Контакт

Надворешна политика

Протест во Софија против одлуката на БПЦ да не учествува на прославата во Охрид

Објавено пред

Во организација на Фондацијата „Бугарска меморија“ во Софија се одржува протест против одлуката на Светиот синод на Бугарската православна црква да не присуствува во Охрид на одбележувањето 1.000 години од Охридската архиепископија.

„За нас, ова е антидржавна активност. Протестот е израз на една граѓанска позиција и горчина од антидржавната активност предводена од Светиот синод“, велат организаторите. Тие бараат патријархот да свика вонредна седница на Светиот синод за да ја разгледа одлуката од 14 мај.

Претставници на Фондацијата велат дека на двајца бугарски архиепископи, дури им било забрането да присуствуваат на прославата. Според нив, „скандалозното гласање“ било во отсуство на патријархот Неофит, што ги компромитира напорите на Бугарија за мир и напредок во регионот. Организаторите велат дека на 24 мај очекуваат заедничко чествување во Рим на гробот на св. Кирил во присуство на премиерите на двете земји.

На 14 мај 8 архијереи го поддржаа предлогот БПЦ да не праќа делегација во Македонија за прославата на 1.000 години Охридска архиепископија. Јубилејната годишнина ќе биде одбележана на 27 и 28 мај во Охрид.

БПЦ информира дека 1.000-годишнината од основањето на Бугарската охридска архиепископија ќе биде одбележана на 10 јуни со отслужување на архиерејската света литургија во катедралата „Св. Александар Невски“.

 

Македонија

Иванов: Во 2019 се надевам на суштински европски реформи кои ќе го подобрат животот на граѓаните

Објавено пред

Се надевам дека освен избори, во оваа 2019 година ќе видиме и суштински и добро обмислени европски реформи и капитални инвестиции кои реално ќе го подобрат животот на граѓаните, рече претседателот на Република Македонија, Ѓорге Иванов, на приемот, што по повод новогодишните и божиќните празници вечерва во Скопје го приреди за претставниците на дипломатскиот кор.

Како што кажа Иванов, само ваквите чекори ќе бидат вистински повод за триумфализам.

„Моите ставови во однос на последните случувања во Република Македонија ги искажав и во годишното обраќање во Собранието, но и од говорницата на Генералното собрание на Обединетите нации. Не би променил ниту еден збор, бидејќи ја зборував вистината за она што им е најпотребно на граѓаните. Тоа ми дава сила да останам доследен на моите одлуки и ставови. Ќе го повторам следново. Правото на самоопределување и правото на постоење на македонскиот народ, но и принципите на демократијата и владеењето на правото не смеат да бидат доведени во прашање“, рече претседателот.

Иванов проача дека членството во Европската Унија и во НАТО го сплотува целото наше општество, бидејќи, како што кажа, за македонските граѓани НАТО значи безбедност, а Европската Унија значи просперитет.

Навраќајќи се на изминатите десет години од неговиот мандат, претседателот се заблагодари на сегашните и поранешните амбасадори кои помогнале во продлабочувањето на билатералните односи на Република Македонија.

„Во изминативе десет години како претседател имав можност да се среќавам и да соработувам со околу 170 резидентни и нерезидентни амбасадори од околу 100 држави и меѓународни организации. Иако не бев во можност со сите да имам чести средби, сепак, ја користев секоја прилика за да размениме мислења за важни прашања. Еден од таквите настани е и традиционалниот новогодишен прием“, рече Иванов.

Претседателот во неговото обраќање за 7 мај годинава ја најави и посетата на Неговата Светост, Папата Франциск.

„Во фокусот на неговата официјална посета на Република Македонија ќе биде Мајка Тереза како израз на вистинскиот, автентичен соживот, којшто не е сосила наметнат, туку органски извира од македонското мултиетничко, мултијазично и мултирелигиско општество. Почитувањето на различноста е израз на доверба, а клучот за довербата е одговорноста, бидејќи секое стекнато право подразбира и одговорност“, истакна Иванов.

