Надворешна политика
Груевски на самитот на EPP ги претстави заложбите за интеграција на Македонија
Македонскиот премиер Никола Груевски во четвртокот попладнето во Брисел ги претстави заложбите на земјата за евроатлантските интеграции на редовниот самит на Европската народна партија (EPP), којашто ги обединува конзервативните и партиите од десницата, чиј член е и владејачката ВМРО-ДПМНЕ, а на на кој учествуваа шефовите на влијателни европски партии и политички лидери, меѓу кои и челниците на Европската комисија и на Европскиот совет, Жан-Клод Јункер односно Доналд Туск.
Домаќин на настанот беше претседателот на Европската народна партија, Жозеф Дол, пренесе дописникот на МИА од Брисел, а меѓу присутните биле и германската канцеларка Ангела Меркел, шпанскиот премиер Мариано Рахој, премиерот на Ирска, Енда Кени, премиерот на Португалија, Педро Пасос Коељо, премиерот на Унгарија, Виктор Орбан, како и поранешниот француски претседател Николас Саркози…
Како што изјавил Груевски за агенцијата, на овој самит на најголемата политичка партија во Европа, имал можност да се сретне со голем дел од присутната европска политичка елита и да поразговара за случувањата во Македонија, како и детално да ги информира за она што македонската Влада го презема со цел излегување од политичката криза.
„Ова беше добра можност да се сретнам со повеќемина од присутните и неформално да поразговарам со нив, пред сé за Македонија, а поврзано со актуелната политичка криза и нашите заложби за надминување на оваа криза. Како што знаете, Владата експресно ги прифати препораките на Европската комисија, поврзани со воведување на натамошни реформи и зголемување на стандардите во повеќе области, претежно области покривани од поглавјата 23 и 24. Нашиот план е тоа да се одвива со многу брза динамика, па така и ќе се одвива“, изјавил Груевски по завршувањето на самитот на EPP.
Според македонскиот премиер, прикажувајќи ги двете позиции, како на Владата, така и онаа на опозицијата, на своите соговорници им ги претставил плановите на Владата за да се стори сé што е потрбено за да се излезе од сегашната ситуација колку што е можно побрзо.
„Во тој контекст, секако ја побарав и поддршката за Македонија од сите со кои имав можност неформално и да поразговарам, за и натаму да не бидеме надвор од нивниот фокус, во смисла да се остави ова прашање и воопшто да се остави Македонија како прашање за натамошното проширување на Европската унија“, потенцираше Груевски.
Иако на состанокот на челниците на партиите од EPP беа најавени пет теми за дискусија, во пресрет на самитот на Европскиот совет што започна во четвртокот навечер во Брисел, сепак, Груевски потврди дека доминантни во дискусијата со Меркел, Јункер, Туск и другите европски челници биле две теми, односно финансиската криза во Грција и преговорите Атина – Брисел, како и проблемот со мигрантите од Африка и Блискиот исток.
„Има различни видувања за тоа каде треба да се продолжи во однос на проблемот со Грција. Од потврди ставови што укажуваат на тоа дека било-какво сериозно попуштање ќе значи негативен сигнал кон некои други држави и одредени помеки ставови што укажуваат на ризиците со кои може да се соочи Европа ако ситуацијата заврши на полош начин“, рекол Груевски.
Најголем дел од времето на дискусија, европските лидери потрошиле на миграциската политика и генерално проблемот со мигрантите што доаѓаат од Африка и од Блискиот исток. Според македонкиот премиер, претседателот на Еврокомисијата, Жан-Клод Јункер, има подготвено одреден план за решение на проблемо, што некои од присутните денеска го поддржувале, а некои изразиле скептичност.
„Планот е поврзан со квоти за примање имигранти, но ќе видиме што до крајот ќе се реши. Беа ислушани повеќето од претставниците на земјите членки на ЕУ кои ги дадоа своите коментари. Во секој случај, проблемот со огромниот наплив на имигранти што засега се брои во ијадници, говорам во рамките на една национална економија, се очекува во иднина да прерасене и во поголем проблем што ќе се брои во милиони. Она што беше истакнато во делот на ризиците е дека доколку се усвои таква политика, дека тоа може да ги охрабри дополнително мигрантите, кои можеби не планрилае да тргнат кон Европа, тоа да го сторат, знаејќи дека веќе се прифатени по квоти, па каде и да се прераспределат во квотите, некаде ќе им биде подобро отколку таму каде што се во моментот, додал Груевски.
