Надворешна политика
Бенко: Македонија ги достигна стандардите за членство во НАТО
Од среда, во дводневна официјална посета на Македонија и АРМ престојува делегација на вооружените сили (ВС) на Унгарија, предводена од началникот на Генералштабот на армијата на Унгарија, генерал Тибор Бенко.
Од среда, во дводневна официјална посета на Македонија и АРМ престојува делегација на вооружените сили (ВС) на Унгарија, предводена од началникот на Генералштабот на армијата на Унгарија, генерал Тибор Бенко.
Делегацијата во Генералштабот на Армијата на Република Македонија (АРМ) беше пречекана со високи воени почести, а нејзин домаќин е началникот на Генералштабот генерал-потполковник Горанчо Котески.
Генералот Котески искажа благодарност до Унгарија и нејзините вооружени сили на Унгарија за безрезервната поддршка која Република Македонија и АРМ ја добиваат во напорите за полноправно членство во НАТО.
Тој истакна дека посетата на генералот Бенко која е прва посета на еден началник на унгарскиот Генералштаб, ќе биде искористена за изнаоѓање нови патишта и форми за проширување на билатералната меѓуармиска соработка.
Началникот на Генералштабот на АРМ посочи на остварување на конкретна соработка со НАТО Центарот за совршенство по воено-медицинска обука, кој е дел од армијата на Унгарија, а како можности за проширување на соработката, ги наведе и капацитетите на Центарот за обука на пилоти во АРМ, како и останатите капацитети за обука во АРМ.
Генералот Бенко го искажа задоволството од посетата на Република Македонија и АРМ, при што тој нагласи дека АРМ и Република Македонија ги имаат достигнато стандардите за членство во НАТО, што се огледа во нашето учество во мировните мисии и вежби на НАТО.
Тој беше имресиониран од реформите на АРМ и учеството во мисиите предводени од НАТО и ЕУ и потенцираше дека и во иднина АРМ ќе ужива голема поддршка од вооружените сили на Унгарија.
На средбата во ГШ на АРМ, гостите од Унгарија беа запознаени со реформските процеси во одбраната, трансформацијата на АРМ, новата организациско-формациска структура и учеството на АРМ во меѓународните мировни мисии.
За време на престојот во Генералштабот а АРМ, генералот Бенко оствари средба и со министерот за одбрана Зоран Јолевски.
Началникот на војската на Унгарија, ќе има можност подоцна да ги посети Центарот за обука на пилоти и Воено-медицинскиот центар на АРМ каде ќе биде запознаен со капацитетите и можностите за обука на овие центри.
Билатералната соработка на полето на одбраната со Унгарија официјално е воспотавена во октомври 2002 година, со потпишување на Меморандум за соработка меѓу министерствата за одбрана.
Во изминативе години, соработката на АРМ со армијата на Унгарија се одвива на полето на јазичната обука, експертски разговори и едукација во различни области, како и реализација на заеднички вежби од военото воздухопловство./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Средба на претседателите на Собранијата на Македонија и Украина, Митрески и Стефанчук
Претседателот на Собранието на Република Северна Македонија, Јован Митрески, во рамките на посетата на Киев по повод втората годишнина од почетокот на руската воена агресија врз Украина, оствари средба со претседателот на Врховната рада на Украина, Руслан Стефанчук.
Претседателот Митрески изрази благодарност за поканата и нагласи дека посетата претставува потврда на цврстата и непоколеблива поддршка на Република Северна Македонија за Украина, на сите полиња. Тој нагласи дека уште од самиот почеток силно ја осудуваме руската агресија против Украина, континуирано ја потврдуваме нашата поддршка за украинскиот територијален интегритет, суверенитет и целовитост и изразуваме целосна поддршка на правото на самоодбрана на земјата.
Претседателот на Собранието истакна дека Северна Македонија целосно се приклучи на сите рестриктивни мерки и санкции на ЕУ кон Руската Федерација, ко-спонзорираше бројни резолуции и иницијативи во однос на Украина, а упати и воена и хуманитарна помош за земјата.
Македонија
Средба Османи – Кулеба во ОН Њујорк: Европската Унија е наша заедничка иднина
Министерот за надворешни работи, Бујар Османи, на 23 февруари 2024 година, оствари средба со министерот за надворешни работи на Украина, Дмитро Кулеба, во седиштето на Обединетите нации во Њујорк, на маргините на 56. пленарен состанок на 78. седница на Генералното Собрание.
Средбата се одржа со цел да се даде поддршка на Украина на денот на одбележувањето на две-годишнината од почетокот на руската агресија во Украина, при што Османи потенцира дека е многу важно да продолжи поддршката на Украина, бидејќи ако Русија победи во Украина, тогаш ние сме следните.
Министерот Османи, на средбата, истакна дека денес Руската Федерација е најголемата закана за безбедноста на Европа, на Западен Балкан, но и на Република Северна Македонија.
“Важно е да имаме стратешка предвидливост во нашата држава, со цел конечно да кажеме “Не” за Русија и “Да” за интегративните европски процеси на Западниот Балкан и на Република Северна Македонија”, рече Османи.
Додека, Министерот Кулеба, истакнувајќи го фактот дека Северна Македонија цврсто застана зад Украина во текот на двете години агресија, упати благодарност до граѓаните на Северна Македонија, како и благодарност до Министерот Османи за неговото лидерство и поддршка.
“Нашата иднина е заедничка, таа иднина е Европската Унија, која воедно претставува и иднина за мир и просперитет, рече Кулеба.
Двајцата Министри имаа свои обраќња пред Генералното собрание на Обединетите нации, каде упатија јасни пораки против рускат агресија врз Украина.
Македонија
(Видео) Oсмани од ОН во Њујорк: Мораме да и кажеме не на Русија
Министерот за надворешни работи, Бујар Османи, денес се обрати од седиштето на Обединетите нации во Њујорк, на 56. пленарен состанок на 78-та седница на Генералното собрание, по повод две години од инвазијата на Русија врз Украина, кој се одржа на тема: Ситуацијата во привремено окупираните територии на Украина.
Османи, уште еднаш, ја повика Русија да ја прекине оваа бесмислена војна и да ги повлече своите трупи од суверената територија на Украина.
„Русија ги прекрши основните принципи на меѓународното право и започна целосна агресивна војна против Украина, земја членка на ОН’’, истакна Османи.
Воедно, министерот потенцираше дека Северна Македонија е исто така силно загрижена и ја осудува незаконската депортација на децата од Украина во Русија и Белорусија од страна на Руската федерација и ги повика да обезбедат нивно безбедно враќање дома.
„Мораме да и кажеме не на Русија! Правдата и одговорноста мора да надвладеат”, рече Османи, воедно додаде дека Северна Македонија им се придружи на другите 140 земји-членки за поддршка на суверенитетот и територијалниот интегритет на Украина во нејзините меѓународно признати граници од 1991 година.
Османи повика на обединетост во поддршката за Украина, не само за доброто на жртвите и нивните семејства, туку и како предуслови за избегнување на понатамошни агресии и неиспровоцирана употреба на сила во меѓународните односи.