Контакт

Надворешна политика

Единаесетти состанок на Советот за стабилизација и асоцијација меѓу Македонија и ЕУ

Објавено пред

На состанокот на Советот за стабилизација и асоцијација во средата во Брисел било потврдено дека Спогодбата за стабилизација и асоцијација останува суштинска основа за односот меѓу ЕУ и Република Македонија, сè додека Република Македонија не се зачлени во ЕУ. Спогодбата за стабилизација и асоцијација обезбедува договорна рамка во која ЕУ и земјата соработуваат и го следат развојот на настаните во нивните односи.

 

Советот за стабилизација и асоцијација ја зеде предвид примарната цел на земјата, започнување на преговорите за пристапување кон ЕУ, потврдувајќи ја нејзината силна посветеност на оваа цел и земајќи ги предвид препораките од Европската комисија. Советот за стабилизација и асоцијација исто така ги зеде предвид Заклучоците на Советот кои беа донесени на 17 декември 2013 година.

 

Советот за стабилизација и асоцијација ги разгледа клучните настани од претходниот период кои се однесуваат на исполнувањето на политичките критериуми, како и на состојбата во однос на економските критериуми, финансиската соработка и спроведувањето на Спогодбата за стабилизација и асоцијација. Советот се осврна и на резултатите од состанокот на Комитетот за стабилизација и асоцијација кој се одржа на 11 јуни.

 

Што се однесува до политичките критериуми, Советот за стабилизација и асоцијација беше информиран за клучните политички случувања. Тука беа опфатени претседателските и парламентарните избори и периодот по нив. Советот го забележа формирањето на новата влада, како и намерите на Владата да соработува со опозицијата и да продолжи да ги подобрува меѓуетничките односи.

 

Во однос на политичкиот дијалог, Советот за стабилизација и асоцијација го разгледа спроведувањето на претседателските избори во април и на предвремените парламентарни избори и се осврна на оценките на ОБСЕ/ОДИХР според кои изборите беа ефикасно спроведени.

 

ЕУ покажа загриженост за оценката за пристрасно медиумско покривање и за недостаток од поделба меѓу државните и партиските активности, што води до непостоење на еднакви услови за сите. Советот за стабилизација и асоцијација ги поздрави изборните реформи, кои се донесоа во консензус со опозицијата, согласно препораките на ОДИХР, но потсети дека слична загриженост била покрената во 2011 и 2013 година. ЕУ ги повика националните власти да ги спроведат забелешките на ОДИХР со цел да се подобри изборниот процес.

 

Во врска со политичките критериуми, Советот за стабилизација и асоцијација ја истакна потребата од конструктивен дијалог низ политичкиот спектар.

 

Што се однесува до слободата на изразување и медиумите, ЕУ ги зеде предвид новите закони за медиуми и искажа загриженост за целокупната клима и медиумска култура, и охрабри ангажман кон попозитивна атмосфера.

 

Во однос на владеењето на правото, Советот за стабилизација и асоцијација потсети на високото ниво на усогласеност, вклучувајќи и подобрена ефикасност на судовите, но истакна дека е потребно да се стави поголем акцент на независноста и квалитетот на правдата. Го поздрави и напредокот постигнат во водењето евиденција за корупција и организиран криминал, но ја нагласи потребата за подобрување на политиките и поефикасно спроведување на законите со цел да се добијат конкретни резултати.

 

Советот за стабилизација и асоцијација ја истакна потребата од завршување на прегледот за спроведувањето на Охридскиот рамковен договор колку што е можно поскоро, за да може овој процес да заврши со препораки за политиките.

 

ЕУ изрази загриженост за меѓуетничките односи и повика за повеќе проактивни, долгорочни мерки за градење на доверба на долг рок.

 

На ниво на реформите во јавната администрација, Советот за стабилизација и асоцијација го зема предвид усвојувањето на нова законска рамка за државни службеници во јануари 2014 година, како и на континуираната работа за поставување нова рамка за општа управна постапка.

 

Советот за стабилизација и асоцијација ја охрабри заложбата кон независност на јавната администрација и почитување на принципите на транспарентност, заслуги и правична застапеност.

