Надворешна политика
ЕУ сака дела, а не „убави зборови“ за решавањето на политичката криза
Загриженоста кај Европската унија (ЕУ) во поглед на политичката криза во Македонија постојано расте, а тоа беше потврдено и во заклучоците кои минатата недела беа донесени од страна на Европскиот совет, од чија страна беше потенцирано дека постои „сериозна загриженост“, смета евроамбасадорот Аиво Орав, кој во четвртокот порача дека Унијата „сака да види повеќе дела, а помалку убави зборови“ за решавање на политичката криза во земјата.
Загриженоста кај Европската унија (ЕУ) во поглед на политичката криза во Македонија постојано расте, а тоа беше потврдено и во заклучоците кои минатата недела беа донесени од страна на Европскиот совет, од чија страна беше потенцирано дека постои „сериозна загриженост“, смета евроамбасадорот Аиво Орав, кој во четвртокот порача дека Унијата „сака да види повеќе дела, а помалку убави зборови“ за решавање на политичката криза во земјата.
„Во земјата луѓето разговараат за политичкиот дијалог, разговараме и ние и сакаме да се создадат услови за опозицијата да се врати во парламентот. Ние зборуваме за овие работи поради тоа што тие се европски вредности, а вие зборувате за нив бидејќи сакате да бидете дел од европското семејство. Само да посочам два примери, не верувам дека медиумите ќе бидат послободни доколку политичарите излезат на телевизиите и јавно кажат дека медиумите имаат слобода. Или пак доколку се збори за борбата против корупицијата и се напишат најдобрите говори дека постои борба против корупција, но тоа не значи дека таа борба се води. Во претстојните денови очекуваме повеќе дела, а помалку убави зборови“, порача евроамбасадорот.
Според него, загриженоста која ЕУ ја изрази во заклучоците на Советот не добила доволно внимание во земјава, а сегашната политичка состојба е нешто за коешто се говори како во Брисел, така и во останатите европски центри.
„Сметам дека треба да се донесат сериозни одлуки и тие што треба да ги направат овие одлуки не треба да се водат од партиските и личните одлуки, туку треба да имаат предвид дека поддршката за ЕУ е двојно поголема од онаа за партиите“, е ставот на Орав.
Во однос на посредството кое Унијата го врши во разговорите меѓу ВМРО-ДПМНЕ и СДСМ во Брисел, Орав изјави дека засега не е познато кога тие ќе продолжат, но дека она што е сигурно е дека Брисел ќе продолжи со ова, со цел страните да постигнат компромис.
„Продолжуваме на истиот начин, и пред некое време кога опозицијата не сакаше да се врати во Парламентот имавме посредник, тој работеше добро и се обиде да ја заврши работата но не успеа, но не поради него туку поради тоа што партиите не сакаа. Компромисот не е срам, компромисот е уметност и доколку некој постигне компромис, тогаш тоа е за гордеење. Потребни се разговори, ние се обидуваме да помогнеме колку што можеме. Понудивме рамки, тоа го направила членовите на Европарламентот, и таа беше прифатена од двете партии. Европарламентаците имаа успех со ваквата рамка кога го направија тоа во Албанија, а зошто таа рамка да не успее и тука? Не е до тоа кој посредува, туку потребни се напори за разговори. Оваа рамка е тука и ние ги понудивме нашите услуги, и таа мора да се искористи“, изјави евроамбасадорот, додавајќи дека доколку нема ништо позитивно во текот на годината, тогаш и за Европската комисија ќе биде доста тешко во својот следен извештај за напредокот на земјата, кој ќе биде објавен во октомври, повторно да препорача отворање на пристапните преговори.
Вицепремиерот за евроинтеграции Фатмир Бесими пак порача дека кога се однесува до улогата на ДУИ во оваа криза, партијата останува на своите јасни позиции, а тоа е дека државниот интерес треба да биде ставен пред партискиот.
