Надворешна политика
Попоски: Македонија не смее да биде оставена сама на себе при решавањето на бегалската криза
Македонија не смее да биде оставена сама на себе во решавањето на бегалската криза, а охрабрувачки е фактот што од страна на ЕУ постои усогласеност за распределбата на товарот при распределбата на мигрантите, порача во средата шефот на македонската дипломатија, Никола Попоски по средбата со својот босански колега Игор Црнадак во Скопје.
Попоски потенцираше дека Македонија се наоѓа во специфична состојба и сака да биде дел од решението, што според него е дејствување на изворот на кризата, а не затворање на границите, нешто што стана практика кај некои европски земји.
„Во досегашниот тек на кризата се чини дека приоритет беше префрлањето на топката од една до друга граница и секој се трудеше да нема застој во неговото двориште, сценарио во кое некои од европските земји на север од Србија би затвориле граници, со што се уште би опстоил протокот на мигранти а со ова за многу кратко време би имале сериозен број на мигранти на територијата на Македонија. Ние сме во специфична ситуација, од територијата на земја членка на ЕУ мигрантите сакаат да стигнат повторно на територија на ЕУ, а ние сме транзит земја која е кандидат за членство во ЕУ, сакаме да бидеме дел од решението но би било сериозен пропуст доколку бидеме оставени само да го сносиме товарот од кризата, која ниту ја причинивме ниту можеме сами да ја разрешиме. Единствено решение е за дејствување на изворот на кризата, и некои од пораките кои беа упатени водат кон таа насока, постои свест кај Европа дека доколку не се дејствува на изворот, ова не е проблем кој било кој од нас може да го реши индивидуално“, изјави Попоски.
Според босанскиот министер Црнадак, во однос на тоа дали постојат индикации околу пристигнувањето на голем број на бегалци и во Босна и Херцеговина (БиХ), тој вели дека засега не се најавува вако нешто.
„Засега немаме индикации дека може да се очекува голем прилив на бегалци во БиХ, но нашите институции ги разгледуваат можностите да дојде до одреден прилив од две рути, едната е од Србија, а другата е преку Албанија и Македонија. Затворањето на границите за нас не е решение на проблемот туку е нешто што го отежнува решението на проблемот и тоа ќе биде последната работа што би ја направила БиХ, освен во случај на некој хипотетички прилив од над стотина илјади бегалци, нешто со што нашите институции не би можеле да се справат“, потенцираше Црнадак.
Босанскиот министер исто така додаде дека во БиХ нема сознанија дека постои ризик од пораст на ризикот од тероризам и радикализам преку мигрантската криза, но дека институциите во земјата се внимателни и сериозно го сфаќаме ова прашање, пред се поради големиот број на босански државјани кои се борат во странските војни./крај/мф/бс
Извор: Фото/МИА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Средба на претседателите на Собранијата на Македонија и Украина, Митрески и Стефанчук
Претседателот на Собранието на Република Северна Македонија, Јован Митрески, во рамките на посетата на Киев по повод втората годишнина од почетокот на руската воена агресија врз Украина, оствари средба со претседателот на Врховната рада на Украина, Руслан Стефанчук.
Претседателот Митрески изрази благодарност за поканата и нагласи дека посетата претставува потврда на цврстата и непоколеблива поддршка на Република Северна Македонија за Украина, на сите полиња. Тој нагласи дека уште од самиот почеток силно ја осудуваме руската агресија против Украина, континуирано ја потврдуваме нашата поддршка за украинскиот територијален интегритет, суверенитет и целовитост и изразуваме целосна поддршка на правото на самоодбрана на земјата.
Претседателот на Собранието истакна дека Северна Македонија целосно се приклучи на сите рестриктивни мерки и санкции на ЕУ кон Руската Федерација, ко-спонзорираше бројни резолуции и иницијативи во однос на Украина, а упати и воена и хуманитарна помош за земјата.
Македонија
Средба Османи – Кулеба во ОН Њујорк: Европската Унија е наша заедничка иднина
Министерот за надворешни работи, Бујар Османи, на 23 февруари 2024 година, оствари средба со министерот за надворешни работи на Украина, Дмитро Кулеба, во седиштето на Обединетите нации во Њујорк, на маргините на 56. пленарен состанок на 78. седница на Генералното Собрание.
Средбата се одржа со цел да се даде поддршка на Украина на денот на одбележувањето на две-годишнината од почетокот на руската агресија во Украина, при што Османи потенцира дека е многу важно да продолжи поддршката на Украина, бидејќи ако Русија победи во Украина, тогаш ние сме следните.
Министерот Османи, на средбата, истакна дека денес Руската Федерација е најголемата закана за безбедноста на Европа, на Западен Балкан, но и на Република Северна Македонија.
“Важно е да имаме стратешка предвидливост во нашата држава, со цел конечно да кажеме “Не” за Русија и “Да” за интегративните европски процеси на Западниот Балкан и на Република Северна Македонија”, рече Османи.
Додека, Министерот Кулеба, истакнувајќи го фактот дека Северна Македонија цврсто застана зад Украина во текот на двете години агресија, упати благодарност до граѓаните на Северна Македонија, како и благодарност до Министерот Османи за неговото лидерство и поддршка.
“Нашата иднина е заедничка, таа иднина е Европската Унија, која воедно претставува и иднина за мир и просперитет, рече Кулеба.
Двајцата Министри имаа свои обраќња пред Генералното собрание на Обединетите нации, каде упатија јасни пораки против рускат агресија врз Украина.
Македонија
(Видео) Oсмани од ОН во Њујорк: Мораме да и кажеме не на Русија
Министерот за надворешни работи, Бујар Османи, денес се обрати од седиштето на Обединетите нации во Њујорк, на 56. пленарен состанок на 78-та седница на Генералното собрание, по повод две години од инвазијата на Русија врз Украина, кој се одржа на тема: Ситуацијата во привремено окупираните територии на Украина.
Османи, уште еднаш, ја повика Русија да ја прекине оваа бесмислена војна и да ги повлече своите трупи од суверената територија на Украина.
„Русија ги прекрши основните принципи на меѓународното право и започна целосна агресивна војна против Украина, земја членка на ОН’’, истакна Османи.
Воедно, министерот потенцираше дека Северна Македонија е исто така силно загрижена и ја осудува незаконската депортација на децата од Украина во Русија и Белорусија од страна на Руската федерација и ги повика да обезбедат нивно безбедно враќање дома.
„Мораме да и кажеме не на Русија! Правдата и одговорноста мора да надвладеат”, рече Османи, воедно додаде дека Северна Македонија им се придружи на другите 140 земји-членки за поддршка на суверенитетот и територијалниот интегритет на Украина во нејзините меѓународно признати граници од 1991 година.
Османи повика на обединетост во поддршката за Украина, не само за доброто на жртвите и нивните семејства, туку и како предуслови за избегнување на понатамошни агресии и неиспровоцирана употреба на сила во меѓународните односи.