Надворешна политика
Грабар Китаровиќ и Пахор ќе ја информираат ЕУ за состојбите во Македонија
Хрватската претседателка Колинда Грабар Китаровиќ и словенечкиот претседател Борут Пахор, ќе поднесат извештај до претседателот на Европскиот совет, Доналд Туск, и другите функционери кои учествуваат во Процесот Брдо – Бриони, до автрискиот претседател Хајнц Фишер и до потпретседателот на САД, Џо Бајден, за состојбите во Македонија, по нивната дводневна посета на земјава.
Хрватската претседателка Колинда Грабар Китаровиќ и словенечкиот претседател Борут Пахор, ќе поднесат извештај до претседателот на Европскиот совет, Доналд Туск, и другите функционери кои учествуваат во Процесот Брдо – Бриони, до автрискиот претседател Хајнц Фишер и до потпретседателот на САД, Џо Бајден, за состојбите во Македонија, по нивната дводневна посета на земјава.
Имено, Грабар Китаровиќ и Пахор, беа во официјална посета на Македонија, во вторник и во среда, и се сретнаа со претседателот Ѓорге Иванов, веднаш по неговото обраќање до нацијата во кое објави дека ќе ги амнестира сите личности осомничени и осудени во скандалот со прислушувањето кои во 2015 година предизвика политичка криза, која се уште трае. Тоа предизвика масовни протести на улиците на СКопје, а неколку часа по објавата демонтрантите ја гаѓаа канцеларијата на претседателот во центарот на градот со јајца и се обидоа да го пробијат полицискиот кордон околу седиштето на владејачката партија ВМРО-ДПМНЕ. Водачот на опозицијата Зоран Заев го повика претседателот на државата да поднесе оставка, оценувајќи дека направил државен удар со откажување од истрагата, пренесува хрватсјата агенција Хина.Инаку, Грабар-Китаровиќ и Пахор, во среда заминаа во посета на прифатниот ценат „Винојуг“ на јужната македонска граница и каменот 59 на границата, но од безбедносни причини не беа пуштени на каменот 59, каде повеќе не се пропуштаат бегалците од Грција. Тие изразија поддршка за македонските евроинтеграции, како и за останатите држави од Југоисточна Европа врз основа на исполнување на критериумите.„Претседателот Пахор и јас сакаме да покренеме процес за евроатланско пристапување не само на Македонија туку и на државите во окружувањето на југоистокот на Европа врз основа на исполнување на критериумите“, рече Грабар – Китаровиќ.Се осврна и на развојот на настаните во Македонија и појасни дека и таа и Пахор ден порано разговарале со властите и со опозицијата и изрази желба за решавање на несогласувањата и непочитувањето на договорот од Пржино.„Сакам Македонија да ги реши тие несогласувања, договорот од Пржино да продолжи, да се почитува и да се има храброст да се исполнат некои политички одлуки“, вели Грабар-Китаровиќ.Зборувајќи за закажаните предвремени парламентарни избори во јуни, истакнувајќи дека се работи за исклучиво внатрешно прашање на Македонија, претседателката рече дека за демократските држави секогаш најдобро и најдемократско решение се изборите кога ќе се најдете во ситуација во која нема договор за тоа како напред.Таа и Пахор, како што рече, „поттикнуваат дијалог и ги охрабруваат сите во Македонија да продолжат со спроведување на реформите и надминување на препреките“, за подобрување на состојбите во земјата./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Средба на претседателите на Собранијата на Македонија и Украина, Митрески и Стефанчук
Претседателот на Собранието на Република Северна Македонија, Јован Митрески, во рамките на посетата на Киев по повод втората годишнина од почетокот на руската воена агресија врз Украина, оствари средба со претседателот на Врховната рада на Украина, Руслан Стефанчук.
Претседателот Митрески изрази благодарност за поканата и нагласи дека посетата претставува потврда на цврстата и непоколеблива поддршка на Република Северна Македонија за Украина, на сите полиња. Тој нагласи дека уште од самиот почеток силно ја осудуваме руската агресија против Украина, континуирано ја потврдуваме нашата поддршка за украинскиот територијален интегритет, суверенитет и целовитост и изразуваме целосна поддршка на правото на самоодбрана на земјата.
Претседателот на Собранието истакна дека Северна Македонија целосно се приклучи на сите рестриктивни мерки и санкции на ЕУ кон Руската Федерација, ко-спонзорираше бројни резолуции и иницијативи во однос на Украина, а упати и воена и хуманитарна помош за земјата.
Македонија
Средба Османи – Кулеба во ОН Њујорк: Европската Унија е наша заедничка иднина
Министерот за надворешни работи, Бујар Османи, на 23 февруари 2024 година, оствари средба со министерот за надворешни работи на Украина, Дмитро Кулеба, во седиштето на Обединетите нации во Њујорк, на маргините на 56. пленарен состанок на 78. седница на Генералното Собрание.
Средбата се одржа со цел да се даде поддршка на Украина на денот на одбележувањето на две-годишнината од почетокот на руската агресија во Украина, при што Османи потенцира дека е многу важно да продолжи поддршката на Украина, бидејќи ако Русија победи во Украина, тогаш ние сме следните.
Министерот Османи, на средбата, истакна дека денес Руската Федерација е најголемата закана за безбедноста на Европа, на Западен Балкан, но и на Република Северна Македонија.
“Важно е да имаме стратешка предвидливост во нашата држава, со цел конечно да кажеме “Не” за Русија и “Да” за интегративните европски процеси на Западниот Балкан и на Република Северна Македонија”, рече Османи.
Додека, Министерот Кулеба, истакнувајќи го фактот дека Северна Македонија цврсто застана зад Украина во текот на двете години агресија, упати благодарност до граѓаните на Северна Македонија, како и благодарност до Министерот Османи за неговото лидерство и поддршка.
“Нашата иднина е заедничка, таа иднина е Европската Унија, која воедно претставува и иднина за мир и просперитет, рече Кулеба.
Двајцата Министри имаа свои обраќња пред Генералното собрание на Обединетите нации, каде упатија јасни пораки против рускат агресија врз Украина.
Македонија
(Видео) Oсмани од ОН во Њујорк: Мораме да и кажеме не на Русија
Министерот за надворешни работи, Бујар Османи, денес се обрати од седиштето на Обединетите нации во Њујорк, на 56. пленарен состанок на 78-та седница на Генералното собрание, по повод две години од инвазијата на Русија врз Украина, кој се одржа на тема: Ситуацијата во привремено окупираните територии на Украина.
Османи, уште еднаш, ја повика Русија да ја прекине оваа бесмислена војна и да ги повлече своите трупи од суверената територија на Украина.
„Русија ги прекрши основните принципи на меѓународното право и започна целосна агресивна војна против Украина, земја членка на ОН’’, истакна Османи.
Воедно, министерот потенцираше дека Северна Македонија е исто така силно загрижена и ја осудува незаконската депортација на децата од Украина во Русија и Белорусија од страна на Руската федерација и ги повика да обезбедат нивно безбедно враќање дома.
„Мораме да и кажеме не на Русија! Правдата и одговорноста мора да надвладеат”, рече Османи, воедно додаде дека Северна Македонија им се придружи на другите 140 земји-членки за поддршка на суверенитетот и територијалниот интегритет на Украина во нејзините меѓународно признати граници од 1991 година.
Османи повика на обединетост во поддршката за Украина, не само за доброто на жртвите и нивните семејства, туку и како предуслови за избегнување на понатамошни агресии и неиспровоцирана употреба на сила во меѓународните односи.