Надворешна политика
Бејли: Победи Македонија
Договорот кој синоќа го постигнаа лидерите на политичките партии во Македонија, претставува победа за Македонија, изјави во средата амбасадорот на Соединетите држави во Скопје, Џес Бејли
Американскиот амбасадор пред новинарите ги пофали челниците на четирите најголеми партии во земјата, бидејќи, како што истакна, ги ставиле интересите на граѓаните пред интересите на политичките партии.„Накратко може да кажам дека Македонија победи. Сакам да ги пофалам лидерите кои вчера постигнаа договор и ги ставија интерсите на граѓаните, пред политичките интереси. Самиот договор ќе значи многу работа, меѓутоа исполнувањето на одредбите од тој договор значи дека Македонија силно ќе се придвижи кон НАТО и Европската унија“, изјави Бејли.Белји изрази уверување дека САД, Европската унија и Организацијата за безбедност и соработка во Европа (ОБСЕ), секогаш ќе ѝ помагаат на земјата во решавањето на политичките процеси. Американскиот амбасадор, исто така, искажа благодарност за еврокомесарот за соседска политика Јоханес Хан, за неговата ангажираност во решавањето на политичката криза.„Ве уверувам дека САД, заедно со нашите партнери ЕУ и ОБСЕ ќе бидат заедно за да помогнат во напредокот на Македонија. Сакам да ги пофалам напорите на комесарот Хан и на другите европратеници и да се заблагодарам на напорите што ги направи ЕУ за да и помогне на Македонија да ги надмине проблемите и да зачекори напред“, додаде Бејли. Хан и тројцата европратеници Ричард Ховит, Иво Вајгл и Едуард Кукан, во вторникот посредуваа во постигнувањето на договорот за разрешувањето на политичката криза со четворицата лидери на најголемите политички партии во земјава, Никола Груевски од владејачката ВМРО-ДПМНЕ, Зоран Заев од најголемата опозициска партија СДСМ, Али Ахмети од албанскиот коалиционен партнер во владата ДУИ, и Мендух Тачи од ДПА, опозицска партија на Албанците во Македонија.П маратонските средби лидерите постигнаа договор, опозицијата во септември да се врати во Собранието, а Груевски да си даде оставка и ВМРО-ДПМНЕ да предложи нов привремен премиер на преодната влада што треба да ги организира предвремените избори што ќе се одржат на 24 април./крај/мф/ффс
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Средба на претседателите на Собранијата на Македонија и Украина, Митрески и Стефанчук
Претседателот на Собранието на Република Северна Македонија, Јован Митрески, во рамките на посетата на Киев по повод втората годишнина од почетокот на руската воена агресија врз Украина, оствари средба со претседателот на Врховната рада на Украина, Руслан Стефанчук.
Претседателот Митрески изрази благодарност за поканата и нагласи дека посетата претставува потврда на цврстата и непоколеблива поддршка на Република Северна Македонија за Украина, на сите полиња. Тој нагласи дека уште од самиот почеток силно ја осудуваме руската агресија против Украина, континуирано ја потврдуваме нашата поддршка за украинскиот територијален интегритет, суверенитет и целовитост и изразуваме целосна поддршка на правото на самоодбрана на земјата.
Претседателот на Собранието истакна дека Северна Македонија целосно се приклучи на сите рестриктивни мерки и санкции на ЕУ кон Руската Федерација, ко-спонзорираше бројни резолуции и иницијативи во однос на Украина, а упати и воена и хуманитарна помош за земјата.
Македонија
Средба Османи – Кулеба во ОН Њујорк: Европската Унија е наша заедничка иднина
Министерот за надворешни работи, Бујар Османи, на 23 февруари 2024 година, оствари средба со министерот за надворешни работи на Украина, Дмитро Кулеба, во седиштето на Обединетите нации во Њујорк, на маргините на 56. пленарен состанок на 78. седница на Генералното Собрание.
Средбата се одржа со цел да се даде поддршка на Украина на денот на одбележувањето на две-годишнината од почетокот на руската агресија во Украина, при што Османи потенцира дека е многу важно да продолжи поддршката на Украина, бидејќи ако Русија победи во Украина, тогаш ние сме следните.
Министерот Османи, на средбата, истакна дека денес Руската Федерација е најголемата закана за безбедноста на Европа, на Западен Балкан, но и на Република Северна Македонија.
“Важно е да имаме стратешка предвидливост во нашата држава, со цел конечно да кажеме “Не” за Русија и “Да” за интегративните европски процеси на Западниот Балкан и на Република Северна Македонија”, рече Османи.
Додека, Министерот Кулеба, истакнувајќи го фактот дека Северна Македонија цврсто застана зад Украина во текот на двете години агресија, упати благодарност до граѓаните на Северна Македонија, како и благодарност до Министерот Османи за неговото лидерство и поддршка.
“Нашата иднина е заедничка, таа иднина е Европската Унија, која воедно претставува и иднина за мир и просперитет, рече Кулеба.
Двајцата Министри имаа свои обраќња пред Генералното собрание на Обединетите нации, каде упатија јасни пораки против рускат агресија врз Украина.
Македонија
(Видео) Oсмани од ОН во Њујорк: Мораме да и кажеме не на Русија
Министерот за надворешни работи, Бујар Османи, денес се обрати од седиштето на Обединетите нации во Њујорк, на 56. пленарен состанок на 78-та седница на Генералното собрание, по повод две години од инвазијата на Русија врз Украина, кој се одржа на тема: Ситуацијата во привремено окупираните територии на Украина.
Османи, уште еднаш, ја повика Русија да ја прекине оваа бесмислена војна и да ги повлече своите трупи од суверената територија на Украина.
„Русија ги прекрши основните принципи на меѓународното право и започна целосна агресивна војна против Украина, земја членка на ОН’’, истакна Османи.
Воедно, министерот потенцираше дека Северна Македонија е исто така силно загрижена и ја осудува незаконската депортација на децата од Украина во Русија и Белорусија од страна на Руската федерација и ги повика да обезбедат нивно безбедно враќање дома.
„Мораме да и кажеме не на Русија! Правдата и одговорноста мора да надвладеат”, рече Османи, воедно додаде дека Северна Македонија им се придружи на другите 140 земји-членки за поддршка на суверенитетот и територијалниот интегритет на Украина во нејзините меѓународно признати граници од 1991 година.
Османи повика на обединетост во поддршката за Украина, не само за доброто на жртвите и нивните семејства, туку и како предуслови за избегнување на понатамошни агресии и неиспровоцирана употреба на сила во меѓународните односи.