Надворешна политика
Бесими: Македонија е подготвена за преговори со ЕУ
Во средата во Стразбур се одржа 12-от состанок на Мешовитиот парламентарен комитет – Македонија и Европската унија на кој учествуваше и вицепремиерот за евроинтеграции Фатмир Бесими.
За време на неговата посета во Стразбур, вицепремиерот Бесими оствари средба и со Генералниот секретар на Советот на Европа, Торборн Јагланд, со кого разговараа за значењето на поддршката на земјите членки на ЕУ во процесот на спроведувањето на реформите во земјите од западен Балкан, со цел што побрзо приклучување на овие земји во Европската унија.
Вицепремиерот Бесими во своето обраќање на Мешовитиот парламентарен комитет МК/ЕУ им честиташе на европарламентарците за изборите и им посака успешна работа во нивниот мандат, потенцирајќи дека политиката за проширување е од клучно значење. како за Македонија, така и за Европска унија, и дека процесот на обединување на европскиот континент нема да биде завршен сé додека не се интегрираат и земјите од западен Балкан, a од заеднички интерес е успешно да се заврши овој процес.
Бесими, исто така, ги информираше членовите на Мешовитиот парламент за реформите во Македонија, степенот на реализација на Агендата на ЕУ од страна на земјата и конкретните постигнати резултати.
Потенцираше дека добивањето на шестата препорака за почеток на преговорите на Република Македонија за членство во Европска унија е од битно значење за продолжување на реформскиот процес во нашата земја.
„Извештајот од Европската комисија за напредокот на Македонија во 2014 година беше детално разгледан, а наодите од извештајот се опфаќаат во Националната програма за усвојувањето на правото на ЕУ – НПАА која ќе се финализира до крајот на оваа година а согласно наодите од Извештајот на ЕК се одредуваат краткорочните и среднорочните приоритети на реформскиот процес“,рече Бесими.
За да се обезбеди инклузивност и транспарентност, во програмирањето на НПАА, вицепремиерот Бесими истакна дека Секретаријатот за европски прашања организираше средби со претставници на судството, академската заедница, граѓанскиот сектор, медиумите, бизнис заедницата кои беа поканети да ги достават нивните предлози за НПАА.
Многу од нив одговорија на повикот со нивни предлози што се однесуваат на областа на владеењето на правото, правосудството, слободата на изразување и социјалната политика.
Воедно Бесими истакна дека Владата веќе има усвоено Нацрт акциски план со конкретни активности кои се фокусираат на приоритетните области како што се: судството, слободата на изразување и медиумите, меѓуетничките односи, реформите во јавната администрација, препораките на ОБСЕ/ОДИХР, добрососедските односи и регионалната соработка.
За време на неговиот престој, Бесими имаше исто така и интензивни средби со пратеници од Европскиот парламент како што се Алојз Петерле претседавач на мешовитиот комитет, Иво Вајгел, европратеник и известувач за Македонија, Ричард Ховит, Јозо Радош, Моникиа Маковеи итн, со кои разговараше за посветеноста на нашата земја во спроведувањето на реформите како и за значењето на партнерскиот однос меѓу Македонија и Европската унија кој е од исклучителна важност, а воедно потенцираше дека Македонија е земја која најдолго во регионот ја спроведува европската агенда и дека според постигнатите резултати Македонија веќе е подготвена за започнување на преговорите за членство во ЕУ./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Средба на претседателите на Собранијата на Македонија и Украина, Митрески и Стефанчук
Претседателот на Собранието на Република Северна Македонија, Јован Митрески, во рамките на посетата на Киев по повод втората годишнина од почетокот на руската воена агресија врз Украина, оствари средба со претседателот на Врховната рада на Украина, Руслан Стефанчук.
Претседателот Митрески изрази благодарност за поканата и нагласи дека посетата претставува потврда на цврстата и непоколеблива поддршка на Република Северна Македонија за Украина, на сите полиња. Тој нагласи дека уште од самиот почеток силно ја осудуваме руската агресија против Украина, континуирано ја потврдуваме нашата поддршка за украинскиот територијален интегритет, суверенитет и целовитост и изразуваме целосна поддршка на правото на самоодбрана на земјата.
Претседателот на Собранието истакна дека Северна Македонија целосно се приклучи на сите рестриктивни мерки и санкции на ЕУ кон Руската Федерација, ко-спонзорираше бројни резолуции и иницијативи во однос на Украина, а упати и воена и хуманитарна помош за земјата.
Македонија
Средба Османи – Кулеба во ОН Њујорк: Европската Унија е наша заедничка иднина
Министерот за надворешни работи, Бујар Османи, на 23 февруари 2024 година, оствари средба со министерот за надворешни работи на Украина, Дмитро Кулеба, во седиштето на Обединетите нации во Њујорк, на маргините на 56. пленарен состанок на 78. седница на Генералното Собрание.
Средбата се одржа со цел да се даде поддршка на Украина на денот на одбележувањето на две-годишнината од почетокот на руската агресија во Украина, при што Османи потенцира дека е многу важно да продолжи поддршката на Украина, бидејќи ако Русија победи во Украина, тогаш ние сме следните.
Министерот Османи, на средбата, истакна дека денес Руската Федерација е најголемата закана за безбедноста на Европа, на Западен Балкан, но и на Република Северна Македонија.
“Важно е да имаме стратешка предвидливост во нашата држава, со цел конечно да кажеме “Не” за Русија и “Да” за интегративните европски процеси на Западниот Балкан и на Република Северна Македонија”, рече Османи.
Додека, Министерот Кулеба, истакнувајќи го фактот дека Северна Македонија цврсто застана зад Украина во текот на двете години агресија, упати благодарност до граѓаните на Северна Македонија, како и благодарност до Министерот Османи за неговото лидерство и поддршка.
“Нашата иднина е заедничка, таа иднина е Европската Унија, која воедно претставува и иднина за мир и просперитет, рече Кулеба.
Двајцата Министри имаа свои обраќња пред Генералното собрание на Обединетите нации, каде упатија јасни пораки против рускат агресија врз Украина.
Македонија
(Видео) Oсмани од ОН во Њујорк: Мораме да и кажеме не на Русија
Министерот за надворешни работи, Бујар Османи, денес се обрати од седиштето на Обединетите нации во Њујорк, на 56. пленарен состанок на 78-та седница на Генералното собрание, по повод две години од инвазијата на Русија врз Украина, кој се одржа на тема: Ситуацијата во привремено окупираните територии на Украина.
Османи, уште еднаш, ја повика Русија да ја прекине оваа бесмислена војна и да ги повлече своите трупи од суверената територија на Украина.
„Русија ги прекрши основните принципи на меѓународното право и започна целосна агресивна војна против Украина, земја членка на ОН’’, истакна Османи.
Воедно, министерот потенцираше дека Северна Македонија е исто така силно загрижена и ја осудува незаконската депортација на децата од Украина во Русија и Белорусија од страна на Руската федерација и ги повика да обезбедат нивно безбедно враќање дома.
„Мораме да и кажеме не на Русија! Правдата и одговорноста мора да надвладеат”, рече Османи, воедно додаде дека Северна Македонија им се придружи на другите 140 земји-членки за поддршка на суверенитетот и територијалниот интегритет на Украина во нејзините меѓународно признати граници од 1991 година.
Османи повика на обединетост во поддршката за Украина, не само за доброто на жртвите и нивните семејства, туку и како предуслови за избегнување на понатамошни агресии и неиспровоцирана употреба на сила во меѓународните односи.