Надворешна политика
Орав: Неопходна имплементација на договорот од Пржино и реформските приоритети
Македонија годинава од страна на Европската комисија (ЕК) доби по седми пат доби препорака за отпочнување на пристапните преговори за членство, но со таа разлика што овојпат препораката е условена, а тоа значи дека Комисијата на ова прашање ќе се врати по реализацијата на предвремените парламентарни избори во април следната година, кога ќе се изврши и проценка на тоа што до моментот е спроведено во поглед на договорот од Пржино, објасни во вторникот евроамбасадор Аиво Орав, по презентацијата на годинешниот извештај за напредокот на земјата.
Македонија годинава од страна на Европската комисија (ЕК) доби по седми пат доби препорака за отпочнување на пристапните преговори за членство, но со таа разлика што овојпат препораката е условена, а тоа значи дека Комисијата на ова прашање ќе се врати по реализацијата на предвремените парламентарни избори во април следната година, кога ќе се изврши и проценка на тоа што до моментот е спроведено во поглед на договорот од Пржино, објасни во вторникот евроамбасадор Аиво Орав, по презентацијата на годинешниот извештај за напредокот на земјата.
Според Орав, Комисијата оваа година во извештаите за земјите кандидати се фокусирала на областите од владеењето на пра вото, слободата на медиумите, администрацијата и економијата.
„Годинава разговорите во Комисијата беа потешки, но посветени на досегашниот напредок во имплементацијата на политичкиот договор од јуни и јули. Комисијата е подготвена да ја повтори препораката за почеток на преговорите, но таа е условена сo натамошна имплементација на договорот од јуни/јули и значителен напредок на имплементацијата на итните реформски приоритети. Ова прашање повторно ќе биде отворено по изборите во април“, изјави Орав.
Претходно, за време на презентацијата на прогрес извештаите во Брисел од страна на еврокомесарот за соседска политика и пристапни преговори Јоханес Хан беше порачано дека политичарите во Македонија мора да бидат свесни за тоа кои се неопходните реформи приоритети и дека договорот од Пржино мора да биде имплементиран онака како што е договорено.
„За препораката ситуацијата е прилично чиста. Имаме многу тешка и многу сериозна криза. Не ја поминавме, но имаме патоказ. Во договорот јуни/јули многу работи, елементи беа договорени кои треба да се исполнат. Крајниот рок се изборите во април догодина, кои треба да се одржат на фер и транспарентен, како да кажам во согласност со европските стандарди, начин. И ова треба да биде подготвено но и да се направат други работи. Се е договорено тое се итни реформски приоритети, токму тука треба да видиме прогрес во идните неколку месеци. Не може се да биде исполнето до крајот на април, но многу може да биде направено. Ако се оди добро, а ова е ако сакате „стап или морков” во едно, ние сме подготвени да ја преразгледаме препораката и да овозможиме работите што биле направени да влезат во целосен извештај за започнување на преговорите. Но ако ова е случај и ние како Европејци треба да испорачаме“, потенцираше австрискиот еврокомесар./крај/мф/бс
Извор: Фото/МИА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Средба на претседателите на Собранијата на Македонија и Украина, Митрески и Стефанчук
Претседателот на Собранието на Република Северна Македонија, Јован Митрески, во рамките на посетата на Киев по повод втората годишнина од почетокот на руската воена агресија врз Украина, оствари средба со претседателот на Врховната рада на Украина, Руслан Стефанчук.
Претседателот Митрески изрази благодарност за поканата и нагласи дека посетата претставува потврда на цврстата и непоколеблива поддршка на Република Северна Македонија за Украина, на сите полиња. Тој нагласи дека уште од самиот почеток силно ја осудуваме руската агресија против Украина, континуирано ја потврдуваме нашата поддршка за украинскиот територијален интегритет, суверенитет и целовитост и изразуваме целосна поддршка на правото на самоодбрана на земјата.
Претседателот на Собранието истакна дека Северна Македонија целосно се приклучи на сите рестриктивни мерки и санкции на ЕУ кон Руската Федерација, ко-спонзорираше бројни резолуции и иницијативи во однос на Украина, а упати и воена и хуманитарна помош за земјата.
Македонија
Средба Османи – Кулеба во ОН Њујорк: Европската Унија е наша заедничка иднина
Министерот за надворешни работи, Бујар Османи, на 23 февруари 2024 година, оствари средба со министерот за надворешни работи на Украина, Дмитро Кулеба, во седиштето на Обединетите нации во Њујорк, на маргините на 56. пленарен состанок на 78. седница на Генералното Собрание.
Средбата се одржа со цел да се даде поддршка на Украина на денот на одбележувањето на две-годишнината од почетокот на руската агресија во Украина, при што Османи потенцира дека е многу важно да продолжи поддршката на Украина, бидејќи ако Русија победи во Украина, тогаш ние сме следните.
Министерот Османи, на средбата, истакна дека денес Руската Федерација е најголемата закана за безбедноста на Европа, на Западен Балкан, но и на Република Северна Македонија.
“Важно е да имаме стратешка предвидливост во нашата држава, со цел конечно да кажеме “Не” за Русија и “Да” за интегративните европски процеси на Западниот Балкан и на Република Северна Македонија”, рече Османи.
Додека, Министерот Кулеба, истакнувајќи го фактот дека Северна Македонија цврсто застана зад Украина во текот на двете години агресија, упати благодарност до граѓаните на Северна Македонија, како и благодарност до Министерот Османи за неговото лидерство и поддршка.
“Нашата иднина е заедничка, таа иднина е Европската Унија, која воедно претставува и иднина за мир и просперитет, рече Кулеба.
Двајцата Министри имаа свои обраќња пред Генералното собрание на Обединетите нации, каде упатија јасни пораки против рускат агресија врз Украина.
Македонија
(Видео) Oсмани од ОН во Њујорк: Мораме да и кажеме не на Русија
Министерот за надворешни работи, Бујар Османи, денес се обрати од седиштето на Обединетите нации во Њујорк, на 56. пленарен состанок на 78-та седница на Генералното собрание, по повод две години од инвазијата на Русија врз Украина, кој се одржа на тема: Ситуацијата во привремено окупираните територии на Украина.
Османи, уште еднаш, ја повика Русија да ја прекине оваа бесмислена војна и да ги повлече своите трупи од суверената територија на Украина.
„Русија ги прекрши основните принципи на меѓународното право и започна целосна агресивна војна против Украина, земја членка на ОН’’, истакна Османи.
Воедно, министерот потенцираше дека Северна Македонија е исто така силно загрижена и ја осудува незаконската депортација на децата од Украина во Русија и Белорусија од страна на Руската федерација и ги повика да обезбедат нивно безбедно враќање дома.
„Мораме да и кажеме не на Русија! Правдата и одговорноста мора да надвладеат”, рече Османи, воедно додаде дека Северна Македонија им се придружи на другите 140 земји-членки за поддршка на суверенитетот и територијалниот интегритет на Украина во нејзините меѓународно признати граници од 1991 година.
Османи повика на обединетост во поддршката за Украина, не само за доброто на жртвите и нивните семејства, туку и како предуслови за избегнување на понатамошни агресии и неиспровоцирана употреба на сила во меѓународните односи.