Надворешна политика
Хрватските искуства од евроинтеграциите ќе бидат драгоцени за Македонија
Македонија и Хрватска се две пријателски држави кои имаат долгогодишна соработка во повеќе области, а хрватските искуства од евроинтеграциите ќе бидат драгоцени за земјава, согласни премиерите на двете земји, Никола Груевски и Зоран Милановиќ.
Според македонскиот премиер, Македонија ја смета Хрватска за добар пријател и ќе настојува одличната соработка на политички план да ја преточи и во плодна економска соработка.
„Меѓу Македонија и Хрватска владеат одлични билатерални односи кои се развиваат континуирано и се карактеризираат со долгогодишна соработка и пријателство во сите области од заемен интерес. Истакнавме посветеност за нивно натамошно унапредување особено во економската соработка. Постои дополнителен потенцијал за продлабочуање на економската соработка и за продлабочување на трговската размена, со што би дошло до реализација на заедничката цел, а тоа е Хрватска да стане уште поголем партнер на Македонија во однос на трговската размена и обратно. Голем фокус од разговорите беше и во делот на ЕУ и НАТО, Хрватска веќе таму е член и сите нивни искуства од минатото за нас се и ќе бидат добредојдени. Ги отворивме сите позначајни прашања, како во делот на економијата така и во патот кон ЕУ и се разбира во политичкиот дел“, изјави Груевски во вторникот по средбата со неговиот хрватски колега во Скопје.
Во однос на македонските евро и евроатлански интеграции, хрватскиот премиер Милановиќ смета дека Македонија е неправедно држена надвор од НАТО и ЕУ, и дека оваа статус кво состојба мора да престане.
„Со Македонија можеме да споделиме искуство кое што го нема ниедна друга земја членка на ЕУ, ние сме последните кои влеговме во ЕУ, но и првите кои влегоа под такви услови, преговори, бројни поглавја, бенчмаркови и разни услови кои требаше да ги исполниме. Ова се работи низ кои и Македонија мора да пројде а ние можеме да и помогнеме низ нив да помине полесно. Кога се работи за политиката која нажалост веќе со години не и дозволува на Македонија да стане дел од НАТО и го отежнува патот кон ЕУ, тука само можеме да и бидеме пријател на Македонија, и мислам дека тоа е доволно. Оваа состојба треба да престане, ги разбираме стравовите и проблемите кај некои држави, историјата е нешто што не може да се промени, таа има големо значење но ние живееме во сегашноста. Македонија е една мала држава и не е закана за никого, која развива доста поволна бизнис клима. Македонија воведе законодавни и даночни реформи и кои покажуваат дека со малкуте даноци кои ги има Македонија и во тој смисол таа тука е еден од европските прваци, а тоа е резултат на осмислена и јасна политика“, изјави Милановиќ.
Хрватска не може да ја натера Грција да ги промени своите ставови, но може да разговара околу тоа, бидејќи Македонија мора што поскоро да стане дел од НАТО и да ги започне преговорите со ЕУ бидејќи има административен капацитет за тоа, порача хрватскиот премиер.
Во однос на соработката на економски план, Груевски порача дека хрватските компании се добредојдени во Македонија, а голем дел од македонските граѓани ги сметаат овие компании и нивните производи за блиски, со што земјава е секогаш подготвена да соработува со тамошните компании./крај/мф/бс
Извор: Фото/МИА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Средба на претседателите на Собранијата на Македонија и Украина, Митрески и Стефанчук
Претседателот на Собранието на Република Северна Македонија, Јован Митрески, во рамките на посетата на Киев по повод втората годишнина од почетокот на руската воена агресија врз Украина, оствари средба со претседателот на Врховната рада на Украина, Руслан Стефанчук.
Претседателот Митрески изрази благодарност за поканата и нагласи дека посетата претставува потврда на цврстата и непоколеблива поддршка на Република Северна Македонија за Украина, на сите полиња. Тој нагласи дека уште од самиот почеток силно ја осудуваме руската агресија против Украина, континуирано ја потврдуваме нашата поддршка за украинскиот територијален интегритет, суверенитет и целовитост и изразуваме целосна поддршка на правото на самоодбрана на земјата.
Претседателот на Собранието истакна дека Северна Македонија целосно се приклучи на сите рестриктивни мерки и санкции на ЕУ кон Руската Федерација, ко-спонзорираше бројни резолуции и иницијативи во однос на Украина, а упати и воена и хуманитарна помош за земјата.
Македонија
Средба Османи – Кулеба во ОН Њујорк: Европската Унија е наша заедничка иднина
Министерот за надворешни работи, Бујар Османи, на 23 февруари 2024 година, оствари средба со министерот за надворешни работи на Украина, Дмитро Кулеба, во седиштето на Обединетите нации во Њујорк, на маргините на 56. пленарен состанок на 78. седница на Генералното Собрание.
Средбата се одржа со цел да се даде поддршка на Украина на денот на одбележувањето на две-годишнината од почетокот на руската агресија во Украина, при што Османи потенцира дека е многу важно да продолжи поддршката на Украина, бидејќи ако Русија победи во Украина, тогаш ние сме следните.
Министерот Османи, на средбата, истакна дека денес Руската Федерација е најголемата закана за безбедноста на Европа, на Западен Балкан, но и на Република Северна Македонија.
“Важно е да имаме стратешка предвидливост во нашата држава, со цел конечно да кажеме “Не” за Русија и “Да” за интегративните европски процеси на Западниот Балкан и на Република Северна Македонија”, рече Османи.
Додека, Министерот Кулеба, истакнувајќи го фактот дека Северна Македонија цврсто застана зад Украина во текот на двете години агресија, упати благодарност до граѓаните на Северна Македонија, како и благодарност до Министерот Османи за неговото лидерство и поддршка.
“Нашата иднина е заедничка, таа иднина е Европската Унија, која воедно претставува и иднина за мир и просперитет, рече Кулеба.
Двајцата Министри имаа свои обраќња пред Генералното собрание на Обединетите нации, каде упатија јасни пораки против рускат агресија врз Украина.
Македонија
(Видео) Oсмани од ОН во Њујорк: Мораме да и кажеме не на Русија
Министерот за надворешни работи, Бујар Османи, денес се обрати од седиштето на Обединетите нации во Њујорк, на 56. пленарен состанок на 78-та седница на Генералното собрание, по повод две години од инвазијата на Русија врз Украина, кој се одржа на тема: Ситуацијата во привремено окупираните територии на Украина.
Османи, уште еднаш, ја повика Русија да ја прекине оваа бесмислена војна и да ги повлече своите трупи од суверената територија на Украина.
„Русија ги прекрши основните принципи на меѓународното право и започна целосна агресивна војна против Украина, земја членка на ОН’’, истакна Османи.
Воедно, министерот потенцираше дека Северна Македонија е исто така силно загрижена и ја осудува незаконската депортација на децата од Украина во Русија и Белорусија од страна на Руската федерација и ги повика да обезбедат нивно безбедно враќање дома.
„Мораме да и кажеме не на Русија! Правдата и одговорноста мора да надвладеат”, рече Османи, воедно додаде дека Северна Македонија им се придружи на другите 140 земји-членки за поддршка на суверенитетот и територијалниот интегритет на Украина во нејзините меѓународно признати граници од 1991 година.
Османи повика на обединетост во поддршката за Украина, не само за доброто на жртвите и нивните семејства, туку и како предуслови за избегнување на понатамошни агресии и неиспровоцирана употреба на сила во меѓународните односи.