Надворешна политика
Министерски состанок во Амстердам: Македонија и Бугарија би можеле да бидат нова надворешна линија на ЕУ во бегалската криза
Министрите за надворешни работи на земјите членки на Европската унија (ЕУ) во саботата во Амстердам заедно со своите колеги од земјите кандидати разговараа околу бегалската криза, во момент кога се очекува пристигнување на уште поголем број бегалци поради борбите во сирискиот град Алепо.
На состанокот се повикани министрите од земјите кандидати Турција, Македонија, Србија, Црна Гора и Албанија. Луксембуршкиот министер за надворешни работи Жан Аселборн предупредил на создавањето на негативно расположение кон бегалците во Европа.
„Европа не смее да го загуби својот образ“, предупредил Аселборн. Високата претставничка на ЕУ за надворешна и безбедносна политика, Федерика Могерини, пак, изјавила дека затворањето на границите не е решение.
„Мислам дека тоа не е решението. Ние мора да делуваме обединето бидејќи управувањето со приливот на мигрантите и бегалците може сега повеќе да не обедини, отколку разедини“, рекла Могерини.
Унгарскиот министер за надворешни работи, Петер Сијарто рекол дека надворешната граница мора да се брани на југ, а доколку Грција тоа не сака или не може да го направи, тогаш треба Унијата да се сврти кон Македонија и Бугарија.
„Мислам дека на јужната граница нема одбрана, границата не е заштитена. Доколку Грција не е подготвена или не може да ја контролира шенгенската граница и не прифаќа никаква помош од ЕУ, тогаш на нас ни е потребна нова одбрамбена линија, а тоа очигледно се Македонија и Бугарија“, рекол Сијарто.
Еврокомесарот за соседска политика и пристапни преговори, Јоханес Хан рекол дека на национално ниво не може да се постигне решение за бегалската криза. „Нема национално решение за бегалската криза. Тоа ќе предизвика домино ефект. Мораме да избегнеме состојба во која земјите кандидати на западен Балкан ќе станат некој вид на паркинг простор за мигрантите“, рекол Хан, додавајќи дека Европа секогаш ќе има проблем, доколку не ги заштити своите надворешни граници.
Хан ја потсетил Турција на нејзината задача во рамките на меѓународното право, а тоа е да ги прифати илјадниците сириски бегалци блокирани на нејзината граица, по бегството поради офранзивата на режимската војска, поддржана од руското воздухопловство. „Женевската конвенција која одредува дека мора да прифатат бегалците е се уште на сила“, изјавил Хан.
Турција го затвори граничниот премин Онцупинар, јужно од турскиот град Килис, преку кој во петокот не можеше нити да се влезе, нити пак излезе. Според најновите бројки на ОН, 20 илјади лица веќе се собрале на сириската страна на овој граничен премин додека според проценките од режимската офанзива во покраината Алепо, од понеделникот скоро 40 илјади цивили побегнале од своите домови.
Европските министри за надворешни работи, кои во петокот и саботата се во Амстердам, треба да го искористат присуството на турскиот колега Мевлут Чавушоглу за да му ја пренесат загриженоста околку судбината на овие бегалци./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Средба на претседателите на Собранијата на Македонија и Украина, Митрески и Стефанчук
Претседателот на Собранието на Република Северна Македонија, Јован Митрески, во рамките на посетата на Киев по повод втората годишнина од почетокот на руската воена агресија врз Украина, оствари средба со претседателот на Врховната рада на Украина, Руслан Стефанчук.
Претседателот Митрески изрази благодарност за поканата и нагласи дека посетата претставува потврда на цврстата и непоколеблива поддршка на Република Северна Македонија за Украина, на сите полиња. Тој нагласи дека уште од самиот почеток силно ја осудуваме руската агресија против Украина, континуирано ја потврдуваме нашата поддршка за украинскиот територијален интегритет, суверенитет и целовитост и изразуваме целосна поддршка на правото на самоодбрана на земјата.
Претседателот на Собранието истакна дека Северна Македонија целосно се приклучи на сите рестриктивни мерки и санкции на ЕУ кон Руската Федерација, ко-спонзорираше бројни резолуции и иницијативи во однос на Украина, а упати и воена и хуманитарна помош за земјата.
Македонија
Средба Османи – Кулеба во ОН Њујорк: Европската Унија е наша заедничка иднина
Министерот за надворешни работи, Бујар Османи, на 23 февруари 2024 година, оствари средба со министерот за надворешни работи на Украина, Дмитро Кулеба, во седиштето на Обединетите нации во Њујорк, на маргините на 56. пленарен состанок на 78. седница на Генералното Собрание.
Средбата се одржа со цел да се даде поддршка на Украина на денот на одбележувањето на две-годишнината од почетокот на руската агресија во Украина, при што Османи потенцира дека е многу важно да продолжи поддршката на Украина, бидејќи ако Русија победи во Украина, тогаш ние сме следните.
Министерот Османи, на средбата, истакна дека денес Руската Федерација е најголемата закана за безбедноста на Европа, на Западен Балкан, но и на Република Северна Македонија.
“Важно е да имаме стратешка предвидливост во нашата држава, со цел конечно да кажеме “Не” за Русија и “Да” за интегративните европски процеси на Западниот Балкан и на Република Северна Македонија”, рече Османи.
Додека, Министерот Кулеба, истакнувајќи го фактот дека Северна Македонија цврсто застана зад Украина во текот на двете години агресија, упати благодарност до граѓаните на Северна Македонија, како и благодарност до Министерот Османи за неговото лидерство и поддршка.
“Нашата иднина е заедничка, таа иднина е Европската Унија, која воедно претставува и иднина за мир и просперитет, рече Кулеба.
Двајцата Министри имаа свои обраќња пред Генералното собрание на Обединетите нации, каде упатија јасни пораки против рускат агресија врз Украина.
Македонија
(Видео) Oсмани од ОН во Њујорк: Мораме да и кажеме не на Русија
Министерот за надворешни работи, Бујар Османи, денес се обрати од седиштето на Обединетите нации во Њујорк, на 56. пленарен состанок на 78-та седница на Генералното собрание, по повод две години од инвазијата на Русија врз Украина, кој се одржа на тема: Ситуацијата во привремено окупираните територии на Украина.
Османи, уште еднаш, ја повика Русија да ја прекине оваа бесмислена војна и да ги повлече своите трупи од суверената територија на Украина.
„Русија ги прекрши основните принципи на меѓународното право и започна целосна агресивна војна против Украина, земја членка на ОН’’, истакна Османи.
Воедно, министерот потенцираше дека Северна Македонија е исто така силно загрижена и ја осудува незаконската депортација на децата од Украина во Русија и Белорусија од страна на Руската федерација и ги повика да обезбедат нивно безбедно враќање дома.
„Мораме да и кажеме не на Русија! Правдата и одговорноста мора да надвладеат”, рече Османи, воедно додаде дека Северна Македонија им се придружи на другите 140 земји-членки за поддршка на суверенитетот и територијалниот интегритет на Украина во нејзините меѓународно признати граници од 1991 година.
Османи повика на обединетост во поддршката за Украина, не само за доброто на жртвите и нивните семејства, туку и како предуслови за избегнување на понатамошни агресии и неиспровоцирана употреба на сила во меѓународните односи.