Традиционалниот прием на дипломатскиот кор изминатите години беше приреден во Скопје, Струга, Гевгелија, Битола, Крушево и во Берово, а беа посетени и Дојран и Вевчани.

„Тоа беше одлична можност, особено за нерезидентните дипломати, подобро да ја запознаат Република Македонија, нејзините трајни вредности, богати традиции и туристички потенцијали. Од оваа дипломатска турнеја се родија и нови иницијативи за соработка на локално ниво, за збратимувања на градови и размена на искуства, на мое големо задоволство“, посочи македонскиот претседател.

Од Кабинетот на Иванов информираат дека на вечерашниот прием свое обраќање имал и доајенот на дипломатскиот кор, амбасадорот на Кралството Шведска, Матс Стафансон.

Прикажи повеќе...

Македонија

Нови амбасадори на Гана, Естонија и Уганда во Македонија

Објавено пред

Претседателот на Република Македонија, Ѓорге Иванов, денеска ги прими акредитивните писма на новоименуваните амбасадори на Република Естонија, на Суверениот Воен Ред на Св. Јован од Ерусалим, Родос и Малта, на Република Гана и на Република Уганда.


 
На средбата со новоименуваниот амбасадор на Република Естонија за Република Македонија, со седиште во Будимпешта, Н.Е. Кристи Карелсон, претседателот Иванов изрази задоволство од одличните билатерални односи, што во континуитет ги негуваат двете пријателски држави, афирмирајќи го интересот за натамошно интензивирање на заедничката соработка, особено во економијата и трговската размена. 


 
„Република Македонија придава посебно значење на развојот на пријателските односи со Република Естонија и во овој контекст, дозволете ми да се заблагодарам за досегашната континуирана поддршка што Вашата земја ја дава за реализација на македонските стратешки цели, интеграциите во ЕУ и НАТО“, рече претседателот Иванов. 


 
Амбасадорот Карелсон потенцираше дека Естонија ја поддржува нашата цел за членство во НАТО и како долгогодишен поддржувач на проширувањето на Европската Унија, особено се залага за почеток на пристапните преговори со Република Македонија. 
 
„Би сакал да ја потврдиме нашата подготвеност да го споделиме искуството што го стекнавме во градењето на нашата е-влада и дигиталната економија. Нашата соработка во оваа област веќе започна и на тој начин стана добра основа за одличните билатерални односи меѓу Естонија и Македонија“, рече амбасадорот Карелсон.
 
На средбата со новоименуваниот амбасадор на Суверениот Воен Ред на Св. Јован од Ерусалим, Родос и Малта за Република Македонија, Н.Е. г. Франческо Саверио Џусти, претседателот Иванов нагласи дека водилка во релациите меѓу Република Македонија и Суверениот Воен Ред на Малта се духот на пријателството и взаемното почитување. 
 
„Дипломатските односи меѓу Република Македонија и Суверениот Ред влегоа во третата деценија од нивното воспоставување. Сите овие години споделуваме заеднички културни и цивилизациски вредности кои се цврсти мостови на поврзување и меѓусебна соработка“, рече македонскиот претседател, изразувајќи благодарност за досегашниот ангажман на Редот во хуманитарните мисии во Република Македонија во изминатите две децении. Амбасадорот Џусти потенцираше дека од нејзиното отворање во 1998 година, Амбасадата на Суверениот Воен Ред на Малта во Скопје има имплементирано неколку хуманитарни и социјални активности во различни места во Македонија, додавајќи дека негова улога како амбасадор на Суверениот Воен Ред на Малта ќе биде да ги поттикнува овие иницијативи.
 
На средбата со новоименуваниот амбасадор на Република Гана за Република Македонија, со седиште во Прага, Н.Е. г-ѓа Вирџинија Хесе, претседателот Иванов изрази подготвеност за изнаоѓање на различни форми за развивање на меѓусебните дипломатски односи и го поздрави интересот на студентите од Гана за школување во Република Македонија, како позитивен пример на соработка во областа на образованието. Г-ѓа Хесе нагласи дека како амбасадор на Гана ќе работи на зајакнување на односите меѓу двете земји, за подобрување на трговските односи како и за постигнување на начелата за одржливи и развојни цели.
 
