Надворешна политика
Рот: Кризата треба да се реши веднаш, во прашање е иднината на земјата
Вратата на Европската унија (ЕУ) е отворена за Македонија, а доколку земјата ја исполни реформската агенда, тогаш и Унијата ќе го оствари ветенето, порача во вторникот германскиот државен секретар задолжен за Европа, Михаел Рот на дебатата со студентите на Правниот факултет „Јустинијан Први“.
Вратата на Европската унија (ЕУ) е отворена за Македонија, а доколку земјата ја исполни реформската агенда, тогаш и Унијата ќе го оствари ветенето, порача во вторникот германскиот државен секретар задолжен за Европа, Михаел Рот на дебатата со студентите на Правниот факултет „Јустинијан Први“.
Според Рот, досега премалку е направено во поглед на имплементацијата на Договорот од Пржино, а одговорноста околу спроведувањето на истиот лежи кај сите страни. Кризата којашто се случува во Македонија го забави напредокот на земјата, а негативниот тренд во демократското владеење е забележлив веќе подолго време, нагласи германскиот политичар.
„На Македонија и е потребна ЕУ и на ЕУ и е потребна Македонија, особено во овој период. Соработуваме во поглед на бегалската криза, но ова не значи дека нема да има и некакви политички отстапки од страна на ЕУ. Политичката криза во вашата земја треба да се реши веднаш, нашите очекувања се јасни поради тоа што на маса имаме политички договор. Има уште малку време за да се имплементираат мерките кои се потребни за да се одржат фер и демократски избори во април. Кризата веќе го забави прогресот во вашата земја, негативниот тренд во демократското владеење е забележлив веќе подолго време. Во 2014-та година ЕК ги изрази загрижувањата поради назадувањето во слободата на медиумите и независноста на судството. Во 2015-та, пак, ЕК повторно предупреди дека земјата назадува во областите на владеењето на правото и слободата на медиумите, а овие прашања не беа адресирани од страна на владата. Потребно е политичките лидери конечно да сфатат дека иднината на земјата е во прашање, и тие мора да се придржуваат до договореното, во спротивно, пак, има ризик изборите да не се одржат со потребните и јасни европски стандарди“, порача Рот.
Државниот секретар при германското министерството за надворешни работи, исто така, нагласи дека покрај политичките партии, своја улога во решавањето на кризата во земјата треба да игра пред се и граѓанското општество.
„Се надевавме дека кризата ќе заврши со Договорот од Пржино, кој предвидуваше низа структурни реформи, но имплементацијата на договорот и реформите не се на она ниво што треба. Многу можности и рокови беа пропуштени, работата на Специјалното јавно обвинителство е попречувана неколкупати, реформите во медиумите не ни започнаа, а чистењето на избирачкиот список требаше да започне уште пред неколку месеци. Парламентарната анкетна комисија не функционира како што треба, парламентарните тела кои требаше да работат на контролата на работата на службата за разузнавање и скандалот со прислушувањето не започнаа со важната работа која треба да ја завршат. Патот кон членството во ЕУ е долг и исцрпувачки, и разбираме дека се чуствувате фрустрирани и нетпреливи, и тоа е ваше право, но имате и обврска да бидете дел од овој процес. Зборуваме за промени кои бараат многу од владата, но и од граѓаните. Да се стане член на ЕУ е проект за целото општество, ни треба силно граѓанско општество за овој процес да биде успешен“, објасни Рот.
Во однос на одржувањето на изборите, Рот порача дека кога се разговара на оваа тема, мора да се потенцира дека клучните зборови се „фер и слободни избори“.
„Македонија е во тешка ситуација поради тоа што ова не е општествена или економска криза, туку се работи за политичка криза на доверба. Македонија загуби многу кредибилитет во Европа, но и дома. Останува на политичките власти да ги исполнат сите детали од Договорот од Пржино. Спроед мене има две клучни работи кои владата не ги исполни, првата е избирачкиот список а втората е состојбата во медиумите. Сега е потребно да се сработи домашната задача, на 20-ти февруари очекуваме фер и отворена проценка околу тоа дали изборите може да се одржат во април. Не разговараме само за избори, туку за фер и слободни избори“, рече тој.
Германскиот политичар се осврна и на спорот за името кој Македонија го има со Грција, нагласувајќи дека доколку двете страни се подготвени на компромис, тогаш можно е да се најде решение за овој проблем.
„Не гледам дека проблемот со името во моментот е најсилниот проблем, но одредени чекори кон изнаоѓање на решение скоро беа преземени и од Македонија и од Грција. Градењето на мерки за доверба може да биде добар прв чекор кон изнаоѓање на решение, кое сите го чекаме веќе предолго. Можно да е се изнајде име кое што ќе биде прифатливо и за двете земји. Доколку овие напори се успешни, тогаш сигурни сме дека ќе има и напредок во поглед на одлуката на Европскиот совет за почеток на преговори. Ние ќе продолжиме да ги поддржуваме европските аспирации на сите земји од западен Балкан, се додека критериумите за членство се постигнати. Бегалската криза покажа дека потребно е сите да работиме заедно, и Македонија покажа дека е подготвена да ја преземе улога со која ќе го адресира овој проблем“, рече Рот.
