Надворешна политика
Попоски: Ќе сториме сé изборите да бидат спроведени во фер и демократска атмосфера
Македонскиот министер за надворени работи и воедно вицепремиер Никола Попоски во Потсдам во чевртокот на маргините на неформалниот состанок на шефови на дипломатиите на Организацијата за безбедност и соработка во Европа (ОБСЕ) разговараше со своите соговорници за процесите на евроинтеграции по политичкиот договор за одржување на вонредните парламентарни избори на 11-ти декември.
Основната тема на состанокот беше „Соочувањето со заедничките предизвици заедно“. Учесниците дискутираа за актуелните безбедносни предизвици во регионот на ОБСЕ и за модалитетите за поефикасно справување со истите. Теми на разговор беа безбедносните ризици со кои се соочува регионот на ОБСЕ, мигрантската криза, транснационалните закани: тероризмот, насилниот екстремизам, радикализацијата итн. Во овој контекст, министерот Попоски констатираше: „Впечаток од состанокот е дека кај повеќе земји членки постои загриженост од обновување на бегалскиот бран, во размери кои би креирале безбедносни и политички тензии. На Македонија ce гледа како на проверен партнер. За нас, најважно ќе биде одлуките во следниот период да се носат во соработка со соседите и координација со нашите партнери.“
За време на состанокот, ЗПВРМ и МНР Попоски оствари повеќе средби. Со домаќинот, германскиот министер за надворешни работи Штајнмаер, како и со директорот на ОДИХР Линк беше констатирано дека договорените избори во декември се позитивен развој. „Изборите се воедно и дел од излезот од политичката криза која многу не чини во поглед на евроинтеграциите. Во разговорите со европските партнери беше разговарано да се обезбеди темелно набљудување на изборниот процес од страна на ОДИХР“, истакна Попоски.
Шефот на дипломатијата во својата изјава рече дека очекува од ОБСЕ како организација под капата на која работи (Канцеларијата за демократски институции и човекови права (ОДИХР) да обезбеди соодветен мониторинг на изборите за коишто во средата челниците на четирита најгоелми партии во земјата се согласија да се одржат на 11-ти декември.
„Со европските колеги, пред сé, разговаравме за европската агенда и за она што е значајно за нас, односно за поголема поддршка, за поголема динамика во евроинтеграциите, елиминирање на проблемот којшто досега беше генериран од политичката криза, односно спроведување на успешни избори. За ова очекуваме да ја добиеме поддршката и преку набљудување на повеќето европски организации, но во прев дека од ОДИХР која функционира во рамки на ОБСЕ и која би направила оцена за квалитетот на спроведениот изборен процес“, се вели во изјавата на Попоски.
Темата мониторинг на изборите закажани за декември се појави како проблем откако неофицијално ОДИХР најави дека постојат буџетско-финансиски проблеми за соодветен мониторинг на македонските избори доколку тие се случат оваа година, јавува дописникот на МИА од Берлин.
Попоски одби директно да ги коментира внатрешните работи на ОДИХР, но вели дека Македонија ќе направи сé што е потребно за изборите да бидат спроведени во фер и демократска атмосфера согласно законските правила и меѓународни стандарди при што ќе нема можност било која политичка сила да бара изговори за слабиот резултат во изборниот процес.
„Со нашите европски партнери разговаравме за позитивното очекување од договорените избори кои што треба да се случат во Република Македонија. Кај нив постои согласност дека изборите се единствениот и најдобриот пат за излегување од долгорочната политичка криза во Македонија која ни нанесе прилично голема штета во поглед на европските интеграции. За оваа цел работиме заедно со партнерските земји да обезбедиме поголемо присуство на ОДИХР за набљудување на овие избори како би се елиминирале сите можни изговори во овој контекст“, рече Попоски.
Предвидените средства за мониторинг на изборите во Македонија ОДИХР/ОБСЕ биле потрошени на почетокот на годинава кога пред изборите закажани за јуни, набљудувачите на ОДИХР пристигнаа и беа подготвени за изборен мониторинг./крај/мф/бс
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Средба на претседателите на Собранијата на Македонија и Украина, Митрески и Стефанчук
Претседателот на Собранието на Република Северна Македонија, Јован Митрески, во рамките на посетата на Киев по повод втората годишнина од почетокот на руската воена агресија врз Украина, оствари средба со претседателот на Врховната рада на Украина, Руслан Стефанчук.
