Контакт

Надворешна политика

Груевски на Хелбах му посочил дека „Македонците чувствуваат дека некој од соседна држава им ја крои судбината“

Објавено пред

 

dobivaj vesti na viber

Претседателот на ВМРО-ДПМНЕ, Никола Груевски заедно со членовите на Извршниот комитет на ВМРО-ДПМНЕ Никола Попоски, Никола Тодоров и Илија Димовски во четвртокот остварија средба со специјалниот пратеник за Југоисточна Европа на германското министерство за надворешни работи Кристијан Хелбах и германската амбасадорка Кристине Алтхаузер, при што на средбата се разговарало за повеќе актуелни теми врзани со тековните политички случувања, како и тиранската платформа и плановите за наредниот период.

 

Од страна на ВМРО-ДПМНЕ беше истакнато дека она што се случи со тиранската платформа доаѓа во исклучително непријатно време. Мнозинството од Македонците се чувствуваат како некој друг, однадвор од соседна друга држава им ја крои судбината, дури и голем дел од оние кои гласаа за СДСМ сега се чуствуваат измамени бидејќи тие не гласаа за платформата која беше создадена  по изборите. За време на изборите лидерот на СДСМ, Заев спомнуваше нешто за двојазичност, и ВМРО-ДПМНЕ тогаш јавно го праша што точно мисли и за каков вид на двојазичност, тогаш тој нè обвини дека тоа ние го измислуваме, додавајќи дека тоа е само „во главата на Груевски“, а сега по изборите излезе различно од тоа што тие го тврдеа и се докажа на дело за што станува збор.

 

На средбата со германскиот специјален претставник, ВМРО-ДПМНЕ посочи дека  во постизборните разговори со ДУИ од страна на ВМРО-ДПМНЕ се разговараше само за унапредување на јазичните права во општините каде малцинските заедници се над 20 проценти, и за работи кои се поврзани со унапредување на човековите права, но она што е очигледно е дека од СДСМ добија подобра понуда и ја прифатија тиранската платформа која има многу поширок опсег.

 

Од страна на ВМРО-ДПМНЕ беше посочено дека договорот за коалицирање помеѓу СДСМ и ДУИ значи прекршување на принципот за коалицирање на „победник со победник“.

 

„Ние имаме една специфика во нашата земја, а тоа е дека ние сме мултиетничка држава. Во 2008-та година се воспостави принцип за коалицирање на победник со победник, односно победникот од македонскиот блок да коалицира со победникот од албанскиот блок. Во 2006-та направивме влада со втората по големина албанска партија и дотогаш немаше таква практика, но и немаше таква ситуација“, додаваат од ВМРО-ДПМНЕ.

 

„Тогаш се говореше дека не смее победникот кај Албанците или кај Македонците да биде опозиција. Во таква ситуација се велеше дека со тоа се погазува волјата на мнозинството на Македонците или на Албанците. Тоа се дискутираше цели две години и сите други ни сугерираа дека тоа треба да биде составен дел од нашата демократија бидејќи сме мултиетничко општество, а тоа беше наведувано и од надворешните партнери, ЕК, САД и пријателските држави. Ние го прифативме тој принцип и на изборите во 2008-ма година освоивме повеќе од 51 проценти од пратеничките места во Парламентот. Можевме дури и сами да направиме влада, но бидејќи го прифативме тој принцип на коалицирање на победник со победник ние коалициравме со ДУИ што беше и на барање и на самата ДУИ“, порачуваат од ВМРО-ДПМНЕ.

 

„Ние го почитувавме тоа и стана општо прифатено правило и сега ДУИ е прв пат ситуација да одбира помеѓу победникот на изборите ВМРО-ДПМНЕ или СДСМ. Според изборот на ДУИ сега мнозинството на Македонците треба да бидат опозиција во својата држава, а прекршувањето на тој принцип не значи обврска дека било кога понатаму тој ќе треба да се почитува, беше истакнато на средбата од страна на ВМРО-ДПМНЕ“, велат од партијата.