На средбата со новоименуваниот амбасадор на Република Уганда за Република Македонија, со седиште во Рим, Н.Е. г-ѓа Елизабет Паула Напејок, македонскиот претседател истакна дека и покрај географската оддалеченост меѓу двете земји, постојат начини за создавање на услови за развој и за унапредување на севкупните билатералните односи и взаемната соработка во различни сфери.
 
Претседателот Иванов на новоименуваните амбасадори им честита за функцијата и им посака успех во вршењето на одговорната дипломатска должност.
 

Прикажи повеќе...

Македонија

Димитров-Чавушоглу: Турција продолжува максимално да ја поддржува Македонија

Објавено пред

Во рамките на работната посета на Анкара, министерот за надворешни работи, Никола Димитров, денеска се сретна со министерот за надворешни работи на Република Турција, Мевљут Чавушоглу, како и со претседателот на Собранието, Бинали Јилдирим, а претстојат средби со министерот за одбрана, Хулуси Акар, и високи претставници во кабинетот на претседателот Ердоган.

„На средбата со Чавушоглу беше потврдена посветеноста на двете страни за натамошно градење блиски, пријателски и партнерски меѓусебни односи. Се дискутираа можностите за подобрување на соработката во економијата, инвестициите, образованието, културата итн. Министерот Чавушоглу потенцира дека Република Турција и понатаму максимално ќе ја поддржува Република Македонија во евро-атлантските интеграции. Тој позитивно ги оцени најновите случувања во Република Македонија во тој контекст“, соопштија од МНР.

За време на разговорите министерот Димитров истакна: „Ги затвораме отворените прашања со цел да ја извадиме Македонија од равенката на несигурност преку членството во НАТО и ЕУ. Во исто време не смееме да ги заборавиме нашите пријатели што нè поддржуваат на тој пат од самиот почеток“.

Министрите потпишаа меморандум за соработка во областа на информатичките технологии и дипломатските архиви помеѓу министерствата за надворешни работи на двете земји.

На средбата со Јилдирим биле разменети ставови за унапредување на комуникациите меѓу највисоките законодавни тела во двете држави во сферата на парламентарната дипломатија и особено поттикнувањето на конкретни и заеднички активности помеѓу групите за пријателство и повеќе комисии во двата парламента.

На средбата со министерот за одбрана, Хулуси Акар, се очекува министрите да дискутираат за турската поддршка за полноправно членство на Република Македонија во НАТО. Ќе се разговара и за подготвеноста на Турција за конкретни активности кога се во прашање осовременувањето на вооружените сили на Република Македонија, помош во опрема и обука на нашите војници и старешини, како и подготовки во оперативна и воено-техничка подготвеност според стандардите на НАТО.

Прикажи повеќе...

Најново

Свет15 минути

Трамп најави важна објава

Американскиот претседател Доналд Трамп најави важна објава во врска со блокадата на работата на федералната влада. Неговата најава следи во...

Свет1 час

Масовни протести во Унгарија против премиерот Виктор Орбан

Неколку илјади Унгарци протестираа денеска во Будимпешта против премиерот Виктор Орбан и неговите закони за прекувремени часови, кои досега неколкупати...

Свет2 часа

(Видео) Расте бројот на загинати во најголемата експлозија на нафтовод во Мексико

Билансот на загинати во силната експлозија на нафтовод во Мексико се искачи на 66 луѓе. Повредени се 76, изјави гувернерот...

Македонија4 часа

Загадувањето во Битола, Тетово и Струмица до шест пати над дозволеното

Присуството на штетните ПМ10 честички во воздухот во Битола, Тетово и Струмица, во изминативе два дена било и до шест...

