Надворешна политика
Груевски на Туск му ги потврди аспирациите за интеграција на Македонија во ЕУ
Стратешката определба на македонската влада е интеграција на земјата во Европската унија и во НАТО, како и посветеноста на реформите за достигнување на европските стандарди, истакна премиерот Никола Груевски, на средбата со претседателот на Европскиот совет, Доналд Туск, кому Скопје му беше последната станица од мини балканската турнеја изминатиот викенд, чиј фокус беше претежно ставен на ефектите од имигрантската криза.
На средбата беше разговарано за европските интеграции на Република Македонија, реформите кои ги спроведува земјата, како и за состојбите, предизвиците и механизмите за надминување на предизвиците во врска со мигрантската криза, известуваат од владината служба за односи со јавноста.„Премиерот Груевски ја истакна стратешката определба на Владата за интеграција на земјата во Европската унија и НАТО, и изрази посветеност кон реализацијата на реформите за унапредување на европските стандарди во сите сфери од општеството. Беше изразена и определбата за унапредување на добрососедските односи и за надминување на надворешните предизвици кои ги попречуваат европските и евроатланските интеграции на земјата“, се наведува во соопштението.Претседателот на Европскиот совет Туск, од своја страна истакнал, дека ЕУ има интерес за членството на Македонија и дека и натаму ќе продолжи соработката на реформите.Во однос на мигрантската криза, била истакнато дека новите состојби кои се резултат на одлуките на поголем број на земји за пропуштање исклучиво на бегалците од регионите зафатени со воени кризи, а не на економските мигранти, создава нови предизвици и бара механизми кои ќе обезбедат можности за нивно надминување.Груевски го информирал Туска дека низ Република Македонија во изминатиот период транзитирале повеќе од 600 илјади лица, и дека во целиот период институциите совесно и одговорно се грижат за здравствениот, хуманиот и логистичкиот третман на лицата кои транзитираат.Соговорниците изразиле согласност дека земјата се наоѓа во специфична состојба кога во Македонија влегуваат бегалци од земја членка на ЕУ, па оттаму е потребен поголем ангажман и координираност на домашните и на европските институции во процесот на транзит на овие лица.Груевски предочил дека Македонија не може да постапува различно и небалансирано со однесувањето на останатите земји кои се наоѓаат на балканската рута затоа што во таков случај би се создал притисок на финансиските, институционалните и организационите капацитети на државата. Исакнал и дека Владата, земајќи ги предвид новите состојби земјата, „има право и должност да презема чекори кои ќе ги заштитат домашните интереси“ и дека имајќи ги предвид заклучоците на националниот Совет за безбедност, е подготвена да ги преземе сите потребни чекори за заштита на границата и канализирање на протокот на мигрантите. Груевски додал и дека е потребен ангажман на Фронтекс силите на македонско-грчката граница, со цел да се обезбеди постапување кое ќе ги задоволи аспектите на хуманизам во третирањето на лицата кои транзитираат и истовремено ќе ги обезбеди и интересите на земјите од Европа за превенција од безбедносни ризици. Од негова страна бил изразен ставот дека Македонија има капацитет за привремен прием во одреден период на максимум 2.000 лица на својата територија, бројка којашто претходно во неколку наврати ја спомена и претседателот Ѓорге Иванов кој го води националниот Совет за безбедност во управувањето со бегалската криза..Претседателот на Европскиот совет истакнала од своја страна дека ЕУ е подготвена да ѝ помогне на Македонија преку обезбедување на логистичка, хуманитарна и техничка помош, покрај искажатана од двете страни согласност во следниот период да се интензивира координацијата во управувањето со имигрантската криза./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Средба на претседателите на Собранијата на Македонија и Украина, Митрески и Стефанчук
Претседателот на Собранието на Република Северна Македонија, Јован Митрески, во рамките на посетата на Киев по повод втората годишнина од почетокот на руската воена агресија врз Украина, оствари средба со претседателот на Врховната рада на Украина, Руслан Стефанчук.