„ДУИ има јасни позиции, дадени и преку соопштенијата од партијата, како и директно искажани од страна на претседателот на партијата Али Ахмети, а тие се дека не само во оваа состојба, туку дека ДУИ во контиунитет се труди да гради една пракса на државен интерес над партискиот интерес, а тоа е интерес за стабилноста на институциите со цел да се овозможи место простор и време за да се донесат одлуки во однос на стратешкиот интерес на земјата и тоа најмногу го посакуваат граѓаните на Македонија“, порача Бесими./крај/мф/бс
Извор: Фото/МИА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Средба на претседателите на Собранијата на Македонија и Украина, Митрески и Стефанчук
Претседателот на Собранието на Република Северна Македонија, Јован Митрески, во рамките на посетата на Киев по повод втората годишнина од почетокот на руската воена агресија врз Украина, оствари средба со претседателот на Врховната рада на Украина, Руслан Стефанчук.
Претседателот Митрески изрази благодарност за поканата и нагласи дека посетата претставува потврда на цврстата и непоколеблива поддршка на Република Северна Македонија за Украина, на сите полиња. Тој нагласи дека уште од самиот почеток силно ја осудуваме руската агресија против Украина, континуирано ја потврдуваме нашата поддршка за украинскиот територијален интегритет, суверенитет и целовитост и изразуваме целосна поддршка на правото на самоодбрана на земјата.
Претседателот на Собранието истакна дека Северна Македонија целосно се приклучи на сите рестриктивни мерки и санкции на ЕУ кон Руската Федерација, ко-спонзорираше бројни резолуции и иницијативи во однос на Украина, а упати и воена и хуманитарна помош за земјата.
Македонија
Средба Османи – Кулеба во ОН Њујорк: Европската Унија е наша заедничка иднина
Министерот за надворешни работи, Бујар Османи, на 23 февруари 2024 година, оствари средба со министерот за надворешни работи на Украина, Дмитро Кулеба, во седиштето на Обединетите нации во Њујорк, на маргините на 56. пленарен состанок на 78. седница на Генералното Собрание.
Средбата се одржа со цел да се даде поддршка на Украина на денот на одбележувањето на две-годишнината од почетокот на руската агресија во Украина, при што Османи потенцира дека е многу важно да продолжи поддршката на Украина, бидејќи ако Русија победи во Украина, тогаш ние сме следните.
Министерот Османи, на средбата, истакна дека денес Руската Федерација е најголемата закана за безбедноста на Европа, на Западен Балкан, но и на Република Северна Македонија.
“Важно е да имаме стратешка предвидливост во нашата држава, со цел конечно да кажеме “Не” за Русија и “Да” за интегративните европски процеси на Западниот Балкан и на Република Северна Македонија”, рече Османи.
Додека, Министерот Кулеба, истакнувајќи го фактот дека Северна Македонија цврсто застана зад Украина во текот на двете години агресија, упати благодарност до граѓаните на Северна Македонија, како и благодарност до Министерот Османи за неговото лидерство и поддршка.
“Нашата иднина е заедничка, таа иднина е Европската Унија, која воедно претставува и иднина за мир и просперитет, рече Кулеба.
Двајцата Министри имаа свои обраќња пред Генералното собрание на Обединетите нации, каде упатија јасни пораки против рускат агресија врз Украина.
Македонија
(Видео) Oсмани од ОН во Њујорк: Мораме да и кажеме не на Русија
Министерот за надворешни работи, Бујар Османи, денес се обрати од седиштето на Обединетите нации во Њујорк, на 56. пленарен состанок на 78-та седница на Генералното собрание, по повод две години од инвазијата на Русија врз Украина, кој се одржа на тема: Ситуацијата во привремено окупираните територии на Украина.
Османи, уште еднаш, ја повика Русија да ја прекине оваа бесмислена војна и да ги повлече своите трупи од суверената територија на Украина.
„Русија ги прекрши основните принципи на меѓународното право и започна целосна агресивна војна против Украина, земја членка на ОН’’, истакна Османи.
Воедно, министерот потенцираше дека Северна Македонија е исто така силно загрижена и ја осудува незаконската депортација на децата од Украина во Русија и Белорусија од страна на Руската федерација и ги повика да обезбедат нивно безбедно враќање дома.
„Мораме да и кажеме не на Русија! Правдата и одговорноста мора да надвладеат”, рече Османи, воедно додаде дека Северна Македонија им се придружи на другите 140 земји-членки за поддршка на суверенитетот и територијалниот интегритет на Украина во нејзините меѓународно признати граници од 1991 година.
Османи повика на обединетост во поддршката за Украина, не само за доброто на жртвите и нивните семејства, туку и како предуслови за избегнување на понатамошни агресии и неиспровоцирана употреба на сила во меѓународните односи.