Надворешна политика
Берлин: Балканот со заедничка стратегија за да биде поатрактивен како пазар
Земјите од Балканот треба да бидат поунифицирани, покоординирани во делот на економијата и да настапат со заедничка стратегија за да бидат поатрактивни како пазар, порачаа европските челници и министри за економија на панел дускисијата во четвртокот во Берлин, организрана од германското министерство за економија во рамки на самитот Германија – ЕУ – западен Балкан, на која присуствуваа и вицепремиерот за економски прашања, Владимир Пешевски и министерот за економија, Беким Незири, пренесува МИА.
Според Пешевски стартегиите се регионални, но сепак секоја држава има свој дел од работите кој што треба да го исполни, а Македонија веќе го применува тој принцип и предничи спред прокти пред другите земји во регионот.
„Во делот на нашите задачи ние навистина правиме можеби и најмногу процентуално гледано од сите земји во регионот бидејќи и во нашата стратегија за развој на гасификација имаме предвидено поврзување со неколку соседни држави и во делот на енергетиката веќе неколку се изградени, а неколку се во фаза на градба далеководи со соседните држави. Нашиот дел од патната инфраструктура, особено од Коридорот 10 ние ќе бидеме првата земја што целосно ќе го заврши. Нешто што ние одмна го најавувавме дека ќе го направиме. Исто и Коридорот 8 на кој се работи засилено и сме единствена држава во регионот во која истовремено се градат три автопатишта, така што Македонија претставува можеби пример за тоа како треба да се делува во делот на инфраструктурата, во делот на електро-енергетиката и кои се стратегиите што треба да се прават. Наместо празни зборови треба да се базира на реални проекти што ние и го правиме“, рече вицепремиерот Пешевски.
Посочи дека собирот го искористил уште еднаш да ја промовира Македонија како инвестициска дестинција со посебен фокус на проекти од областа на енергетиката, на што беше посветена првата сесија од економската конференција.
„Македонија, како во останатите делови на подобрување на бизнис климата, и во оваа област е малку понапред од останатите, бидејќи веќе го има отворено пазарот за приватни инвестиции во овој сегмент. Го промовирав проектот за јавно пиватно партнерство за изградба на гасни дистрибутивни системи за вториот и третиот регион во Република Македонија. Ја искористив и можноста за презентирање на идејата за формирање на еден регионален пазар, односно регионална берза за електрична енергија, нешто што би помогнало да се обезбеди поевтина енергија и постабилно снабдување со електрична енергија не само за Македонија туку и за целиот регион. Тоа како идеја натаму ќе се обработува, но значајно за нас е бидејќи Македонија во овој момент гради неколку енергетски врски со соседните држави и треба да се искористи таа можност и во оваа област да бидеме пример за стабиност и за привлекување инвестиции“, појасни Пешевски. Министерот Незири, додаде дека во однос на патната инфраструктура, покрај комплетирање на Коридорот 10, многу значаен е и Кородорот 8.
„Очекуваме поврзаноста со Косово да биде патот Скопје – Блаце. Со тоа би се поврзале индиректно со Србија, знаејќи ги плановите на Косово дека планираат да се поврзат со Србија, кој, пак, пат би овозможил директно поврзување со Албанија. Идејата е државите да бидат поврзани за да придонесеме кон привлекување на странските инвестиции“, рече Незири.
Инаку, политичкиот дел од самитот Германија-ЕУ- Западен Балкан, кој се одржува на иницијатива на германската канцеларка Ангела Меркел започна во 15:30 часот.
Македонскиот премиер Никола Груевски, заедно со лидерите од регионот на Западен Балкан ќе седат на иста маса со претседателот на Европската комисија Жозе Мануел Баросо, како и со претставници на Австрија и на Франција, каде зад затворени врати се очекува да дебатираат за ситуацијата и проблемите во регионот.
Во истовреме со главната пленарна средба, во германското МНР ќе се одржи состанок на шефовите на дипломатиите со земјите од Западен Балкан, на која ќе присуствува и министерот за надворешни работи Никола Попоски. На оваа конференција, која исто ќе биде затврена за јавноста ќе учествува и еврокомесарот за проширување Штефан Филе. Според германски аналитичари, можно е Попоски да се осврна на спорот за името, кое се смета за главна пречка на патот на евроинтеграциите на Македонија.
По пленарката најавена е прес-конференција на Меркел со Баросо и албанскиот премиер Еди Рама, како актуелен претседавач со Процесот за соработка во југосисточна Европа.
Самитот ќе биде заокружен со работна вечера која ја приредува канцеларката Меркел, на која учесниците уште еднаш ќе ја резимираат еднодневната работа и разговори. Некакви големи заклучоци и документи не се предвидени, освен позитивната порака преточена во конкретен ангажман за економски развој на Западен Балкан.
