Надворешна политика
Јолевски во САД: Македонија рамо до рамо со членките на НАТО во споделувањето на обврските и одговорноста
Во рамки на посетата на САД, министерот за одбрана Зоран Јолевски оствари неколку значајни средби со претставници на законодавниот дом на САД, на кои беше констатирана целосна поддршка за членството на Македонија во НАТО-алијансата, како и благодарност поради долгогодишната поддршка на Армијата на Република Македонија во воспоставувањето мир, безбедност и демократија во глобални рамки.
Имено, на средбата со сенаторот Џон МекКејн, поранешен претседателски кандидат, Јолевски порача дека дојдено е времето Македонија да го завземе своето заслужено место како полноправен член на НАТО. Министерот додаде дека и покрај фактот дека Македонија е подготвена да биде дел од Алијансата уште од 2008-та година, Министерството и Армијата продолжуваат со реформите во безбедносниот сектор.
„Со нашата заложба за постојано унапредување, ние остануваме подготвени, рамо до рамо со останатите земји-членки да ги споделуваме обврските, одговорностите, но и придобивките од членство во Алијансата„ рече министерот.
Сенаторот МекКејн целосно се согласи со фактот дека Македонија ги има завршено потребните реформи за членство. Тој истакна дека соработката меѓу Македонија и САД како стратегиски партнери е од полза за двете земји и изрази благодарност што таа се развива континуирано.
Јолевски оствари и одвоени средби со конгресменката Валорски, како и со главните советници на претседателскиот кандидат, сенаторот Марко Рубио, при што истакна дека Македонија е посветена на развојот на билатералната соработка со САД, која беше зацврстена со потпишувањето на Декларацијата за стратегиско партнерство, потпишана во 2008 година. Министерот ги презентираше аргументите за прием на Македонија во НАТО, а воедно се осврна и на неодамнешниот развој на соработката, особено во делот на военото образование, преку размената на питомци меѓу македонската Воена академија и академијата „Норвич“.
Во текот на денот, делегацијата од министерството имаше работен ручек со истакнати претставници на најреноминарите тинк-тенкови во Вашингтон, на кој присуствуваа и лица од Пентагон и Стејт Департментот. За одбележување е дека претставниците на тинк-тенк заедниците ја истакнаа поддршката за што поскоро интегрирање на Република Македонија во НАТО.
Јолевски во четврток ќе присутвува на традиционалниот Молитвен појадок кој се одржува во Вашингтон, а говорник е претседателот на САД. На маргините на молитвениот појадок министерот Јолевски имаше средби со министри од Италија и Хаити, парламентарци од Германија, Франција, Норвешка, Велика Британија, како и од земјите регионот./крај/мф/бс
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Средба на претседателите на Собранијата на Македонија и Украина, Митрески и Стефанчук
Претседателот на Собранието на Република Северна Македонија, Јован Митрески, во рамките на посетата на Киев по повод втората годишнина од почетокот на руската воена агресија врз Украина, оствари средба со претседателот на Врховната рада на Украина, Руслан Стефанчук.
Претседателот Митрески изрази благодарност за поканата и нагласи дека посетата претставува потврда на цврстата и непоколеблива поддршка на Република Северна Македонија за Украина, на сите полиња. Тој нагласи дека уште од самиот почеток силно ја осудуваме руската агресија против Украина, континуирано ја потврдуваме нашата поддршка за украинскиот територијален интегритет, суверенитет и целовитост и изразуваме целосна поддршка на правото на самоодбрана на земјата.
Претседателот на Собранието истакна дека Северна Македонија целосно се приклучи на сите рестриктивни мерки и санкции на ЕУ кон Руската Федерација, ко-спонзорираше бројни резолуции и иницијативи во однос на Украина, а упати и воена и хуманитарна помош за земјата.
Македонија
Средба Османи – Кулеба во ОН Њујорк: Европската Унија е наша заедничка иднина
Министерот за надворешни работи, Бујар Османи, на 23 февруари 2024 година, оствари средба со министерот за надворешни работи на Украина, Дмитро Кулеба, во седиштето на Обединетите нации во Њујорк, на маргините на 56. пленарен состанок на 78. седница на Генералното Собрание.
Средбата се одржа со цел да се даде поддршка на Украина на денот на одбележувањето на две-годишнината од почетокот на руската агресија во Украина, при што Османи потенцира дека е многу важно да продолжи поддршката на Украина, бидејќи ако Русија победи во Украина, тогаш ние сме следните.
Министерот Османи, на средбата, истакна дека денес Руската Федерација е најголемата закана за безбедноста на Европа, на Западен Балкан, но и на Република Северна Македонија.
“Важно е да имаме стратешка предвидливост во нашата држава, со цел конечно да кажеме “Не” за Русија и “Да” за интегративните европски процеси на Западниот Балкан и на Република Северна Македонија”, рече Османи.
Додека, Министерот Кулеба, истакнувајќи го фактот дека Северна Македонија цврсто застана зад Украина во текот на двете години агресија, упати благодарност до граѓаните на Северна Македонија, како и благодарност до Министерот Османи за неговото лидерство и поддршка.
“Нашата иднина е заедничка, таа иднина е Европската Унија, која воедно претставува и иднина за мир и просперитет, рече Кулеба.
Двајцата Министри имаа свои обраќња пред Генералното собрание на Обединетите нации, каде упатија јасни пораки против рускат агресија врз Украина.
Македонија
(Видео) Oсмани од ОН во Њујорк: Мораме да и кажеме не на Русија
Министерот за надворешни работи, Бујар Османи, денес се обрати од седиштето на Обединетите нации во Њујорк, на 56. пленарен состанок на 78-та седница на Генералното собрание, по повод две години од инвазијата на Русија врз Украина, кој се одржа на тема: Ситуацијата во привремено окупираните територии на Украина.
Османи, уште еднаш, ја повика Русија да ја прекине оваа бесмислена војна и да ги повлече своите трупи од суверената територија на Украина.
„Русија ги прекрши основните принципи на меѓународното право и започна целосна агресивна војна против Украина, земја членка на ОН’’, истакна Османи.
Воедно, министерот потенцираше дека Северна Македонија е исто така силно загрижена и ја осудува незаконската депортација на децата од Украина во Русија и Белорусија од страна на Руската федерација и ги повика да обезбедат нивно безбедно враќање дома.
„Мораме да и кажеме не на Русија! Правдата и одговорноста мора да надвладеат”, рече Османи, воедно додаде дека Северна Македонија им се придружи на другите 140 земји-членки за поддршка на суверенитетот и територијалниот интегритет на Украина во нејзините меѓународно признати граници од 1991 година.
Османи повика на обединетост во поддршката за Украина, не само за доброто на жртвите и нивните семејства, туку и како предуслови за избегнување на понатамошни агресии и неиспровоцирана употреба на сила во меѓународните односи.