Топ4 часа

Расправија во кафеана му претходела на пукањето во Кочани, напаѓачот е во бегство

На пукањето што се случи вчера околу 17 часот во угостителски објект во Кочани, а во кое едно лице беше...

Регион6 часа

Епидемија во Хрватска, девет лица починаа од грип

Девет лица починаa од грип во Хрватска, но за два смртни случаи во Сплит сè уште се чекаат официјални информации,...

Македонија6 часа

Директор на основно училиште склучувал договори во четири очи, го оштетил Буџетот за 1,2 милиони денари

Директор на основно училиште во Кратово, без да објавува јавни огласи, склучувал договори во четири очи за набавка на разни...

Македонија8 часа

Скопјани се гневни откако градот се искачи на прво место по загаденост во светот

Социјалните мрежи се преполни со реакции, откако вчеравечер Скопје се искачи на првото место по загаденост во светот.   Мерните...

Македонија9 часа

82 обвинители ја тужат државата за неисплатени додатоци на плата

82 обвинители од јавните обвинителства низ земјава ја тужат државата пред домашните судови за неисплатени додатоци во вкупен износ од...

Економија10 часа

„Фич” го потврди кредитниот рејтинг на Македонија ББ, со позитивен изглед

Aгенцијата „Фич” соопшти дека го потврдува кредитниот рејтинг на Македонија ББ, со позитивен изглед. Од Министерството за финансии соопштија дека...

Свет22 часа

Втората средба меѓу Трамп и Ким ќе се одржи кон крајот на февруари

Американскиот претседател, Доналд Трамп, и севернокорејскиот лидер, Ким Џонг-ун ,повторно ќе се состанат кон крајот на февруари, соопшти Белата куќа...

Регион22 часа

(Видео) Објавена снимка од свечениот ручек во Белград: Дачиќ пее, а Путин ракоплеска

Руската новинска агенција ТАСС објави видеоснимка од свечениот ручек кој вчера во Белград беше приреден во чест на посетата на...

Истражувања1 ден

(Видео) Турците ем градат кај Стара железничка ем плаќаат казна од 2 милиона денари месечно

Турската компанија „Лимак“, која го гради комплексот со дваесеткатници кај Старата железничка станица, месечно уплаќа по  2 милиони денари во...

Македонија1 ден

(Видео) Димовски: Следува комплициран избор на антикорупциска комисија

Конкурсот за избор на членови на антикорупциската комисија објавен во октомври денеска беше поништен за да може да се објави...

Македонија1 ден

(Видео) Наумовски си ја зголеми платата, а Ѓорче Петров нема пари за ветените базен и градинка

Градоначалникот на општина Ѓорче Петров, Александар Наумовски, годинава ќе зема повисока плата, а планирани се и нови вработувања во Општината во...

Топ1 ден

Каракамишева повикана во полициска станица поради говор на омраза

Професорката Тања Каракамишева била на информативен разговор во полициска станица бидејќи била пријавена за ширење говор на омраза. Таа на...

Македонија1 ден

(Видео) Ако не се освести Заев, одиме со Мицкоски, порачаа пазарџиите

„Ако не се сврти кон народот, како што вети Заев, ние ќе се приклучивме кон другите, ќе одиме со Мицкоски“,...

Македонија1 ден

(Видео) Кекеновски со иницијатива до Уставниот суд: Се противам на каубојското носење на Законот за јазиците

Професорот Јове Кекеновски поднесе иницијатива за оценка на уставноста на Законот за употреба на јазиците. Според него, власта каубојски и...

Македонија1 ден

Камчев со Јанакиески: „Шефе, со дупоиве што ги обори Центар, шо стана“?

Во кривичниот суд во Скопје се одржа рочиштето за предметот на СЈО ,,Насилство во Општина Центар“. На денешното судење беа...

Македонија1 ден

„Јадеше гулаш во Унгарија, а?” – Јанакиески се пошегува со посетителот на Груевски

Пред почетокот на денешното рочиште на судењето за насилството пред Општина Центар, ексминистерот за транспорт и врски, Миле Јанакиески, го...

Досие