Контакт

Надворешна политика

Груевски: Подобро да се потрошат два месеци за нови избори, отколку нови шест месеци криза

Објавено пред

 

Претседателот на ВМРО-ДПМНЕ Никола Груевски заедно со секретарот за меѓународна политика на партијата Александар Николоски на нејзино барање оствари средба со амбасадорката на Турција Еркал Кара, при што беше истакнато дека за Турција како верен и постојан пријател на Македонија важна е стабилноста на државата, и Турција е тука доколку може да помогне и доколку постои  потреба за тоа, соопштуваат од ВМРО-ДПМНЕ.

 

Груевски истакна дека со Република Турција имаме одлични односи и изрази уверување дека истите ќе се надградуваат.Тој посочи дека се цени поддршката која ја дава Турција особено на планот за интеграција во НАТО алијансата.

 

Во поглед на внатрешните случувања од ВМРО-ДПМНЕ беше посочено дека се соочуваме со политичка криза и зад нас како држава е еден тежок период во кој се случија работи кои очигледно долго се подготвувале со одредена помош на надвореши центри, што патем речено и беше директно отворено соопштено од Зоран Заев на средбите кои во предвечерјето на кризата тој ги имаше со Никола Груевски кога го уценуваше со објавување на илјадници креирани матерјали, нешто што и целата јавност го виде, велат од ВМРО-ДПМНе.

 

Во продолжение беше посочено, дека после се, повторно следеа фер и демократски избори на кои ВМРО-ДПМНЕ доби нов легитимитет на избори кои никој не ги оспори, иако беа очигледни одредени влијанија кои помагаа на одредени субјекти во годината пред изборите, додаваат од партијата.

 

Се потенцираше дека ВМРО-ДПМНЕ освои најголем број на гласови и мандати и сега имаме ситуација каде имаме обид тоа да се изгира,и дека  тоа не е добро за државата, создава нови кризи и затоа во партијата се смета дека е зрела ситуацијата за нови избори, велат од ВМРО-ДПМНЕ.

 

Се посочи исто така дека во првите 20 дена од доделувањето на мандатот партијата имаше разговори за формирање на коалиција со ДУИ. Во тој период беше очигледно дека имаше вмешување на надвореши фактори вклучувајки и соседни земји што резултираше со изработка на нова платформа на албанските партии. Македонија има рамковен договор кој беше договорен во 2001та година со посредство на меѓународната заедница која, како и сите инволвирани страни,во целиот изминат период нагласуваше дека не постои можност за негово репреговарање. Оваа платформа се чини дека е токму тоа, и вистинското име на платформата е всушност обид за репреговарање на Охридскиот рамковен договор, додаваат од партијата.

 

Меѓународната заеднца ја превзема улогата да биде еден вид гарантор на Рамковниот договор. Затоа од ВМРО-ДПМНЕ нагласува дека  Постапката за репреговарање на охридскиот рамковен договор, преку форма наречена Платформа  може да предизвика други етнички заедници да излезат со свои платформи, односно свои барања за репреговарање на договорот од Охрид.

 

Со цел да не се донесе земјата во уште по сложена ситуација, а имајки во обзир дека повторното преговарање на Охридскиот рамковен договор е всушност отворање на пандорина кутија, ВМРО-ДПМНЕ во разговорите со ДУИ одби да преговара за истата платформа, порачуваат од партијата.

 

Од партијата исто така беше потврдено дека СЈО треба да ја работи својата работа професионално, а не како марионета на СДСМ и други надворешни центри и согласно договорот од јуни јули 2015та, без негово менување, вклучувајќи и без негово продолжување.При тоа беше нагласено дека не е точно дека тоа беше причината за непостигнување на договор за коалицирање на ДУИ, иако очигледно е дека на ДУИ и одговара така да ја престави работата. Во реалноста всушност освен што на почетокот се констатира дека по ова прашање имаме различни позиции, над 95 осто од времето за разговори беше посветено на дебата околу барањето на ДУИ за измени на законот за употреба на јазиците, каде беа и главните разлики.

