Надворешна политика
Хан: Изборите се важни, но тие се само еден дел од она што треба да се имплементира
Европската унија (ЕУ) смета дека предвремените парламентарни избори се важен чекор за Македонија во поглед на евроинтеграциите, но еднакво важно е да се работи и на останатите работи како што се Итните реформски приоритети, имплементирањето на извештајот на Прибе и сите елементи од Пржинскиот договор, порача во петокот еврокомесарот за соседска политика и пристапни преговори Јоханес Хан по завршувањето на посетата на земјата и средбите со политичкиот врв и претставниците од невладиниот сектор и Специјалното јавно обвинителство.
„Важно е изборите да се добро подготвени и извршени на начин што никој потоа нема да може да ги критикува. ОДИХР и многу други органзиации ќе бидат тука да набљудуваат и потоа да дадат оценка за изборите. Ги повикав сите да се погрижат СЈО да ја врши својата работа како што треба и како што тоа се прави низ Европа, важно е да се почитува владеењето на правото, и од сите добив уверување дека тимот на СЈО ќе му биде овозможено да ја изврши својата работа. Има напредок и во однос на медиумите, ова е исто така важно, да им се овозможи на независен и професионален начин да ја извршуваат својата работа“, изјави австрискиот еврокомесар.
Хан го потенцираше фактот дека земјата веќе две години се наоѓа во политичка криза и дека ова се одразило особено врз економијата, така што во престојниот период „важно е фокусот да биде ставен на она што е добро за граѓаните“.
„Кога говорев со политичките лидери имаше напредок во однос на минатите средби, атмосферата беше конструктивна. Исто така важно е како ќе бидат водени и изборните кампањи, важно е да не се предизвикаат меѓуетнички тензии и на сите треба да им биде јасно дека по изборите постои ден потоа, и дека тогаш сите ќе треба да работат заедно“, смета Хан.
Еврокомесарот се осврна и на работата на СЈО, порачувајќи дека ова тело истовремено треба да работи професионално, независно и непристрасно. „Уверен сум во специјалната обвинителка, важно е таа да ги користи своите можности и да се види резултат од нејзината работа, да нема мешање во нејзината работа, нити пак да има некаква злоупотреба“, порача Хан.
Посетата на еврокомесарот Хан на Македонија доаѓа во пресрет кога земјата исто така го очекува и годинешниот извештај на Европската комисија за напредокот, а кој треба да биде објавен кон почетокот на ноември./крај/мф/бс
Извор: Фото/МИА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Средба на претседателите на Собранијата на Македонија и Украина, Митрески и Стефанчук
Претседателот на Собранието на Република Северна Македонија, Јован Митрески, во рамките на посетата на Киев по повод втората годишнина од почетокот на руската воена агресија врз Украина, оствари средба со претседателот на Врховната рада на Украина, Руслан Стефанчук.
Претседателот Митрески изрази благодарност за поканата и нагласи дека посетата претставува потврда на цврстата и непоколеблива поддршка на Република Северна Македонија за Украина, на сите полиња. Тој нагласи дека уште од самиот почеток силно ја осудуваме руската агресија против Украина, континуирано ја потврдуваме нашата поддршка за украинскиот територијален интегритет, суверенитет и целовитост и изразуваме целосна поддршка на правото на самоодбрана на земјата.
Претседателот на Собранието истакна дека Северна Македонија целосно се приклучи на сите рестриктивни мерки и санкции на ЕУ кон Руската Федерација, ко-спонзорираше бројни резолуции и иницијативи во однос на Украина, а упати и воена и хуманитарна помош за земјата.
Македонија
Средба Османи – Кулеба во ОН Њујорк: Европската Унија е наша заедничка иднина
Министерот за надворешни работи, Бујар Османи, на 23 февруари 2024 година, оствари средба со министерот за надворешни работи на Украина, Дмитро Кулеба, во седиштето на Обединетите нации во Њујорк, на маргините на 56. пленарен состанок на 78. седница на Генералното Собрание.
Средбата се одржа со цел да се даде поддршка на Украина на денот на одбележувањето на две-годишнината од почетокот на руската агресија во Украина, при што Османи потенцира дека е многу важно да продолжи поддршката на Украина, бидејќи ако Русија победи во Украина, тогаш ние сме следните.
Министерот Османи, на средбата, истакна дека денес Руската Федерација е најголемата закана за безбедноста на Европа, на Западен Балкан, но и на Република Северна Македонија.
“Важно е да имаме стратешка предвидливост во нашата држава, со цел конечно да кажеме “Не” за Русија и “Да” за интегративните европски процеси на Западниот Балкан и на Република Северна Македонија”, рече Османи.
Додека, Министерот Кулеба, истакнувајќи го фактот дека Северна Македонија цврсто застана зад Украина во текот на двете години агресија, упати благодарност до граѓаните на Северна Македонија, како и благодарност до Министерот Османи за неговото лидерство и поддршка.
“Нашата иднина е заедничка, таа иднина е Европската Унија, која воедно претставува и иднина за мир и просперитет, рече Кулеба.
Двајцата Министри имаа свои обраќња пред Генералното собрание на Обединетите нации, каде упатија јасни пораки против рускат агресија врз Украина.
Македонија
(Видео) Oсмани од ОН во Њујорк: Мораме да и кажеме не на Русија
Министерот за надворешни работи, Бујар Османи, денес се обрати од седиштето на Обединетите нации во Њујорк, на 56. пленарен состанок на 78-та седница на Генералното собрание, по повод две години од инвазијата на Русија врз Украина, кој се одржа на тема: Ситуацијата во привремено окупираните територии на Украина.
Османи, уште еднаш, ја повика Русија да ја прекине оваа бесмислена војна и да ги повлече своите трупи од суверената територија на Украина.
„Русија ги прекрши основните принципи на меѓународното право и започна целосна агресивна војна против Украина, земја членка на ОН’’, истакна Османи.
Воедно, министерот потенцираше дека Северна Македонија е исто така силно загрижена и ја осудува незаконската депортација на децата од Украина во Русија и Белорусија од страна на Руската федерација и ги повика да обезбедат нивно безбедно враќање дома.
„Мораме да и кажеме не на Русија! Правдата и одговорноста мора да надвладеат”, рече Османи, воедно додаде дека Северна Македонија им се придружи на другите 140 земји-членки за поддршка на суверенитетот и територијалниот интегритет на Украина во нејзините меѓународно признати граници од 1991 година.
Османи повика на обединетост во поддршката за Украина, не само за доброто на жртвите и нивните семејства, туку и како предуслови за избегнување на понатамошни агресии и неиспровоцирана употреба на сила во меѓународните односи.