Надворешна политика
Партиско етнички препукувања наместо дебата за евроинтеграциите
Наместо дебата за евроинтеграциите, националниот Советот за евроинтеграции во средата повторно се претвори во ринг за меѓупартиски и етнички обвинувања за состојбата во земјата.
Според пратеничката на ДПА, Мерал Ферати, власта го загубила дискурсот во евроинтеграциите и продолжува со слободниот пад, посочувајќи дека делумно за ова е одговорна и недоволната застапеност на Албанците во администрацијата, директно прозивајќи ги ДУИ како одговорни за ова. Ферати, исто така, се осврна и на бројните нерешени судски случаи, во кои се инволвирани Албанците.
„Општо познато е дека пречка за евроинтегративните процеси не е само спорот со Грција за името, туку ЕУ има укажано многу забелешки, како за работата на извршната власт, така и за судството, слободата на медиумите, потоа партизираната администрација, корупцијата итн. За жал, ниту една од овие забелешки не се зема сериозно од страна на власта и не се прави ништо. Имаме судство коешто е целосно контролирано од власта и постапува на селективен начин. Имаме докази за стотици монтирани случаи за Албанци, тука ќе го споменам Сопотскиот случај каде со години продолжува голготата на тие луѓе по затвори. Потоа ќе го споменам случајот Монструм каде што до ден денес е под сомнеж како се процесуираше овој предмет и како се изрече казната во отсуство на кредибилни докази“, изјави Ферати.
Според вицепремиерот за евроинтеграции Фатмир Бесими, ваквата насока на дебата нема да донесе ништо добро за никого, бидејќи евроинтеграциите треба да бидат една натпартиска агенда.
„Секогаш треба да настојуваме тоа што го имаме како политички концепт да го соочуваме со аргументи и факти, но во дискусијата имаше и меѓупартиски пристап и обвинувања, ние сме претставници на политичките субјекти, но, пред сé, е интерес на граѓаните каде оди земјата“, изјави Бесими.
На ова се надоврза и членот на Националниот совет за евроинтеграции од редовите на ВМРО-ДПМНЕ, Илија Димовски, според кого фокусирањето на дебатата низ етничката призма е некоректно.
„Фокусирањето на дебата низ етничка призма не е сосема коректно, бидејќи во однос на евроатланските перспективи на Македонија имаме воедначен став, и нема ниту една етничка или религиозна група, па дури и политичка партија, која не се залагала за исти цели. Форсирањето на оваа дебата не носи кон ништо добро за никого и се надевам дека не е целта да се внесе доза на деструктивност“, порача Димовски.
И според претседателот на собраниската Комисија за надворешна политика, Антонио Милошоски, вклучувањето на меѓуетничките односи во секоја тема не оди во полза на никого.
„Ние делиме слични економски и образовни услови и сметам дека е некоретно дека доколку треба да има политички натпревар меѓу ДПА и ДУИ, нека го има и нека постои, но да се вклучуваат во секоја тема меѓуетничките односи и со тоа од јавната говорница да се подгреваат страстите кои знаеме дека се чувствиелни во одредени региони или целата земја, тоа никому нема да му донесе полза“, изјави Милошоски.
Во однос на дебатата за евроинтеграциите, пак, Милошоски се осврна на економските критериуми, потенцирајќи дека економските постигнувања на земјата во последниот период и’ даваат на право да побара да биде оценета како функционална пазарна економија од страна на Европската комисија (ЕК) во следниот Извештај за напредокот.
„Македонија има право во следниот извештај на ЕК да биде оценета како функционална пазарна економија. Доколку има каков и да е сомнеж во однос на ова прашање, тогаш треба да знаеме кои работи треба дополнително да ги завршиме за да добиеме вакви одлука. Оваа оцена не е политичка и нема врска со билатералните спорови, а ниту некој во Македонија би ја политизирал и оспорил, а на сите нам ќе ни донесе многу подобро рангирање на земјата“, потенцираше тој.
Вицепремиерот за евроинтеграции Бесими потенцираше дека економските предизвици, како што се создавањето на нови работни места и повисок животен стандард и натаму остануваат приоритетни, заедно со веќе постоечките политички предизвици, нотирани од Комисијата.
„Просечниот пораст на БДП-то за првата половина од 2014 година изнесувал 3,9 проценти, и сите предвидувања од страна на Европската комисија (ЕК) укажуваат дека Македонија е во економски раст повисок од земјите во регионот како и во самата ЕУ. Овие трендови и економски параметри укажуваат на позитивни трендови а она што за нас останува предизвик е создавањето на нови работни места и повисок животен стандард. Понатаму ние целосно ќе се ангажираме на сите приоритети кои се споменуваат на извештајот на ЕК а што се битни за Македонија, односно политичкиот дијалог, судството, слободата на медиумите, меѓуетничките односи и добрососедските односи“, смета Бесими.
Според претставникот на Стопанската комора на Македонија, Антони Пешев, економските критериуми во последно време стануваат и едни од клучните услови кои ЕУ им ги поставува на земјите кандидати, што значи дека Македонија ќе мора да се запраша дали е подготвена да одговори на истите.
