Надворешна политика
Попоски: Иницирањето на пристапните преговори е од интерес и за Македонија и за ЕУ
Министерот за надворешни работи Никола Попоски во понеделникот беше домаќин на традиционалниот новогодишен прием за дипломатскиот кор во Македонија, а покрај шефот на македонската дипломатија, свое обраќање имаше и доајенот на дипломатскиот кор во Македонија, амбасадорот на Русија, Олег Николаевич Шчербак.
Министерот за надворешни работи Никола Попоски во понеделникот беше домаќин на традиционалниот новогодишен прием за дипломатскиот кор во Македонија, а покрај шефот на македонската дипломатија, свое обраќање имаше и доајенот на дипломатскиот кор во Македонија, амбасадорот на Русија, Олег Николаевич Шчербак.
Министерот Попоски, при своето обраќање се осврна на најзначајните активности на полето на надворешната политика во 2015: процесот на европското и евроатлантско интегрирање, односите со државите од соседството и пошироко во светот, економската и јавната дипломатија, при што истакна дека економската дипломатија останува еден од главните приоритети на Министерството преку активности за претставување на Македонија како привлечна дестинација за странски инвеститори, но и атрактивна туристичка дестинација.
„Членството во ЕУ, и натаму, останува основен приоритет кон кој се стремиме. Европската комисија ја даде седмата по ред препорака за почеток на преговори со Унијата. Свесни дека секогаш постои простор за напредок, на внатрешен план, засилено ги спроведуваме преостанатите обврски од политичкиот договор и реформските приоритети. Сметаме дека е од взаемен интерес, Унијата на пролет да ги иницира пристапните преговори. На тој начин, кредибилитетот на политиката за проширување дополнително ќе се зајакне,“ истакна Попоски.
Тој информираше и за успешното претседавање со Централно-европската иницијатива. Воедно се осврна и на предизвиците со кои се соочија во 2015-та година земјите од Европа и пошироко, меѓу кои терористичките напади и мигрантската криза се особено значајни. Попоски истакна дека Македонија продолжува да обезбеди хуман и безбедносен третман на мигрантите но притоа е потребна поддршка од европските партнери со цел заедничко одржливо решение.
При своето обраќање доајенот на дипломатскиот кор во РМ, амбасадорот на Русија, Олег Николаевич Шчербак, во име на сите членови на дипломатскиот кор му се заблагодари на Попоски за организираниот прием , честитките за новогодишните празници, Министерството за надворешни работи и сите владини институции на сите нивоа, од општинското до централното, за сета соработка и помош при нивната работа како гости во Република Македонија. Амбасадорот Шчербак ја подвлече извонредната македонска гостопримливост и вистинска волја за соработка со странските дипломати./крај/мф/бс
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Средба на претседателите на Собранијата на Македонија и Украина, Митрески и Стефанчук
Претседателот на Собранието на Република Северна Македонија, Јован Митрески, во рамките на посетата на Киев по повод втората годишнина од почетокот на руската воена агресија врз Украина, оствари средба со претседателот на Врховната рада на Украина, Руслан Стефанчук.
Претседателот Митрески изрази благодарност за поканата и нагласи дека посетата претставува потврда на цврстата и непоколеблива поддршка на Република Северна Македонија за Украина, на сите полиња. Тој нагласи дека уште од самиот почеток силно ја осудуваме руската агресија против Украина, континуирано ја потврдуваме нашата поддршка за украинскиот територијален интегритет, суверенитет и целовитост и изразуваме целосна поддршка на правото на самоодбрана на земјата.
Претседателот на Собранието истакна дека Северна Македонија целосно се приклучи на сите рестриктивни мерки и санкции на ЕУ кон Руската Федерација, ко-спонзорираше бројни резолуции и иницијативи во однос на Украина, а упати и воена и хуманитарна помош за земјата.
Македонија
Средба Османи – Кулеба во ОН Њујорк: Европската Унија е наша заедничка иднина
Министерот за надворешни работи, Бујар Османи, на 23 февруари 2024 година, оствари средба со министерот за надворешни работи на Украина, Дмитро Кулеба, во седиштето на Обединетите нации во Њујорк, на маргините на 56. пленарен состанок на 78. седница на Генералното Собрание.
Средбата се одржа со цел да се даде поддршка на Украина на денот на одбележувањето на две-годишнината од почетокот на руската агресија во Украина, при што Османи потенцира дека е многу важно да продолжи поддршката на Украина, бидејќи ако Русија победи во Украина, тогаш ние сме следните.
Министерот Османи, на средбата, истакна дека денес Руската Федерација е најголемата закана за безбедноста на Европа, на Западен Балкан, но и на Република Северна Македонија.
“Важно е да имаме стратешка предвидливост во нашата држава, со цел конечно да кажеме “Не” за Русија и “Да” за интегративните европски процеси на Западниот Балкан и на Република Северна Македонија”, рече Османи.
Додека, Министерот Кулеба, истакнувајќи го фактот дека Северна Македонија цврсто застана зад Украина во текот на двете години агресија, упати благодарност до граѓаните на Северна Македонија, како и благодарност до Министерот Османи за неговото лидерство и поддршка.
“Нашата иднина е заедничка, таа иднина е Европската Унија, која воедно претставува и иднина за мир и просперитет, рече Кулеба.
Двајцата Министри имаа свои обраќња пред Генералното собрание на Обединетите нации, каде упатија јасни пораки против рускат агресија врз Украина.
Македонија
(Видео) Oсмани од ОН во Њујорк: Мораме да и кажеме не на Русија
Министерот за надворешни работи, Бујар Османи, денес се обрати од седиштето на Обединетите нации во Њујорк, на 56. пленарен состанок на 78-та седница на Генералното собрание, по повод две години од инвазијата на Русија врз Украина, кој се одржа на тема: Ситуацијата во привремено окупираните територии на Украина.
Османи, уште еднаш, ја повика Русија да ја прекине оваа бесмислена војна и да ги повлече своите трупи од суверената територија на Украина.
„Русија ги прекрши основните принципи на меѓународното право и започна целосна агресивна војна против Украина, земја членка на ОН’’, истакна Османи.
Воедно, министерот потенцираше дека Северна Македонија е исто така силно загрижена и ја осудува незаконската депортација на децата од Украина во Русија и Белорусија од страна на Руската федерација и ги повика да обезбедат нивно безбедно враќање дома.
„Мораме да и кажеме не на Русија! Правдата и одговорноста мора да надвладеат”, рече Османи, воедно додаде дека Северна Македонија им се придружи на другите 140 земји-членки за поддршка на суверенитетот и територијалниот интегритет на Украина во нејзините меѓународно признати граници од 1991 година.
Османи повика на обединетост во поддршката за Украина, не само за доброто на жртвите и нивните семејства, туку и како предуслови за избегнување на понатамошни агресии и неиспровоцирана употреба на сила во меѓународните односи.