Надворешна политика
Подобра соработка меѓу Владата и невладиниот сектор – еден од приоритети по извештајот на ЕК
Соработката помеѓу Владата и граѓанскиот сектор е од огромно значење за евроинтеграциите на Македонија, а на дискусијата со претставниците од невладините организации вицепремиерот за евроинтеграции Фатмир Бесими истакна дека важно е да се покаже проактивност во поглед на сето она што е посочено од страна на Европската комисија (ЕК) во својот последен извештај.
Според Андреја Стојковски од Македонскиот центар за европско образование (МЦЕО), во извештајот е нотирано дека граѓанскиот сектор во земјата започнал со меѓусебна организација и она што е потребно сега е да има соодветна реакција од страна на Владата за да се подобри меѓусебната комуникација, нешто што во моментов изостанува.
Конкретните забелешки од извештајот, според Стојковски можат да се решат само преку покажување на конкретна политичка волја, а прашањето да дали ова мислење го делат и надлежните.
„Што се однесува до извештајот, ова е најлошиот извештај досега, во коментарите вообичаено стојат негативни работи, во забелешките има и позитивни работи, не можеме да очекуваме дека НПАА (Националната програма за усвојување на правото на Европската унија) за 2015 година ќе ги поправи работите. Комисијата во извештајот кажува дека имаме законодавство но дека немаме имплементација на законодавството, а згора на тоа имаме и политичка волја која не води во сосема спротивна насока. Има ли политичка волја да се променат работите, ова не зависи само од вас туку и од волјата и ангажманот на граѓанското општество. Жалам поради тоа што препораката е дадена, бидејќи таквата препорака е препорака за безизлез“, смета Стојковски.
Според Бесими, по самото објавување на извештајот, надлежните институции веќе се насочени кон решавањето на сите посочени проблеми.
„Да го цитирам Хенри Форд, „да бидете заедно е почеток, да останете заедно е прогрес, а да работите заедно е успех“. Ние првата фаза веќе ја надминавме уште минатата година, по една година сме заедно и тоа е прогрес, меѓутоа нас ни недостига успехот во нашата соработка, во однос на владиниот и невладиниот сектор“, изјави Бесими.
„Граѓанските организации се различни меѓутоа и пристапот кон граѓанскиот сектор треба да биде поинаков, односно тие да се поддржува во своите капацитети“, порача пак Љуљзим Хазири од Асоцијацијата за демократски иницијативи (АДИ).
Бесими согласен дека комуникацијата со граѓанскиот сектор треба да биде посистемски организирана, што ќе придонесе за поголем успех при вршењето на истата.
„Соработката со граѓанскиот сектор има потреба за посистемски пристап, тоа е важно за успехот во комуникацијата, како во извештајот на ЕК, така и во политиките на владата. Секако дека за еден системски пристап во комуникацијата меѓу владините институции и невладиниот сектор е важен, ова важеше и минатата година за извештајот за ИПА 2 фондовите, ланскиот пристап имаше успех“, вели Бесими.
Новитет во владината стратегија за соработката со граѓанскиот сектор е и воспоставувањето на Советот за соработка со граѓанското општество, кој според предвиденото би требало да започне да функционира на почетокот на идната година.
„Втората владина стратегија за соработка со граѓанскиот сектор е воспоставување на Совет за соработка со граѓанското општество, којшто ќе биде составен од претставници на државните органи и на невладините организации. Веќе се работи на подготвување на одлуката за воспоставување на овој Совет, а се очекува одлуката до крајот на декември да биде усвоена од Влада, а потоа Советот ќе започне со оперативност на почетокот на 2015 година“, изјави Александра Вуковиќ од СЕП./крај/мф/бс
Извор: Текст/Макфакс Фото/МИА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Средба на претседателите на Собранијата на Македонија и Украина, Митрески и Стефанчук
Претседателот на Собранието на Република Северна Македонија, Јован Митрески, во рамките на посетата на Киев по повод втората годишнина од почетокот на руската воена агресија врз Украина, оствари средба со претседателот на Врховната рада на Украина, Руслан Стефанчук.