Претседателот Митрески изрази благодарност за поканата и нагласи дека посетата претставува потврда на цврстата и непоколеблива поддршка на Република Северна Македонија за Украина, на сите полиња. Тој нагласи дека уште од самиот почеток силно ја осудуваме руската агресија против Украина, континуирано ја потврдуваме нашата поддршка за украинскиот територијален интегритет, суверенитет и целовитост и изразуваме целосна поддршка на правото на самоодбрана на земјата.
Претседателот на Собранието истакна дека Северна Македонија целосно се приклучи на сите рестриктивни мерки и санкции на ЕУ кон Руската Федерација, ко-спонзорираше бројни резолуции и иницијативи во однос на Украина, а упати и воена и хуманитарна помош за земјата.
Македонија
Средба Османи – Кулеба во ОН Њујорк: Европската Унија е наша заедничка иднина
Министерот за надворешни работи, Бујар Османи, на 23 февруари 2024 година, оствари средба со министерот за надворешни работи на Украина, Дмитро Кулеба, во седиштето на Обединетите нации во Њујорк, на маргините на 56. пленарен состанок на 78. седница на Генералното Собрание.
Средбата се одржа со цел да се даде поддршка на Украина на денот на одбележувањето на две-годишнината од почетокот на руската агресија во Украина, при што Османи потенцира дека е многу важно да продолжи поддршката на Украина, бидејќи ако Русија победи во Украина, тогаш ние сме следните.
Министерот Османи, на средбата, истакна дека денес Руската Федерација е најголемата закана за безбедноста на Европа, на Западен Балкан, но и на Република Северна Македонија.
“Важно е да имаме стратешка предвидливост во нашата држава, со цел конечно да кажеме “Не” за Русија и “Да” за интегративните европски процеси на Западниот Балкан и на Република Северна Македонија”, рече Османи.
Додека, Министерот Кулеба, истакнувајќи го фактот дека Северна Македонија цврсто застана зад Украина во текот на двете години агресија, упати благодарност до граѓаните на Северна Македонија, како и благодарност до Министерот Османи за неговото лидерство и поддршка.
“Нашата иднина е заедничка, таа иднина е Европската Унија, која воедно претставува и иднина за мир и просперитет, рече Кулеба.
Двајцата Министри имаа свои обраќња пред Генералното собрание на Обединетите нации, каде упатија јасни пораки против рускат агресија врз Украина.
Македонија
(Видео) Oсмани од ОН во Њујорк: Мораме да и кажеме не на Русија
Министерот за надворешни работи, Бујар Османи, денес се обрати од седиштето на Обединетите нации во Њујорк, на 56. пленарен состанок на 78-та седница на Генералното собрание, по повод две години од инвазијата на Русија врз Украина, кој се одржа на тема: Ситуацијата во привремено окупираните територии на Украина.
Османи, уште еднаш, ја повика Русија да ја прекине оваа бесмислена војна и да ги повлече своите трупи од суверената територија на Украина.
„Русија ги прекрши основните принципи на меѓународното право и започна целосна агресивна војна против Украина, земја членка на ОН’’, истакна Османи.
Воедно, министерот потенцираше дека Северна Македонија е исто така силно загрижена и ја осудува незаконската депортација на децата од Украина во Русија и Белорусија од страна на Руската федерација и ги повика да обезбедат нивно безбедно враќање дома.
„Мораме да и кажеме не на Русија! Правдата и одговорноста мора да надвладеат”, рече Османи, воедно додаде дека Северна Македонија им се придружи на другите 140 земји-членки за поддршка на суверенитетот и територијалниот интегритет на Украина во нејзините меѓународно признати граници од 1991 година.
Османи повика на обединетост во поддршката за Украина, не само за доброто на жртвите и нивните семејства, туку и како предуслови за избегнување на понатамошни агресии и неиспровоцирана употреба на сила во меѓународните односи.