Заклучок од денешната дискусија на самитот на EPP за имигрантите е дека ова прашање не може да се остави да се решава во рамки на националните граници на одредени земји. Според македонскиот премиер, треба да се има заедничка европска политика и дека ќе се види следние два дена на самитот на Европскиот совет, што точно ќе биде усвоено./крај/мф
Извор: МИА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Средба на претседателите на Собранијата на Македонија и Украина, Митрески и Стефанчук
Претседателот на Собранието на Република Северна Македонија, Јован Митрески, во рамките на посетата на Киев по повод втората годишнина од почетокот на руската воена агресија врз Украина, оствари средба со претседателот на Врховната рада на Украина, Руслан Стефанчук.
Претседателот Митрески изрази благодарност за поканата и нагласи дека посетата претставува потврда на цврстата и непоколеблива поддршка на Република Северна Македонија за Украина, на сите полиња. Тој нагласи дека уште од самиот почеток силно ја осудуваме руската агресија против Украина, континуирано ја потврдуваме нашата поддршка за украинскиот територијален интегритет, суверенитет и целовитост и изразуваме целосна поддршка на правото на самоодбрана на земјата.
Претседателот на Собранието истакна дека Северна Македонија целосно се приклучи на сите рестриктивни мерки и санкции на ЕУ кон Руската Федерација, ко-спонзорираше бројни резолуции и иницијативи во однос на Украина, а упати и воена и хуманитарна помош за земјата.
Македонија
Средба Османи – Кулеба во ОН Њујорк: Европската Унија е наша заедничка иднина
Министерот за надворешни работи, Бујар Османи, на 23 февруари 2024 година, оствари средба со министерот за надворешни работи на Украина, Дмитро Кулеба, во седиштето на Обединетите нации во Њујорк, на маргините на 56. пленарен состанок на 78. седница на Генералното Собрание.
Средбата се одржа со цел да се даде поддршка на Украина на денот на одбележувањето на две-годишнината од почетокот на руската агресија во Украина, при што Османи потенцира дека е многу важно да продолжи поддршката на Украина, бидејќи ако Русија победи во Украина, тогаш ние сме следните.
Министерот Османи, на средбата, истакна дека денес Руската Федерација е најголемата закана за безбедноста на Европа, на Западен Балкан, но и на Република Северна Македонија.
“Важно е да имаме стратешка предвидливост во нашата држава, со цел конечно да кажеме “Не” за Русија и “Да” за интегративните европски процеси на Западниот Балкан и на Република Северна Македонија”, рече Османи.
Додека, Министерот Кулеба, истакнувајќи го фактот дека Северна Македонија цврсто застана зад Украина во текот на двете години агресија, упати благодарност до граѓаните на Северна Македонија, како и благодарност до Министерот Османи за неговото лидерство и поддршка.
“Нашата иднина е заедничка, таа иднина е Европската Унија, која воедно претставува и иднина за мир и просперитет, рече Кулеба.
Двајцата Министри имаа свои обраќња пред Генералното собрание на Обединетите нации, каде упатија јасни пораки против рускат агресија врз Украина.
Македонија
(Видео) Oсмани од ОН во Њујорк: Мораме да и кажеме не на Русија
Министерот за надворешни работи, Бујар Османи, денес се обрати од седиштето на Обединетите нации во Њујорк, на 56. пленарен состанок на 78-та седница на Генералното собрание, по повод две години од инвазијата на Русија врз Украина, кој се одржа на тема: Ситуацијата во привремено окупираните територии на Украина.
Османи, уште еднаш, ја повика Русија да ја прекине оваа бесмислена војна и да ги повлече своите трупи од суверената територија на Украина.
„Русија ги прекрши основните принципи на меѓународното право и започна целосна агресивна војна против Украина, земја членка на ОН’’, истакна Османи.
Воедно, министерот потенцираше дека Северна Македонија е исто така силно загрижена и ја осудува незаконската депортација на децата од Украина во Русија и Белорусија од страна на Руската федерација и ги повика да обезбедат нивно безбедно враќање дома.
„Мораме да и кажеме не на Русија! Правдата и одговорноста мора да надвладеат”, рече Османи, воедно додаде дека Северна Македонија им се придружи на другите 140 земји-членки за поддршка на суверенитетот и територијалниот интегритет на Украина во нејзините меѓународно признати граници од 1991 година.
Османи повика на обединетост во поддршката за Украина, не само за доброто на жртвите и нивните семејства, туку и како предуслови за избегнување на понатамошни агресии и неиспровоцирана употреба на сила во меѓународните односи.