 

Во разговорите со ДУИ ВМРО-ДПМНЕ беше изрично против воведување на двојазичност на целата територија, а покажавме интерес да се води дискусија околу одредени идеи за унапредувања на законот за употреба на јазиците во оние општини каде живеат етнички заедници различни од македонскта во висина од најмалку 20 осто во рамките на општината, прашање зза што исто така имаше многу разлики.

 

Од страна на ВМРО-ДПМНЕ се посочи дека очигледно е дека одредени партии сакаат да ја заобиколат партијата која освои мнозинство гласови на предвремените парламентарни избори и сакаат на тој начин да ги остварат целите поврзани со Законот за употреба на јазиците.

 

ВМРО-ДПМНЕ нагласи дека ако за  носење на измени на закон кој го засега малцинството е потребен т.н. Бадентер или мнозинство од немнозинските заедници, тогаш треба да им е јасно дека за измена нна таков закон потребна е и подршка од мнозинството на мнозинската зедница, поточно потребно е и мнозинство од македонците во парламентот.

 

Како што несакаат помалите етнички заедници да бидат изиграни и надгласани за еден ваков закон од мнозинската заедница-македонската, исто така и мнозинската зедница на македонци не сака и нема да дозволи да биде надгласана од коалиција составена од малцинството македонци во парламентот со сите албански партии и пратеници во истиот, велат од ВМРО-ДПМНЕ.

 

Амбасадорката запраша дали новите предвремени избори ќе дадаат соодветен резултат за надминување на постојната состојба на што Груевски посочи дека на нив гледа како шанса за држвата, во спротивно алтернативата е континуирано кризирање. Подобро е да ја добиеме можноста и шансата, отколку да кризираме во континуитет беше одговорот на ВМРО-ДПМНЕ. Подобро да се потрошат нови два месеци за нови избори, отколку нови шест месеци, или година заглавени во политичка криза, велат од ВМРО-ДПМНЕ.

 

Амбасадорката на Турција Еркал Кара истакна дека се зборува за можноста за коалицирање на СДСМ со другите партии, на што од партијата беше посочено дека се е можно, но тоа ќе значи трајно напуштање на воспоставениот принцип победникот кај македонците да коалицира со победникот кај албанските партии и гласачи. Напуштањето на тој принцип би бил иверзибилен процес, процес на кој ќе му нема враќање назад.

 

Во разговорот се дискутираше и за актуелната политичка ситуација во Турција, случувањата во оваа пријателска земја и предизвиците со кои истата се соочува. На крајот соговорниците изразија надеж за продлабочување на одличната соработка меѓу двете држави на сите нивоа од заеднички интерес, заклучуваат од ВМРО-ДПМНЕ./крај/мф/бс

 

 

 

Македонија

Муцунски и Митева на средба со Сагарц: Изразена загриженост за извештаите за високо ниво на корупција

Објавено пред

Од опозициската ВМРО-ДПМНЕ соопштија дека меѓународниот секретар на ВМРО-ДПМНЕ, Тимчо Муцунски, заедно со портпаролката Марија Митева остварил средба со Кристијан Сагарц, пратеник во Европскиот парламент и известител во сенка за Република Македонија.

На средбата, како што пишува во партиското соопштение, се разговарало за актуелната политичка состојба и за предизвиците на Македонија во процесот на европската интеграција.

„Муцунски и Митева ја истакнаа својата загриженост за добиените извештаи на релевантни меѓународни организации, во кои преовладува укажување за постоење високо ниво на корупција. Тие го информираа Сагарц дека процесот на европска интеграција мора да биде воден низ процес на вистински реформи, кои примарно треба да се фокусираат на реформа на правосудството и јавната администрација“, стои во напишаното.

Муцунски и Митева истакнаа дека пристапните преговори треба да почнат што побргу и тоа низ призма на европски вредности и критериуми, соопштија од ВМРО-ДПМНЕ.

Прикажи повеќе...

Македонија

Пендаровски на средба со Грвала-Шварц: Унапредувањето на добрососедските односи ќе придонесе за стабилноста на целиот регион

Објавено пред

Претседателот Стево Пендаровски денеска ја прими Доника Грвала-Шварц, заменик-премиер и министерка за надворешни работи и дијаспора на Република Косово.