 

Од ВМРО-ДПМНЕ посочија дека првиот проблем е платформата, вториот проблем е кршењето на еден од основните принципи вграден во нашата демократија како специфика на коалицирање на победникот со победник, третиот проблем се процедуралните работи околу доделувањето на мандатот за кој може повеќе да каже претседателот на државата.

 

На средбата беше разговарано и за работата на Специјалното јавно обвинителство. Од страна на ВМРО-ДПМНЕ беше соопштено дека во однос на работењето на СЈО стана јасно дека со нивното дејствување се прави политички прогон и нивната намера е реализација на одредени политички цели, а не за правно регулирање на некои настани кои се случиле.

 

Ние го прифативме нивното постоење затоа што мислевме дека ќе дојдат да работат независни правници кои ќе дејствуваат според факти и докази и такви беа целите на нивното основање. Но таму има политички тим на СДСМ и се бори политички да ни наштети, по секоја цена и без никакви докази. Тоа е реалноста, нивната цел е да покренат што повеќе истраги и обвиненија без никакви докази но со цел да ја искомпромитираат партијата, беше истакнато од страна на ВМРО-ДПМНЕ.

 

Од страна на специјалниот пратеник Хелбах беше посочено дека Германија е пријателска држава на Република Македонија и со внимание ја следи актуелната политичка состојба. Германија ќе остане неутрална, но она што ја интересира е постигнување на стабилност за остварување на понатамошен прогрес, истакна специјалниот пратеник на германското МНР, Хелбах, соопштуваат од партијата./крај/мф/бс

Македонија

Маричиќ – Вархељ: Реформите и комплетираната преговарачка рамка се гаранција за членство на Македонија во ЕУ

Објавено пред

Заменик-претседателот на Владата задолжен за европски прашања, Бојан Маричиќ, денеска се сретна со еврокомесарот за проширување, Оливер Вархељ, при што разговараа за задачите и обврските што ги имаме да ги завршиме оваа година поврзани со процесот на евроинтеграција.

dobivaj vesti na viber

Успешно и бргу да ги направиме реформите, било едно од барањата на еврокомесарот Вархељ и со политичкото обединување за евроинтегративниот процес и успешните уставни измени Македонија да ја загарантира европската перспектива.

На средбата еврокомесарот Вархељ ја потврди поддршката што Македонија ја има од европските партнери, која, според Маричиќ, треба да ја искористиме и да биде мотив да продолжиме со процесот на преговори подинамично и интензивно.

На средбата вицепремиерот и главен преговарач со ЕУ го брифира еврокомесарот за текот на скринингот и подготовките за изработка на важните патокази, како и за изработката на приоритетниот реформски план.

„Имаме капацитет да го задржиме темпото на скрининг и да го искористиме овој дел од преговорите за да подготвиме темелен реформски план, кој за кратко време ќе ги исполни очекувањата и на ЕУ и на македонските граѓани“, рече вицепремиерот Маричиќ.

Маричиќ со еврокомесарот за проширување, Вархељ, зборуваше и за актуелните политички случувања и заедничкото справување со енергетската криза.

За односите со Бугарија беше констатирано дека разликите мора да се решаваат врз европските вредности, на европски начин, со меѓусебно почитување и во духот на добрососедските односи.

Прикажи повеќе...

Македонија

Зајкова од Копенхаген: Автократските владите може да бидат закана за слободата и демократијата

Објавено пред

Во 21 век постојат пратеници во Европскиот парламент, кои доаѓаат од редот на земји членки на Унијата, што негираат право на самоопределување и постоење, користејќи го правото на посилниот и тоа ги доведува во прашање принципот на демократијата и европските вредности. Демократските структури постојано се ослабуваат, а демократските процеси се сведуваат на владини процедури, плебисцити и работа за односи со јавноста. Способноста на демократската политика да се наметне против економската моќ е намалена, истакна претседателката на Либерално-демократската партија, Моника Зајкова, на панелот „Потенцијалот на трансформативните движења, граѓанското општество и прогресивните партии“ во Копенхаген како дел од конференцијата „Западен Балкан и ЕУ-предизвици и можности“, организирана во соработка со Советодавната група за политика на Балканот во Европа (BiEPAG), Европскиот фонд за Балканот (EFB) и трите клучни дански политички партии, Социјалдемократите, Либералната партија и Зелената левица.

