заеднички солуции за глобални предизвици преку зајакнување на мултилатералната соработка. Формирана на иницијатива на францускиот и германскиот министер за надворешни работи во 2019 година, оваа неформална алијанса е отворена за земји што веруваат дека мултилатерализамот е единствена гаранција за меѓународна стабилност и мир, со решавање на предизвиците преку соработка.
Македонија
Османи во Елисејската палата на средба со советниците на Макрон – Думон и Адам

Во продолжение на работната посета на Франција, министерот за надворешни работи, Бујар Османи, реализира одвоени средби во Елисејската палата со советниците во кабинетот на претседателот Емануел Макрон – Изабел Думон, надлежна за континентална Европа и Турција, и со советникот за Европа, Александар Адам.
На заедничката средба Османи ја потенцира важноста од имплементација на одлуката на советот на ЕУ од март минатата година како важен услов за задржување на европскиот кредибилитет во регионот, особено кредибилитетот на процесот на проширување. Во оваа насока беше разгледана и стратегијата за Западен Балкан на францускиот претседател Емануел Макрон за која беше констатирано дека претставува интерес на двете земји.
„Ние ги разбираме грижите на ЕУ и ја сфативме потребата за трансформирање на Унијата. Силно го подржуваме проектот за иднината на Европа и даваме силна поддршка за новата методологија за преговарање. Изразивме подготвеност заедно со државите членки на ЕУ, особено Франција, но и со европските институции, да работиме на развивање концепт кој ќе донесе нов квалитет на односите меѓу ЕУ и Западен Балкан. Северна Македонија е подготвена за построг, но пофер надзор и ние на тоа гледаме како предност за нашата трансформација“, истакна Османи.
На маргините на работната посета на Париз, Османи оствари средба и со Марта де Сидрак, претседател на групата за соработка меѓу Франција и земјите од Западен Балкан на францускиот Сенат, а имаше одделен состанок и со заменик-генералниот директор на француската Агенција за развој, Филип Бодуен.
Работната посета на Париз на шефот на дипломатијата, Османи, е дел од неговата дипломатска турнеја во земјите членки на Европската Унија.
- Книги2 месеци
Македонски лекар ја објави последната исповед на Јосип Броз Тито
- Македонија3 месеци
МЖСПП: Мечкиното грозје важен ресурс, кој треба грижливо да го собираме
- Црна хроника3 месеци
Млада девојка од Штип пронајдена мртва во нејзиниот дом
- Македонија3 месеци
(Видео) Отстранети два нелегално изградени објекта во општина Центар
- Македонија2 месеци
Возачот на „бентлито“ што „влета“ на плоштад казнет со 45 евра, објавена фотографија од записникот
- Регион2 месеци
(Видео) Прекината прес-конференција на градоначалникот на Бања Лука: „Луѓе ова е сериозен земјотрес“
- Регион2 месеци
(Видео) Снимен моментот на потресот во Петриња – луѓе не можат да се задржат на земјата
- Свет4 недели
Поради примање мито во Кина погубен поранешен државен функционер