На средбата, како што информираат од неговиот кабинет, било изразено задоволство од нивото на билатералните односи меѓу двете држави, кои се пријателски, динамични, засновани на меѓусебно почитување. Притоа соговорниците го реафирмирале интересот за продлабочување на соработката во сите области од заемен интерес, особено во економската, давајќи ја и поддршката за агендата на активностите меѓу владите на двете држави во наредниот период.

Покрај ова, двајцата соговорници разговарале за актуелностите во регионот, соработката и евроинтеграциите, при што било констатирано дека унапредувањето на добрососедските односи меѓу Северна Македонија и Косово ќе придонесе за напредокот, стабилноста и за безбедноста на целиот регион.

Во овој контекст претседателот Пендаровски ја реафирмирал поддршката во однос на дијалогот помеѓу Косово и Србија истаккувајќи дека секој постигнат резултат треба да биде насочен кон јакнење на регионалната стабилност и безбедност.

На средбата биле разменети информации и мислења за ширењето на делта-сојот на вирусот, темпото на вакцинација на граѓаните, како и справувањето со последиците од пандемијата во двете земји.

Прикажи повеќе...

Македонија

(Видео) Заев за иницијативата Отворен Балкан: Македонскиот, албанскиот и српскиот народ имаат ист пат

Објавено пред

Премиерот Зоран Заев, српскиот претседател Александар Вучиќ и албанскиот премиер Еди Рама, како завршница на Економскиот форум за регионална соработка во рамките на „Отворен Балкан“ одржаа прес-конференција.

Во своето обраќање Заев посочи дека во Скопје се отвориле нови перспективи за трите држави и нивните економии.

„Нашите народи, македонскиот народ, албанскиот народ и српскиот народ, пред себе имаат ист пат. Имаме иста визија и исти вредности. Тоа се европските вредности. Одиме по истиот пат, заедно, напред, поврзани.

Сакам силно да ја изразам поддршката што за ова ново и силно регионално поврзување ја добиваме од деловните заедници на нашите три земји, како и на гостите од бизнис заедниците на другите земји од Западен Балкан и од поширокиот регион и од повеќе земји од Европа и светот“, истакна премиерот.

Тој нагласи дека со Вучиќ и Рама потпишале еден договор и два меморандума за соработка.

„Договорот за заедничко делување во заштитата од катастрофи, помагање и ублажување на тие последици е наша основа и механизам за брза реакција секогаш кога тоа ќе биде потребно.

Со Меморандумот за соработка за брз проток на стоки значително го олеснуваме увозот, извозот и транзитот на стоки, ги тргаме пречките во меѓусебната прекугранична трговија, заради напредок на економската соработка и за зголемување на обемот на меѓусебна трговска размена.

Со Меморандумот за соработка за работни дозволи имаме за цел да овозможиме либерализација на пазарот на работна сила и да им овозможиме на нашите граѓани да можат да работат во овие три земји, исто како дома“, објасни Заев додавајќи дека веќе се договорени нови работни средби во Белград и Тирана, кон крајот на годината.

„Синоќа разговаравме и за тоа дека покрај овој Економски форум, ќе започнеме и организација на регионален саем на вина и други производи кои се произведуваат во нашиот Отворен Балкан, како и тоа дека ќе организираме младински регионални спортски и друг тип натпревари за да обезбедиме поврзување денес, за подобро утре“, рече македонскиот премиер нагласувајќи дека Отворен Балкан оди напред, а соработката ќе биде проширена и на многу други полиња.

Прикажи повеќе...

Најново

Регион3 часа

(Видео) Се шири пожарот во Бодрум, туристите се евакуираат со чамци за спасување

Туристите во Турција денеска побрзаа кон чамците за спасување, откако им беше кажано да се евакуираат од хотелите во егејското...

Свет3 часа

Британскиот премиер го очекува своето седмо дете

Сопругата на британскиот премиер Борис Џонсон, Кери, објави дека е бремена по втор пат. Таа објави на Инстаграм дека двојката...

Свет4 часа

(Видео) Протести во Париз против задолжителната вакцинација, полицијата употреби солзавец

Француската полиција употреби солзавец против демонстрантите во Париз кои протестираат против задолжителната вакцинација и воведувањето на задолжителни ковид-пасоши. Планирани се...