dobivaj vesti na viber

Според Зајкова, мораме многу да бидеме претпазливи какви влади избираме бидејќи сведочиме како автократското владеење може да ги задуши слободите и правата и да нè однесе во изолација. Владите може да бидат закана за слободата.

„Затоа, кога зборуваме за улогата на влада, не смееме да заборавиме дека владата секогаш и суштински мора да биде во служба на поединецот, а не обратно. Целта на владата е да го спроведе законот за граѓаните преку обезбедување и заштита на правата на луѓето. Тоа го прави со зачувување на нивните животи и слободи од насилството на другите. Тоа е слобода од деспотската и предаторска доминација на некои поединци над другите, вели таа.

Зајкова истакна дека голите популисти промовираат култура на зависност и играат со емоциите на луѓето, нашата прогресивна политика мора да се фокусира на помагање на луѓето да го креираат својот свет со свои напори – во соработка со другите, да му дадат ново значење и да го вратат духот на заедницата. Игнорирањето на разликите не е решение, никогаш не било, но соочувањето со нив и обидот за нивно решавање заедно со другите играчи во општеството е.

„Способноста за соработка сè уште е главниот ресурс на модерната моќ и капацитетот за обликување на светот во кој живееме. Мора да се концентрираме на создавање и зајакнување кооперативни и инклузивни институции, искрени добрососедски односи и регионална и меѓународна соработка. Прогресивните движења, либералните и левите партии мора да се стремат кон обликување и користење на државните институции за развој на општествата и демократијата. Она што можеме да видиме е дека земјите од Западен Балкан покажуваат волја и спремност за прогрес и интеграција, но не често ЕУ јасно покажува отвореност за нивно целосно вклучување во соработката и системот на одлучување“, заклучува Зајкова.

Прикажи повеќе...

Македонија

Мицкоски: За да останат на власт, отстапија и прифатија сè, невозможно ќе биде да се исправат нивните грешки

Објавено пред

Претседателот на ВМРО-ДПМНЕ, Христијан Мицкоски, изјави дека тоа што се случува со Бугарија е нешто за што како партија предупредувале дека ќе се случува.

dobivaj vesti na viber

Тоа што вознемирува, рече Мицкоски, е фактот дека оваа Влада и покрај сите отстапки и покрај сето она што беше побарано од неа, практично сè отстапи и сè потпиша во интерес на зачувување на своите лични фотелји. Мицкоски рече дека новата Влада на ВМРО-ДПМНЕ нема да може да ги исправи грешките што ги направила оваа Влада.

„Гледаме дека другата страна и покрај сето тоа, влегува во еден таканаречен конфликт, кој би го ставил на ниво на една студена војна помеѓу двете држави бидејќи, колку што разбрав, амбасадорот на нашиот источен сосед не е во државава, односно го задржале таму, не го вратиле назад, односно не е дојден тука, каде што треба да ја извршува својата амбасадорска позиција. И тоа го правдаат властите во Софија како револт поради оној настан што се случил во Охрид. Тоа е така затоа што кога едната страна попушта сè, коленичи, витка ‘рбет, а другата страна практично добива сè, таа страна, во случајов Бугарија, мисли дека природно нејзино право е да добие сè што ќе побара и на тоа предупредувавме изминатиот период дека тоа не треба да се случува, но, за жал, имаме политички аналфабети криминалци и корумпирани политичари, кои буквално, за да ги задржат своите позиции и да може уште некој тендер во четири очи да добијат, подготвени се сè да проголтаат. Но, се разбира, на товар на македонскиот народ, македонскиот идентитет и македонските граѓани“, вели Мицкоски.

