Надворешна политика
Груевски – Вучиќ: Одличните политички односи се стабилна основа за наградба на економската соработка
Македонија и Србија имаат одлични политички односи, а истите претставуваат и основа за надградба на економските односи меѓу двете земји, согласни македонскиот премиер Никола Груевски и неговиот српски колега Александар Вучиќ, откако двете влади во понеделникот во Скопје одржаа заедничка седница.
„Одржувањето на втората заедничка седница во Скопје, по првата што се одржа во Белград, е уште една потврда за континуитетот и одлична соработка меѓу двете држави.
Македонија и Србија се пријателски земји, одличните политички односи даваат стабилна основа за понатамошна надградба на економската соработка, што претставува приоритет на двете влади. Подобро економско поврзување може да се оствари преку реализација на конкретни проекти и на инфраструктурно и енергетско поврзување. Двете земји континуирано ќе продолжат со активностите за зголемувањето на трговската размена. Уверени сме дека на евроинтегративниот пат, ние земјите од регионот треба заеднички и посветено да работиме, а исто така и во процесот на јакнење на дијалогот за затворање на отворените прашања од минатото, со почитување на принципите на меѓународното право и јакнење на добрососедството“, изјави Груевски.
Според српскиот премиер Вучиќ, двете земји имаат заеднички интереси во многу сфери, а во моментот остваруваат и многу заеднички проекти од областа на енергетиката и инфраструктурата.
„Во сите сфери најдовме можност за заеднички интереси, добро е за Македонија и Србија кога говориме за заедничките проекти како што се набавувањето на заеднички вакцини со што и двете земји ќе заштедат средства, потоа и околу тоа да се завршат прашањата за Коридорот 10. Од особено големо значење е што работиме на голем број проекти од областа на енергетиката. Многу го почитуваме тоа што се работи во Македонија и растот што Македонија го прави. Ние ја немаме таа можност да говориме дека овие земји се големи, а овие се мали и прифаќаме и учиме се од она што се случува во Македонија, не се срамиме од тоа и сме горди на тоа. Сите паметни луѓе учат од оние што мислат дека можат да научат и ние многу учиме од нашите македонски партнери и се надевам дека тие ќе имаат можност некогаш да научат нешто од нас“, изјави Вучиќ.
Министрите од двете земји по заедничката седница потпишаа и седум договори за унапредување на соработката во областите на економијата, туризмот, железничкиот сообраќај, образованието и науката, надоврешната трговија, животната средина и културата./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Средба на претседателите на Собранијата на Македонија и Украина, Митрески и Стефанчук
Претседателот на Собранието на Република Северна Македонија, Јован Митрески, во рамките на посетата на Киев по повод втората годишнина од почетокот на руската воена агресија врз Украина, оствари средба со претседателот на Врховната рада на Украина, Руслан Стефанчук.
Претседателот Митрески изрази благодарност за поканата и нагласи дека посетата претставува потврда на цврстата и непоколеблива поддршка на Република Северна Македонија за Украина, на сите полиња. Тој нагласи дека уште од самиот почеток силно ја осудуваме руската агресија против Украина, континуирано ја потврдуваме нашата поддршка за украинскиот територијален интегритет, суверенитет и целовитост и изразуваме целосна поддршка на правото на самоодбрана на земјата.
Претседателот на Собранието истакна дека Северна Македонија целосно се приклучи на сите рестриктивни мерки и санкции на ЕУ кон Руската Федерација, ко-спонзорираше бројни резолуции и иницијативи во однос на Украина, а упати и воена и хуманитарна помош за земјата.
Македонија
Средба Османи – Кулеба во ОН Њујорк: Европската Унија е наша заедничка иднина
Министерот за надворешни работи, Бујар Османи, на 23 февруари 2024 година, оствари средба со министерот за надворешни работи на Украина, Дмитро Кулеба, во седиштето на Обединетите нации во Њујорк, на маргините на 56. пленарен состанок на 78. седница на Генералното Собрание.
Средбата се одржа со цел да се даде поддршка на Украина на денот на одбележувањето на две-годишнината од почетокот на руската агресија во Украина, при што Османи потенцира дека е многу важно да продолжи поддршката на Украина, бидејќи ако Русија победи во Украина, тогаш ние сме следните.
Министерот Османи, на средбата, истакна дека денес Руската Федерација е најголемата закана за безбедноста на Европа, на Западен Балкан, но и на Република Северна Македонија.
“Важно е да имаме стратешка предвидливост во нашата држава, со цел конечно да кажеме “Не” за Русија и “Да” за интегративните европски процеси на Западниот Балкан и на Република Северна Македонија”, рече Османи.
Додека, Министерот Кулеба, истакнувајќи го фактот дека Северна Македонија цврсто застана зад Украина во текот на двете години агресија, упати благодарност до граѓаните на Северна Македонија, како и благодарност до Министерот Османи за неговото лидерство и поддршка.
“Нашата иднина е заедничка, таа иднина е Европската Унија, која воедно претставува и иднина за мир и просперитет, рече Кулеба.
Двајцата Министри имаа свои обраќња пред Генералното собрание на Обединетите нации, каде упатија јасни пораки против рускат агресија врз Украина.
Македонија
(Видео) Oсмани од ОН во Њујорк: Мораме да и кажеме не на Русија
Министерот за надворешни работи, Бујар Османи, денес се обрати од седиштето на Обединетите нации во Њујорк, на 56. пленарен состанок на 78-та седница на Генералното собрание, по повод две години од инвазијата на Русија врз Украина, кој се одржа на тема: Ситуацијата во привремено окупираните територии на Украина.
Османи, уште еднаш, ја повика Русија да ја прекине оваа бесмислена војна и да ги повлече своите трупи од суверената територија на Украина.
„Русија ги прекрши основните принципи на меѓународното право и започна целосна агресивна војна против Украина, земја членка на ОН’’, истакна Османи.
Воедно, министерот потенцираше дека Северна Македонија е исто така силно загрижена и ја осудува незаконската депортација на децата од Украина во Русија и Белорусија од страна на Руската федерација и ги повика да обезбедат нивно безбедно враќање дома.
„Мораме да и кажеме не на Русија! Правдата и одговорноста мора да надвладеат”, рече Османи, воедно додаде дека Северна Македонија им се придружи на другите 140 земји-членки за поддршка на суверенитетот и територијалниот интегритет на Украина во нејзините меѓународно признати граници од 1991 година.
Османи повика на обединетост во поддршката за Украина, не само за доброто на жртвите и нивните семејства, туку и како предуслови за избегнување на понатамошни агресии и неиспровоцирана употреба на сила во меѓународните односи.