Надворешна политика
(Видео) Почнаа протестите во 24 градови во Грција, дел од медиумите спречени да ги следат поради „безбедносни причини“
Попладнево почнаа протестите во 24 градови во Грција против употребата на зборот „Македонија“, а дел од медиумите беа спречени да ги следат поради „безбедносни причини“. Организацијата „Комитетот на хеленисти на Македонија” ги повикува граѓаните да доаѓаат со грчки знамиња и без партиски симболи.
Централен собир има во Пела, од симболични причини, како родно место на Александар Велики. Веќе почнаа да се собираат луѓе со знамиња за да протестираат „против македонскиот хеленизам“. На дел од медиумите од земјава не им било дозволено да ги следат протестите одблизу, поради „безбедносни причини“.
Министерството за надворешни работи попладнево упати апел до македонските граѓани кои денес ќе патуваат или бидат во Грција, да ги избегнуваат местата на одржување на тамошните најавени протести поради, како што велат, поради можност од ескалација.
Воедно граѓаните се повикуваат да се воздржат од секакви реакции кои би имале негативни последици по нивната безбедност.
„Се информираат граѓаните на Република Македонија кои утре, 6 јуни, ќе бидат или планираат да патуваат во Грција, дека грчката организација ‘Комитет за борба за грчкиот карактер на Македонија’, најавува протести во 14 поголеми градови во Северна Грција против употребата на зборот ‘Македонија’, што ќе се одржат истиот ден, со почеток во 19.30 часот”, стои во соопштението на македонското МНР.
Протести се одржуваат во ширум Грција, за како што беше најавено, зачувување на грчкиот карактер на Македонија.Протести се одржуваат во Пела, Кавала, Драма, Серес, Кукуш, Поликастро, Воден, Лерин, Костур, Птоле-маида, Катерини, Лагадас и во туристичкото место Неа Мудања на Халкидики.
Во многу градови демонстрациите се поддржани од локалната самоуправа, од градоначалниците, како и од свештеници. Грчкиот архиепископ Јеронимо изјави дека прашањата, како што е она со спорот за името, не се решава со протести и оти парламентот е одговорен. „Името Македонија не е лесно да го дадеме, да го позајмиме“, рече архиепископот Јеронимос.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Средба на претседателите на Собранијата на Македонија и Украина, Митрески и Стефанчук
Претседателот на Собранието на Република Северна Македонија, Јован Митрески, во рамките на посетата на Киев по повод втората годишнина од почетокот на руската воена агресија врз Украина, оствари средба со претседателот на Врховната рада на Украина, Руслан Стефанчук.
Претседателот Митрески изрази благодарност за поканата и нагласи дека посетата претставува потврда на цврстата и непоколеблива поддршка на Република Северна Македонија за Украина, на сите полиња. Тој нагласи дека уште од самиот почеток силно ја осудуваме руската агресија против Украина, континуирано ја потврдуваме нашата поддршка за украинскиот територијален интегритет, суверенитет и целовитост и изразуваме целосна поддршка на правото на самоодбрана на земјата.
Претседателот на Собранието истакна дека Северна Македонија целосно се приклучи на сите рестриктивни мерки и санкции на ЕУ кон Руската Федерација, ко-спонзорираше бројни резолуции и иницијативи во однос на Украина, а упати и воена и хуманитарна помош за земјата.
Македонија
Средба Османи – Кулеба во ОН Њујорк: Европската Унија е наша заедничка иднина
Министерот за надворешни работи, Бујар Османи, на 23 февруари 2024 година, оствари средба со министерот за надворешни работи на Украина, Дмитро Кулеба, во седиштето на Обединетите нации во Њујорк, на маргините на 56. пленарен состанок на 78. седница на Генералното Собрание.
Средбата се одржа со цел да се даде поддршка на Украина на денот на одбележувањето на две-годишнината од почетокот на руската агресија во Украина, при што Османи потенцира дека е многу важно да продолжи поддршката на Украина, бидејќи ако Русија победи во Украина, тогаш ние сме следните.
Министерот Османи, на средбата, истакна дека денес Руската Федерација е најголемата закана за безбедноста на Европа, на Западен Балкан, но и на Република Северна Македонија.
“Важно е да имаме стратешка предвидливост во нашата држава, со цел конечно да кажеме “Не” за Русија и “Да” за интегративните европски процеси на Западниот Балкан и на Република Северна Македонија”, рече Османи.
Додека, Министерот Кулеба, истакнувајќи го фактот дека Северна Македонија цврсто застана зад Украина во текот на двете години агресија, упати благодарност до граѓаните на Северна Македонија, како и благодарност до Министерот Османи за неговото лидерство и поддршка.
“Нашата иднина е заедничка, таа иднина е Европската Унија, која воедно претставува и иднина за мир и просперитет, рече Кулеба.
Двајцата Министри имаа свои обраќња пред Генералното собрание на Обединетите нации, каде упатија јасни пораки против рускат агресија врз Украина.
Македонија
(Видео) Oсмани од ОН во Њујорк: Мораме да и кажеме не на Русија
Министерот за надворешни работи, Бујар Османи, денес се обрати од седиштето на Обединетите нации во Њујорк, на 56. пленарен состанок на 78-та седница на Генералното собрание, по повод две години од инвазијата на Русија врз Украина, кој се одржа на тема: Ситуацијата во привремено окупираните територии на Украина.
Османи, уште еднаш, ја повика Русија да ја прекине оваа бесмислена војна и да ги повлече своите трупи од суверената територија на Украина.
„Русија ги прекрши основните принципи на меѓународното право и започна целосна агресивна војна против Украина, земја членка на ОН’’, истакна Османи.
Воедно, министерот потенцираше дека Северна Македонија е исто така силно загрижена и ја осудува незаконската депортација на децата од Украина во Русија и Белорусија од страна на Руската федерација и ги повика да обезбедат нивно безбедно враќање дома.
„Мораме да и кажеме не на Русија! Правдата и одговорноста мора да надвладеат”, рече Османи, воедно додаде дека Северна Македонија им се придружи на другите 140 земји-членки за поддршка на суверенитетот и територијалниот интегритет на Украина во нејзините меѓународно признати граници од 1991 година.
Османи повика на обединетост во поддршката за Украина, не само за доброто на жртвите и нивните семејства, туку и како предуслови за избегнување на понатамошни агресии и неиспровоцирана употреба на сила во меѓународните односи.