Топ5 часа

Нападната вработена во Ургентниот центар во Куманово

Вработена во Ургентниот центар во Куманово пријавила дека додека била на работното место ја нападнало едно лице. Инцидентот се случил...

Македонија7 часа

Расте бројот на заболени – потврден 81 нов случај на коронавирус во Македонија

Во последните 24 часа во Македонија е потврден 81 нов заболен со коронавирус, соопшти Министерството за здравство. Направени се 5.315...

Македонија9 часа

Две дози вакцина во Македонија примиле над 390.000 граѓани

Прва доза вакцина вчера примиле 3.302 граѓани, а вчера вкупно се вакцинирале 12.545 граѓани. Во државата вкупно се аплицирани 904.583...

Свет10 часа

„Локдаун“ во уште еден град во Австралија

Милиони Австралијци се погодени од новото заклучување, пренесува Би -Би -Си. Властите воведоа тридневно заклучување во југоисточниот дел на Квинсленд,...

Спорт11 час

Ѓоковиќ поразен – пристигна како најголем фаворит за златниот медал, на крајот не упеа да освои ниту бронза

Олимпискиот турнир во сингл за најдобриот светски тенисер, Новак Ѓоковиќ, се претвори во кошмар. Во Токио пристигна како најголем фаворит...

Македонија11 час

Горан Сугарески разрешен од директорската функција во Царинската управа

Владата го разреши Горан Сугарески од функцијата директор на Царинската управа. „Владата ја прифати одлуката на Комисијата за именување, Горан Сугарески да...

Економија12 часа

Државата ќе им даде 111 милиони денари помош на туристички агенции, ресторани за свадби и ноќни клубови

Владата ќе додели еднократна финансиска помош во висина од 111 милиони денари за 382 лиценцирани туристички агенции, категоризирани ресторани за...

Македонија13 часа

(Видео) Државата ја зголеми наградата за олимпиецот Георгиевски

Владата на 93-та седница ја дополни одлуката за паричната награда за постигнатиот врвен олимписки успех на Дејан Георгиевски на Летните...

Регион1 ден

Вишеградската група со поддршка за „Отворен Балкан“, соработката ќе придонесе за регионална стабилност

Земјите од вишеградската група (Унгарија, Чешка, Словачка и Полска) го поздравија формирањето на иницијативата „Отворен Балкан“ (поранешен минишенген) од страна...

Регион1 ден

Српски автобус се преврте во Германија, повредени најмалку 19 лица

Најмалку 19 лица се повредени при превртување патнички автобус на германскиот автопат А13 помеѓу Стааков и Фрајвалде во правец на...

Македонија1 ден

Поради неправилности во работењето, сменет директорот на Националната библиотека „Свети Климент Охридски“

Директорот Фремзим Даути се разрешува од должноста директор на Националната установа, Национална и универзитетска библиотека „Свети Климент Охридски“ – Скопје...

Македонија1 ден

Илинден на Мечкин Камен без говор на Пендаровски, но првпат со Ахмети

Претседателот на Собранието, Талат Џафери, нема да оди да го чествува Илинден на Мечин Камен на 2 Август иако шефот...

Македонија1 ден

Пендаровски нема да ги потпише измените на Изборниот законик, смета дека има нелогичности

Претседателот Стево Пендаровски нема да потпише указ за прогласување на измените на Изборниот законик со кој се бараат потписи од...

Македонија1 ден

Двајца починати и 74 нови случаи на Ковид-19

Министерството за здравство информира дека во последните 24 часа се направени 4.582 тестирања, а регистрирани се 74 нови случаи на...

Македонија1 ден

Фирма казнета со 20.000 евра за испуштање мазут во Вардар

По пријава од граѓани за излеана темна дамка во реката Вардар кај Градско, државен инспектор за животна средина темелно ги...

Топ1 ден

Пешак загина, велосипедист тешко повреден – и во двата случаја возачите што ги удриле побегнале

Пешак во Скопје загина, а велосипедист е тешко повреден во два одделни случаја во кои биле удрени од автомобили, при...

Топ1 ден

Возачот кој усмрти пешак во Куманово бил пијан

Седумдесетгодишниот возач М.П. кој удри во пешаци во Куманово, од кои едниот почина, бил пијан, утврди кумановското обвинителство. Несреќата се...

Досие