 

Што се однесува до заштитата на човековите права, ЕУ продолжи да ја нагласува потребата за проактивен пристап на властите за промоција и заштита на основните човекови права, во согласност со европските стандарди. Советот за стабилизација и асоцијација потсети дека регионалната соработка и добрососедските односи сочинуваат значаен дел од процесот на пристапување кон ЕУ.

 

Советот за стабилизација и асоцијација го поздрави континуираното активно учество и конструктивниот пристап на Република Македонија во регионалната соработка, вклучително во иницијативите во Југоисточна Европа, како што се Советот за регионална соработка, Процесот за соработка во Југоисточна Европа, како и тековното претседателство на земјата на Централноевропскиот договор за слободна трговија (ЦЕФТА). Советот го поздрави претстојното претседавање на земјата со Централно европската иницијатива (ЦЕИ).

 

Во врска со економскиот развој, Советот за стабилизација и асоцијација потврди дека минатата година економијата почнала да закрепнува, дека е задржана макро-финансиската стабилност и дека инфлацијата останала во разумни рамки. Исто така, потсети на целните насоки за политиките договорени во мај 2014 година меѓу ЕУ и земјите-кандидати и ја охрабри Владата да се фокусира на нивното спроведување.

 

Советот за стабилизација и асоцијација го поздрави договорот постигнат со Владата за идните приоритети на Стратешкиот документ за земјата (СДЗ) 2014-2020 според (Инструментот за претпристапна помош) ИПА. Исто така ја поздрави и посветеноста на Република Македонија да вложи поголеми напори за значително зголемување на искористеноста на фондовите на ЕУ и подобрување на капацитетот на институциите потребен за нивно спроведување. Советот за стабилизација и асоцијација ја истакна важноста на разумното управување со јавните финансии и потребата за јасна врска меѓу ЕУ помошта и националните реформски стратегии, воведување на секторски пристап, по можност во рамките на сеопфатната национална стратегија за развој.

 

Советот за стабилизација и асоцијација исто така го зеде предвид добриот напредок постигнат во разни области опфатени со Спогодбата за стабилизација и асоцијација. Го поздрави и високото ниво на трговска интеграција и потпишувањето на Протоколот кон Спогодбата за стабилизација и асоцијација за да се земе предвид пристапувањето на Хрватска во ЕУ. Советот за стабилизација и асоцијација потсети на предлогот од Комисијата од октомври 2009 година за преминување во втората фаза на Спогодбата за стабилизација и асоцијација. Потврди дека одлуката за препораката останува во Советот./крај/мф/бс



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

Холштајн: Германија ќе се заложи максимално да ја засили европската перспектива на регионот

Објавено пред

Министерот за надворешни работи, Никола Димитров, одржа средба со новата вонредна и ополномоштена амбасадорка на Германија, Анке Гизеле Холштајн, која во оваа пригода ги предаде копиите на акредитивните писма.

„Покрај интензивната билатерална соработка во изминативе три години, која посветено се стремиме да ја продлабочуваме и во иднина, со нетрпение го очекуваме и заедничкиот успех – првата меѓувладина конференција да биде организирана токму за време на германското претседавање со Советот на ЕУ. Благодарни сме за досегашниот германски придонес во градењето консензус и донесување  позитивна одлука за започнување преговори за членство во Европската Унија, во март ова година“, рекол Димитров на средбата, соопшти МНР.

Тој оценил дека во изминатиов период се бележи исклучително динамичен билатерален политички дијалог и соработка во повеќе области од заемен интерес.

Амбасадорката Холштајн ја повторила поддршката на Германија за реализација на нашите стратешки приоритети, подвлекувајќи дека иако германското претседавање со Советот на ЕУ е исправено пред најголемиот економски предизвик во историјата на ЕУ поврзан со заздравување на земјите погодени од коронавирусот, ќе се заложи максимално да ја засили европската перспектива на нашиот регион, а со тоа и да обезбеди стабилност и развој на Западниот Балкан.

Соговорниците се осврнале и на актуелните епидемиолошки состојби и здравствените предизвици со кои се соочува нашиот регион и пошироко, при што министерот Димитров упатил благодарност до Германија за нејзината досегашна помош за борба со пандемијата во нашата земја. На средбата станало збор и за подготовките за одржување демократски и фер предвремени парламентарни избори во Северна Македонија.

