Надворешна политика
Бесими: Интеграцијата во ЕУ е главен приоритет за земјите од западен Балкан
Вицепремиерот за евроинтеграции Фатмир Бесими во вторникот имаше свое обраќање на конференцијата „Ново поглавје за интеграциите на Албанија во променлива ЕУ: Предизвиците по добивањето на кандидатскиот статус и политиката за проширување под италијанското претседателство“.
Вицепремиерот за евроинтеграции Фатмир Бесими во вторникот имаше свое обраќање на конференцијата „Ново поглавје за интеграциите на Албанија во променлива ЕУ: Предизвиците по добивањето на кандидатскиот статус и политиката за проширување под италијанското претседателство“.
Во своето обраќање, Бесими нагласи дека интеграцијата во Европска унија е главен приоритет за секоја земја од западен Балкан, не само поради тоа што овие земји географски се дел од Европа, туку и поради тоа што Европа игра битна улога и ги подржува државите во спроведувањето на реформите, трансформацијата на општеството и зацврстувањето на демократските вредности и економскиот развој, имајќи предвид дека во исполнувањето на Копенхашките критериуми овие земји се соочуваат со многу предизвици.
Бесими додаде дека добрососедските односи се од суштинско значење за обезбедување на напредок во пристапувањето кон ЕУ, па затоа Македонија е посветена на постојано подобрување на односите со соседните држави, како и во продлабочувањето на соработката со земјите од регионот. Регионалната соработка е од витално значење и игра битна улога во напорите на земјите од западен Балкан за пристапување во ЕУ – додаде Бесими.
Меѓу другото, тој потенцираше дека со автентичните и заеднички вредности кои ги имаат земјите од западен Балкан и со нивно заедничко промовирање, можат подобро да ги презентираат заедничките политички и економски интереси во државите од Европска унија.
Можностите и користа од меѓусебната соработка, предностите од географската положба и инфраструктурните врски, компаративна економија, и природните карактеристики на овие земји, ја прават неопходна меѓусебната регионална соработката.
Бесими на конференцијата, говорејќи за македонското искуство во спроведувањето на ЕУ агендата на земјата, потенцираше дека оваа година се одбележа десетгодишнината од спроведувањето на Спогодбата за стабилизација и асоцијација и дека Македонија минатата година ја доби петтата препорака за започнување на преговорите со ЕУ, а покрај тоа се воведе и нова динамика во спроведувањето на реформите преку започнувањето на Пристапниот Дијалогот на Високо Ниво (ХЛАД).
Тој додаде дека во текот на сите овие години, со посветено работење, постигнат е значителен напредок во спроведувањето реформите во битни области како што се судството, борбата против корупција и организиран криминал, слободата на изразување, изборната реформа, реформата на јавната администрација итн.
Бесими додаде дека членството во Европска унија останува стратешки приоритет и е главна движечка сила, која поттикнува на посветена работа во спроведувањето на реформите и европеизацијата на овие земји.
На маргините на конференцијата, Бесими се сретна со албанската министерка за европска интеграција, Клајда Ѓоша.
Македонскиот вицепремиер одржа одделни средби и со заменик претседателот на Владата на Албанија, Нико Пелеши, и министерот за надворешни работи Дитмир Бушати, каде разговараа за постигнувањата на двете држави во евроинтегративниот процес и значењето на што поскората интеграција на државите од западен Балкан во ЕУ./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Средба на претседателите на Собранијата на Македонија и Украина, Митрески и Стефанчук
Претседателот на Собранието на Република Северна Македонија, Јован Митрески, во рамките на посетата на Киев по повод втората годишнина од почетокот на руската воена агресија врз Украина, оствари средба со претседателот на Врховната рада на Украина, Руслан Стефанчук.
Претседателот Митрески изрази благодарност за поканата и нагласи дека посетата претставува потврда на цврстата и непоколеблива поддршка на Република Северна Македонија за Украина, на сите полиња. Тој нагласи дека уште од самиот почеток силно ја осудуваме руската агресија против Украина, континуирано ја потврдуваме нашата поддршка за украинскиот територијален интегритет, суверенитет и целовитост и изразуваме целосна поддршка на правото на самоодбрана на земјата.
Претседателот на Собранието истакна дека Северна Македонија целосно се приклучи на сите рестриктивни мерки и санкции на ЕУ кон Руската Федерација, ко-спонзорираше бројни резолуции и иницијативи во однос на Украина, а упати и воена и хуманитарна помош за земјата.
Македонија
Средба Османи – Кулеба во ОН Њујорк: Европската Унија е наша заедничка иднина
Министерот за надворешни работи, Бујар Османи, на 23 февруари 2024 година, оствари средба со министерот за надворешни работи на Украина, Дмитро Кулеба, во седиштето на Обединетите нации во Њујорк, на маргините на 56. пленарен состанок на 78. седница на Генералното Собрание.
Средбата се одржа со цел да се даде поддршка на Украина на денот на одбележувањето на две-годишнината од почетокот на руската агресија во Украина, при што Османи потенцира дека е многу важно да продолжи поддршката на Украина, бидејќи ако Русија победи во Украина, тогаш ние сме следните.
Министерот Османи, на средбата, истакна дека денес Руската Федерација е најголемата закана за безбедноста на Европа, на Западен Балкан, но и на Република Северна Македонија.
“Важно е да имаме стратешка предвидливост во нашата држава, со цел конечно да кажеме “Не” за Русија и “Да” за интегративните европски процеси на Западниот Балкан и на Република Северна Македонија”, рече Османи.
Додека, Министерот Кулеба, истакнувајќи го фактот дека Северна Македонија цврсто застана зад Украина во текот на двете години агресија, упати благодарност до граѓаните на Северна Македонија, како и благодарност до Министерот Османи за неговото лидерство и поддршка.
“Нашата иднина е заедничка, таа иднина е Европската Унија, која воедно претставува и иднина за мир и просперитет, рече Кулеба.
Двајцата Министри имаа свои обраќња пред Генералното собрание на Обединетите нации, каде упатија јасни пораки против рускат агресија врз Украина.
Македонија
(Видео) Oсмани од ОН во Њујорк: Мораме да и кажеме не на Русија
Министерот за надворешни работи, Бујар Османи, денес се обрати од седиштето на Обединетите нации во Њујорк, на 56. пленарен состанок на 78-та седница на Генералното собрание, по повод две години од инвазијата на Русија врз Украина, кој се одржа на тема: Ситуацијата во привремено окупираните територии на Украина.
Османи, уште еднаш, ја повика Русија да ја прекине оваа бесмислена војна и да ги повлече своите трупи од суверената територија на Украина.
„Русија ги прекрши основните принципи на меѓународното право и започна целосна агресивна војна против Украина, земја членка на ОН’’, истакна Османи.
Воедно, министерот потенцираше дека Северна Македонија е исто така силно загрижена и ја осудува незаконската депортација на децата од Украина во Русија и Белорусија од страна на Руската федерација и ги повика да обезбедат нивно безбедно враќање дома.
„Мораме да и кажеме не на Русија! Правдата и одговорноста мора да надвладеат”, рече Османи, воедно додаде дека Северна Македонија им се придружи на другите 140 земји-членки за поддршка на суверенитетот и територијалниот интегритет на Украина во нејзините меѓународно признати граници од 1991 година.
Османи повика на обединетост во поддршката за Украина, не само за доброто на жртвите и нивните семејства, туку и како предуслови за избегнување на понатамошни агресии и неиспровоцирана употреба на сила во меѓународните односи.