Надворешна политика
Јолевски: Македонија е сериозен партнер за соработка во справувањето со безбедносните предизвици
Министерот за одбрана Зоран Јолевски заедно со поранешните секретари на САД и Британија Олбрајт и Милибанд, во четврток на Конференција во Вашингтон говореа за мигрантската криза со која се соочува Европа
На самиот почеток министерот Јолевски истакна дека Македонија како земја кандидат за членство е посветена на заедничкиот, координиран и сеопфатен пристап кон менаџирање на бегалската криза. „Мерките што ги имплементира Македонија се во согласност со заклучоците на Европскиот совет и го штити интегритетот на Шенген областа. Македонските безбедносни сили преземаат активности кои се координирани со земјите од балканската рута“, истакна министерот Јолевски.Македонија ќе продолжи да делува конструктивно и ќе ги превзема неопходните безбедносни чекори за заштита на националната и евроатлантската безбедност.Министерот Јолевски пред еминентните учесници и говорници се осврна на чекорите кои ги има преземено Македонија во однос на мигрантската криза која ја зафати Европа. „Македонија како и досега покажа дека е сериозен партнер за соработка во справувањето со безбедносните предизвици“, рече Јолевски. Воедно министерот го поздрави и целосно го поддржа договорот помеѓу Европската Унија и Турција.Имајќи предвид дека се работи за комплексна и глобална криза, министерот Јолевски истакна дека е потребна проактивна улога на Европската унија и ангажман на САД за справување во кризата, но и долгорочна стратегија за соочување на овие предизвици. Побара да се обезбеди поголема поддршка на непосредните соседи на Сирија, како што се Турција, Либан и Јордан. Со ова ќе се создадат услови бегалците да останат поблиску до Сирија и Ирак, со што се зголемуваат шансите за враќање во нивните домови.Секретарот Олбрајт истакна дека САД заедно со Европската унија треба поактивно да се вклучи во решавањето на оваа криза, која може да се очекува да трае долго. Давид Милибанд, сегашен претседател на Меѓународниот комитет за спасување и поранешен секретар за надворешна политика на Велика Британија побара поголеми средства за меѓународните хуманитарни институции. Оцени дека Европа има капацитет за справување со оваа криза, но потребно е да делува проактивно. Истакна дека треба да се преземат мерки за интеграција на беглаците кои добиле легален статус во Европа.На конференцијата на посебен панел за економските аспекти на мигрантската криза говореа министрите за финансии на Холандија Јерем Диселблом, на Турција, Мехмед Шимшек, комесарот за буџет на ЕУ, Кристалина Ѓерогиева, претседателот на Европската банка за инвестиции, Вернер Хојер, како и претседателот на Економскиот совет на Белата куќа, Џејсон Фурман. /крај/со/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Средба на претседателите на Собранијата на Македонија и Украина, Митрески и Стефанчук
Претседателот на Собранието на Република Северна Македонија, Јован Митрески, во рамките на посетата на Киев по повод втората годишнина од почетокот на руската воена агресија врз Украина, оствари средба со претседателот на Врховната рада на Украина, Руслан Стефанчук.
Претседателот Митрески изрази благодарност за поканата и нагласи дека посетата претставува потврда на цврстата и непоколеблива поддршка на Република Северна Македонија за Украина, на сите полиња. Тој нагласи дека уште од самиот почеток силно ја осудуваме руската агресија против Украина, континуирано ја потврдуваме нашата поддршка за украинскиот територијален интегритет, суверенитет и целовитост и изразуваме целосна поддршка на правото на самоодбрана на земјата.
Претседателот на Собранието истакна дека Северна Македонија целосно се приклучи на сите рестриктивни мерки и санкции на ЕУ кон Руската Федерација, ко-спонзорираше бројни резолуции и иницијативи во однос на Украина, а упати и воена и хуманитарна помош за земјата.
Македонија
Средба Османи – Кулеба во ОН Њујорк: Европската Унија е наша заедничка иднина
Министерот за надворешни работи, Бујар Османи, на 23 февруари 2024 година, оствари средба со министерот за надворешни работи на Украина, Дмитро Кулеба, во седиштето на Обединетите нации во Њујорк, на маргините на 56. пленарен состанок на 78. седница на Генералното Собрание.
Средбата се одржа со цел да се даде поддршка на Украина на денот на одбележувањето на две-годишнината од почетокот на руската агресија во Украина, при што Османи потенцира дека е многу важно да продолжи поддршката на Украина, бидејќи ако Русија победи во Украина, тогаш ние сме следните.
Министерот Османи, на средбата, истакна дека денес Руската Федерација е најголемата закана за безбедноста на Европа, на Западен Балкан, но и на Република Северна Македонија.
“Важно е да имаме стратешка предвидливост во нашата држава, со цел конечно да кажеме “Не” за Русија и “Да” за интегративните европски процеси на Западниот Балкан и на Република Северна Македонија”, рече Османи.
Додека, Министерот Кулеба, истакнувајќи го фактот дека Северна Македонија цврсто застана зад Украина во текот на двете години агресија, упати благодарност до граѓаните на Северна Македонија, како и благодарност до Министерот Османи за неговото лидерство и поддршка.
“Нашата иднина е заедничка, таа иднина е Европската Унија, која воедно претставува и иднина за мир и просперитет, рече Кулеба.
Двајцата Министри имаа свои обраќња пред Генералното собрание на Обединетите нации, каде упатија јасни пораки против рускат агресија врз Украина.
Македонија
(Видео) Oсмани од ОН во Њујорк: Мораме да и кажеме не на Русија
Министерот за надворешни работи, Бујар Османи, денес се обрати од седиштето на Обединетите нации во Њујорк, на 56. пленарен состанок на 78-та седница на Генералното собрание, по повод две години од инвазијата на Русија врз Украина, кој се одржа на тема: Ситуацијата во привремено окупираните територии на Украина.
Османи, уште еднаш, ја повика Русија да ја прекине оваа бесмислена војна и да ги повлече своите трупи од суверената територија на Украина.
„Русија ги прекрши основните принципи на меѓународното право и започна целосна агресивна војна против Украина, земја членка на ОН’’, истакна Османи.
Воедно, министерот потенцираше дека Северна Македонија е исто така силно загрижена и ја осудува незаконската депортација на децата од Украина во Русија и Белорусија од страна на Руската федерација и ги повика да обезбедат нивно безбедно враќање дома.
„Мораме да и кажеме не на Русија! Правдата и одговорноста мора да надвладеат”, рече Османи, воедно додаде дека Северна Македонија им се придружи на другите 140 земји-членки за поддршка на суверенитетот и територијалниот интегритет на Украина во нејзините меѓународно признати граници од 1991 година.
Османи повика на обединетост во поддршката за Украина, не само за доброто на жртвите и нивните семејства, туку и како предуслови за избегнување на понатамошни агресии и неиспровоцирана употреба на сила во меѓународните односи.