Претседателот Митрески изрази благодарност за поканата и нагласи дека посетата претставува потврда на цврстата и непоколеблива поддршка на Република Северна Македонија за Украина, на сите полиња. Тој нагласи дека уште од самиот почеток силно ја осудуваме руската агресија против Украина, континуирано ја потврдуваме нашата поддршка за украинскиот територијален интегритет, суверенитет и целовитост и изразуваме целосна поддршка на правото на самоодбрана на земјата.
Претседателот на Собранието истакна дека Северна Македонија целосно се приклучи на сите рестриктивни мерки и санкции на ЕУ кон Руската Федерација, ко-спонзорираше бројни резолуции и иницијативи во однос на Украина, а упати и воена и хуманитарна помош за земјата.
Македонија
Средба Османи – Кулеба во ОН Њујорк: Европската Унија е наша заедничка иднина
Министерот за надворешни работи, Бујар Османи, на 23 февруари 2024 година, оствари средба со министерот за надворешни работи на Украина, Дмитро Кулеба, во седиштето на Обединетите нации во Њујорк, на маргините на 56. пленарен состанок на 78. седница на Генералното Собрание.
Средбата се одржа со цел да се даде поддршка на Украина на денот на одбележувањето на две-годишнината од почетокот на руската агресија во Украина, при што Османи потенцира дека е многу важно да продолжи поддршката на Украина, бидејќи ако Русија победи во Украина, тогаш ние сме следните.
Министерот Османи, на средбата, истакна дека денес Руската Федерација е најголемата закана за безбедноста на Европа, на Западен Балкан, но и на Република Северна Македонија.
“Важно е да имаме стратешка предвидливост во нашата држава, со цел конечно да кажеме “Не” за Русија и “Да” за интегративните европски процеси на Западниот Балкан и на Република Северна Македонија”, рече Османи.
Додека, Министерот Кулеба, истакнувајќи го фактот дека Северна Македонија цврсто застана зад Украина во текот на двете години агресија, упати благодарност до граѓаните на Северна Македонија, како и благодарност до Министерот Османи за неговото лидерство и поддршка.
“Нашата иднина е заедничка, таа иднина е Европската Унија, која воедно претставува и иднина за мир и просперитет, рече Кулеба.
Двајцата Министри имаа свои обраќња пред Генералното собрание на Обединетите нации, каде упатија јасни пораки против рускат агресија врз Украина.
Македонија
(Видео) Oсмани од ОН во Њујорк: Мораме да и кажеме не на Русија
Министерот за надворешни работи, Бујар Османи, денес се обрати од седиштето на Обединетите нации во Њујорк, на 56. пленарен состанок на 78-та седница на Генералното собрание, по повод две години од инвазијата на Русија врз Украина, кој се одржа на тема: Ситуацијата во привремено окупираните територии на Украина.
Османи, уште еднаш, ја повика Русија да ја прекине оваа бесмислена војна и да ги повлече своите трупи од суверената територија на Украина.
„Русија ги прекрши основните принципи на меѓународното право и започна целосна агресивна војна против Украина, земја членка на ОН’’, истакна Османи.
Воедно, министерот потенцираше дека Северна Македонија е исто така силно загрижена и ја осудува незаконската депортација на децата од Украина во Русија и Белорусија од страна на Руската федерација и ги повика да обезбедат нивно безбедно враќање дома.
„Мораме да и кажеме не на Русија! Правдата и одговорноста мора да надвладеат”, рече Османи, воедно додаде дека Северна Македонија им се придружи на другите 140 земји-членки за поддршка на суверенитетот и територијалниот интегритет на Украина во нејзините меѓународно признати граници од 1991 година.
Османи повика на обединетост во поддршката за Украина, не само за доброто на жртвите и нивните семејства, туку и како предуслови за избегнување на понатамошни агресии и неиспровоцирана употреба на сила во меѓународните односи.