Се очекува Самитот да прерасне во годишна конференција за Западен Балкан во рамките на ЕУ, чиј организатор идната година треба да биде Австрија.
Берлинскиот собир на високо рамниште следи по состанокот на осумте претседатели на земјите од Процесот „Брдо-Бриони“, кој се одржа во јули во Дубровник, а на кој присуствуваше и германската канцеларка Меркел./крај/миа
Извор: МИА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Средба на претседателите на Собранијата на Македонија и Украина, Митрески и Стефанчук
Претседателот на Собранието на Република Северна Македонија, Јован Митрески, во рамките на посетата на Киев по повод втората годишнина од почетокот на руската воена агресија врз Украина, оствари средба со претседателот на Врховната рада на Украина, Руслан Стефанчук.
Претседателот Митрески изрази благодарност за поканата и нагласи дека посетата претставува потврда на цврстата и непоколеблива поддршка на Република Северна Македонија за Украина, на сите полиња. Тој нагласи дека уште од самиот почеток силно ја осудуваме руската агресија против Украина, континуирано ја потврдуваме нашата поддршка за украинскиот територијален интегритет, суверенитет и целовитост и изразуваме целосна поддршка на правото на самоодбрана на земјата.
Претседателот на Собранието истакна дека Северна Македонија целосно се приклучи на сите рестриктивни мерки и санкции на ЕУ кон Руската Федерација, ко-спонзорираше бројни резолуции и иницијативи во однос на Украина, а упати и воена и хуманитарна помош за земјата.
Македонија
Средба Османи – Кулеба во ОН Њујорк: Европската Унија е наша заедничка иднина
Министерот за надворешни работи, Бујар Османи, на 23 февруари 2024 година, оствари средба со министерот за надворешни работи на Украина, Дмитро Кулеба, во седиштето на Обединетите нации во Њујорк, на маргините на 56. пленарен состанок на 78. седница на Генералното Собрание.
Средбата се одржа со цел да се даде поддршка на Украина на денот на одбележувањето на две-годишнината од почетокот на руската агресија во Украина, при што Османи потенцира дека е многу важно да продолжи поддршката на Украина, бидејќи ако Русија победи во Украина, тогаш ние сме следните.
Министерот Османи, на средбата, истакна дека денес Руската Федерација е најголемата закана за безбедноста на Европа, на Западен Балкан, но и на Република Северна Македонија.
“Важно е да имаме стратешка предвидливост во нашата држава, со цел конечно да кажеме “Не” за Русија и “Да” за интегративните европски процеси на Западниот Балкан и на Република Северна Македонија”, рече Османи.
Додека, Министерот Кулеба, истакнувајќи го фактот дека Северна Македонија цврсто застана зад Украина во текот на двете години агресија, упати благодарност до граѓаните на Северна Македонија, како и благодарност до Министерот Османи за неговото лидерство и поддршка.
“Нашата иднина е заедничка, таа иднина е Европската Унија, која воедно претставува и иднина за мир и просперитет, рече Кулеба.
Двајцата Министри имаа свои обраќња пред Генералното собрание на Обединетите нации, каде упатија јасни пораки против рускат агресија врз Украина.
Македонија
(Видео) Oсмани од ОН во Њујорк: Мораме да и кажеме не на Русија
Министерот за надворешни работи, Бујар Османи, денес се обрати од седиштето на Обединетите нации во Њујорк, на 56. пленарен состанок на 78-та седница на Генералното собрание, по повод две години од инвазијата на Русија врз Украина, кој се одржа на тема: Ситуацијата во привремено окупираните територии на Украина.
Османи, уште еднаш, ја повика Русија да ја прекине оваа бесмислена војна и да ги повлече своите трупи од суверената територија на Украина.
„Русија ги прекрши основните принципи на меѓународното право и започна целосна агресивна војна против Украина, земја членка на ОН’’, истакна Османи.
Воедно, министерот потенцираше дека Северна Македонија е исто така силно загрижена и ја осудува незаконската депортација на децата од Украина во Русија и Белорусија од страна на Руската федерација и ги повика да обезбедат нивно безбедно враќање дома.
„Мораме да и кажеме не на Русија! Правдата и одговорноста мора да надвладеат”, рече Османи, воедно додаде дека Северна Македонија им се придружи на другите 140 земји-членки за поддршка на суверенитетот и територијалниот интегритет на Украина во нејзините меѓународно признати граници од 1991 година.
Османи повика на обединетост во поддршката за Украина, не само за доброто на жртвите и нивните семејства, туку и како предуслови за избегнување на понатамошни агресии и неиспровоцирана употреба на сила во меѓународните односи.