Надворешна политика
Јолевски – Бергманис: Унапредување на соработката во одбраната меѓу Македонија и Латвија
Евроатлантските интеграции на Македонија, унапредувањето на билатералната соработка во областа на одбраната и безбедноста, како и споделувањето на искуствата во меѓународните мировни мисии беа дел од темите на разговорите кои во средата во Рига ги имаа министерот за одбрана, Зоран Јолевски и неговиот домаќин, министерот за одбрана на Латвија, Рејмондс Бергманис.
Евроатлантските интеграции на Македонија, унапредувањето на билатералната соработка во областа на одбраната и безбедноста, како и споделувањето на искуствата во меѓународните мировни мисии беа дел од темите на разговорите кои во средата во Рига ги имаа министерот за одбрана, Зоран Јолевски и неговиот домаќин, министерот за одбрана на Латвија, Рејмондс Бергманис.
Јолевски рече дека Македонија и Латвија имаат многу заеднички нешта и истите потребно е да се искористат за унапредување на соработката, како во делот на образованието, обуката на припадниците на двете армии, така и во делот на споделување на искуствата од досегашното учество во мировните мисии.
Министерот Јолевски додаде дека соработката меѓу двете земји особено добива на интензитет и мора да се напомене дека денешната средба е резултат на средбата која се одржа во Македонија при посетата на сегашниот претседател на Латвија, Рејмондс Вејонис, тогашен министер за одбрана.
„Македонија и Латвија имаат искрени меѓусебни односи, поткрепени со континуирана соработка во полето на одбраната. Латвија се залага за политиката на отворени врати на НАТО и целосно ја поддржува Македонија за полноправно членство во Алијансата“ истакна министерот Бергманис.
Тој ги поздрави и постигнатите одбранбени реформи, учеството на Армијата во мировните мисии и високиот квалитет и професионализам кои го поседуваат припадниците на Армијата на Република Македонија.
Во текот на денешниот разговор на кој беше присутен и началникот на Генералштабот на Воените сили на Латвија, генерал полковник Рејмондс Граубе, се дискутираше за искористување на капацитетите од страна на Латвиските одбранбени сили, со кои располага нашето министерство како што се Центарот за обука на пилоти, Регионалниот Центар за односи со јавност, Воената академија.
За време на посетата министерот Јолевски оствари средба и со државниот секретар во Министерството за надворешни работи, Андрејс Пилдеговичс, каде побара отворена поддршка за членство на Република Македонија во НАТО и ЕУ.
Во четврток министерот Јолевски ќе оствари средби и со претседателот на Комитетот за одбрана, внатрешни работи и превенција од корупција во Парламентот на Република Латвија, Аинарс Латковскис, со Директорот на Центарот за стратегиски комуникации, Јанис Сартс. Дополнително ќе ја посети и Воената база Адажи, каде ќе има можност да се запознае со нивниот медицински центар и останатите капацитети на оваа база./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Средба на претседателите на Собранијата на Македонија и Украина, Митрески и Стефанчук
Претседателот на Собранието на Република Северна Македонија, Јован Митрески, во рамките на посетата на Киев по повод втората годишнина од почетокот на руската воена агресија врз Украина, оствари средба со претседателот на Врховната рада на Украина, Руслан Стефанчук.
Претседателот Митрески изрази благодарност за поканата и нагласи дека посетата претставува потврда на цврстата и непоколеблива поддршка на Република Северна Македонија за Украина, на сите полиња. Тој нагласи дека уште од самиот почеток силно ја осудуваме руската агресија против Украина, континуирано ја потврдуваме нашата поддршка за украинскиот територијален интегритет, суверенитет и целовитост и изразуваме целосна поддршка на правото на самоодбрана на земјата.
Претседателот на Собранието истакна дека Северна Македонија целосно се приклучи на сите рестриктивни мерки и санкции на ЕУ кон Руската Федерација, ко-спонзорираше бројни резолуции и иницијативи во однос на Украина, а упати и воена и хуманитарна помош за земјата.
Македонија
Средба Османи – Кулеба во ОН Њујорк: Европската Унија е наша заедничка иднина
Министерот за надворешни работи, Бујар Османи, на 23 февруари 2024 година, оствари средба со министерот за надворешни работи на Украина, Дмитро Кулеба, во седиштето на Обединетите нации во Њујорк, на маргините на 56. пленарен состанок на 78. седница на Генералното Собрание.
Средбата се одржа со цел да се даде поддршка на Украина на денот на одбележувањето на две-годишнината од почетокот на руската агресија во Украина, при што Османи потенцира дека е многу важно да продолжи поддршката на Украина, бидејќи ако Русија победи во Украина, тогаш ние сме следните.
Министерот Османи, на средбата, истакна дека денес Руската Федерација е најголемата закана за безбедноста на Европа, на Западен Балкан, но и на Република Северна Македонија.
“Важно е да имаме стратешка предвидливост во нашата држава, со цел конечно да кажеме “Не” за Русија и “Да” за интегративните европски процеси на Западниот Балкан и на Република Северна Македонија”, рече Османи.
Додека, Министерот Кулеба, истакнувајќи го фактот дека Северна Македонија цврсто застана зад Украина во текот на двете години агресија, упати благодарност до граѓаните на Северна Македонија, како и благодарност до Министерот Османи за неговото лидерство и поддршка.
“Нашата иднина е заедничка, таа иднина е Европската Унија, која воедно претставува и иднина за мир и просперитет, рече Кулеба.
Двајцата Министри имаа свои обраќња пред Генералното собрание на Обединетите нации, каде упатија јасни пораки против рускат агресија врз Украина.
Македонија
(Видео) Oсмани од ОН во Њујорк: Мораме да и кажеме не на Русија
Министерот за надворешни работи, Бујар Османи, денес се обрати од седиштето на Обединетите нации во Њујорк, на 56. пленарен состанок на 78-та седница на Генералното собрание, по повод две години од инвазијата на Русија врз Украина, кој се одржа на тема: Ситуацијата во привремено окупираните територии на Украина.
Османи, уште еднаш, ја повика Русија да ја прекине оваа бесмислена војна и да ги повлече своите трупи од суверената територија на Украина.
„Русија ги прекрши основните принципи на меѓународното право и започна целосна агресивна војна против Украина, земја членка на ОН’’, истакна Османи.
Воедно, министерот потенцираше дека Северна Македонија е исто така силно загрижена и ја осудува незаконската депортација на децата од Украина во Русија и Белорусија од страна на Руската федерација и ги повика да обезбедат нивно безбедно враќање дома.
„Мораме да и кажеме не на Русија! Правдата и одговорноста мора да надвладеат”, рече Османи, воедно додаде дека Северна Македонија им се придружи на другите 140 земји-членки за поддршка на суверенитетот и територијалниот интегритет на Украина во нејзините меѓународно признати граници од 1991 година.
Османи повика на обединетост во поддршката за Украина, не само за доброто на жртвите и нивните семејства, туку и како предуслови за избегнување на понатамошни агресии и неиспровоцирана употреба на сила во меѓународните односи.