Надворешна политика
Адеми со Лајчак за европската и македонската политичка криза
За политичката состојба во земјава, гео-политичките предизвици во Европа, за Брегзит и безбедносните причини и обезбедување стабилност на југоистокот на Европа во однос на бегалската криза разговареле вицепремиерот задолжен за европски прашања Арбр Адеми денеска во Братислава со министерот за надворешни работи и европски прашања Мирослав Лајчак и во неговата функција како претседавач со Советот на ЕУ.
Вицепремиерот Адеми му честитал на својот колега за преземањето на претседателството со ЕУ од страна на Словачка и му посака успешна реализација на зацртаните цели и приоритети. За време на средбата се разговарало исто така за билатералната соработка помеѓу двете земји како и за актуелната политичка состојба во земјата.За време на разговорот вицепремиерот Адеми рекол дека со оглед на тоа што преземањето на претседателството со ЕУ се случува во период на сериозни предизвици кои ќе бараат голема ангажираност и фокусираност од страна на европските институции и земјите членки, при што беа споменати Брегзит, настаните во Турција, последните терористички напади во Ница во Франција и продолжената мигрантска криза, истото не треба да се одрази на успорување на процесот на проширувањето и интеграцијата на земјите од Западен Балкан.Вицепремиерот Адеми нагласи дека Македонија треба да се третира како дел од политичката мапа на Европската унија, од економски, геополитички причини, но исто толку ако не и поважно од безбедносни причини и обезбедување на стабилност на југоистокот на Европа поради што поддршката од Словачка за продолжување на нашиот евро-атлантски пат е огромно значење. Соговорниците за време на средбата ги поздравија одличните билатералните односи помеѓу двете земји кои се карактеризираат со пријателство и разбирање, со взаемен интерес за нивно понатамошно унапредување.Во поглед на актуелната политичка состојба во државата Адеми се осврна на ситуацијата во земјата и нагласи дека е важно решението за сите непосредни прашања да се постигне на конструктивен и сеопфатен начин и во согласност со стандардите за владеењето на правото.Министерот Лајчак од своја страна се осврна на исклучително сложената ситуација во која се наоѓа и функционира Европската унија во моментов притоа нагласувајќи дека процесот на проширување останува приоритет но во конкуренција со другите горливи и актуелни прашања со кои се треба да се справи Европската унија во наредниот период. Тој нагласи дека за секоја земја од регионот има план за продолжување на процесот на интеграција, додека за Македонија потенцираше дека основниот предуслов за позитивен исчекор е итно, конечно решение на политичката криза, спроведување на кредибилни, фер и инклузивни избори, поддршка на работата на специјалното јавно обвинителство и целосна имплементација на итните реформски приоритети. Имајќи ги предвид сите овие предуслови, министерот Лајчак, нагласи дека задржувањето на препораката за почеток на пристапни преговори е исклучиво во наши раце. Вицепремиерот Адеми се заблагодари за поддршката на Република Словачка на нашите евроатлантски аспирации со надеж дека истата ќе продолжи и понатаму со засилен интензитет со оглед на високиот приоритет на агендата на словачкото претседателство за продолжување на политиката на проширување./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Средба на претседателите на Собранијата на Македонија и Украина, Митрески и Стефанчук
Претседателот на Собранието на Република Северна Македонија, Јован Митрески, во рамките на посетата на Киев по повод втората годишнина од почетокот на руската воена агресија врз Украина, оствари средба со претседателот на Врховната рада на Украина, Руслан Стефанчук.
Претседателот Митрески изрази благодарност за поканата и нагласи дека посетата претставува потврда на цврстата и непоколеблива поддршка на Република Северна Македонија за Украина, на сите полиња. Тој нагласи дека уште од самиот почеток силно ја осудуваме руската агресија против Украина, континуирано ја потврдуваме нашата поддршка за украинскиот територијален интегритет, суверенитет и целовитост и изразуваме целосна поддршка на правото на самоодбрана на земјата.
Претседателот на Собранието истакна дека Северна Македонија целосно се приклучи на сите рестриктивни мерки и санкции на ЕУ кон Руската Федерација, ко-спонзорираше бројни резолуции и иницијативи во однос на Украина, а упати и воена и хуманитарна помош за земјата.
Македонија
Средба Османи – Кулеба во ОН Њујорк: Европската Унија е наша заедничка иднина
Министерот за надворешни работи, Бујар Османи, на 23 февруари 2024 година, оствари средба со министерот за надворешни работи на Украина, Дмитро Кулеба, во седиштето на Обединетите нации во Њујорк, на маргините на 56. пленарен состанок на 78. седница на Генералното Собрание.
Средбата се одржа со цел да се даде поддршка на Украина на денот на одбележувањето на две-годишнината од почетокот на руската агресија во Украина, при што Османи потенцира дека е многу важно да продолжи поддршката на Украина, бидејќи ако Русија победи во Украина, тогаш ние сме следните.
Министерот Османи, на средбата, истакна дека денес Руската Федерација е најголемата закана за безбедноста на Европа, на Западен Балкан, но и на Република Северна Македонија.
“Важно е да имаме стратешка предвидливост во нашата држава, со цел конечно да кажеме “Не” за Русија и “Да” за интегративните европски процеси на Западниот Балкан и на Република Северна Македонија”, рече Османи.
Додека, Министерот Кулеба, истакнувајќи го фактот дека Северна Македонија цврсто застана зад Украина во текот на двете години агресија, упати благодарност до граѓаните на Северна Македонија, како и благодарност до Министерот Османи за неговото лидерство и поддршка.
“Нашата иднина е заедничка, таа иднина е Европската Унија, која воедно претставува и иднина за мир и просперитет, рече Кулеба.
Двајцата Министри имаа свои обраќња пред Генералното собрание на Обединетите нации, каде упатија јасни пораки против рускат агресија врз Украина.
Македонија
(Видео) Oсмани од ОН во Њујорк: Мораме да и кажеме не на Русија
Министерот за надворешни работи, Бујар Османи, денес се обрати од седиштето на Обединетите нации во Њујорк, на 56. пленарен состанок на 78-та седница на Генералното собрание, по повод две години од инвазијата на Русија врз Украина, кој се одржа на тема: Ситуацијата во привремено окупираните територии на Украина.
Османи, уште еднаш, ја повика Русија да ја прекине оваа бесмислена војна и да ги повлече своите трупи од суверената територија на Украина.
„Русија ги прекрши основните принципи на меѓународното право и започна целосна агресивна војна против Украина, земја членка на ОН’’, истакна Османи.
Воедно, министерот потенцираше дека Северна Македонија е исто така силно загрижена и ја осудува незаконската депортација на децата од Украина во Русија и Белорусија од страна на Руската федерација и ги повика да обезбедат нивно безбедно враќање дома.
„Мораме да и кажеме не на Русија! Правдата и одговорноста мора да надвладеат”, рече Османи, воедно додаде дека Северна Македонија им се придружи на другите 140 земји-членки за поддршка на суверенитетот и територијалниот интегритет на Украина во нејзините меѓународно признати граници од 1991 година.
Османи повика на обединетост во поддршката за Украина, не само за доброто на жртвите и нивните семејства, туку и како предуслови за избегнување на понатамошни агресии и неиспровоцирана употреба на сила во меѓународните односи.