Тој ги обвини властите дека функционираат како аналитичари.

„И Владата и Стево Пендаровски седат и прават анализа, па ќе го слушнете Стево Пендаровски како ќе ви каже дека ова било некаков си заговор, дека овие се некои тајни служби, надворешни влијанија и фактори за дестабилизација на Македонија, а притоа ниту едните ниту другите, по состанокот што го имаа, Советот за безбедност кај Пендаровски, не излегоа кои се тие странски служби, кои се тие странски фактори за влијание, кои се практично луѓето што сакааат да ја дестабилизираат Македонија? Знаете, тие добиваат плати, ги уживаат привилегиите затоа што народот ги плаќа да даваат решенија, да даваат одговори на прашањата, а не како аналитичари да коментираат“, истакна тој.

Мицкоски додаде дека властите првин почнале со тезата прогласување персона нон грата, па потоа се повлекле.

„Чекаат да дојде 4 февруари, па да се случат инциденти и тие луѓе да предизвикаат и провоцираат и од маргинални политичари, буквално естрадни политичари, да претворат политички тешкаши, сега со овие пинг-понг изјави во јавноста, овој Џамбаски, како се викаше овој европскиот политичар, како му беше презимето, од што не знае што да направи, повеќе буквално како циркузант во естрада се однесува за да добие некој политички поен повеќе на темата ‘мрази ги Македонците’, ‘навредувај ги Македонците’, ‘мрази ја Македонија’ итн. И што направија тие со тоа, буквално ништо. Ете тоа се тој театар и естрада, во која ја претвораат политиката во Македонија.

Ова нивно килаво однесување, кое претпоставувам е резултат на нивната огромна корумпираност и заштита на криминалот за да останат уште некој ден, некоја недела, некој месец на тие позиции за да може на грбот на овој народ да се богатат и се подготвени сè да проголтаат. Па дури и народот да го жртвуваат, па дури и иднината на народот да ја жртвуваат, само за да може тие уште некој ден да останат таму каде што се.

Јас сум навистина згрозен и очекувам што побргу да излеземе на предвремени парламентарни избори и да може народот гласно да зборува, а јас сум убеден во тој резултат и во огромната победа на ВМРО-ДПМНЕ и коалицијата што ќе ја предводи ВМРО-ДПМНЕ. Следната влада на ВМРО-ДПМНЕ ќе има тешка задача, но и невозможна, да ги исправи сите грешки што оваа криминална и корумпирана Влада на ДУИ, поддржана од СДСМ, ги направи“, порача Мицкоски.

Прикажи повеќе...

Најново

Спорт4 часа

(Видео) Ѓоковиќ во солзи ја прослави победата, плачеа и фановите

Новак Ѓоковиќ е шампион на Австралија Опен и повторно прв на АТП листата. Српскиот тенисер ја освои Австралија една година...

Македонија5 часа

(Видео) ВМРО-ДПМНЕ бара од власта да ги преиспита тврдењата дека странски држави се вмешани во провокациите кон Македонија

Државата сериозно да ги преиспита наводите кои и самиот Пендаровски ги кажа дека здруженија, фондации, поединци и агентурни мрежи од...

Македонија7 часа

Полицијата упадна во над 200 локали и казина, приведени се лица за дрога и оружје

Синоќа по полноќ до 4 часот утринава, полицицијата спроведе акциска контрола во угостителски објекти на 272 локации. Во контролата беа...

Свет8 часа

По терористичките напади Израел размислува да им дозволи на цивилите да носат оружје

Кабинетот за безбедност на Израел одобри мерки со кои на Израелците ќе им се овозможи носењето оружје по двата одделни...

Свет8 часа

(Видео) Дронови нападнаа воена база во Иран

Со беспилотни летала извршен е напад врз воена фабрика во градот Исфахан во Иран, соопшти официјален Техеран. „Експлозијата се случи...