„Покрај политичките критериуми кои досега ги имавме поставено и за кои се согласуваме дека треба да се работи на нив, односно политичкиот дијалог, судството и независноста на судството, од скоро време слушаме дека од ЕУ ќе се бараат и високи економски стандарди за државите кои треба да влезат во Унијата, со специфични теми, како што се намалувањето на буџетски дефицит, отвореноста на пазарот на работна сила, високи перформанси во економскиот раст и транспаретност во функционирањето на економскиот систем. Така што прашањето е дали Македонија влегува во друга фаза на евроинтеграциите каде таргетот се одалечува, бидејќи покрај политичките параметри сега се поставуваат и многу високи економски стандарди, а овие податоци се верификувани и од меѓународните финансиски институции. Македонија е на 4 проценти од економски раст но се бараат 22 проценти економски раст, а повеќе од 60 проценти од државите во ЕУ имаат економски раст помал од нула, тогаш кои се параметрите за кои реално говориме“, подвлече Пешев./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Средба на претседателите на Собранијата на Македонија и Украина, Митрески и Стефанчук
Претседателот на Собранието на Република Северна Македонија, Јован Митрески, во рамките на посетата на Киев по повод втората годишнина од почетокот на руската воена агресија врз Украина, оствари средба со претседателот на Врховната рада на Украина, Руслан Стефанчук.
Претседателот Митрески изрази благодарност за поканата и нагласи дека посетата претставува потврда на цврстата и непоколеблива поддршка на Република Северна Македонија за Украина, на сите полиња. Тој нагласи дека уште од самиот почеток силно ја осудуваме руската агресија против Украина, континуирано ја потврдуваме нашата поддршка за украинскиот територијален интегритет, суверенитет и целовитост и изразуваме целосна поддршка на правото на самоодбрана на земјата.
Претседателот на Собранието истакна дека Северна Македонија целосно се приклучи на сите рестриктивни мерки и санкции на ЕУ кон Руската Федерација, ко-спонзорираше бројни резолуции и иницијативи во однос на Украина, а упати и воена и хуманитарна помош за земјата.
Македонија
Средба Османи – Кулеба во ОН Њујорк: Европската Унија е наша заедничка иднина
Министерот за надворешни работи, Бујар Османи, на 23 февруари 2024 година, оствари средба со министерот за надворешни работи на Украина, Дмитро Кулеба, во седиштето на Обединетите нации во Њујорк, на маргините на 56. пленарен состанок на 78. седница на Генералното Собрание.
Средбата се одржа со цел да се даде поддршка на Украина на денот на одбележувањето на две-годишнината од почетокот на руската агресија во Украина, при што Османи потенцира дека е многу важно да продолжи поддршката на Украина, бидејќи ако Русија победи во Украина, тогаш ние сме следните.
Министерот Османи, на средбата, истакна дека денес Руската Федерација е најголемата закана за безбедноста на Европа, на Западен Балкан, но и на Република Северна Македонија.
“Важно е да имаме стратешка предвидливост во нашата држава, со цел конечно да кажеме “Не” за Русија и “Да” за интегративните европски процеси на Западниот Балкан и на Република Северна Македонија”, рече Османи.
Додека, Министерот Кулеба, истакнувајќи го фактот дека Северна Македонија цврсто застана зад Украина во текот на двете години агресија, упати благодарност до граѓаните на Северна Македонија, како и благодарност до Министерот Османи за неговото лидерство и поддршка.
“Нашата иднина е заедничка, таа иднина е Европската Унија, која воедно претставува и иднина за мир и просперитет, рече Кулеба.
Двајцата Министри имаа свои обраќња пред Генералното собрание на Обединетите нации, каде упатија јасни пораки против рускат агресија врз Украина.
Македонија
(Видео) Oсмани од ОН во Њујорк: Мораме да и кажеме не на Русија
Министерот за надворешни работи, Бујар Османи, денес се обрати од седиштето на Обединетите нации во Њујорк, на 56. пленарен состанок на 78-та седница на Генералното собрание, по повод две години од инвазијата на Русија врз Украина, кој се одржа на тема: Ситуацијата во привремено окупираните територии на Украина.
Османи, уште еднаш, ја повика Русија да ја прекине оваа бесмислена војна и да ги повлече своите трупи од суверената територија на Украина.
„Русија ги прекрши основните принципи на меѓународното право и започна целосна агресивна војна против Украина, земја членка на ОН’’, истакна Османи.
Воедно, министерот потенцираше дека Северна Македонија е исто така силно загрижена и ја осудува незаконската депортација на децата од Украина во Русија и Белорусија од страна на Руската федерација и ги повика да обезбедат нивно безбедно враќање дома.
„Мораме да и кажеме не на Русија! Правдата и одговорноста мора да надвладеат”, рече Османи, воедно додаде дека Северна Македонија им се придружи на другите 140 земји-членки за поддршка на суверенитетот и територијалниот интегритет на Украина во нејзините меѓународно признати граници од 1991 година.
Османи повика на обединетост во поддршката за Украина, не само за доброто на жртвите и нивните семејства, туку и како предуслови за избегнување на понатамошни агресии и неиспровоцирана употреба на сила во меѓународните односи.