Иако Македонија е само една мала земја, ставот на Германија и ЕУ е дека тие се тука за неа и постојано мислат на тоа како да и дадат една подобра поддршка, заклучи Рот, додавајќи дека оваа поддршка не е само фокусирана на владите и партиите, туку и на граѓанското општество и младите генерации/крај/мф/бс
Извор: Фото/МИА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Средба на претседателите на Собранијата на Македонија и Украина, Митрески и Стефанчук
Претседателот на Собранието на Република Северна Македонија, Јован Митрески, во рамките на посетата на Киев по повод втората годишнина од почетокот на руската воена агресија врз Украина, оствари средба со претседателот на Врховната рада на Украина, Руслан Стефанчук.
Претседателот Митрески изрази благодарност за поканата и нагласи дека посетата претставува потврда на цврстата и непоколеблива поддршка на Република Северна Македонија за Украина, на сите полиња. Тој нагласи дека уште од самиот почеток силно ја осудуваме руската агресија против Украина, континуирано ја потврдуваме нашата поддршка за украинскиот територијален интегритет, суверенитет и целовитост и изразуваме целосна поддршка на правото на самоодбрана на земјата.
Претседателот на Собранието истакна дека Северна Македонија целосно се приклучи на сите рестриктивни мерки и санкции на ЕУ кон Руската Федерација, ко-спонзорираше бројни резолуции и иницијативи во однос на Украина, а упати и воена и хуманитарна помош за земјата.
Македонија
Средба Османи – Кулеба во ОН Њујорк: Европската Унија е наша заедничка иднина
Министерот за надворешни работи, Бујар Османи, на 23 февруари 2024 година, оствари средба со министерот за надворешни работи на Украина, Дмитро Кулеба, во седиштето на Обединетите нации во Њујорк, на маргините на 56. пленарен состанок на 78. седница на Генералното Собрание.
Средбата се одржа со цел да се даде поддршка на Украина на денот на одбележувањето на две-годишнината од почетокот на руската агресија во Украина, при што Османи потенцира дека е многу важно да продолжи поддршката на Украина, бидејќи ако Русија победи во Украина, тогаш ние сме следните.
Министерот Османи, на средбата, истакна дека денес Руската Федерација е најголемата закана за безбедноста на Европа, на Западен Балкан, но и на Република Северна Македонија.
“Важно е да имаме стратешка предвидливост во нашата држава, со цел конечно да кажеме “Не” за Русија и “Да” за интегративните европски процеси на Западниот Балкан и на Република Северна Македонија”, рече Османи.
Додека, Министерот Кулеба, истакнувајќи го фактот дека Северна Македонија цврсто застана зад Украина во текот на двете години агресија, упати благодарност до граѓаните на Северна Македонија, како и благодарност до Министерот Османи за неговото лидерство и поддршка.
“Нашата иднина е заедничка, таа иднина е Европската Унија, која воедно претставува и иднина за мир и просперитет, рече Кулеба.
Двајцата Министри имаа свои обраќња пред Генералното собрание на Обединетите нации, каде упатија јасни пораки против рускат агресија врз Украина.
Македонија
(Видео) Oсмани од ОН во Њујорк: Мораме да и кажеме не на Русија
Министерот за надворешни работи, Бујар Османи, денес се обрати од седиштето на Обединетите нации во Њујорк, на 56. пленарен состанок на 78-та седница на Генералното собрание, по повод две години од инвазијата на Русија врз Украина, кој се одржа на тема: Ситуацијата во привремено окупираните територии на Украина.
Османи, уште еднаш, ја повика Русија да ја прекине оваа бесмислена војна и да ги повлече своите трупи од суверената територија на Украина.
„Русија ги прекрши основните принципи на меѓународното право и започна целосна агресивна војна против Украина, земја членка на ОН’’, истакна Османи.
Воедно, министерот потенцираше дека Северна Македонија е исто така силно загрижена и ја осудува незаконската депортација на децата од Украина во Русија и Белорусија од страна на Руската федерација и ги повика да обезбедат нивно безбедно враќање дома.
„Мораме да и кажеме не на Русија! Правдата и одговорноста мора да надвладеат”, рече Османи, воедно додаде дека Северна Македонија им се придружи на другите 140 земји-членки за поддршка на суверенитетот и територијалниот интегритет на Украина во нејзините меѓународно признати граници од 1991 година.
Османи повика на обединетост во поддршката за Украина, не само за доброто на жртвите и нивните семејства, туку и како предуслови за избегнување на понатамошни агресии и неиспровоцирана употреба на сила во меѓународните односи.