Македонија9 часа

Ќучук: Надворешни фактори не сакаат да бидеме во добри односи со Северна Македонија

Има надворешни фактори кои не сакаат Бугарија и Северна Македонија да бидат во добри односи. Тоа се сите оние луѓе...

Свет9 часа

Нетанјаху: Не сакаме ескалација, но подготвени сме на секое сценарио

Израелскиот премиер Бенјамин Нетанјаху најави силен и цврст одговор на тероризмот по двата палестински напади во источен Ерусалим, од кои...

Свет10 часа

Зеленски воведе санкции за 185 комапнии и поединци кои ја поддржуваат Москва

Украинскиот претседател Володимир Зеленски воведе санкции за 185 компании и поединци кои ја поддржуваат руската војна, која трае веќе 12...

Свет10 часа

Земјотрес од 5,9 степени го погоди Иран, најмалку тројца загинати и стотици повредени

Најмалку три лица загинаа, а стотици се повредени во земјотресот со јачина од 5,9 степени според Рихтеровата скала што го...

Македонија1 ден

Место да ја плукате и мразите Македонија, подобрете го стандардот, за 30 отсто е намален бројот на жители во Бугарија, порача Мицкоски

Лидерот на опозицијата Христијан Мицкоски ги повика македонските власти да престанат со аматеризмот кога се работи за македонско – бугарските...

Топ1 ден

Возачот кој прегази пензионер на пешачки во Бутел имал 17-години и возел брзо, обвинителството побара притвор

Обвинителството објави нови детали за синоќешната сообраќајна несреќа во скопската населба Бутел, каде што животот го загуби пешак. Од тука...

Свет1 ден

(Видео) 13-годишно дете стои зад денешниот напад во Ерусалим

Две лица се ранети денес при пукање во нов напад во источен Ерусалим, соопшти израелската полиција и го оквалификува како...

Македонија1 ден

Мицкоски во униформа: Басните за 2001-ва Али да му ги раскажува на Ковачевски

Басни за 2001-ва Али Ахмети да му раскажува на Ковачевски, напиша на социјалните мрежи, првиот човек на ВМРО-ДПМНЕ, Христијан Мицкоски...

Македонија1 ден

Бугарската комисија за надворешна политика усвои декларација: „Осуда за насилството врз Бугарите во Северна Македонија“

Бугарската собраниската Комисија за надворешна политика усвои декларација за Македонија која ќе се достави на гласање во пленарната сала. Документот, како...

Македонија1 ден

Ахмети од Тетово: Мицкоски гледал војна само на телевизија

Мицкоски гледал војна само на телевизија, рече претседателот на ДУИ, Али Ахмети од Тетово, откако претходно првиот човек на ВМРО-ДПМНЕ...

Свет1 ден

Објавена снимка од полицајците во Мемфис кои брутално претепаа афроамериканец

Пет сега поранешни полицајци од американскиот град Мемфис се обвинети за убиството на 29-годишниот Тир Николс, афроамериканец кој беше претепан...

Свет1 ден

Светот го осудува масакрот во Ерусалим

Обединетите нации и неколку земји го осудија нападот на палестински вооружен напаѓач на периферијата на Ерусалим во близина на синагога...

Свет2 дена

(Видео) Терористички напад во Ерусалим, најмалку седум мртви

Најмалку седум лица загинаа во терористички напад вечерва во населбата Неве Јаков во Ерусалим, додека уште 10 се повредени. –...

Свет2 дена

Гутереш: Социјалните мрежи се соучесници во ширењето на екстремизмот и расизмот

Генералниот секретар на ОН Антонио Гутереш денеска изјави дека социјалните мрежи и оние кои се рекламираат на нив се соучесници...

Свет2 дена

Кина: Америка е земја насилник која ги крши правилата

Кина денеска остро го критикуваше Вашингтон на состанокот на Светската трговска организација (СТО), нарекувајќи ги САД унилатерален насилник и земја...