Прикажи повеќе...

Македонија

Димитров: За нас Македонците, македонскиот јазик е затворено прашање и дома и во светот

Објавено пред

Министерот за надворешни работи, Никола Димитров, по покана на Македонската академија на науките и уметностите, денеска присуствуваше на промоција на четирите капитални изданија за македонскиот јазик.

„За нас Македонците, македонскиот јазик е затворено прашање и дома и во светот. Секое пријателство, за да биде вистинско, и европските интеграции, за да бидат европски, го подразбираат нашето право на самоопределување“, рече Димитров.

На иницијатива на МАНУ и со целосна поддршка и вклученост на Институтот за македонски јазик „Крсте Мисирков“, Филолошкиот факултет „Блаже Конески“ и Советот за македонски јазик, деновиве од печат излегоа делата: „Македонскиот јазик – континуитет во простор и време“, колективна монографија во која е даден синтетски преглед на историскиот развој на македонскиот јазик од IX век, па сè до неговата кодификација; „Погледи за македонскиот јазик“, меѓународен зборник на трудови, во кој над 40 странски и македонски лингвисти имаат свои прилози за разни аспекти на македонскиот јазик; „Македонска хрестоматија“, избор на позначајни македонски текстови од IX до XX век; и „Лингвистички атлас на македонските дијалекти (според материјалите на ОЛА)“, кој дава продлабочен увид во лексичкото богатство на македонските дијалекти.

Прикажи повеќе...

Македонија

Димитров: Понекогаш знаеме да ги бараме проблемите кај соседите, но вистинскиот противник е корупцијата

Објавено пред

Министерот за надворешни работи, Никола Димитров, учествуваше на Конференцијата на ОБСЕ на високо ниво посветена на темата „Доброто владеење и борбата против корупцијата во дигиталната ера“, во организација на албанското претседавање со Постојаниот совет на ОБСЕ, која се одржува онлајн на 6 и 7 јули.

„Понекогаш знаеме да ги бараме проблемите кај соседите. Но, вистинскиот противник не е таму. Вистинскиот противник е заеднички – корупцијата – и во овој поглед потребно е да работиме заедно и обединето“, истака Димиров.

Во присуство на министри и други високи претставници на земјите учеснички на ОБСЕ министерот ја реафирмира определбата на Владата за борбата против корупцијата како клучна за враќањето на довербата на јавноста во правната држава и демократијата. Притоа, истакнувајќи ги постигнувањата во изминатиот период, посебен акцент стави на воспоставување на порталот „Отворени финансии“, кој овозможува увид во над 17 милијарди финансиски трансакции на буџетските корисници на централно и локално ниво укажувајќи на одличен пример како дигиталната технологија може да придонесе кон зголемување на транспарентноста, интегритетот и доброто владеење.

Конференцијата, посветена на оваа многу значајна тема за сите земји учеснички во ОБСЕ, ја отворија актуелниот претседавач, претседателот на владата и МНР на Албанија, Еди Рама, генералниот секретар на ОБСЕ, Томас Гремингер, и министерката за правда на Република Албанија, Етилда Ѓонај. Министерот Никола Димитров се обрати на панелот на високо ниво, на кој говореа и МНР на извршниот директор на Канцеларијата на ОБСЕ за дроги и криминал (UNODC), г-ѓа Гхада Фати Валу, МНР на Обединетото Кралство, како и други министри за надворешни и за правда.

Прикажи повеќе...

Најново

Македонија20 минути

Казна за угостителски објект, на иста маса седеле четири лица кои не биле од исто семејство

Обвинителството предложи казни за угостителски објект во Скопје и за управителот на правното лице поради непочитување на мерките за заштита...

Регион1 час

Брнабиќ: Ова се најнасилни протести досега

Премиерката на Србија, Ана Брнабиќ, рече дека протестите од изминатите два дена во Белград се најнасилните протести досега, но кажа...

Македонија2 часа

Државјаните на Србија, Косово, Црна Гора и БиХ може да влезат во земјата само со негативен тест

Државјаните на Србија, Косово, Црна Гора и БиХ од денеска може да влезат во земјата само со негативен тест за...