Претседателот Митрески изрази благодарност за поканата и нагласи дека посетата претставува потврда на цврстата и непоколеблива поддршка на Република Северна Македонија за Украина, на сите полиња. Тој нагласи дека уште од самиот почеток силно ја осудуваме руската агресија против Украина, континуирано ја потврдуваме нашата поддршка за украинскиот територијален интегритет, суверенитет и целовитост и изразуваме целосна поддршка на правото на самоодбрана на земјата.
Претседателот на Собранието истакна дека Северна Македонија целосно се приклучи на сите рестриктивни мерки и санкции на ЕУ кон Руската Федерација, ко-спонзорираше бројни резолуции и иницијативи во однос на Украина, а упати и воена и хуманитарна помош за земјата.
Македонија
Средба Османи – Кулеба во ОН Њујорк: Европската Унија е наша заедничка иднина
Министерот за надворешни работи, Бујар Османи, на 23 февруари 2024 година, оствари средба со министерот за надворешни работи на Украина, Дмитро Кулеба, во седиштето на Обединетите нации во Њујорк, на маргините на 56. пленарен состанок на 78. седница на Генералното Собрание.
Средбата се одржа со цел да се даде поддршка на Украина на денот на одбележувањето на две-годишнината од почетокот на руската агресија во Украина, при што Османи потенцира дека е многу важно да продолжи поддршката на Украина, бидејќи ако Русија победи во Украина, тогаш ние сме следните.
Министерот Османи, на средбата, истакна дека денес Руската Федерација е најголемата закана за безбедноста на Европа, на Западен Балкан, но и на Република Северна Македонија.
“Важно е да имаме стратешка предвидливост во нашата држава, со цел конечно да кажеме “Не” за Русија и “Да” за интегративните европски процеси на Западниот Балкан и на Република Северна Македонија”, рече Османи.
Додека, Министерот Кулеба, истакнувајќи го фактот дека Северна Македонија цврсто застана зад Украина во текот на двете години агресија, упати благодарност до граѓаните на Северна Македонија, како и благодарност до Министерот Османи за неговото лидерство и поддршка.
“Нашата иднина е заедничка, таа иднина е Европската Унија, која воедно претставува и иднина за мир и просперитет, рече Кулеба.
Двајцата Министри имаа свои обраќња пред Генералното собрание на Обединетите нации, каде упатија јасни пораки против рускат агресија врз Украина.
Македонија
(Видео) Oсмани од ОН во Њујорк: Мораме да и кажеме не на Русија
Министерот за надворешни работи, Бујар Османи, денес се обрати од седиштето на Обединетите нации во Њујорк, на 56. пленарен состанок на 78-та седница на Генералното собрание, по повод две години од инвазијата на Русија врз Украина, кој се одржа на тема: Ситуацијата во привремено окупираните територии на Украина.
Османи, уште еднаш, ја повика Русија да ја прекине оваа бесмислена војна и да ги повлече своите трупи од суверената територија на Украина.
„Русија ги прекрши основните принципи на меѓународното право и започна целосна агресивна војна против Украина, земја членка на ОН’’, истакна Османи.
Воедно, министерот потенцираше дека Северна Македонија е исто така силно загрижена и ја осудува незаконската депортација на децата од Украина во Русија и Белорусија од страна на Руската федерација и ги повика да обезбедат нивно безбедно враќање дома.
„Мораме да и кажеме не на Русија! Правдата и одговорноста мора да надвладеат”, рече Османи, воедно додаде дека Северна Македонија им се придружи на другите 140 земји-членки за поддршка на суверенитетот и територијалниот интегритет на Украина во нејзините меѓународно признати граници од 1991 година.
Османи повика на обединетост во поддршката за Украина, не само за доброто на жртвите и нивните семејства, туку и како предуслови за избегнување на понатамошни агресии и неиспровоцирана употреба на сила во меѓународните односи.