Попоски-Заниер: Заеднички пристап на земјите од Балканот за побрз влез во ЕУ

Вицепремиерот и министер за надворешни работи Никола Попоски во четвртокот оствари средба со генералниот секретар на ОБСЕ, Ламберто Заниер, со кого разменија мислења за актуелната политичка ситуација во Македонија, како и за севкупната соработка на Македонија со ОБСЕ.

Попоски ја потенцираше корисноста од поддршката на организацијата која е посветена на изборни реформи, интеграција преку образованието и процесот за интегрирање на Македонија во ЕУ. Воедно, соговорниците разменија и мислења за најактуелните прашања на политички план, во постизборниот период.

Попоски ja истакна и важноста на регионалната соработка меѓу државите од Балканот согласно најдобрите практики и стандарди прифатени во ОБСЕ. Во тој контекст, го посочи неодамнешниот министерски состанок на земјите од Балканот што цели кон „заеднички пристап за побрз влез во ЕУ“, како и договорениот неформален систем за координирање и усогласување на активностите на групата држави во Регионот, што се стремат кон членство во ЕУ./крај/мф/бс