Регион3 часа

Повредени 19 полицајци и 17 демонстранти на протестот во Белград

За време на синоќешните протести и немири пред Собранието на Србија во Белград  повредени се 19 полицајци и 17 демонстранти....

Македонија3 часа

(Аудио) Објавен разговорот меѓу Заев и лажната Грета Тунберг

Руските пранкери Владимир Кузнетсков и Алексеј Столиров го објавија разговорот со поранешниот премиер Зоран Заев, кој мислел дека разговара со...

Регион12 часа

Вулин: Ова е обид за државен удар, се радуваат сите непријатели на Србија

Српскиот министер за одбрана Александар Вулин вечерва во изјава за ТВ „Пинк“ рече дека она што се случува втора вечер...

Регион14 часа

(Видео) Српската полиција со жестока реакција ги растера демонстрантите од пред Собранието

Група луѓе предводени од Сојузот за Србија се собра попладнево пред српското собраните. Полицијата направи кордони пред влезот во зградата....

Регион14 часа

(Видео) Белград под опсада: Полицијата фрли солзавец, демонстрантите гаѓаат со факли

На протестите во Белград избија и првите инциденти пред Собранието. Се слушнаа неколку детонации, а полицијата фрла солзавец. Демонстрантите извикуваат...

Свет17 часа

Бројот на заболени од коронавирус низ целиот свет надмина 12 милиони

Низ целиот свет oд новиот коронавирус досега се заразиле над 12 милиони луѓе, односно 12.002.132, според најновите податоци објавени на...

Регион19 часа

Вучиќ: Имаме сознанија за вмешаност на странски служби во вчерашниот протест

Претседателот на Србија, Александар Вучиќ, ги осуди синоќешните протести организирани пред националното собрание, оценувајќи ги како акт на политичко насилство....

Македонија20 часа

За гласање на изборите се пријавиле 137 заболени од коронавирус

Вкупно 137 лица позитивни на коронавирус се пријавиле за гласање на предвремените парламентарни избори, а Државната изборна комисија добила пријави...

Македонија20 часа

163 новозаболени од Ковид-19 во земјата, починаа осум лица

Министерството за здравство информира дека во последните 24 часа се направени 1.794 тестирања, а регистрирани се 163 нови случаи на...

Македонија22 часа

Владата итно ќе одлучува за ПЦР-тестот за патници од регионот

Премиерот Оливер Спасовски информира дека Комисијата за заразни болести ѝ препорачала на Владата од утре при влез во нашата земја...

Регион22 часа

Белград по синоќешниот хаос – запалени автомобили, смет, скршени стакла

Заменик-градоначалникот на Белград, Горан Весиќ, објави на „Фејсбук“ фотографии од хаосот што остана на улиците на Белград по синоќешните немири....

Регион23 часа

(Видео) Демонстрант во Белград: Тато, ова е за тебе затоа што почина бидејќи немаше респиратор

Новинарка на телевизијата „Н1“ пред српскиот парламент ја сними шокантната исповед на Петар Ѓуриќ, син на познатиот уметник Љубиша Ѓуриќ,...

Регион23 часа

(Видео) Полицијата со палка тепа момчиња што мирно седат на клупа во Белград

Полицијата во Белград, по неколкучасовни масовни протести, почна да ги тепа луѓето, дури и оние што седат мирно. Како што...

Македонија1 ден

ИЈЗ: Намалување на бројот на новозаболени и починати, зголемување на бројот на оздравени

Неделниот извештај на Институтот за јавно здравје за периодот од 29 јуни до 5 јули 2020 година бележи намалување на...

Свет1 ден

Мистериозен синдром поврзан со коронавирусот предизвикува оштетување на мозокот кај децата

Коронавирусот може да предизвика големи невролошки проблеми кај некои деца, откриле научниците. Иако на младите им е полесно да се...

Свет1 ден

(Видео) Автобус полн со матуранти во Кина падна од мост во езеро, најмалку 21 загинат и 15 повредени

Најмалку 21 човек загина, а 15 се повредени кога автобус излета од патот и падна во езеро во Кина. Автобусот...

Свет1 ден

Во САД над 3 милиони заразени со Ковид-19

Бројот на заразени со коронавирус во САД надмина три милиони, сè повеќе сојузни држави бележат рекорден број нови случаи, а...

Досие